مع ساعة الميلاد تكتب اقدرانا، لا نحيد عنها فهي مكتوبه علينا، فان امنت بقدرك قادك الي ما بغنيك وان قاومته جرك الي ما يشقيك
حسمت امتثال الجدال مع ابنها، علي ان يتزوج وينفذ وصيته جده، ويستلم ميراثه، وبعدها يطلق من سبتزوجها ويختار بعدها شريكة حياته كم يريد
اعترضت فريد كثيرًا علي هذا الاقتراح رافضا هذا الميراث الذي جر عليه البلاء والابتلاءات
لكن امام ضغط والدته وتحفيز صديق عمره عادل الذي كشف له المؤامرة التي حيكت عليه وافق مرغمًا
دون أن يسال عن هواية العروس الذي لا يهمه من تكون لكن المفاجاة كان في اختيار والدته التي طلبت من عادل ان بحصلها علي غرفة المكتب قائلة:
هقولك مين العروسة يا عادل واظن ميهمش فريد هي مين كل المطلوب منه يكتب الكتاب ويسيب الباقي عليا المهم خلص معاه وحصلنا علي المكتب
تركتهم وخرجت وجلس عادل امام الطاولة وراي الافطار الذي اتت به والدته واعدته فرحه فقال:
الله فطار فلاحي علي اصله، اكيد قريبتكم الجميلة اللي عملته قولي يا فريد هي اسمها ايه
انتبه فريد الصامت بشرود مبهم لحديثه فقال:
مين قربيتنا دي معرفش بتتكلم عن مين، بقولك ايه خلص انت الفطار ده لان ماما مش هترحمني لو خرجت من غير ما افطر
مد عادل يده وبدا ياكل وعاد وساله:
طيب يا صاحبي انا هخلص الفطار مكانك، لكن عايز اعرف اسم قريبتكم اللي من البلد اسمها ايه، انا مش فاهم ازاي مخدتش بالك من جمالها دي صاروخ ارض جو يابني محتاجه بس شوية رتوش وتبقي قتبله؛
ابتسم فريد علي مضض وتهكم عليه قائلًا:
انت دماغك فاضيه مفيش فيه غير البنات وكلهم بالنسبالك حلوين، صدقني يا عادل انت لا تفقه شئ عن الجمال الحقيقي وهو جمال الروح مش الشكل وتناسق الجسد زي ما انت متخيل،
بقولك ايه خلص فطار وروح شوف ماما عابزاك في ايه علي ما اخد شاور والبس ونخرج، لاني مخنوق ومحتاج اغير جو
ضحك عادل من حديث فريد عن جمال الروح وهو الذي تلعب به ابنة عمه، واوقعته في شباكها لجمالها الاخاذ وليس لروحها ونفسها الجشعه، فكيف يقول انه يفقه عنه بالجمال، وهو لم يري جمال ضيفتهم البرئ وحضورها الطاغي بروحها النقية الذي يضغي علي جمال وجهه الساحر، فتاكد ان حبه للعلم جعله لا يميز الخبيث من الطيب، غيره هو الذي مر عليه الجمال بجميع اشكاله وانواعه لهذا رأى جمال فرحه الحقيقه دون حتي ان يعرفها جيدًا، هز راسه بانكار
واكمل تناول فطاره بشهيه وقال:
والله لتندم الفطار يجنن وطعمه لذيذ وشهي، وده ياكد انك ملكش في حاجه حلوه من اصله،زي حقيقة الجمال اللي بتقول عني مش بفهم فيه، وانت عندكم ضيفه لا شوفت في جمال عيونها البريئة ولا طيب روحها وعفويتها وطبعها الحامي اللي بيدل علي نقاء سريرتها وصفاء نفسها وفي الاخر تقولي مشفتهاش
احبك اقولك يا صاحبي انك اتعميت وسوسن خربت زوقك العام، اه لو اعرف اسمها هرتاح
ارتسمت نصف ابتسامه علي طرف ثغره ورد عليه:
والله شكلك اتلحست او بتحلم بنت مين اللي ضيفه عندنا بالمواصفات دي، عمتنا انا لا عايز اعرفها ولا يهمني جمالها ولا حد بنات جنسها كله، كفاية صدمتي في سوسن بنت عمي اللي من دمي
فتح خزنه ملابسه واخرج احد اطقم ثيابه الداخليه وتجهز لاخذ حمام سريع وقال:
ممكن بقي تاكل وتبطل كلام علشان تشوف ماما عايزه منك ايه علي ما اخد شاور
خلص معها بسرعه خلينا نخرج من هنا مش طايق نفسي لاني وافقتكم علي افتراحكم السخيف بالجواز
مش فاهم يعني ايه اتجوز علشان اخذ حقي الاصيل في ميراثي من جدي اللي هو اصلًا حق والدي؛
الجواز مش لعبة دي حياة ومشاركة وعلاقة ابدية اساسها تكوين الاسرة والاستقرار المعنوي والنفسي
نهض عادل عن مقعده بعد.ما انهي طعامه وقال:
ومين قالك انه لعبه، اسع شوف العروسة وخليها علي ذمتك فترة مش يمكن تلاقي التوافق معاهم وترتاح ليها و قتها تتم جوازك منها
ساعتها هتكون كسبت ثروتك وبنفس الوقت الزوجة والاسرة وهتنال الاستقرار اللي بتتمناها قلت ايه
دفعه فريد خارجه غرفته وقال بجفاء ونزق:
شكلك خرفت يا عادل ، استقرار مع واحدة هتتجوز واحد متعرفوش ولا تعرف اخلاقه ولا حتي ميوله وعاداته وثقافته، مقابل المال دي انسانه رخيصة وباعت نفسها ،زبها زي عمي عبده للمال
ممكن تقولي هيعملها ايه المال مش يمكن تتجوز واحد مجنون ويقتله او منحرف ويعذبها
احتج عادل معترضًا علي وصف من ستقبل الزواج به بالرخيصه، حاول ان يغير فكرته تلك عنها حتي لا ياذي مشاعرها باعتقاده الخاطئ فيها وقال:
لا يا فريد انت كده بتظلم البنت، ليه متقولش ان موافقتها علي الجوز منك بسبب احتياجها للمال او لاقتناعها بانك احق بالمساعدة، واوعي تنسي سواء كانت رخيصه او انسانه وافقت علي مساعدتك، فهي تستحق التقدير لموقفها معاك، لانها مش هتستفاد استفادك حتي لو المقابل المال زي ما بتقول، انت
لازم تحترمها لانها هتكون سببب لاسترداد حقك الشرعي من ناس عايزين يسرقوه
تافف فريد بضيق من دفاعه عنها ورد عليه ببرود:
مش مشكلتها اخد حقي او لاء، هي وافقت تاخد مقابل خدمتها سواء كنت هورث او لاء وده شى يدعو للغثيان والاشمئزاز
عادل ياريت تقفل الموضوع ده، بدل ما اقفله انا بطريقتي واسافر حالا لانجلترا، وشوفو بقي مين هينفذ الوصيه او يتجوز
اشاح عادل بيده في وجهه وقال بذعر:
خلاص اهدى بلاش اندفاعك ده، خد الشاور بتاعك وحصلني تحت علي ما اخلص مع والدتك، وبعدها نخرج سلام يا عربس
****************
نزل عادل الي الاسفل فصادف فرحه التي كانت في طريقها الي المطبخ فجذبها من يدها وقال :
مش هتقوليلي اسمك ايه يا قمر
خلصت يدها منه بقوة ودفعته عنها بعنف مفرط:
بقولك ايه يا جدع انت، اطلع من نفوخي احسلك لاقسم بالله افتحلك دماغك، هو ايه البلاوى دي ياربي علي الصبح،
واسرعت من امامه حتي لا يتعرض لها مره اخري،
ضحك عادل بصخب من تلقائيتها التي لا توصف، شرع في اللحاق بها لكن نداء امتثال له التي خرجت علي صوت صايح فرحه جعله يعزف عن ملاحقتها وذهب الي والدة صديقه، دلف وراءها غرفة المكتب فطلبت منه اغلاق الباب والجلوس:
اغلق عادل الباب وجلس امامها سائلًا:
خير يا طنط عايزاني في ايه، اظن مهمتي انتهت باقتناع فريد بالجواز، والحمد لله خلصنا من شر عمه
هزت امتثال راسها بالنفي وقالت:
بالعكس مهمتك لسه هتبدأ، انا محتاجة حدا ثقه يكون وكيل العروسة اللي هجوزها لفريد،
جفل عادل من حديثها واعاد ظهره الي الخلف وسالها بحيرة:
مش فاهم يا طنط، هي البنت مقطوعه ولا ايه ممكن توضحيلي علشان اقدر اساعدك
هزت امتثال راسها بالنفي وقالت:
لا مش مقطوعه ولا حاجه اهلها موجودين ناس طيبين وغلابة، لكن البنت قاصر،
حدق بها عادل بذهول ونهض من مقعده فجاة وطالعها بتعجب وحيرة قائلًا باستغراب:
قاصر، من قلة البنات تجوزيه قاصر، اظن يا طنط فريد هيرفض، ثم انا عايزه افهم اهلها هيجوزوها ليه وهي صغيره كده ، ولا اهلها رافضين وده سبب انك عايزه حد ثقه وكيل عنها،
اؤمات براسها بالايجاب واكملت:
الموضوع مش كده، البنت مش صغيرة علي الجواز زي ما انت متخيل، بس والدها مش موجود ومفيش وقت علشان انتظر رجوعه وهي معاها شهادة تسنين من الصحه تجيز ليها الجواز،
كل المطلوب منك تطلع ليها شهادة ميلاد، وتشوف حد يكون وكيلها ولما يرجع ولدها من السفر انا هتفاهم معاهم فهمت
هز عادل راسه متفهمًا وجهة نظرها ورد عليها:
كده فهمت بس انا كمحامي ممكن اكون وكيلها ايه رايك، واظن حضرتك بتثقي فيا
رفضت بشدها واوضحت سبب رفضها:
مينفعش يا عادل، انا عايزه ابعد عنك الشك في انك كشفت استاذك باتفاقه مع حسن عم فريد
كفاية تبقي شاهد، واكيد عندك حد ثقه يحفظ سرنا
وضع يده علي ذقنه مفكرًا وضحك بمكر:
ايه رايك في اونكل سامح، اظن مصدر ثقة وكمان بيتمتي يخدمك يمكن ترضي عنه
ضحك امتثال بخجل اعاد اليها بعض من ريعان شبابها الغابر وقالت بنزق:
يوه يا عادل انا قولتلك ميت مره مفيش مكان لحد في قلبي بعد حافظ، وخالك راجل محترم والف مين تتمناها لكن مش انا، بس فعلا هو اكثر واحد ممكن اثق فيه، كفاية انا لواء في البحرية
وافقها عادل الراي ورد عليها بحماس:
تمام يا طنط ممكن بقي بيانات البنت علشان اطلع ليها صورة من شهادة الميلاد،
وانا هتصل بخالي اظبط معاه كل حاجه واتفق مع الماذون علي كل التفاصيل
ااخذت امتثال نفس عميق وقالت بثقه:
اسمها فرحه عوبس سليمان، والام زينب عبد السميع زناتي هي مواليد ٩٨ تقريبا تمناشر سنه الا شهور
اسمع يا عادل مش. عايزه فريد يعرف عن العروسة حاجه ليرفض ويضيع كل اللي خططنا ليه،
كتب عادل البيانات في نوت الخاص به وقال:
اكيد يا طنط انا هخلص كل حاجه متقلقيش النهاردة باذن الله فريد هينفذ الوصية وينال ميراثه
ما ان انتهي من حديثه سمع صوت فريد من خلفه:
والله يا عادل انت عندك ثقه فيا اكثر من ثقتي فيها انا لحد دلوقتي مش مستوعب اللي بتعملوه
بقولك ايه يلا بينا لاني جبت اخري ومحتاج اتنفس بعبد عن كل حاجه بتفكرني باللي حصل وهيحصل
استدار اليه عادل وابتسم اليه لمودة. ربت علي كتفه:
ماشي يا عريس، بس اسمحلي اعدي علي شقتي اغير هدومي اللي لبسها من امبارح ، بعد سهرتي في مكتب الاستاذ سعيد علشان افتح خزنته،
وبعدها هروح معاك مكان ما تحب لكن خليك فاكر هتتجوز وهتورث وانا هكون شاهد وبعدها ياصاحبي انت حر نفسك لكن واجب عليا اقف جمبك لحد ما تاخد حقك واطمن عليك يا زميل
غمغم فريد بتهكم:
هو مينفعش تخدمني وتخلصني من الجوازه دي، لو صاحبي بجد اسمع ليا وسيبك من الميراث ولعنته
همت والدته ان تعترض فاسار اليه عادل ان تصمت حتي لا تصغط عليها ويصيبه الملل ويترك كل ذلك خلفه ويسافر بعيدًا عنه فقال له بثقه:
بكرة لما تخلص دراستك وتبدا مشروعك وتكون اسرة هتعرفي اني خدمتك يا صاحبي،
بقولك ايه دا انا هظبطك الليلة وبعد ما الشلة كلها تتجمع هنعمل حفله ونخليك تحلف انها ليلة العمر،
ابتسم فريد علي مضض من تفاءل عادل الغير المبرر لكنه وافقه وخرج معه لكي يغير من موده السيئ
*****************
بعد مغادرة فريد بصحبة عادل خرجت امتثال تبحث عن فرحه التي كانت في المطبخ تطهو وجبة العشاء للعروسين كم طلبت منها الهانم
دلفت امتثال الي المطبخ وطلبت من فرحه بان تترك ما بيدها وتاتي الي غرفتها الخاصه
تركت فرحه ما كانت تفعل ولحقت الهانم الي غرفتها التي ما ان دلفت اغلقت الباب بأحكام وقالت له:
اقعدي يا فرحه في حاجه عايزه اتكلم فيها معاكي
جلست فرحه بريبة وقلبها يتوجس خيفا من جدية امتثال معها فقالت بتوتر نابع من شعورها بوجود خطب خلل:
خير يا ست هانم انا تحت امرك، لو علي العشا انا خلاص قربت اخلص واوعدك يعجب العرسان، هو عروسة البيه هتجي امتي صح
اخذت امتثال نفس عميق ونظرت الي محباها الجميل والذي توسمت فيه خيرًا فقالت:
العروسة مش هتجي يا فرحه، بس مش ده موضوعنا
انا عايزه اسالك عن حاجه تانية وتجاوبيني بصراحه
عدلت فرحه من جلستها لعدم شعورها بالراحه وردت عليها بثقه :
اكيد يا هانم هجاولك بصراحه، بس ازاي العروسة مش هتجي اومال الفرح المنصوب ده لمين
نهضت امتثال ووقفت وراها ووضعت يدها علي كتفها وقالت محدثا نفسها بامل:
باذن الله هتكون انت يا فرحه بس الاول اقنعك
عادت وجلست امامها وقالت بهدوء مشوب بالحذر:
قوليلي يا فرحه انت تعرفي سبب ان والدك مش بيشتغل في الغيط ايه رغم انه مزارع مش غفير، وليه قبل ان والدتك تخدم عندى
هز راسها بالنفي وقالت:
معرفش ليه ابويا مش بيشتغل زي زمان، واستغربت كمان انه قبل اشتغل عندك لانه عارفه عزة نفسه واستحاله اقبل حد يجي علي كرامتي او يقل مني بس قلت يمكن قلة القرش، خليته يوافق علشان فرحي، لكن ابويا مش غفير هو بيجيب ليكي الانفار اللي بيشتغلو في ارضك صح
وافقت امتثال علي ما قالت واكملت لها الصورة حين اووضحت ليها السبب الرئيسي لقبول ابيها الخدمة هي وامها فقالت:
اعرف انك متعلمه ومؤمنه يا فرحه، علشان كده انا هقولك السبب اللي خلي ابوكي يقبل يخلي والدتك تخدم عندى وبنفس الوقت مبيشتغلش في الارض،
نهضت وفتحت احد الادراج واخرجت منه عدة اوراق واشاعات واعطتها له مكملا حديثها:
دي اشاعات وتحليل لوالدك، من عشر سنين تقريبا
تناولت منها فرحه الاوراق ونظر اليها بقلق، الي ان اتت علي ورقة تقرير الحاله وصاحت بهلع وانهمرت دموعها ببكاء ونحيي لا ينقطع:
مستحيل ابويا بيموت اه بابا يا حبيبي يابا وانا اللي كنت بقول ليه دايما حزين ومهموم،
اتري نفسه مكسوره قليل الحيله، علشان كده قبل يجوزني بدري
ربتت امتثال علي ظهرها مواسيا اياها في صدمتها وقالت ما بهون عليها وطئ الخبر:
اهدى يا فرحه والدك ممكن يبقي بخير، هو محتاج عملية مكلفه في القلب، انا عرضت عليه اتكفل بكل المصاريف لكنه رفض وخاف يموت ويسيبكم وبالذات ان اخواتك كانو لسه صغيرين
لكن بايدك انت دلوقتي تكتبي لابوكي عمر جديد،
لو وافقتي علي عرضي
هكتب ليه فدان ارض باسمه، وهعينه خولي العزبة ومش كده وبس، كمان هسفره بره يعمل العملية، لانه وقتها هيكون مطمن عليكم انه سايب ليكم اللي يحفظكم من بعدها
اما انت اي حاجه تطلبيها هنفذها بس توافقيني،
ها يا فرحه عندك استعداد تضحي بنفسك، تنقذي والدك من الموت
نهضت فرحه ونظرت اليه بعيون دامعه وقلب حزين يدمي المًا, وفجاة ركعت عند اقدامها وقالت برجاء:
ابوس ايدك يا هانم لو بايدك تنقذي ابويا انا تخت امرك انفذ اللي تطلبيه، لكن يعيش لاخواتي وامي
مش مهم انا عايزه ايه المهم ابويا يقوم بالسلامه
تنفست امتثال الصعداء وجذبت يدها كي تنهض فاستقامت فرحه بحزن وانكسار، فضمتها الي صدرها بحنان وقالت بهدوء حذر:
مدام عندك نيه تضحي، انا كمان عندى استعداد اعمل العملية لابوكي، وعلي فكرة تضحيتك مش كبيرة هي بس خدمه لمدة يوم، وبعدها هترجعي لحياتك واهلك وتتجوزي وتفرحي بحياتك ووجودك والدك جمبك
هزت رأسها باستسلام وقالت برجاء:
وانا تحت امرك خدمة ايه اللي عايزها مني
فتحت خزنة ملابسها واخرجت فستان زفاف انيق وشيك وغالي الثمن ووقالت ده:
عايزه منك تلبسي ده، وتوافقي تتجوزي ابني لمدة يوم، من غير ابوكي ما يعرف او اي حد ياخد خبر عن جوازك ، وقبل ما تعترضي افهمي،
جوازك من ابني ضروري وحتمي علشان تنقذي ثروته اللي لو ضاعت لا هقدر اساعدك ولا اساعد واالدك،
واوعدك قبل اليوم ما ينتهي فريد هيطلقك وبعدها تتجوزي خطيبك وتفرحي بحياتك
حدقت فيها فرحه بذهول وصدمه غير مصدقه ما تقول وانهارت علي مقعدها سائلة:
اتجوز ابنك ازاي انا فين وهو فين، وكمان انا كتب كتابي بكرة ولا انت ناسية ياست هانم، ازاي اتجوز ابنك وارجع اتجوز ابن عمي، لاء طبعا انا مقدرش اعمل كده، دي ابويا يروح فيها لو خد خبر
امتعضت امتثال من رفضها لكنها ضغطت بكل قوتها لشدة احتياجها اليها وثقتها فيها فقالت بمكر:
في كلا الحالتين والدك هيموت، لكن انت تقدري تنقذيه بانك توافقيني، ونكتب كتابك بدون ما والدك يعرف، وهتطلقي قبل ما يعرف، حتي كتب كتابك تاني يوم علي ابن عمك، هيتم طبيعي لان قسيمة زواجك من ابني وقسيمة طلاقك مش هتكون طلعت لسه، وعندى فكرة تحميكي وتخلي والدك مايخالفش الشرع بزوجه ليكي من ابن عمك قبل ما تطلع قسيمة طلاقك، انه يرفع قضية ببطلان جوازك من ابني لانه تم قبل ما تبلغي السن القانوني وبدون موافقته، وده حق بيكفله ليه القانون مادمتي لسه قاصر،
وبكده جوازك من ابني هيتلغي وابن عمك مش هيعرف عنه حاجه، قولت ايه
ارتجفت فرحه من فكرة فقدها لابيها، وان مصيره اصبح بيدها المغلوله باقتراح صعب تنفيذه، طالعتها بريبة وتساؤول محير:
ازاي ابويا ميعرفش بجوازي وبعدها يطلب ببطلان جوزي من ابنك، هو انت هتفضحيني بعدها ولا ايه
ربتت علي كتفها تطمئنها وقالت بثقه:
لا طبعا استحالة بعد وقفتك جمبي وجمب ابني اكون سبب في اذيتك، بس كل الحكاية هقول لولدك ان اضطريت اقيد اسمك في قسيمة الزواج ون علمك لحد ما عروسة ابني تحضر، وهطلب منه يعمل ابطال للزواج بمساعدة المحامي الخاص بتاعي
اظن ده حل يرضيكي ويحفظ ليكي احترام والدك وبنفس الوقت يبعد عنه مخالفته للشرع لو جوزك لابن عمك بدون ذكر زواجك من ابني وطلاقك منه
نكست فرحه راسها ارضا وترقرقت الدموع في عيناها وقالت بتردد:
مش هقدر يا ست هانم ب.....؟!
