رواية كشف المستور الفصل الرابع 4 بقلم جمانه السعيدي
ثاني يوم رحنا للعقد طبعا بابا راح ويانه لان اني قاصر عمري ١٥ فا العقد ميصير اله بوجود ولي الامر
كملنا ورجعنا للبيت
بدينا نحضر للعرس اجت امه واخته ورحنا اشترينا ملابس وشغلات العرس اسبوع يله كملنا
يوميه يجينا بليل نكعد اني ويا وبابا ومرات بابا يعوفنه
نبقى نسولف وحدنا
طبعا اني فرحانه بشكل موطبيعي ابد مامصدكه كل الي جاي يصير
كلشي جان جديد وحلو بلنسبه الي
حيل تعلقت بي اول رجال يدخل حياتي
يمكن لان جنت زغيره وماعندي تجارب ابد
تعلقت بي بشكل مو طبيعي اليل والنهار فكري يمه
كلما يجي اضل اباوع علي وما مصدكه
لهفته عليه خلتني احبه اكثر
كنت احسب يوم يوم يمته نتجمع سويه
جمانه السعيدي
وصلنا اليوم العرس واجا يوسف واخته اخذوني للصالون
شرط عليه ما اكص شعري ابد ولا اصبغ ولا اميش
يكول شعرج حلو ولونه كلش عاجبني لاتغيرينه
كملنا بلصالون وخابرنا اجا ورحنا ناخذ صور هو حاجز يم المصور
اخذنا صور وبعدين صارت احلى زفه
لازمني من ايدي ويكول اخيرا راح نتجمع سوا
وصلنا البيتهم حلو ومرتب غرفتنا بلطابق الثاني
كعدت على الجربايه وتحسرت على امي حسيت حيل محتاجته بمثل هذا اليوم
محتاجته تحسسني بلامان والقوه جنت كلش خايفه والافكار تاخذني وجيبني
زفو العريس للغرفه اني وكفت بس كمت ارجف خوف على ارتباك
لزمني من ايدي ورفع البركع وباسني وكال ليش ترجفين
لاتخافين ما ااذيج
بعدين كعدني على الجربايه وكعد بصفي وكال
بالاول من امي رادت تخطبلي خفت لان بنات هذا الوكت ماينحزرن بعدين سئلنا عليج كل المنطقه تحمد باخلاقج وادبج وبعض جوارينكم كالو ماشايفين عدهم بنيه
ولمن شفتج اول مره تخبلت على خجلج
مستحيه ومدنكه وضايعه بلكرسي
ولمن كتلج عجبتيني شردتي وما رجعتي كعدتي يمنا
واول اختبار اللج لمن كلتلج اريد اجي من يطلع ابوج
وانتي رفضتي وكلتي ما افتح اللك الباب ابد
رغم جنه عاقدين عقد شيخ
شكد كبرتي بعيني
وحسيت اختياري صح
ولمن قربت ابوسج وشفتج ارتبكتي وبتعدتي عرفت انتي محد بايسج قبلي
هسه تكولين شدعوه هلكد ادقق
من كد المصايب الي نسمعه يوميه
ردت اختار ام جهالي اختيار صحيح
وانشاء الله اختياري صحيح انتي الي راح تكونين امينه على بيتي واهلي وجهالي وسمعتي
جمانه السعيدي
...انشاء الله
...هسه هديتي راحت الخوفه خل اجيب عشى نتعشى
لان التهيت بلناس وما اكلت حتى نتعشى سويه
خل اساعدج نفتح التسريحه والبدله
وفعلا فتح شعري وفتح سحاب البدله واني رحت يم الكنتور بدلت لبست سيت ابيض حلو ومرتب
اتعشينا ونمنا وعدت اليله على خير
ثاني يوم اجاني بابا الصبح وجابلي ريوك وجابلي كلاده ذهب هديه
كلما اشوف تعاملهم وياي احمد ربي الف مره
ويوسف يجي من الشغل ملهوف عليه
يحير شيجيب وشيخلي
واهله امه وابو واخته واخو معاملتهم حلوه وياي
حسيت الله انطاني عائله تحبني
لان اني محرومه من العائله
يوسف يخابرني مرتين اول ثلاثه من الشغل ويكول العمال ناصبين عليه يكولون العاشق الولهان
اما بابا اخابره مرتين بليوم وبين يوم ويوم ياخذني يوسف اله انضف واطبخ واغسل ملابسه وارجع
عشت ايام احلى ايام بحياتي كلما افز بليل واشوف يوسف حاضني احمد ربي واشكره الف مره
اكعد الصبح اشتغل وافر البيت فر حتى عمتي حيل فرحانه بيه وتموت عليه
حياتهم بسيطه وحلوه
واني بسرعه اخذت عليهم
وكنما اعرفهم من زمان
فات ست اشهر على زواجي وجنت متحمسه اريد احبل حتى فرحتي تكمل
وبيوم العصر اجت مره على عمتي وكعدن يسولفن بلاستقبال من طلعت هاي المره من بيتنا جانت بداية تعاستي وحياتي نقلبت راسا على عقب
بلبدايه تغيرت معاملة عمتي اليه كامت ما اطيقني
بعدين عمي شويه شويه تغير تعامله وياي
كل الي بلبيت مايردوني
اسئل يوسف يكول موضوع مايخصج
بدت معاملتهم اليه من سئ الى اسوء المشكله محد يفهمني السبب
قايمه بواجبهم واحبهم وخادمتهم ليش تغيرو عليه مااعرف
من يجي يوسف ابجي واتوسل بي يفهمني شنو الي صار يكول موضوع مايخصج
منعتني عمتي اتقرب للطبخ بعدين كامو يكعدون ياكلون مايصيحوني
يوسف بحكم عمله ياكل بلشغل
واني ابقه بدون اكل
اروح ادور اي شي باقي منهم اكله
مرات مالكه اكل وابقه جوعانه
بعدين تغير يوسف عليه كام من يجي يلكاني ضايجه مايسئلني شبيج
يجي من الشغل وينام كبل
اباوع معقوله هذا يوسف الي جان يجي متلهف عليه حتى لو اهله موجودين بحضني ويبوسني كدامهم
ماينام اله اني بحضنه ياربي شغيره عليه
المشكله اني ما مسويه اي شي
جمانه السعيدي
كلت خل اصبر يجوز حالته النفسيه تعبانه يجوز اكو عدهم مشكله بلعائله ومايردوني اعرفه
ياربي بعدني عروس صار سبع اشهر من ازوجت
حتى عيب اطلع زعلانه
الا ان يوم امه كبت عليه فد كبه غلط وفشار وما اريدج ابيتي اطلعي اشوف الشيطان ولا اشوفج
...ليش عمه صار من عندي شي غلطت بشي وما ادري
...ما اريدج ابيتي اطلعي خلصيني من جهرتج
صعدت الغرفتي ابجي يمكن ثوب الفرح مايلوك عليه
شويه وسمعت صوت يوسف اجا واسمعها تصيح ما اريدها ابيتي لو هي لو اني
صعد يوسف لكاني ابجي
يوسف....هبه لمي ملابسج خل اوديج الاهلج كم يوم لمن يهدء الوضع وارجعج
هبه بس ليش اني بشنو غلطت
يوسف عوفي الكلام هسه ولمي ملابسج وامشي كم يوم واجي اخذج
كمت جمعت ملابسي بجنطه ونطاني مصرف وخذني ورحنا البيتنا
بابا فتح الباب شاف الجنطه ونزل حواجبه كال اهلا وسهلا
يوسف سلم عليه وراح من الباب
بابا خير بنتي صاير شي عيونج مورمه وهاي الجنطه شني
هبه اني نفسي كلوشي ما فاهمه خل استراح ونسولف
لليل خابرته بلاول ما رد عليه بعدين رد
هبه هلو حبيبي اشتاقيتلك
يوسف....واني اكثر
هبه شلونه الوضع
يوسف انشاء الله ازمه وتعدي بس اصبري
هبه...فدوه ماعرفت السبب
يوسف...بعدين اني اكولج الاسباب
جمانه السعيدي
بقينا نحجي شويه وبعدين سديته ونمت
ثاني يوم ماخابرني اني اتصلت ومايرد
ثالث يوم كلمتين وكال اني مشغول
رابع يوم ما اتصل بيه
مرات يرد يهديني ومرات مايرد ابد
المشكله اني تعلمت علي وشتاقيتله هو اول رجال بحياتي
حيل تعلقت بي
ما اتخيل حياتي بدونه ابد من افكر مجرد تفكير يعوفني اتخبل
المهم مر شهر على هاي الحاله واني تغيرت حيل تعبانه وماليه خلك ابد لاي شي
ضعفت حيل من التفكير والهم
شكلي ذبل وحالتي تعبانه
اليل والنهار افكر اريد اعرف شنو الاسباب الي غيرتهم عليه
كلهم جانو يحبوني
وطايرين بيه وعمتي ما اوكع من السانه
وعمي كله يصيحلي بويه
ويوسف المصيبه يوسف
كل شويه يخابرني من الشغل
ومن يرجع عبالك مفاركني خمس سنيبن
اول ما يدخل يحضني من الباب ويبقى يبوس بيه
حتلو اهله موجودين
شلون تغير هيج ماادري
كلما اكله تعال اخذني رجعني البيتكم
مايرد عليه
الا ان خابرته بيوم ٤٠ مكالمه وهو مارد عليه متت حسيت نار كبت بيه
بعدين رد عليه
هبه وينك حبيبي ضليت بقلق عليك
يوسف اريد اكلج شي مهم اسمعي زين وافهمي اني وياج لازم ننفصل
هبه شنو شكاعد تكول شنو ننفصل تحجي صدك لو تتشاقه
يوسف احجي صدك اني وياج بعد مانبقى سوا
هبه يمعود كول غيره اني مستعده اعتذر من اهلك واحد واحد ولو اني ما اعرف شنو غلطي
بس ميخالف اني مستعده اعتذر
واعيش خدامه جوه رجليك بس لا تعوفني فدوه
ولله اموت إذا تعوفني
اني احبك يوسف فدوه لاتعوفني
بدل ماتدور وتبحث علي الروايات خليها علي تليفونك وحمل تطبيقنا
