رواية الأرملة السوداء الفصل الرابع 4 بقلم جمانه السعيدي
هشام من آخر مره حجيت ويه امي وهمام وبعد كطعت الكلام بينا
ومقرر حتلو ما يوافقون ازوجها
قررت رواء بعد ما تشتغل تكعد بلبيت
ما اريدها تحتك بهمام
خاف يسمعه كلام لو تصير مشكله
كل يوم اروح اشوفها وأخذله مسواك
وانطيته فلوس اجهز نفسها
اي شي تحتاجه تشتري من ملابس ومكباج
والذهب الي يعجبه يجيها الحد البيت
كنت احسب يوم يوم يمته تخلص ايام العده
جمانه السعيدي
همام كعدنا اني وامي نسولف وحدنا
همام ماما راح تعوفين هشام يزوج رواء
امي يمه اخوك معاند واني مابيدي شي علي خل انسايسه وعلى كيفنا ويااا
همام ماما ماتوالمه وغامضه ومومريحه
انتي ماشايفته شلون لازكتله وتغري وتسحب منه فلوس
تعرفين ساحب ٥٠ مليون اخر شي من المصرف
من غير يوميه يسحب مبلغ
ما اعرف شيسوي بيهن
يعني مبينه جاي تستغله بس هو صاير مثل الاثول
مثل الزمال وساحبته وراها
امي خلي يزوجها ويجيبه يمنا على الاقل نكدر نراقبه
خاف تأخذه وتروح
وتلبسه مصيبه
على الاقل هنا كدام عيونه
اذا تعيش ويانه راح نكدر نعرف طبعه
اذا طلعت خوش انسانه واحنا ضالمينه زين
واذا طلعت حيه وكامت تلعب بذيله
على الاقل نكدر نحمي اخوك منه
ونكشفه كدامه
وساعته هو يطلكه برضاته
همام ولله ما اعرف منيين طلعتلنا هاي الرواء
الله يستر من الجاي
هشام بعد شهر وتخلص ايام العده
وامي بلغتني بموافقة على زواجي
ماصدكت وحضنته وبسته معقوله اهلي اخيرا اقتنعو
اشتريت غرفة نوم حديثه
اخذت الجناح الفوك كله اليه واثثته احسن اثاث
وهمام نزل بلغرفه الجوووه
صحيح علاقتي متوتره ويه همام
بس بلاخير يبقى هو اخوي وما اكدر استغني عنه ابد
اكيد من راح يعاشرون رواء
ويعرفون حقيقته راح يحبوها مثلي
جمانه السعيدي
سويت عرس ضخم احلى عرس كان عرسي
حجزنا بلقاعه
وعزمنا كل الناس المهمه وكل اقاربنا
بعد العرس
رجعنا البيتنا وتمت ليلة عرسنا بالجناح الخاص بيتنا
وثاني يوم اخذته ورحنا التركيا
تونسنا ونسه مو طبيعيه
ورحنا الكل المنتجعات والمناطق السياحبه
خلصنا شهر العسل ورجعنا
واهلي رجعو سوولنا حفله بسيطه بلبيت
كنت احس نفسي اسعد انسان بلكون
وهلكد ما متفاهمين اني ورواء
كنت احس اني صاحب اوفر حض بلدنيا
ازوجت الانسانه الي حبيته
وما افترقت عن اهلي
لمدت اربع اشهر كلشي كان تمام واكثر من تمام
وبيوم جاي ادور بلكنتو ووكع شريط حب
استغربت ليش اكو شريط حب بكنتور رواء
قريت الاسم طلع حب مانع
اني كل شهر اسئله ليش ماكو حمل
وتكول رزق من الله
شنو هي تضحك عليه ليش ما تريد تحبل
صحت عليه بصوت عالي
اجت تركض هااا حبيبي
هشام شلت الشريط وكتله شنو هذا
رواء هااا هذا علاج
هشام اعرف علاج هذا مو مانع حمل
رواء يااا هذا جاي ويه ملابسي بلغلط جنت ابلع منه
قبل حتى لايصير حمل
اقصد بزواجي السابق
هشام يعني انتي هسه ما جاي تاخذين منه
راسا حضنتني وباستني
شلون اخذ حب مانع واني ادعي ربي يوميه يمته
يصير عندي ولد يشبهك
اخذت الشريط مني وشمرته بلزباله
هاااك شوف شمرته لان ما اريد اي شي يذكرني بلماضي
حياتي الحقيقيه ابتدت من عرفتك
جمانه السعيدي
هشام كدرت تقنعني وصدكته
حتى علاقته بامي كلش زينه
كلما اشوفها بلبيت احس نفسي مسوي انجاز
فات ست اشهر على زواجنا وماكو حمل
هشام حبيبتي ترحين للدكتوره
رواء ليش شصاير
هشام اريدج تفحصين ليش اتاخر الحمل
انروح اني وياج
رواء ليش مستعجل حبيبي كله رزق من رب العالمين
هشام والنعم بلله بس أريد اعرف السبب حتى اعالجه
رواء ترا مصار هواي مزوجين الناس تبقى سنه وسنتين
وبعدين يجون الاطفال
هشام سحبته وكعدته بحضني اني ماعندي صبر اريد حبيبتي تحبل وجيب بسرعه
رواء اصلا اني بعدني مشبعانه منك
واذا اجه طفل اكيد راح يشغلني عنك
هشام ابن الكلب انعل والدي اذا ياخذج مني
رواء حبيبي انت محد ياخذني منك
وعلى العموم باجر اروح للدكتور واشوف اذا من عندي السبب
هشام ثاني يوم بقيت منتضر على نار كل شويه اتصل عليه
كالت سويت كل التحاليل
وطلع كلشي تمام
هشام لعد باجر اني اروح اسوي تحاليل
وفعلا رحت ثاني يوم وكلشي طلع تمام
من رجعت للبيت
هشام طلعن تحاليلي وكلشي تمام
رواء اي ليش ضايج
هشام اذا ثنيبنه تمام ليش ما يصير حمل
رواء موكلنا رزق رب العالمين
هشام انطيني تحاليلج اخذهن هنه وتحاليلي واعرضهن على غير دكتور
جمانه السعيدي
رواء تحاليلي هااا ما جبتهن بقن يم الدكتوره
هشام ليش بقن يم الدكتوره
رواء حبيبي لمن طلعن التحاليل والدكتوره اكدت كلشي تمام وماكو اي مانع للحمل
شمرتهن شسوي بيهن
اهووو انت ليش مدوخ نفسك هسه يصيرون الجهال ويملون البيت علينا
هشام سكتت واقتنعت بكلامها
بعد ثمن اشهر من زواجنا
بيوم رجعت ولكيته ضايجه حيل
هشام ليش الحلو ضايج
رواء ماكو شي
هشام مو من عوايدج احجي شكوووو
رواء خاف احجيلك وتزعل مني
هشام لا ما ازعل من حبيبتي
رواء اكو شغله اني ما اريد احجي بيه
بس حسيت زادت عن حدها حيل
هشام شنووو
رواء همام
هشام شبي
رواء جاي يتحرش بيه
هشام لا لا ما اصدك مستحيل همام يسويه
رواء مو هسه من اول زواجنا واني ساكته واكول ميخالف
ما اريد تصير مشاكل بين الإخوان بسببي
بس الموضوع زاد عن حده
يعني ما اكدر احجيلك شجاي يسوي وياي
اني استحي احجي بهيج مواضيع
هشام مستحيل همام اخوي وماعنده هيج سوالف ابد
رواء خلاص اني راح اكشفه الك عل حقيقته
راح اخليك تشوفه شلون يتحرش بيه
حتى تصدك
انت جاي تكذبني واني مراح ازعل منك
بس راح اثبتلك الحقيقه
واخليك تشوف بعينك حتى تصدكني
بعد فتره
رواء بقيت انتضر الفرصه يمته البيت يفرغ عليه
وعلى همام حتى انفذ خطتي
لازم اتخلص منه ومن امه
واستفرد بهشام وحدي
هذا الخير كله لازم يكون اليه اني وبس
ومحد يشاركني بي ابد
جمانه السعيدي
وبيوم ام همام قررت تسافر اتشوف اخته بصلاح الدين
وكانت هاي احسن فرصه اليه
حتى اتخلص من همام وللابد
لازم تكون الخطه مدروسه حيل وما بيه اي خطء
وتتنفذ بالوقت المناسب
بيومها همام كعد من النوم ودخل يسبح وهشام طلع للشغل
وعمتي ما موجوده
وقررت هذا انسب وقت انفذ بي الخطه
اتصلت على هشام وكتله الحكلي اخوك جاي يعتدي عليه
كسر باب الغرفه
ويكول افتحي لو اكسره
طلع همام من الحمام لابس فانيله وشورت
واني بس شفت سيارة هشام دخلت بلشارع
صحت همام همام الحكلي ووكعت وما اكدر اكوم
اجاهمام يركض ودخل غرفتي....
بدل ماتدور وتبحث علي الروايات خليها علي تليفونك وحمل تطبيقنا
