رواية جعفر العمده الفصل الثالث بقلم ليل ادم
عايده : أنا موافقه نرجع لبعض تاني بس اعيش بعيد عن السيده زينب كلها
جعفر: هو أنا طلبت منك ترجعي يا عايده ولا رفعت عليكي تليفون
عايده : لا
جعفر : طيب يبقا ملوش لازوم تيجي تقولي شروطك عايزه ترجعي تيجي تطلبي اني اقبل انك ترجعي إنما كلامك ده لو حد وقف سامع حط في دماغه جعفر العمده بيموت علشان يرجع ل طليقته
عايده: يعني انت مش عايزني يا جعفر
جعفر: لو عايزك هطلبك من ابوكي وتيجي بيتي مش هقبل امشي على رأس الست بتاعتي
عايده: أنا غلطانه اني كنت فاكره انك لسه شاري
جعفر: طبعاً غلطانه لما تيجي ترمي شروطك علشان ترجعي تبقي غلطانه
عايده: انا اسفه اني جيت بعد اذنك
جعفر: أتفضلي
في جانب آخر
ثريه : عارفه مين عند ابنك تحت الوقتي
صفصف: مين يا ثريه يا حراميه
ثريه : عايده
صفصف: راجعه تاني ليه دي
ثريه : مش عارفه جعفر أول ما جت قالي اجري أطلعي ولقيت متعصب خوفت
صفصف: ماشي يا بنت نبويه
تاني يوم في مكتب جعفر
جعفر : صباح الفل يا نعيم
نعيم: صباح الفل يا معلم
جعفر: سيد مجاش من امبارح
نعيم : لا مجاش و في خبر مش حلو عايز اقولك عليه
جعفر: قول يا نعيم
نعيم : في بكره جلسه بينك وبين فتوح وسيد و وداد
جعفر: اخويا سيد هيقعد قدامي
نعيم : اه
جعفر: روح شوف شغلك يا نعيم
في جانب آخر
لمياء: ألو
سيف : ألو
لمياء: سيف انتا فين
سيف : في البيت يا لمياء الساعه لسه تسعه الصبح هكون فين يعني
لمياء: في ناس عند البيت عندنا عايزين يتهجموا عليا تعالى بسرعه والنبي يا سيف
سيف : ( بلهفه ) انتي في البيت القديم
لمياء: اه بسرعه يا سيف
سيف : ( قفل التليفون ونزل جري على بيت لمياء)
جعفر: رايح فين ياسيف ياض رد في اي مالك
سيف : مفيش مفيش ( وخد العربيه وراح على بيت لمياء)
نعيم : في حاجه يا جعفر
جعفر: شكله في حاجه في الشغل
نعيم : اروح ورا طيب
جعفر: لالا سيبه أنا شويه رايح افهم في اي بس سيبه لوحده يعتمد على نفسه
نعيم : اللي تشوفه
في جانب آخر
كان وصل سيف علي بيت لمياء وفعلاً كان في ناس وقفه قصاد باب البيت
سيف : اي ياعم انت وهو في حد يعمل في بنات الناس كده
الشخص الغريب : انت تعرف الناس دي
سيف : ميخصكش ليك اي عندهم
الشخص: فلوس
سيف : كام
الشخص : سبعين ألف جنيه
سيف : عامل عليهم كل ده
الشخص: حقي وعايزه
سيف : خود
الشخص: اي ده
سيف : عنوان المحل بتاعي عايز تروح الوقتي تاخد فلوسك روح عايز تيجي بكره تاخد فلوسك وأنا هناك تعالي
الشخص: لا يابا أنا رايح اخد فلوسي الوقتي ولو كلامك طلع غلط هتزعل
سيف : ماشي يا عم رامبو روح
بعد نزول الناس من البيت
سيف : افتحي يا لمياء خلاص الموضوع خلص
لمياء: ( فتحت الباب شدت سيف وقفلت الباب)
سيف : اي يابنتي في اي
لمياء: أنا مرعوبه
سيف : متقلقيش أنا معاكي اهو
لمياء: ( ضمت سيف وبدأت تتكلم معاها عن مدا افتقدها لي استمر الحديث اكتر من نصف ساعه ومع الاقتراب حصل علاقه بين سيف و لمياء)
في جانب آخر
جعفر : ( في محل سيف) سعد
سعد : منور يا معلم جعفر تشرب اي
جعفر: سيبك من الشرب الوقتي الواد سيف فين
سعد : استاذ سيف مجاش من امبارح مش ميعاده ده أصلا
جعفر : الله أما في اي
سعد : طب اتفضل استنا في المكتب
جعفر: ماشي ( ودخل المكتب )
بعد عشر دقائق كان وصل الناس اللي جايه تاخد فلوس من سيف لسد سلف لمياء وكان جعفر في المكتب سمع صوت عالي
جعفر: في اي يابني انتا
الشخص: خليك في حالك ياعم انت
سعد: ياعم أنا محدش قالي اديك حاجه من الخزنه مقدرش افتح الخزنه من غير علم استاذ سيف عندك الحج جعفر ابو سيف اهو اتكلم معاه
الشخص: انت ابو سيف
جعفر: ياض انت اهبل منا بقولك عايز اي تقولي خليك في حالك
الشخص: طب اسمع ياعم الحل ابنك اتصدر في سبعين ألف جنيه علي بنت اسمها لمياء جيت اخد الفلوس يقولي هنا لأ اعمل اي
جعفر: اهدا واتكلم عدل جتتك اللي مقويه قلبك دي هقطعها اتكلم كويس
الشخص: انت شكلك مش عايز تحل
ولسه بيرفع ايده كان جعفر ضربه وضرب الشخص التاني اللي معاه علقه موت
جعفر : سعد اتصل على سيف
سعد: مش عايز يرد يا معلم
جعفر: ( ربط واحد منهم في المحل عند سيف وخد التاني معاه علشان يعرف فين سيف ) سعد الواد ده مربوط هنا لحد ما اتصل اقولك ادي الفلوس
سعد: تحت امرك يا معلم
جعفر: امشي معايا ( وخد الواد التاني وفعلاً وصل بيت لمياء خبط على باب الشقه فتح سيف وكان لبس شورت فقط )
جعفر : اي ده
سيف : بابا
جعفر: بابا اي بقا دنتا اللي بابا وسع كده مين دي الله مش كنا خرجنا من بيت العوالم ياعم سيف ولا اي رأيك
لمياء: والله يا معلم
جعفر: ( بصوت عالي) هشش مسمعش صوتك ادخل ألبس وتعالي تحت
سيف : حاضر
جعفر: استنا العيال دي ليها عندك سبعين ألف جنيه
سيف : ها
جعفر: ها اي لسانك اتقطع
سيف : اه اه ليهم فلوس
جعفر: عند مين الفلوس دي
سيف : عند لمياء
جعفر: أديت حد منهم كلمه
سيف : اه
جعفر: ( ذق الولد اللي معاه ) غور روح خود صاحبك اشوف كلب منكم في طريق سيف تاني هاخد عمره سامع
الولد : حاضر حاضر
جعفر: غور وانت عشر دقائق تكون تحت قصاد عيني
سيف : حاضر
نزل جعفر على عربيته
سعد : نعم يا معلم
جعفر: ادي الواد اللي عندك فلوسه
سعد: تحت امرك يا معلم
في جانب آخر
لمياء: أنا مش عارفه حصل ازاي بينا كده اوعا تسبني يا سيف ابوس ايدك
سيف : خلاص يا لمياء مبقاش ينفع اسيبك بعد اللي حصل بس خلي كلامنا بحدود علشان أنا عارف ابويا
لمياء: حاضر اللي انت عايزه هعمله بس خليك جنبي
سيف : ماشي يا لمياء ( ونزل على العربيه )
جعفر: ودي اول مره بقا أن شاء الله ولا كل يوم واخد السكه قياسه
سيف : خلاص بقا يا معلم حقك عليا والله عارف اني غلطان
جعفر: ياض اللي حصل ده كله نمره علشان تقع في الغلط معاها افرد حصل حاجه الوقتي بقا هتعمل اي
سيف : هعمل اللي تقولي عليه يا معلم
جعفر: سيف أنا مش هناسب رقاصين انتا فاهم
سيف : فاهم
جعفر: عربيتك وعلي شغلك
سيف : حاضر اشوفك بليل
جعفر: ماشي روح
في جانب آخر
كان كل سكان السيدة زينب اجتمعت على جلسه تجمع جعفر و فتوح و سيد و وداد
جعفر : ( قاعد مكانه دور قائد المجلس وفي نفس الوقت وسط أهل المنطقة كل الناس عايزه تعرف هيعمل اي لما يكون طرف من أطراف الجلسه)
جعفر : اي يا معلم سيد جاي تقعد في جلسه قصاد اخوك الصغير
سيد : مش هقف معاك ضد الحق يا جعفر انت ضربت واحده ست من غير راجل بالقلم
فتوح : حصل منك يا جعفر ولا لأ
جعفر: حصل
فتوح : اشهدي يا سيده زينب جعفر العمده مد ايده علي بنتي في غيابي
بدأ أهل المنطقة في الحديث فيما بينهم
جعفر : فتوح كلامك معايا مش مع اهل المنطقه لو عايز تعمل جلسه يبقا تعرف قوانين الجلسه
فتوح : أنا ساكت خالص اهو اتفضل يا صاحب الحكمة قولي هتعمل اي
جعفر: ( نظر إلى الأرض شويه في هدوء ثما نظر إلي وداد و أشار إلى بيت عائلته) البيت ده اللي شالك ١١ سنه واللي قاعد قصاد عينك ده شال البيت ده كله باللي فيهم من ضمنهم اخويا الكبير اللي قاعد جمبك علشان يشهد على قلبي ٣٢ سنه يعني كان عمري ١٣ سنه كان سيد عنده ٢٤ سنه صرف اللي سابه أبوه كله على تفاهه راجع الوقتي بعد ما عملت أسم ومكان وبيت وعائلة وعملته هو نفسه يشهد على قلبي من تحت راسك لو قومتي دخلتي بيت بيت في السيده زينب قولتي جعفر العمده مد ايده عليا محدش هياخد على كلامك عارفه ليه
فتوح : علشان بيخافوا منك
جعفر: غشيم يا خالي مفيش راجل على بلد يا فتوح بس الناس دي كلها تعرف مين جعفر العمده وتعرف اني الحمد لله عمري ما أدوس على غلبان ولا أفتري على حد بس بنتك عايزه تهد البيت اللي ببني في بقالي ٣٢ سنه لو فيها موتي محدش هيعرف يوقع طوبه من البيت ده يا فتوح واعي ل كلامي ولا لأ
سيد : جعفر انت عايز الناس تتعاطف معاك إحنا عايزين حق الست دي
جعفر: أطلبي يا وداد عايزه اي
وداد : ارجع اعيش في السيده زينب وسط اهلي ومحدش يعترض حياتي أنا حره اعمل اللي أعمله
جعفر: ماشي كلامك ( ورفع عينه على فتوح و سيد ) عرفت الفرق بين جعفر العمده وبينكم
سيد : عايز اي يا جعفر
جعفر: المجلس ده عمره ما قعدت في واحده ست أنا قبلت أنها تقعد وتتكلم عارف ليه ياسيد
سيد : ( بص ل جعفر وسكت )
جعفر: علشان الناس كلها تعرف حجمك انت وخالك لما ست تقعد تتكلم في مجلس ومعاها اتنين رجاله شبه الحيطه بالصلاة على النبي كبيره يا سيد والله كبيره
سيد : ( أحمر وجهه و فتوح حتا وداد شعرت أنها خلت شكل أبوها و طليقها وحش قصاد كل اهل السيده زينب)
جعفر: انتهت الجلسه ( وقام من مكانه راح مكتبه )
صفصف : بتقف قصاد اخوك علشان دي ياسيد هيا دي التربية اللي ربيتك عليها أنا علمتك كده عيب عليك يا اخي انتا ناسي عملت اي فيك في غياب اخوك نسيت يا سيد
سيد: اه نسيت ياما وخلي بالك هرد وداد من تاني ومحدش يقدر يمنعني من اللي هعمله
صفصف: ( ضربت سيد بالقلم ) علشان انت مش راجل
سيد : بتضربيني علشان ابنك جعفر ياما
صفصف: لا بضربك علشان مش راجل ياخساره تربيتي فيك طلعت خسيس
سيف : صفصف خلاص ملوش لازوم فرجه الناس امشي معايا ياله
صفصف : ( عنيها على سيد أبنها وماشيه مع سيف )
في جانب آخر
نعيم : جعفر تعالى نطلع البيت
جعفر: سبني شويه يا نعيم
نعيم : لا مش هينفع اسيبك كده قوم معايا
جعفر: نعيم بقولك سبني الوقتي
نعيم : اللي تشوفه يا جعفر بس أنا قاعد بره مش طالع البيت من غيرك
جعفر: يوه عليك يا نعيم
نعيم : خلاص بقا خود قعدتك أنا وقف بره ونطلع مع بعض
في جانب آخر
وداد : رفعت راسي ياسيد الرجاله
سيد.: اعمل حسابك يا خال فتوح اسبوع كمان وهرد وداد
فتوح : عيني ليك يابني اللي تشوفه
سيد : سلام أنا
وداد : ياه مش مصدقه اني رجعت البيت من تاني
فتوح : اه يا قلب أبوكي بس انتي متفقه معايا مصاريف البيت عليكي
وداد : المصاريف بس ده بعد اللي انت عملته دا يابا هعملك مصروف ايدك كمان
فتوح: بت يا وداد الفلوس دي كلها جت منين بقالك اربع شهور سخيه اوي مع انك ملكيش متوه
وداد : ملكش دعوه انت بقا يابا خليك في حالك وسبني في دماغي
فتوح : ناويه على اي تاني يابنت فتوح
وداد : القلم اللي خدته على وشي والله يابا ل اقطع أيده و يبكي بدال الدموع دم
فتوح : والله أنا خائف ل نبكي كلنا دم بسبب دماغك السو دي
في جانب آخر
سيف : وحد الله يا معلم مالك في اي
جعفر. : لا اله الا الله مفيش
سيف : اللي حصل حصل هنعمل اي نفض دنتا اللي معلمني اكون جامد في كل حاجه
جعفر: إلا اخوك يا سيف إلا اخوك الدنيا كلها ولا تسوي من غير كتف حنين عارف انا طول عمري حاسس ان أنا الكبير مش سيد بس برضوه كان جمبي كنت حاسس ان في حد لو وقعت هيمد ايده بقلب يشد مش هيدور على حبل ولا سلم لا هيمد ايده ويرمي نفسه كمان اخوك ياعم اخوك
سيف : منا جمبك اهو ياعم ولا أنا يعني مش هعرف أشدك ولا اي
جعفر: ( بص ل سيف و أبتسم ) ياله نطلع البيت ياله يا نعيم
نعيم : ياله يا معلم اقفل الباب يا مصطفى
مصطفى: حاضر يا نعيم
جعفر: مصطفى خود تعالي
مصطفى: نعم يا معلم
جعفر: خلي المكتب مفتوح يمكن سيد يغضب على البيت يدخل ينام جوه
مصطفى: حاضر يا معلم
جعفر: وافتح الاوضه بتاعتي اللي جوه علشان لو نام ولا حاجه بس مش عايز حد في البيت يعرف حاجه وخد خلي مفتاح الخزنه على المكتب لو احتاج فلوس ولا حاجه
مصطفى: ماشي يا معلم بس بلاش مفتاح الخزنه ل حد ابن حرام يدخل
جعفر: انت غبي ياض ما في كاميرات مراقبه في المحل كله حد يقدر يدخل المكتب في غيابي
مصطفى: معلش يا معلم
جعفر: تصبح على خير
في جانب آخر
في الصباح كان حماده فتح الله في زيارة الي شوقي و كارم
شوقي: ( بفرحه كبيره) كده بقيت حلوه اوي
حماده: اوعا يكون ليك يد في حاجه من اللي بيحصل ده يا شوقي
شوقي : سيبك من اي حاجه المهم أن وداد رجعت السيدة زينب غصب عن جعفر العمده
كارم : لا واي كمان سيد بقا وحده في الدنيا يعني مبقاش ليه حد غيرنا
حماده: كارم انت بتقول اي انت مجنون
شوقي : خلاص يا كارم أصل أبوك قلبه قلب خسايه ( وبيضحك)
حماده: حقي بيرجع بس واحده واحده وبالعقل مش بالطريقة اللي في دماغكم دي
شوقي : عشر ايام وخارج يابا وساعتها وحق الله ما هيحصل فيا اللي حصل تاني ارجع المنطقة تاني يابا ارجع المنطقة ❤️الفصل الرابع من هنا
