رواية جعفر العمده الفصل السابع بقلم ليل ادم
( شد جعفر التليفون من ايد لمياء)
جعفر : اي ده يا لمياء هو شوقي بيكلمك ليه
لمياء: شوقي شوقي مين
جعفر: شوقي مين يا ليفه دنتي طلعتي واطيه مش زاي امك خالص امك كانت اجدع منك
لمياء: لا أنا معملتش حاجه والله يا معلم
جعفر: طب اديكي فرصه تانيه اي رأيك
لمياء: اه والله وهعمل اللي تقول عليه
جعفر: كان عايز منك شوقي
لمياء: كان عايز اجي اعمل فضيحه ولو رفضت تجوزني سيف اطلب منه يعمل مجلس وحد غيرك يحكم بيني وبين سيف
جعفر : بس كده
لمياء: اه والله هو ده اللي حصل
جعفر: منا مصدقك يابت يا لمياء أصل الواد شوقي ده يموت في التفاهه
لمياء: خلاص امشي أنا
جعفر: طبعاً تمشي خودي الفلوس دي خليها معاكي وأنا هكلمك اطمأن على اللي في بطنك كل يوم ابني برضوه ولا اي
لمياء: ربنا يخليك يا معلم جعفر دا كتير اوي
جعفر: مفيش حاجه تكتر عليكي يا حبيبتي المهم بس وانتي نازله فوتي على الواد شوقي قوليله يعمل الجلسه
لمياء: طب ليه
جعفر: هقولك وقتها ليه يا لمياء انتي بس اعملي اللي بقولك عليه خلينا افرح بيكي انتي وسيف
لمياء: ( بفرحه كبيره) ماشي سلام
جعفر: سلام يا حبيبتي
في جانب آخر
جعفر : ألو
نعيم : اي يا جعفر روحت فين
جعفر: في بت نازله من عندي من البيت دلوقتي راحت فين يا نعيم
نعيم: استنا كده
جعفر: ماشي
نعيم : دخلت البيت عند شوقي
جعفر: حلو أول ما تمشي بقا قولي علشان انزل أنا
نعيم : هو في اي يا جعفر أنا مش فاهم حاجه
جعفر: مفيش ياض منا بكلمك اهو مالك
في جانب آخر
شوقي: كنت عارف أن جعفر لا يمكن يقبل
لمياء: المهم أنا مليش في الجلسه تخلص هطلع من القصه دي كلها
شوقي: أنا أديتك كلمه خلاص المهم الوقتي انك عايزه تعملي جلسه بينك وبين سيف ابن جعفر
لمياء: اه
شوقي: بس هحدد الجلسه مع جعفر وهكلمك امشي انتي الوقتي خودي
لمياء: اي ده
شوقي: كارم هياخدك يوديكي شقه بعيده عن جعفر علشان محدش يعملك حاجه وبعد الجلسه روحي مكان ما تروحي
لمياء: ماشي
كارم : أركبي
نعيم : ألو
جعفر: اي
نعيم: انزل كارم خدها ومشي
جعفر: خدها على فين ده
نعيم : اطلع ورا
جعفر: اه بس من غير ما ياخد باله
نعيم: تمام سلام
بعد نزول جعفر المكتب
نرجس : عامل اي يا جعفر
جعفر: ازيك يا بت يا نرجس
نرجس: الحمد لله يا معلم جعفر
جعفر: أول ما افتكرتي تسألي
نرجس: كنت فاكره انك هتسأل عني
جعفر: أنا كل اسبوع ببعت ليكي الواد مصطفى يشوف طلباتك حصل ولا لأ
نرجس: لا ياجعفر أنا مش عايزه مصطفى أنا عايزاك انت ( وجريت حضنت جعفر )
جعفر: مش انتي اللي عايزه كده يا نرجس
نرجس: مش عارفه ابعد اكتر من كده يا جعفر مش عارفه
في جانب آخر كان شوقي داخل المحل شاف نرجس في حضن جعفر
شوقي: أنا جيت في وقت غير ملائم ولا اي
جعفر: اطلعي شقتك يا نرجس
نرجس: ( بفرحه كبيره) اطلع البيت
جعفر: اه أطلعي استني فوق
نرجس: حاضر ( وطلعت جري على البيت )
شوقي: ياريتك قلبك كبير معايا أد ما كبير. مع الحريم
جعفر : خلاص اطلع شقتك يا شوقي وأنا طالع وراك مكنتش اعرف انك عجله ( وبيضحك)
شوقي: وأنا مكنتش اعرف ان ابنك وسخ كده
جعفر: حسك عينك سيره ابني تيجي على لسانك
شوقي: ياعم اهدا بس البت الغلبانه اللي ابنك غلط معاها عايزه تعمل مجلس ونشوف الحق عند مين انا بيني وبينك قولت بدال الفضيحه اجي عند اخويا جعفر اقوله نشوف الموضوع ده
جعفر: ملكش دعوه بالموضوع ده يا شوقي أنا هتصرف مع البت
شوقي: للأسف مينفعش يا جعفر أصل بصراحه البنت صعبانه عليا جدآ
جعفر: اللي تشوفه بس خليك فاكر اني قولتلك الموضوع ده بره عنك
شوقي: شوف بقا ابنك واتكلم معاه علشان الجلسه هاخد بيها معاد النهارده أنا عايز أنجز قبل ما بطن البت تكبر
جعفر: هو المحل مش هيتفتح تاني ولا اي يا شوقي
شوقي: مين قالك كده الناس شغاله في وهيرجع احسن من الأول كمان
جعفر: جدع انت كده ياله بقا عبال ما الجلسه تيجي روح شوف شغلك ولا صحيح أنا ناسي انك صايع انت واخوك الله يكون في عونك يا حماده
شوقي: بكره تشوف الصايع ده هيعمل فيك اي
اثناء الحديث دخل سيد
سيد : جعفر أنا عايز فلوس الوقتي حالا
جعفر: اهدا يا سيد في ناس وقفه
شوقي: هو أنا غريب يا معلم جعفر عيب الكلام ده
سيد : أنجز يا جعفر بقولك عايز فلوس
جعفر: روح شوف عندك اي ياعم ( وزق شوقي بره المكتب)
جعفر: فلوس اي دي يا سيد
سيد : هتكون فلوس اي فلوس يا جعفر متعرفش الفلوس
جعفر: لا عارف الفلوس انت بقا قصدك فلوس مين
سيد : فلوسي
جعفر: لا ملكش عندي فلوس
سيد : جعفر بلاش نقف قصاد بعض ونبقا فرجه للناس
جعفر: أنا جاهز انت جاهز
سيد : يعني اي مفيش فلوس
جعفر: اه مفيش فلوس لحد ما ترجع لعقلك يا سيد
سيد : خليك فاكر اني جيت بدال المره مليون وانت اللي في دماغك في دماغك
جعفر: فاكر يا سيد
خرج سيد من المحل غضبان جدا طلع بيت وداد
وداد : مالك يا سيد
سيد : جعفر مش عايز يطلع الفلوس بتاعتي من عنده
وداد : سيبك منه أنا معايا فلوس عايز اي
سيد : أنا بحبك وعايز نرجع لبعض تاني يا وداد قولتي اي
وداد : موفقه طبعاً يا سيد
سيد : خلاص يبقا الخميس الجاي نعمل ليله السيده زينب كلها تشهد بيها
وداد : موفقه طبعاً يا سيد الرجاله اللي تشوفه
سيد : أنا نازل
وداد : منتا قاعد يا اخويا
سيد : لا كفايه كده أنا نازل سلام
وداد : سلام
بعد نزول سيد
وداد : ألو
شوقي : اي يا دودو
وداد : حصل
شوقي: امتا
وداد : يوم الخميس
شوقي: حلو اوي يبقا نعمل الجلسه يوم الخميس علشان تبقا كسره النفس من كله يخسر ابنه و اخوه في يوم واحد
وداد : مش فاهمه حاجه
شوقي: مش مهم ركزي على اللي اتفقنا عليه انتي بس
وداد: ماشي سلام
في جانب آخر
ثريه: نرجس ينهار أبوكي اسود بتعملي اي في السبوره يا نرجس
نرجس: خلاص يا روحي جعفورتي ردني تاني وبقا ليا مكان في الجدول يا عنيه
صفصف : منك لله يا جعفر مش كفايه الحراميه كمان رجعتلي نرجس بتاعت الأعمال
