 |
رواية خريج سجون الفصل الثامن 8 بقلم ياسر عودهتوقفنا قبل كده لما اتقابلت نرمين مع زين علشان تحكيله حكايتها مع الحاج عبدالسلام . الاول اذكر الله وصلى على الحبيب المصطفى وادعوا لاخوانكم بفلسطين والسودان وكل بلاد المسلمين. زين : انتى عوزه تقولى ان الحاج عبدالسلام عاوز يجوزك ابن اخوه علشان يبعدك عن كل حاجه ؟ نرمين : مش بس كده ، هو عاوز يستولى على كل ميراثى ، واتفق مع ابن اخوه تيمور على كده ، وحتى مراته زهره كل همها ازاى تدايقنى وتكرهنى فى البيت علشان اسبهولها ، اللى هو بيت امى اصلا . زين : يعنى ايه الكلام ده ؟ نرمين : فاكر اليوم اللى شفتنى فيه بزعق للجنينى ، عارف كنت بزعقله ليه ؟ زين : ليه ؟ نرمين : امى كانت بتحب الجنينه دى او ، وبتحب نوع معين من الورد وزرعاه ومهتميه بيه ، وزهره تعرف انى مستحمله اقعد فى البت ده علشان افضل اشوف جنينه امى قدامى ، علشان كده خلت الجنينى يخرب فيها وكل ليوم بلاقى فى ورد متشال ومتقطع من الجنينه ، ولما كنت بسأله كان بيقول معرفش ، مع انى عرفه ان هوه اللى كان بيقطعهم ، وعلشان كده كنت بزعقله لما انت شفتنى . زين حس بالاحراج من نفسه علشان اجبر نرمين تعتذر من واحد كان بيتعمد يأذيها . نرمين : انا عارفه ان انت ممكن تكون مشكك فى كلامى ، بس انا معايا دليل هيخليك تتأكد من كل حاجه قولتها . زين : دليل ايه ؟ طلعت نرمين ورقه من شنطه ايديها وادتها لزين وقالت : ده اعلان وراثه بيسبت ملكيتى فى الثروه كلها ، طبعا لما امى ماتت عبدالسلام كن عامل حسابه يبقى الواصى عليا علشان انا مكملتش واحد وعشرين سنه سعتها ، بس امى كانت كتبت وصيتها ان عمو فريد المحامى هو اللى يكون واصى عليا . زين : مين فريد ده ؟ نرمين : كان صاحب بابا ومحامى للعيله من زمان ، والوحيد اللى بثق فيه من الناس اللى حوليا ، ولولا وجوده كان زمان عبدالسلام ضيع كل حاجه منى وخدها . زين : طيب وليه المحامى بتاعك مفصلش ورثك عن فلوس الحاج عبدالسلام ؟ نرمين : عمو فريد محامى شاطر ومعرفه كتير ، بس ميفهمش حاجه فى شغل المقاولات ، وعبدالسلام ديما بيعمل لعبه تخلينا منقدرش ننفصل عنه . زين : لعبه ايه ؟ نرمين : اللى فهمته انه لما بيتعاقد فى اى مشروع او شغل بيكتب شرط جزاء اكبر من تمن المشروع باضعاف ، وطبعا الشرط باسم الشركه ، يعنى وقت ما نفصل نصيبه عن نصيبى انا اللى هتحمل تكلفه الشرط علشان مابفهمش فى الشغل وسعتها هخسر معظم فلوسى . زين : دى مش دماغ بنى ادم ، دى دماغ شيطان . نرمين : اومال انت ليه فاكر منعنى انزل الشركه واتعلم الشغل ، انا دخلت كليه الهندسه قسم معمار مخصوص علشان ابقى قريبه من مجال شركتى ، بس عبدالسلام معجزنى . زين : انتى شكه ان على ابنى ، انتى عرفتى ازاى ؟ نرمين : انا مش شكه يا زين ، انا متأكده ان على مش ابن عبدالسلام . زين : ايه اللى مخليكى متأكده ؟ نرمين طلعت ورقه تانيه من شنطتها وادتها لزين وقالت : علشان عبدالسلام مابيخلفش اصلا ، والتحليل اللى معاك بتقول كده . زين : التحليل دى اتعملت ازاى ؟ نرمين : لما عبدالسلام اتجوز ماما ورغم انها كانت اكبر منه بس كان عاوز يخلف منها وخصوصا لو ولد علشان يقدر يستولى على معظم فلوس ماما ، بس لما الحمل اتأخر راح وعمل تحليل وكانت النتيجه انه عنده عقم ، وانا خدت التحليل دى من غير ما يعرف . زين : يعنى زهره كدبت عليا ، طيب ليه عرفت الحاج عبدالسلام امتى وازاى اتفقوا على انهم يخدوا ابنى ؟ نرمين : معرفش ، فجأه ظهرت زهره وجبها البيت وقال انه متجوزه من فتره وانها حامل ، طبعا هو ميعرفش انى عرفه انه مش بيخلف . زين : انتى عوزه منى ايه ؟ نرمين : بص يا زين انت وانا لينا حق عند عبدالسلام وزهره ، انت ليك ابنك وانا ليا فلوسى ، وانا مش فهمه فى الشغل بس انت بقالك فتره وبقيت دراع عبدالسلام اليمين ، يعنى فاهم كل حاجه ، انا عوزاك تساعدنى . زين : اسعدك ازاى ؟ نرمين : انا دلوقتى سنى يسمح اشيل الوصايه من عليا ، وممكن اخلى عمو فريد يفصل فلوسى عن فلوس عبدالسلام وهتبقى ليك اداره الشركه والمشروعات لغايه ما اتعلم الشغل وندرها سوه ، والمقابل اننا نبقى شركه سوى . زين : انا مش مصدق اللى بتقوليه ، وايه يخليكى تقبلى ان واحد يشركك فى فلوسك وحقك ؟ نرمين : فلوسى كده كده ضايعه مع عبدالسلام ، وهو عاوز يجوزنى لابن اخوه وياكل حقى ، يبقى اتحصل على نص فلوسه على الاقل بدل ما تضيع فلوسى كلها وعمرى كمان مع واحد مش بحبه وطمعان فيا . زين : واشمعنا اخترتينى انا ؟ نرمين : انا عرفه ان انت خارج من السجن وانك اتحبست عشر سنين فى قضيه مخدرات ، وعرفه ان اخواتك اتنكروا منك ، وملكش صاحب غير عرفه اللى عرفته من السجن . زين : عرفتى كل ده ازاى ؟ اذكر الله وصلى على الحبيب نرمين : منا لازم اعرف كل حاجه عن الراجل اللى هسلمله فلوسى ، وزى ما قولتلك عمو فريد معارفه كتير وسهل عليه يجمع المعلومات دى عنك ، وكمان من ساعت ما شفتك فى الفيلا وانا برقبك وعرفت ان انت حد نضيف وهتساعدنى . زين : مش يمكن بمثل ، او اروح اقول للحاج عبدالسلام على كل حاجه عرفتها منك ؟ نرمين : حتى لو حصل يبقى دفعت تمن اختيارى الغلط ، وكمان مش تفرق كتير لو عبدالسلام عرف انى عرفه كل حاجه ، هو اصلا لافف الحبل على رقبتى وخنقنى . زين سكت ومتكلمش ، ونرمين كملت كلمها وقالت : هديك مهله تفكر يا زين ، بس لو سمحت متتأخرش عليا . مشيت نرمين وسابت زين متلخبط ومش عارف يعمل ايه ، كل حاجه اتقلبت قدامه ، الراجل اللى اعتبره زى ابوه طلع ظالم ، وحببتى خدت ابنه منه وكتبته باسم حد تانى ، والبنت المتكبره طلعت مظلومه وطلبه مسعدته ، وفى وسط ده كله عقله مشغول على امه اللى ميعرفش ان كانت عيشه او ميته . مر يومين وزين فضل زى ما هو ، مش عارف ياخد قرار ، وكان بيدور فى مستندات العقود للمشاريع علشان يتأكد من كلام نرمين فى حكايه الشرط الجزائى الضخم وفعلا اتأكد انها قالت الصدق وفى الاخر اتصل زين بنرمين وطلب يقابلها . اتقابل زين مع نرمين وقالها انه موافق يساعدها ، وسعتها خدته علشان يقابل المحامى فريد ، وقعد معاه زين علشان يتفقوا على كل حاجه . بعد ما خلص زين مع المحامى قاله : انا عاوز منك طلب يا استاذ فريد ؟ فريد : اتفضل ؟ زين : انا عرفت من نرمين ان انت ليك معارف وعلاقات كبيره . فريد : ده حقيقى . زين : فى حد عاوز اعرف مكانه . فريد : مين ده ؟ زين : امى ، لما خرجت من السجن عرفت انها مختفيه من سنين ، وعاوز اعرف هى فين او حصلها ايه . سكت فريد ومتكلمش ، وسعتها اتكلمت نرمين وقالت : لو سمحت يا عمو فريد حاول تساعد زين علشان يلاقى امه . فريد : الموضوع مش سهل كده يا نرمين ؟ نرمين : بس انا عرفه ان انت هتعرف توصلها . بص فريد لزين وقاله : انا هسعدك يا زين ، بس خليك فاكر نرمين زى بنتى ، ولو غدرت بيها انا مش هرحمك ، وسعتها امك مش هتعرفلها طريق . زين : متقلقش يا استاذ ، انا نويت اساعد نرمين حتى لو امى مرجعتش . فريد : من بكره هبتدى فى اجراءات فصل فلوس نرمين عن فلوس عبدالسلام . فريد كان بيعمل كل اجراءاته فى سريه تامه ، واللى سعده على كده ان الحاج عبدالسلام كان تعبان ، وبعد مرور اسبوع تقريبا كانت المفاجأه ، كان يا دوب الحاج عبدالسلام ابتدت صحته تتحسن . كان الحاج عبدالسلام ومراته وابن اخوه موجدين بالفيلا ، ودخل المحامى فريد ومعاه قوه من الشرطه ومندوب من المحكمه . دخلت المجموعه دى كلها واتكلم مندوب المحكمه مع الموجدين وقالهم : انا معايا حكم من المحكمه بتسليم السيده نرمين ممتلكتها واولها الفيلا دى . الصدمه كانت قاتله لعبدالسلام وزهره وتيمور كمان . |
تعليقات
