رواية مشاعر مبعثره الفصل السادس عشر 16 بقلم دودي

ايام دازت وانا كنختلس كل دقيقة باش نكون مع رضوان.. كنبغيه اكتر واكتر.. وكنشتاق ليه.. وحتى هو.. واحد النهار فقت الصباح .. وتروع عليا خاطري.. تقييت.. ودرت الشك فراسي.. وبديت كنحاول نفهم.. انا مستحيل نكون حاملة.. غا مرة وحدة اللي كنت فيها مع رضوان.. وزايدون انا مجاتنييش الريكلا من نهار ولدت.. حيت كنرضع ولدي.. لا لا .. مستحيل يوقع الحمل.. مستحيل.. بقيت كنحاول نقنع راسي.. وحاولت ندوز نهاري عادي.. ولكن لاحظ عليا رضوان اني ماشي هي هاديك..

رضوان: مالك ليوما..

اسماء: والو..

رضوان: انا كنعرفك مزيان.. بلا متخبي عليا..

اسماء: رضوان.. انا خايفة نكون حاملة...

رضوان: كيفاااش.. باش عرفيتيها..

اسماء: غير شك.. ماشي متأكدة...

رضوان: نوضي.. خلينا نمشيو نتأكدو..

اسماء: مبغيتش نعيقو.،

رضوان: نوضي نوضي دغيا معندناش وقت..

جرني من يدي وركبني فالطوموبيل.. ومشيت داني للطبيب .. هضرت معاه وعاودت ليه بأني عاد سبع شهور هادي باش ولدت.. وباللي مجاتنيش ريكلا..تكيت باش ندير ايكوغرافي.. وانا خايفة وكنفكر الى صدقت حاملة اش غاندير.. كيفاش غانتصرف.. خايفة من الفضيحة.. كنشوف فرضوان وهو كيستنى يعرف بفارغ الصبر.. مع حطلي الطبيب الايكو على كرشي وهي تبان نقيطة صغيرة فالشاشة.. كان داكشي صغير بزاف وكيتحرك ..

الطبيب: مبروك الالة الحمل كاين..

عينيا مشاو ديريكت لعند رضوان اللي بانلي توسعو عينيه وضحك..

الطبيب: ولكن الحمل باينلي مقلع شوية من بلاصتو.. خاصك الراحة الالة.. وغايكون مزيان انشاء الله..

نضت بعدما كمل الطبيب شفت فرضوان اللي كان فرحان بزاف..

رضوان: كنحماق عليك..اخيرا غانولي اب..

اسماء: واش نتا فرحان؟؟؟انا خايفة بزاف..

رضوان: مناش خايفة احبيبة..

اسماء: من الفضيحة ارضوان.. واش نسيتي.. هند،، ماماك،، عائلتي.. كيفاش غانقوليهم باللي انا حاملة..

رضوان: مكيهمنيش... اللي بغا ينطح راسو مع الحيط ينطحو..

اسماء: لااا.. تهدن.. وغانجيبهالهم بشوية ..

رضوان: قوليلي.. تشهيتي شي حاجة؟؟ نجيبليك شي حاجة؟؟

اسماء: انا فين ونتا فين؟؟ ارضوان راه هادي فضيحة... مكنتش مستعدة ليها..

كاع هاد الحوار دار بشوية بيني وبين رضوان.. مشينا جلسنا مع الطبيب..

الطبيب: غانكتبليك شي دوايات ضروري تستعمليهم.. باش الحمل ديالك يثبت.. ومتهزيش الثقل.. قلتيلي عندك وليد متهزيهش حتى هو.. وحاولي ما امكن تنعسي على ظهرك ومتحركيش بزاف.. الطللوع والهبوط فالدروج بزاف ممنوع.. والطالون ممنوع..

رضوان: كون مهني ادكتور.. انا غادي نجيب ليها كلشي حتى لعندها.. غير تآمر واي حاجة غاتحضر..

اسماء: دكتور مفهمتش كيفاش وقع الحمل .. ياك مكتجينيش الريكلا..

رضوان: مكتجيكش لي غيكل مكيعنيش هادشي انه الرحم ديالك مكيقومش بالوظائف ديالو.. والحمل وارد جدا.. عليها كان خاصك تديري احتياط مباشرة بعد الولادة لو انك ماباغاش تحملي..

رضوان: لا لا باغين الاولاد.. اسماء..

نضت ومشينا انا ورضوان. بدا يصوك الطوموبيل وانا سرحت.. حتى لقيت يدو شابكة يدي ومزيرة عليها بقوة..

رضوان: انا فرحان.. وغاتكمل فرحتي الى شفتك فرحانة حتى نتي.،

اسماء: اش غانقولو ليهم..

رضوان: خليها عليا انا.. غانتصرف.. تيقي بيا..

حركت راسي ليه.. بأني تايقة فيه.. ومشينا للدار.. دخلنا وانا حانية راسي.. ورضوان مابغاش يطلق من يدي..دخلنا وهند اول شيء جات عينها فيه هي يدنا اللي مشابكين.. تصدمات..

هند: اشنو واقع..

اسماء: انا غانمشي نشوف ولدي..

مشيت للبيت دغيا وبقيت كنتصنت وقلبي كيضرب بالجهد.. مكنتش ابدا باغا نطيح فهاد الموقف..

رضوان: جلسي اهند.. انا باغي نهضر معاك.،

هند: اش غاتقول.. اش كدير معاها..

رضوان: تهدني.. واش باغا تسمعي ولا غير تغوتي..

هند: هانا اسيدي كنسمعك.. شنو باغي تقول.. المفروض نزغرت وانا كنشوف راجلي مع وحدة بحالها وشاد فيدها..

الام: شنو كاين اولدي .. هضر.. متخليش مرتك هكا.. علاش شديتي فيد اسماء..

رضوان: ( تنفس بعمق) اسماء حاملة مني.. وحنا غانتزوجو.. ولدي غايتزاد على يدي..

هند: شنووو.. ( بدات تغوت) فوقاش هادشي.. درت فيها التيقة وهي غدرات بيا.. بنت الزنقة..

رضوان: سكتي متقوليش عليها هكاك.. وزايدون انا من حقي نتزوج حتى ربعة الى بغيت.. مغاديش تمنعيني..

هند: تزوج حتى عشرين الى بغيتي.. ولكن هاديك لا.. واش تيقتي باللي داك الشي اللي فكرشها منك نتا؟؟ اللي تغدر براجلها وتربتو مازال منشفات تقدر تديرها مع اي واحد اخور..

رضوان: سكتي.،

هند: مغانسكتش.. شحال سكتت.. شحال..

ضربها رضوان بطرشة..

هند: كتضربني على قبلها.. انا غادي نثبتليك شكون هي.. ديك الساعة غاتندم عليا.. حيت مغاتلقاش شي وحدة فالدنيا حافظات عليك وصانت شرفك بحالي،.

الفصل السابع عشر من هنا

لمتابعة باقي الرواية زوروا قناتنا على التليجرام من هنا

روايات شيقه