رواية جعفر العمده الفصل السابع عشر بقلم ليل ادم
وفجأة دخلت عربيه سوداء فخمه جدا باهظة الثمن ألتفت ليها كل اهل المنطقة أقترب منها المعلم راضي وفتح الباب
نعيم : ( بص ل جعفر) ألحق
جعفر: (بصدمه) عايده
نعيم: أنا مش فاهم حاجه هو في اي
جعفر: مش مهم شوف شغلك يا نعيم
نعيم: مالك يا جعفر في اي
جعفر: ( بتأثر) مفيش حاجه يا نعيم سبني الوقتي
نعيم: ماشي اللي تشوفه
في جانب آخر
راضي: نورتي السيده زينب كلها يا ملكه
عايده: مش هقبل بالكلمه دي إلا لما تنفذ اللي طلبته منك يا راضي ولا في كتب كتاب قبل ما يتم اللي طلبته
راضي: مش كده يا ملكه مش خلاص دفعنا كل ديون بابا وخرج من اللومان وادي السيده زينب كلها معاكي مطرح ما عينك هتجيب هحط اسمك
عايده: ( بصت على مكتب جعفر العمده وبيته )
راضي: هو صعب بس أنا مش بحب اللعب السهل تحت أمرك يا ملكه
عايده: كنت عارفه اني أخترت صح وهتأكد بعد ما تنفذ طلبي
راضي: برجلك اليمين
في جانب آخر
صفصف: هيا الدنيا حصل فيها اي الوقتي السيدة زينب بقيت حلوه ما كانت كخه
ثريه : دا شغل كيد نسوان أنا عارفة البت دي مش صافيه ابدا
نرجس : على مين هو المعلم جعفر هيسكت ليها ولا للي معاها ده
صفصف: هيسكت
ثريه ونرجس مستغربين كلام صفصف
صفصف: أنا عارفه ابني اكتر منكم جعفر كان بيحب البت دي وممكن يكون لسه بيحبها لحد الوقتي كمان
في جانب آخر
جعفر : ( علي باب الحج سمير )
ابن الحج سمير : اي ده في اي ( وبيفتح الباب)
جعفر: أبوك فين يا عز
عز : المعلم جعفر بابا مش جوه
جعفر: طب وسع كده (ودخل البيت)
عز : في اي يا معلم بس بابا مش في البيت
جعفر : منا هحضره حالا اقعد انت اشرب اللبن يا عز ( ودخل جاب الحج سمير من البلكونه مستخبي منه)
جعفر: قالك أنه ابني ولا لا
سمير : قالي بس والله يا معلم
جعفر: (قطع كلامه) والله اي انت تعرف ربنا المحل ده بتاع سيف جعفر العمده ازاي دي بتاعتك مش بتاعتي خدت منه كام
سمير : مليون جنيه
جعفر: (طلع دفتر الشيكات من جيبه وكتب شيك ل الحج سمير بمليون جنيه)
جعفر: امسك
سمير : حاضر حاضر
جعفر: بكره المغرب الواد جاي المحل ومعاه بضاعه لو لقيت جوه المحل كلب هاخد روحه وبعد كده انت مش صغير انت راجل كبير تتربط من لسانك علشان عيب انت فاهم
سمير : فاهم فاهم
جعفر: من غير سلام راجل مش جدع
عز : (برعب) نورت يا معلم جعفر
جعفر: اقعد كمل مذكرتك انت يا عز
وخرج من البيت راح على مكتبه قعد قصاد باب المحل ومعاه الشيشة
نعيم : طب عايز تعمل اي مش فاهم
جعفر: الله قاعد قصاد محلي يا أخي فيها حاجه دي أما غريبه والله
وفجأة جه الحج سمير وكان بيجري الرعب مالي قلبه
سمير: ابوس ايدك يا معلم راضي بلاش محلي
راضي: الله في اي ياحج سمير بس مالك انت مش أخدت فلوسك على داير مليم
سمير: حصل والفلوس كلها معاك اهي ما نقص منها جنيه واحد
راضي: هو اي اللي فلوسك كلها اهي هو لعب عيال روح ياعم شوف حالك (وزق الحج سمير على الأرض)
قام جعفر من مكانه مسك ايد راضي
جعفر: تمد ايدك تتقطع. يا راضي (وضرب راضي بالدماغ وقف بين جعفر وراضي رجاله راضي )
راضي: بس محدش يتكلم محدش يتكلم معاه
جعفر: سيب المحل يا راضي
عايده: انت مالك يسيب المحل ولا لأ خليك في حالك انت مش مصلح اجتماعي
جعفر: أتكلم مع مين يا معلم راضي معاك ولا مع حريمك
عايده: اي حريمك دي نقي ألفاظك
جعفر: (بص ل راضي) طلقتها علشان كده رفعه مناخيرها في السماء وأبوها رض سجون
راضي: عايده ادخلي جوه المحل كلامك معايا يا جعفر
جعفر: المعلم جعفر يا راضي
راضي: كلامك معايا مش مع حد تاني
دخلت عايده المحل وكانت زعلانه جدا
راضي: عايز اي يا معلم جعفر
جعفر: المحل ده بتاعي
راضي: وأنا خدت المحل والسبقانه كسبانه واخد الحق حرفه يا معلم مش كده ولا اي
جعفر: عداك يامعلم بس خلي بالك المحل ده جاي عليك بكتير اوي يا راضي (وراجع جعفر على محله وبيكلم راضي) أفتكر كلمتي ياراضي انت بدأت بدري اوي معايا وانا حابب الموضوع أصل شوقي الله يرحمه هفضل فيها لوحدي
راضي: وأنا مش شوقي يا معلم جعفر
جعفر: شوقي نفسه قبل ما أولع في كان بيقول أنا مش شوقي بس في الاخر اي حد يتحط تحت ايدي بقا شوقي
راضي: خلينا نشوف يا معلم
جعفر: نشوف بس ألحق أدخل قبل ما تخرج من الدنيا
راضي: خلينا نشوف مين خارج قبل التاني
جعفر: أنا فاضي معنديش حاجة وبيني وبينك عملت كل حاجه ف عايز أخرج حلو اوي كده من الاخر يا معلم راضي اللي انت نفسك تعمله أنا بدعي ربنا يسامحني في فوق يا معلم راضي جعفر العمده اللي حط السيدة زينب على الخريطة جاي انت تقولي نشوف مين يبعت مين
راضي: هنشوف يا معلم
جعفر: شغل يابني المزيكا في ناس راس مالها الكلام
نعيم : حلو كده ياله بينا يا جعفر
جعفر: مصطفى هات الشيشة جوه المكتب (ودخل قعد على مكتبه)
مصطفى: تحت امرك يا معلم
في جانب آخر
ثريه : قوم انزل ل أبوك ياسيف أبوك بيتخانق هتفضل نايم
سيف : مع مين
ثريه : ياواد بقولك انزل
سيف : (قام نزل على المكتب على طول)
نعيم : في اي مالك
سيف : جعفر فين
جعفر: خود يا سيف تعالي في اي
سيف : ياعم وربنا امي دي بتعمل حاجات غريبه
جعفر: ليه بس
سيف : داخله تقولي الحق أبوك تحت بيتخانق
جعفر: لا متقلقش مفيش حاجه اقعد
سيف: لا ياعم أنا طالع أنا اطمأنت عليك خلاص ( لف وشه شاف عايده وقفه قصاد محل شوقي)
سيف : اي ده مش دي
جعفر: هيا
سيف : علشان كده زعلان
جعفر: ازعل من اي يا عبيط
سيف : عليا أنا الكلام ده قولي بس قولي
جعفر: مكنتش اعرف اني لسه بحبها يا ليفه انت
سيف : ما هيا كمان لسه بتحبك يا معلم
جعفر: تحب اي بس لما نشوف المصيبه اللي جت مكان شوقي دي
سيف : لو مش فارق معاها مكنتش عملت كل ده علشان بس تعرفك أنها ممكن تتخطاك عادي أشتري مني يا معلم
جعفر: ماشي يا معلم سيف هشتري منك بس بتبيع اي طيب الاول (وبيضحك)
سيف : أنا طالع
جعفر: سيف
سيف : نعم يا معلم
جعفر: زعلان على المحل
سيف : لا والله الحوار انتها أصل لو كان بتاعي والله لو السماء انطبقت على الأرض كنت هخده إنما مش نصيبي
جعفر: عندك حق انت صح يا معلم سيف
سيف : أن شاء الله ربنا يكرمني اخد محل احسن منه
جعفر: أن شاء الله يا حبيبي
سيف : بعد اذنك يا معلم
جعفر: روح يابا
في جانب آخر بعد انتهاء الافتتاح
راضي : انتي كنتي مرات جعفر العمده
عايده : اه
راضي: يعني الموضوع مش موضوع أنه سبب سجن أبوكي والهبل ده الموضوع اكبر من كده
عايده : أنا مش بحب الأسلوب ده في الكلام اتكلم معايا كويس لو سمحت
راضي: قبل ما اعمل اي حاجه نكتب الكتاب
عايده: بس مفيش حاجه هتحصل قبل ما تنفذ طلبي
راضي: معاكي بس نكتب الكتاب قولتي اي
عايده : موافقه وبعد كده متتعملش معايا بالشكل ده قصاد الإنسان ده بالذات
راضي: يبقا بلاش تعملي قصاده تصرف يسمعني بسببه كلمه مش على مزاجي وجعفر كده كده اللي جاي من عمره مش أد اللي راح
عايده: عايز تحرق قلب جعفر بجد أبنه سيف أبنه سيف هو نقطه ضعفه
