رواية جعفر العمده الفصل الثانى بقلم ليل ادم
بعد وصول جعفر الي منزل وداد الجديد
وداد : مين اللي بيخبط كده
(فتحت الباب شافت جعفر أتصدمت )
جعفر: ( مسك وداد من شعرها ) لفيتي على اخويا طلق البت الغلبانه من تحت راسك قولت اسيبه على مزاجه دخلتي عليه بالناعم خدتي منه قرشين قولت مننا مفيش حاجه عادي لله إنما تحطي سيد قصاد مني و تخلي اخويا يقف قصادي ونخسر بعض يبقا بتكتبي شهادة وفاتك
وداد : أنا معملتش حاجه يا جعفر والله ما عملت حاجه
جعفر: لا عملتي اخويا عمره ما وقف قصادي اول مره يطلب مني نفك اللي بنا
وداد : أنا والله ابدا انتا فاهم غلط اسمع اللي حصل
سيد : شيل ايدك من عليها يا جعفر
جعفر : ( بصدمه) سيد
سيد : اه سيد يا جعفر انت ازاي تمسك واحده ست بالطريقة دي وتتكلم معاها كده انتا فاكر نفسك كبير عليا يا جعفر فووق يا جعفر أنا الكبير مش انت من هنا ورايح كل واحد حر في تصرفاته
وداد : ( جريت ورا سيد ) ألحقني يا اخويا ابوس ايدك اخوك عايز يضربني علشان خدت منك الشقه دي أنا مش عايزاها خلي يبعد عني والنبي يا سيد
جعفر: أنا قولتلك سيبي الشقه يابنت الكلب
سيد: اسكت خالص كلامك معايا أنا ملكش دعوه بيها الشقه دي تخص وداد وتخصني اطلع بره
جعفر : انتا بتطرد اخوك يا سيد
سيد: لو مكنتش اخويا كنت قطعت ايدك لما رفعتها على مراتي اطلع بره
جعفر: وانت لو مش اخويا كنت قطعت حسك من الدنيا يا سيد اعقل بلاش واحده زاي دي توقع بيني وبينك
سيد: واحده زاي دي اشرف منك ومن اي حد
نعيم : ( طلع على الصوت شد جعفر ) ياله يا جعفر علشان خاطر ربنا
جعفر : سبني يا نعيم
نعيم : امشي بقولك سيبه براحته
جعفر: ماشي يا سيد ماشي يكون في علمك لحد هنا وكل اللي بنا راح خلي بقا اللي جمبك دي تنفعك
وداد : ما لو اخويا كان راجل مكنش حد قدر يعمل معايا كده
نعيم : ( ساب جعفر و اقترب من وداد ضربها بالقلم )
سيد: ( مسك نعيم من رقبته )
جعفر: (بصوت عالي) نعيم شيل ايدك من على سيد يانعيم
وخد نعيم ونزل من البيت
نعيم : كنت سبني يا جعفر خدتني ليه
جعفر: اخويا الكبير يا نعيم اسيبك تمسك في
نعيم : أنا حر مع اختي يا جدع
جعفر: اطلع على المحل يا نعيم
بعد الوصول إلى المحل
سيف : اي ده مالك يا معلم
جعفر: مفيش حاجه
سيف: لا في
جعفر: دماغي مقلوبه شويه يا سيف روح انت شوف امك كانت عامله مشكله مع صفصف
سيف : أصل حصل النهارده حوار ابن جزمه كنت عايز اقولك عليه
جعفر: بعدين يا حبيبي معلش أبوك مش مركز في حاجه خالص
سيف: خلاص ماشي بعد اذنك
جعفر: روح يابا شوف بتعمل اي
فتوح : اي يا جعفر اللي عملته ده
جعفر : عايز اي يا خال
فتوح: مديت ايدك على بنتي وتقولي عمي
جعفر : هو الموضوع لحق يوصل لحد عندك
فتوح: رد عليا انتا عملت كده مع بنتي
جعفر: اه
فتوح : مش هسكت يا جعفر مش هسكت
جعفر : هتعمل اي يعني
فتوح : هعمل مجلس في وسط الشارع واحكم بنفسك على نفسك انتا يا جعفر وسط أهل السيده زينب كلها
جعفر : أبقا أعملها يا فتوح
فتوح : هتشوف يا جعفر ( وخرج من المكتب)
نعيم : هتعمل اي يا جعفر المجلس دا مينفعش يتم
جعفر: روح خود صفصف واطلع على بيت أبوك اتكلم معاه يا نعيم مش ناقص فضائح
نعيم : ماشي
جعفر : مش عايزه تعدل معاك ليه يا جعفر
في جانب آخر
الأم: مالك يا حماده
حماده: عيالك مش عايزه تجيب الموضوع لبر
الأم: أنا عندي اتنين يا حماده لو هخسر منهم واحد أو الاتنين بس اشوف ابن الكلب ده مكسور في المنطقة
حماده: النار اللي جوه منك واصله ل عيالك انتي سبب كل حاجه بتحصل
الأم: الوقتي أنا اللي بقيت السبب لا يا حماده لو فعلا بتسأل مين السبب يبقا انتا يا حماده
حماده: أنا السبب
الأم: اه لما فتحت بابك ل جعفر العمده وانت عارف أن محدش في عيالك بيحبه لما قتل ابنك وسبته ياخد بنتك لو كان المفروض حد ياخد كف عزاء في جعفر العمده يبقا انت يا حماده مش عيالك
حماده: طول عمرك عامله زاي التعبان
في جانب آخر
صفصف: اي اللي سمعته ده يا جعفر
جعفر : اللي حصل ياما روحي اقنعي خالي فتوح يفض المجلس دا قبل ما يحصل علشان لو حصل مش هيفتح علينا غير نار هطول الكل
صفصف: وسيد خلاص كده لغا عقله وماشي ورا وداد بنت فتوح مش مكفيه اللي حصل دانا جبتله فلوسه من تحت درسها
جعفر: اللي حصل ياما خودها يا نعيم وروح
في جانب آخر
ثريه : هو في اي ياواد يا سيف
سيف: في اي ف اي مش فاهم
ثريه : متبقاش عامل زاي أبوك كده انت عارف كل حاجه اتكلم
سيف: والله ما عارف حاجه
ثريه : اكيد في حاجه مش تمام في الموضوع أصل نعيم طلع خد صفصف ونزل بسرعه كده اكيد في حاجه
سيف : ياما منتي عارفه جعفر مش بيحب حد ينط في اللي ملوش في انتي كل شويه تعملي قصه ل نفسك ليه
ثريه : شوف الواد
في جانب آخر
كانت صفصف وصلت إلى بيت فتوح أخوها
فتوح : صفصف لو جايه تتكلمي في موضوع ابنك بلاها كلام ابنك خلاص مش شايف حد قصاده ابنك ضرب بنتي
نعيم : يابا بنتك
فتوح : ( قطع كلام نعيم) اسكت خالص متتكلمش عن اختك بكلمه وحده وحشه
صفصف: اسمع يا فتوح أنا مش عايزه مناهده مفيش ما بنا مجالس عيب الكلام ده
فتوح : لا في يا صفصف
صفصف: فتوح أنا جايه علشان خايفه عليك من دماغ جعفر انت بتحط نفسك قصاد القطر وتقول مش هموت
فتوح : انتي جايه تهدديني في بيتي يا اختي
صفصف : لا يا اخويا أنا جايه أنورك مش اكتر
فتوح : ( قام فتح الباب) نورتي ياختي مع السلامه
صفصف: يعني انت شايف كده يا فتوح
فتوح : ما بنا جالسه يا صفصف أنا هخلي ابنك يعرف أن الله حق وانت بيتي رجلك لو داست في تاني هقطعها
نعيم: اللي تشوفه يابا
في جانب آخر
عايده : وحشتني اوي يابابا
فوده : أنا أتمرمط في السجن يا حبيبت قلب بابا
عايده. : عارفه والله يا حبيبي حقك عليا
فوده : عملتي اي مع جوزك
عايده: لا ما اصل
فوده: أصل اي أنطقي
عايده: أنا أطلقت من جعفر
فوده. : نعم بتقولي اي
عايده: اه اللي حصل
فوده : لا مليش في ترجعي باي شكل ترجعي انت مش عارفه أن لو مدفعتش اللي عليا ممكن يحصل معايا اي انتي عايزه
بابا يتحبس تاني
عايده: لا مش عايزه بس مش بمزاجي غصب عني أنا مش قادره اتأقلم مع أهله مش حبه اعيش مع راجل علشان مصلحه أنا نفسي عزيزه عندي اوي يا بابا
فوده: خلاص يا عايده خليكي لحد ما ادخل السجن تاني
عايده : يوه أنا زهقت من كلامك ده هو أنا مليش حق اعيش حياتي مع الشخص المناسب ليا
فوده : هو أنا قولت حاجه عيشي حياتك
في جانب آخر
جعفر: يعني فتوح طردك
صفصف : المصدي طردني من بيته
جعفر : خلاص يبقا اللي شايفه يعمله
نعيم : اهدا بس يا جعفر انتا عارف عمك بيطلع وينزل على مفيش
جعفر : لا يا نعيم في حاجه ورا كل ده انا مش مطمئن
نعيم : هيكون في اي يعني
جعفر : ياخبر بفلوس يا نعيم ياخبر بفلوس خود صفصف على البيت يا نعيم عايز أبقا لوحدي شويه
صفصف: ياله يا نعيم
بعد مرور ربع ساعة
ثريه : جعفر
جعفر: سيبه بيتك ونازله ليه
ثريه : أصلك أتأخرت في حاجه يا اخويه
جعفر: في انك مش عارفه تقعدي وانتي حاسه ان في حاجه بتحصل معندكيش بيها علم في أن مناخيرك بقيت اكبر حاجه في وشك من كتر دخولها في كل حاجه
وفجأة دخلت عايده محل جعفر
جعفر : عايده
ثريه : عايزه اي يا عايده
عايده: من فضلك عايزه جعفر في موضوع
ثريه : هو احنا مش كنا خلاص ولا حنيتي ولا اي القصه
جعفر: اقوم امشي أنا طيب يابنت الكلب اطلعي بيتك اجري أمشي
ثريه : كده يا جعفر ماشي
جعفر: اقعدي يا عايده
عايده : شكراً
جعفر : عامله اي
عايده : الحمد لله يا جعفر أنا كويسه
جعفر: خير يا عايده أنا عارف انك جايه عصره على نفسك لمونه
عايده : أنا موافقه نرجع لبعض تاني بس اعيش بعيد عن السيده زينب
جعفر ❤️
