رواية جعفر العمده الفصل الاول بقلم ليل ادم
الحديث في محل حماده فتح الله
جعفر : حماده كلامي ليك المرادي اخر كلام واخر تحذير ابنك يوسف اللي مات على ايدي مكنتش طرف في ابنك اللي رفع سلاحه كان عايز يقتلني و بنتك دلال اللي أتعلقت في حبل المشنقة كانت ست الحته على ايدي كانت عايشه في ضلي نامت على فرشتي وكنت مربي تعبان في بيتي
حماده فتح الله: اي لازمت الكلام ده الوقتي يا جعفر انتا عايز اي مني
جعفر : لازمته أن شوقي و كارم كلها شهور و يطلعوا من السجن وكتاب الله يا حماده حد منهم قل تفكيره شيطانه ساقه جابه على سكه فيها جعفر العمده هتستلمهم في ملايات بيضاء عقلك في راسك يا حماده ( وخرج من محل حماده فتح الله رجع إلى محله )
جعفر : بتعمل اي يا سيد
سيد : اي يا جعفر مالك
جعفر: يابني هو أنا اتكلمت أنا بقولك بتعمل اي
سيد : باخد فلوس من الخزنه في حاجه ولا اي
جعفر: لا مفيش بس بفهم ليه مش اكتر
سيد: عايزها في مشوار
جعفر: ماشي يا معلم سيد المال مالك وانتا حر في يا معلم
سيد : صحيح يا جعفر المال مالي وانا حر في
جعفر: اه طبعا يا معلم سيد هو الواد نعيم فين
نعيم : أنا هنا اهو يا معلم جعفر
جعفر : خود يا نعيم اقولك بعد اذنك يا سيد
نعيم : اي يا معلم
جعفر: ( خد نعيم وخرج بي بره المحل ) عايزك تمشي ورا سيد لما يخرج شوف الفلوس دي رايحه فين وتعالي قولي مش عايزه ياخد باله من خيالك
نعيم : عيب
جعفر: روح انت
سيف : صباح الفل يا معلم
جعفر : صباح الفل يا حبيبي تعالي صاحي بدري ليه كده
سيف : المحل بقاله كتير مقفول قولت انزل افتح
جعفر : منا قولتلك شاركني بس انت رافض يا معلم سيف
سيف : لا معلش يا معلم مش بحب اشارك حد
جعفر: شوف الواد هو انا حد يابني دانا ابوك يا ليفه
سيف : معلش يا معلم انتا عارف دماغي ناشفه شبه واحد اعرفه
جعفر: اه ياض يا سيف أبوك دماغه ناشفه اوي فعلاً
سيف : عايز مني حاجه قبل ما أمشي
جعفر: لا يابا روح نهارك كله خير
سيف : سلام
جعفر: سلام يا ليفه
تليفون جعفر بيرن
جعفر: ألو
الأم: أطلع الوقتي حالا شوف مراتك ثريه الحراميه
جعفر: مالك بس يا صفصف يا ملكه السيدة زينب وكل النجوع والقري المجاورة
الأم: سمع مراتك المقشفه أنا أبقا مين
جعفر: صفصف الملكه يابت نجمه السيده زينب وكل النجوع والقري المجاورة
ثريه : والله ما خدت منها حاجه يا جعفر
جعفر: طالما حلفت بالله تبقا خدت ياما انتي عندك حق
صفصف : اطلع هاتلي حقي
جعفر: حاضر يا ملكه من عيوني
في جانب آخر
سيد : اسمعي يا وداد اللي حصل منك كان كفيل اني أدوس عليكي يابنت فتوح بس علشان أنا راجل جدع جبتلك الفلوس بدال ما تترمي في الشارع شوفي بيت عيشي في
وداد : ربنا يخليك ليا يا معلم سيد حقك فوق راسي كنت هبله مش عارفه حاجه ابوس ايدك بلاش تدوس عليا اكتر من كده
سيد : مين اللي داس على مين يا وداد انتي خليتي شكلي قصاد كل بيت في الحاره مش قادر اقولها
وداد : ضحك عليا والله شوقي ضحك عليا مكنتش فاهمه حاجه
في جانب آخر
نعيم : ألو
جعفر: اي يا نعيم
نعيم : سيد واقف مع وداد واخد الفلوس ليها
جعفر: كنت عارف أن سيد عايز يجبلي جلطه خليك وراها يا نعيم اعرف مكانها فين بنت الكلب دي
نعيم: خلاص ماشي يا جعفر سلام
جعفر: سلام
في جانب آخر
في احد السجون
حماده فتح الله: شوقي المرادي مش عايز اخسر حد تاني جعفر العمده جالي النهارده حذرني من اي حاجه تانيه تحصل منكم
شوقي: اي يا حماده خلاص ركبك سابت جيت جري تقولي اللي حصل
حماده: انتا عارف جعفر دماغه سم
شوقي : لا يابا جعفر جالك علشان مبقاش حمل وجع دماغ تاني بس يمين بالله يا جعفر ما حد قطع نفسك غيري
كارم : مينفعش يابا بعد كل اللي حصل ده نسكت أنا واحد بقيت رد سجون عشر سنين محبوس بسبب ابن الكلب ده يمين الله لو شوقي نفسه قال اه أنا هقولك لأ وألف لأ نهاية جعفر قربت اوي يابا
حماده: كل مره تقول نهاية جعفر قربت واكتشف أني بخسر عيل من دمي اللي جاي لو في دم أنا ممكن يحصلي حاجه علشان خاطري يا شوقي وانت يا كارم بلاش نفتح في القديم تعالوا نقف في المحل جمب بعض رزقنا على الله بلاها من جعفر و حواراته
شوقي : ارجع السيدة زينب يابا اللي جاي بره عنك ( وقام هو و كارم رجعوا إلى الزلزله من تاني )
حماده: مكتوب عليك تخسر كل عيالك يا حماده مكتوب عليك تدفنهم شباب
في جانب آخر
سيف : جايه عايزه اي يا لمياء
لمياء: عايزك يا سيف انتا ليه عملت كده ليه ضحكت عليا أنا و امي وقولت انك ممعكش فلوس كنت عايز تهرب مني مش كده
سيف : لمياء أنا قولتلك قبل كده أنا خلاص مش عايز الموضوع بتاعنا ده تاني
لمياء: حتا لو عرفت أن أمي ماتت و المحل اتقفل وبقيت لوحدي
سيف : لا اله الا الله مكنتش اعرف والله الله يرحمها
لمياء: علشان خاطري يا سيف أنا مش عارفه اعمل اي حاجه من غيرك تعالي نرجع لبعض من تاني مش عايزه منك حاجه غير انك تبقا جمبي
سيف : بس انتي عارفه موضوع الخماره بتاعت امك ده قافل كل السكك بيني وبينك
لمياء: بقولك ماتت ماتت والمحل مقفول انت مش مصدقني ليه
سيف : خلاص خلاص كفايه عياط
لمياء: ( مسكت أيد سيف ) يعني موافق
سيف : اهدي بس تشربي لمون
لمياء: ( هزت رأسها)
سيف : سعد يا سعد
سعد: نعم
سيف : هات لمون
سعد : تحت امرك يا استاذ سيف
في جانب آخر
نعيم : جعفر سيد راح اشتري شقه ل وداد
جعفر: كنت عارف أن سيد مش هيجيبها لبر فين الشقه دي
نعيم : العنوان اهو خود
جعفر : هات المهم سيد شافك أو حاجه
نعيم : لا مفيش منه عيب
جعفر: ماشي هو فين الوقتي
نعيم : طلع بيته
جعفر: ماشي ( وطلع البيت كانت شقه صفصف مفتوحة شدت جعفر جوه البيت )
جعفر: اعوذ بالله من الشيطان الرجيم اي ده ياما اتخضيت
صفصف: أنا صفصف الملكه ثريه مراتك تسرق الخاتم بتاعي هو أنا قاعدة فين في محطة مصر انتا كل شويه تمد ايدك في الزبالة تطلع كيس اسود ترمي في وشي
جعفر: ينهار اسود ياما انتي لحد الوقتي بتشتمي في البت علشان الخاتم وانتي يابنت الكلب مش قولت قبل كده بلاش أيدك الطويلة دي
ثريه : والله مظلومه يا جعفر أنا معملتش حاجه
صفصف : كدابه كدابه يابنت بتاع الجاز
جعفر : انتي امك كانت بتبيع جاز
ثريه : ل حبايبها بس والله يا اخويا
جعفر: حبايبها ليه كانت بتبيع ورد
سيد : في اي يا جعفر صوتك طالع لحد بره
جعفر: مفيش يا معلم سيد انتا عاملت اي في مشوارك
سيد : تمام ليه في حاجه
جعفر : لا ابدا سلامتك يا معلم خلاص ياما بقا ( ماسك ثريه من كتفها علشان يبعدها عن صفصف وقع الخاتم من جوه هدوم ثريه )
صفصف: الله اكبر اهو بتاع مين الخاتم ده يابنت نبويه
جعفر: الله يكسفك يا بعيده ليه كده
سيد : سيبك منهم يا جعفر وتعالي عايزك في موضوع مهم
جعفر: عيني يا معلم سيد تعالي
وخرج مع سيد المحل
جعفر: قول يا معلم
سيد : البت وداد متمرمطه اوي يا جعفر
جعفر: لأ
سيد : لا اي
جعفر: دي واحده اتجوزت اكتر واحد بيكرهك ويكره اخوك على وجه الارض قبلت عليك كسره نفسك داست على كرامتك يا سيد انتا بتقول اي
سيد : ( بخجل ) بس أنا بحبها يا جعفر
جعفر: حب اي يا سيد بقولك كانت على ذمتك وفي سرير راجل تاني فووق يا سيد كفايه أنك روحت اديتها فلوس حلو اوي لحد كده
سيد : انتا بتبعت العيال تمشي ورايا يا ابن أبويه
جعفر: علشان عارف دماغك ياسيد وحافظ تفكيرك
سيد : من هنا ورايح انتا من طريق و انا من طريق يا جعفر و اي فلوس بينا ياريت تجيلي
جعفر: فلوس اي يا سيد الفلوس دي كلها بتاعتي انتي ناسي ياسيد ولا اي
سيد : يعني كمان مش عايز تديني حقي يا جعفر بتاكل حق اخوك الكبير
جعفر: ومفيش بينا كلام كمان قبل ما ترجع ل عقلك وتبعد عن البت دي
( وساب سيد وخرج ل نعيم)
نعيم : اهدا على سيد شويه يا جعفر
جعفر: هشششش تعالي وديني بيت البت بنت الكلب دي
