رواية مشاعر مبعثره الفصل السابع عشر 17 بقلم دودي
بقيت خايفة.. وشادة فمي حتى سمعت الدقان فالباب.. دخلات حماتي.. وجدت راسي انها تأنبني..
حماتي: علاش درتي هادشي.؟
اسماء: ( حنيت راسي) غلطت..ماشي لخاطري..
حماتي: انا طلبتك تتزوجيه من الاول.. نتي رفضتي.. كوكنتي تزوجتيه حلالك كاع منطبحو فهاد المشاكل..
اسماء:عارفة راسي غلطت.. ولكن هادشي مغايغيرش الواقع..
حماتي: على العموم تهلاي فصحتك.. واخا مكنتش حابة نعيشو هاد الظروف.. ولكن.. انا فرحانة بزاف حيت واخيرا ولدي رضوان غايكون عندو الاولاد.. عرفتي شحال تسنينا هاد اللحظة.. ولكن مفرحناش بيها.كتاب نعيشوها على يدك..
اسماء: مبغيتش عائلتي يسيقو الاخبار.. بغيت نتزوجو دغيا انا ورضوان.. مابغيتش الفضايح..
حماتي: يكون خير..
داز داك النهار.. وانا كنسمع هند غير كتهرس فالحوايج.. وكتغوت.. بقات فيا.. وحسيت بالذنب اتجاهها.. سمعت الدقان فالباب.. حلبت لقبت رضوان.،
رضوان: جيت نشوف واش خاصك شي حاجة..
اسماء: هند مازال كتغوت.،
رضوان:خليك منها.،دابا ترضى بالامر الواقع..
اسماء: نتمنا يساليو المشاكل..
رضوان: واش خاصك شي حاجة؟؟ انا غانمشي نكمل الخدمة.،
اسماء: لا مخاصني والو.. غير تهلالي فراسك.. كنبغيك..
رضوان: حتى انا كنبغيك.. تهلايلي فولدنا.. وفراسك.. ومتنسايش نصائح الطبيب.. اااه وغادي نجيبلك الدوا تبدايه.،
اسماء: واخا،،
سد يدي باسها.. ومشا،، جيت نسد الباب وهي تتحبس..
هند: هادي هي الاخوة.، تقت فيك..
اسماء: سمحيلي.. والله مالخاطري..
هند: ماشي لخاطرك؟؟؟ ماشي لخاطرك؟؟؟ تلويتي على راجلي.. وخنتيني معاه.. ومازال زايدة فيه كتحبي فيه قدامي.. وكتقولي ليا ماشي لخاطرك..
حنيت راسي حيت ملقيت منقول..
هند: شوفي فيا.. والله لا تهنيتي بيه.. وداكشي اللي فكرشك شوفي فيمن تلصقيه.. حيت والله لا خدا سمية رضوان..
خلاتني وسديت الباب.. خفت تدير شي حاجة فولدي.. خفت منها بزاف..
بقا اسماء فبيتها وبالليل رجع رضوان.. مشا لغند هند لقاها مهدنة..
رضوان: السلام..
هند: بقيت كنفكر.. كنت ديما كنشهد بذكائك.. معرفتش علاش تكلختي هاد المرة..
رضوان: اش كتقولي..
مشات جبدات بزاف دالاوراق..
هند: شوف مزيان.. هادي كلها تقارير كتقول انه مكاين حتى مانع نولد.. كلشي مزيان عندي.. نتا اللي عاقر..
رضوان: هادشي غير كتهتري بيه..
هند: قالهالي الطبيب ارضوان.. مجبتهاش من عندي.. وايلا بغيتي نتاصلو بيه دابا.. هو يأكدليك.. مللي حملت ديك المرة.. وطاح.. الطبيب قالي انك نتا اللي خاصك تدير علاج.. نسيتي.. ولا نفكرك.. شحال كنت كنرغبك ونطلبك.. ونتا اللي كنتي كترفض.. نسيتي ارضوان.. انا وياك سنين.. والحمل صعيبب باش يوقع.. كيفاش قدرتي تيق انها من مرة وحدة حملات منك..
رضوان سكت وبقا كيفكر.. مبغاش يتيق.. وفنفس الوقت دخلو الشك.. اما هند دوزات مكالمة.، كان الطبيب المشرف على حالتها..
هند: وي دكتور،. انا بغيتك تأكدلي.. واش انا فيا شي مشكل يخليني منحملش..
دارت haut parleur..
الطبيب: لا امدام معندك حتى مشكل..
هند: يعني الراجل ديالي هو اللي عندو مشكل..
الدكتور: اه امدام.. راجلك خاصو علاج باش يقدر يولد.،
قطعات مع الطبيب.. وشافت فرضوان..
هند: بعيد على انك خنتيني.. الا انه منقدرش نشوفك كتغرق ونسكت.، شحال من مرة قلتلك راها مكتسواش..ماشي كنطيح عليها الباطل.. ولكن انا شفت داكشي اللي شفت.، اللي فكرشها ماشي ولدك..
