رواية حظ عاثر الجزء الثاني الفصل السادس بقلم ليل ادم
في اليوم التالي
رحاب : ادهم اصحا بقا مش رايح الشغل النهارده
ادهم : لالا النهارده مش قادر اروح في حته دا كان مصيف منيل
رحاب : بس والله ضحكت ضحك عمري ما ضحكته
ادهم: اكيد عايزه تطلعي رحله مع شويه المعاتيه دول ومتكنش كلها ضحك
رحاب: عيب بقا متقولش عليهم كده ما احنا منهم يعني لو هما معاتيه يبقا احنا كمان معاتيه ولا اي
ادهم: طب ما احنا معاتيه وانتي اكبر معتوها في الدنيا
رحاب: لي كده تصدق هزعل منك
ادهم : هو في واحده عاقله تسيب الهنا اللي كانت في وتيجي تعيش في المستنقع ده
رحاب: اه طبعا كفايه اني معاك أنا اسيب علشانك الكوكب كله والله يا ادهم
ادهم : يالهوي على الكلام اللي يوقع الواحد في الخطيئة على الصبح كده
رحاب : طب هات يوسف وقوم علشان نفطر
ادهم : ياله بينا
في جانب من كان الجميع في شقه ام أدهم
جمال : يابني فكر بلاش غباء انت مش نافع هنا هتنفع في ايطاليا
حماده: اي يا جمال هناك هلاقي تقدير عن هنا
سعيد: عايز تمشي وتسبنا يا حماده تصدق والله ازعل منك
ام أيمن: خلاص بقا يا حماده منتا قاعد وسطنا هو حد فينا ضايقك
حماده: لا والله يا ام أيمن ربنا يعلم انتوا اكتر من أهلي
جمال: خلاص يبقا تترزع وسطنا وانت ساكت
حماده: ياجمال بكره اسهل طريقه اقدر ادخل بيها ايطاليا
الأم: ليه يا اخويا سفير إيطاليا مستنيك
حماده: لا أصل في مسابقه معموله على حدود ايطاليا قبل ما المركب ترمينا ب خمسين متر إحنا بقا هندخل وسط الناس ونتوه في الزحمه فهمتي
جمال: اي ده انت كمان مسافر تهريب
حماده: اه
جمال: تربيه حرامي صحيح
ام سعيد: يابني خليك هنا اللي خلاك وسطنا وبتعمل مصائب أما لما تكون لوحدك
جمال: اهو ده اللي هيقطع العلاقات بين مصر و ايطاليا
حماده: بكره تشوف حماده علبه هيعمل اي يا عنتيل
ادهم : اي ده متجمعين عند النبي عملت اي تاني يا حماده
حماده: لا ياعم معملتش حاجه أنا بس جاي اقول اني مسافر
ادهم : ترجع بالسلامه يا عم رايح فين المرادي جمصه
حماده: لا ياعم سائب البلد كلها
ادهم : انت بتهزر صح
حماده: لا والله رايح ايطاليا
ادهم : هتعمل اي هناك يا حماده ثما هو انت تعرف إيطالي
حماده: هو أنا كل ده بكلمك اي يعني
ادهم : اه فعلاً أيطالي أنا بس اللي غبي معلش يا حماده
حماده: خلي بالك من نفسك ومن رحاب ويوسف
ادهم : انت ماشي امتا
حماده: الفجر أن شاء الله
جمال: خلاص يبقا ننزل معاك أنا و أخوتك نوصلك
حماده: مش عايز اتعب حد منكم
ادهم : تتعبنا اكتر من كده دنتا مطلع عنينا
حماده: أديكم هترتاحوا مني شويه
جمال: مش مصدق والله ازاي بس يا حماده أنا صحيح بتخانق معاك كل عشر دقائق بس بحبك ياض
حماده: وأنا بحبك والله يا عنتيل وبحبكم كلكم ربنا يعلم أنكم عائلتي
ام أيمن: تروح وتيجي بألف سلامة يا علبه
حماده: ربنا يخليكي يا ام أيمن
الأم: والله هتقطع بيا يا حماده أنا خدت علي طلوعك ونزولك من عندي كل شويه
حماده: أن شاء الله مش هتاخر عليكم والله
جمال: ربنا معاك يا حماده
حماده: هطلع اجهز نفسي علشان الوقت ميسرقنيش
الجميع: مستعجل ليه اوي كده منتا قاعد معانا
حماده: معلش علشان الحق وقتي بعد اذنكم
ادهم : أول مره حد يعملها فينا ويبعد لوحده
جمال : ربنا معاه يارب الواد حماده غلبان والله وجدع بس دماغه مش راسيه
سعيد: ربنا معاه هيوحشني ابن الجزمه
ام أيمن: اه والله أما أنا عرفت بس أنه مسافر زعلت أما هعمل اي لما يمشي
الأم: ربنا يوفقه الواد برضوه من حقه يشوف حاله يا حبيبه
جمال: بعد اذنكم
ادهم: على فين يا عنتيل
جمال : اروح ل الواد حماده قبل ما يمشي اخد منه شريط دريملي علي شريط اصعب لحظه على شريط لسه ناوي على الرحيل
ادهم : وهات معاك شريط ربنا يعينك لما اللي منك يسيبك علشان لو حصلك حاجه مش هقوم من مكاني أنا جسمي وجعني
جمال: ماشي يابن فاتن
ادهم : ماشي يابن نبويه
جمال: ماشي يابنت الكلب ياللي الشارع كله عرف اسم امي من تحت راسك
ام أيمن: جمال لم دورك بدال ما وكتاب الله أقوم أكلك أكل
جمال : أنكونده وتعملها
ام أيمن: أسرح بقا شوف رايح فين
جمال : رايح عند سميحه ام ريحه بتاعت الجرجير
ام أيمن: جمال ملكش دعوه ب امي الله يرحمها
جمال: يعني امك الله يرحمها وأنا امي في متحف الحضارة منا امي ماتت برضوه
ام أيمن: يبقا لم دورك
جمال: ياض يا ادهم معندكش جرجير
ادهم : ليه
جمال : علشان أطير ( وبيضحك وخرج من البيت )
مع طلوع الفجر كان ادهم وجمال وسعيد عند المركب مع حماده
جمال: يعني ممعكش شريط برشام كده ولا كده يا حماده
حماده: معايا بصراحه
جمال: طب هات واحده
حماده: خد
جمال: اي الحنيه دي
حماده: علشان مسافر. بقا
جمال : اسمها اي الحبايه دي
حماده: خدت صورتي
جمال: لا ليه
حماده: لا ياعم الحبايه اسمها كده
ادهم : مسافر بقا وبتاع لازم يعمل حفله توديع
صاحب المركب: ياله ياعم حماده هلال أنجز
حماده علبه: جايلك يا شلاطه اشوفكم على خير يا ولاد
بعد التسليمات الحاره ركب حماده المركب
حماده: ياض يا هاني متأكد انك تعرف أيطالي
هاني : ياعم عيب عليك بقا
حماده: قصدنا أد اي عبال ما نوصل أنا زهقت
هاني: ياعم زهقت اي هو أحنا لسه أتحركنا
حماده: لا والله
هاني: اه والله يا عم فوق معايا بقا وسيبك من اللي بتاكله ده
حماده: أنا باكل اللي بأكله ده علشان اتعامل مع أمثالك
هاني: أنا قايم من جمبك بلسانك الظفر ده
في اليوم التالي
استاذ سامي: عاش من شافك يا عم ادهم
ادهم: والله يا استاذ سامي كنت تعبان جدا
استاذ سامي: منا شايفك زاي القرد اهو
ادهم : ربنا يخليك بس اللي أنا كنت في ميتشفش بالعين
سامي : ليه ميكروب
ادهم : لا كنت تعبان نفسياً
سامي: مراتك فين
ادهم : اجازه النهارده
سامي: ليه في حاجه
ادهم : لا مفيش بس يوسف تعبان شويه
سامي: عامل اي صحيح الولد اوعا يكون شبهك
أدهم: لا طبعا اكيد شبهك انت بخدود كده وقلبووظه وجميل
سامي: نعم
ادهم: لا ابدا قصدي شبهي
سامي: اه ماشي روح شوف شغلك ياله
ادهم : بعد اذنك
غاده: ادهم كويس انك جيت
ادهم : خير في اي
غاده: في شغل أد كده تعالي الواد حماده سافر صحيح
ادهم : اه امبارح
غاده: ربنا يوفقه يارب
ادهم : اللهم امين
في جانب آخر بعد وصول حماده الي ايطاليا
صاحب المركب: المسابقه عند المراكب اللي هناك دي كله ينط لحد هناك وادخل وسط المسابقة وربنا معاكم
حماده: ( قلع هدومه ) على المولي ياله بينا
ونط في البحر وفعلاً دخل المسابقة مع المتسابقين وبالصدفة وصل إلى الشاطئ اول واحد دخل واحد ايطالي بدأ يكلم حماده و حماده مش فاهم حاجه جابوا مترجم علشان حماده
المترجم: بيقولك تهانينا
حماده: قوله الله يهنيك
المترجم : بيقولك اسمك اي
حماده: قوله حماده بيه علبه من مصر ام الدنيا
المترجم: بيقولك بما انك وصلت المركز الأول ليك هديه غاليه جدا جدا من المسابقة
حماده: الله واكبر يا رزقك يا حماده الدريملي خلاني كنست البحر كنس
المترجم: سيد حماده هل انت جاهز ل أستلم الجائزة
حماده: ياعم جاهز وعهد الله قولي بس اي الجائزه كام الفلوس
المترجم: لا الجائزه مش فلوس
حماده: أما اي برشام
المترجم: لا الجائزه عبارة عن رحله ثقافيه الي الاهرامات و المتحف المصري
حماده: الله اكبر هو في هنا اهرامات ومتحف مصري كمان
المترجم: لا يا استاذ حماده حضرتك هتنزل مصر نفسها وترجع تاني
حماده: لا وكتاب الله ما عايز الجائزه دي أما أنا وأنا في مصر عمري ما روحت الاهرامات ولا المتحف يوم ما اوصل لحد هنا تقولي روح الاهرامات
المترجم : بيقولك حضرتك مشترك وعارف أن دي الجائزه وعارف أن ده بروتوكول المسابقة
حماده: وعهد الله ما اعرف لو كنت اعرف ما كنت دخلت ياعم سيب ايدي ابوس ايدك يا خواجه وكتاب الله ما عايز الجائزه ياعم اوعا ايدك
المترجم: بيقولك في الباسبور بتاعك
حماده: ممعيش ياعم وربنا
المترجم: يابني الباسبور لو مش معاه هترجع مصر ترحيل
حماده : يادين النبي طب اقعد في البلد نص ساعة وربنا ما لحقت اوحش العنتيل يا خواجه عيب كده هتقلعني الشورت ياعم سيب الشورت بقولك
