رواية حظ عاثر الجزء الثاني الفصل السابع بقلم ليل ادم
رحاب : ادهم اصحا الباب بيخبط
ادهم : استر يارب مين اللي جاي الفجر ده ( وبيفتح الباب )
امين الشرطة: انت ادهم
ادهم : اه أنا مين حضرتك
امين الشرطة: انا امين شرطه في قسم ---
ادهم : خير في اي
امين الشرطة: تعرف واحد اسمه محمد صادق
ادهم : محمد صادق مين معرفش حد بالاسم ده
رحاب : يا ادهم فوق ده اسم حماده صاحبك
ادهم : حماده مين ااااه حماده علبه خير ماله
الامين: عايزك في القسم
ادهم : عايزني في القسم هو أنا روحت ايطاليا امتا
الامين : ياجدع انت بلاش عطله أنجز تعالي أضمن قريبك خلينا نشوف مصالحنا
عم جمال: في اي يا ادهم
ادهم : مش عارف بس بيقولك حماده في القسم عايز حد يضمنه
جمال: قسم اي يابني علشان نفهم
امين الشرطة: تعالوا معايا القسم وهناك تفهم كل حاجه
جمال: ماشي أنا نازل أجهز شنطتي
أدهم: ياعم جمال تعالي شنطت اي
جمال: مش هنسافر ايطالي للواد
ادهم : ياعم انا راضي ذمتك ده شكل امين شرطة أيطالي
امين الشرطة: نعم
ادهم: يا عم مش قصدي انزل ألبس اي اي حاجه يا عم جمال القسم هنا في القاهره
جمال: يابن الموكوسه يا حماده
وفعلاً راح جمال و ادهم على القسم
ظابط المباحث: يعني تضمنه ياحج
جمال: اه ضمنه هو فين
ظابط المباحث: هاته يابني من الحجز
الامين : تحت امرك يا محمد بيه
بعد مرور عشر دقائق
حماده: ادهم وحشتني
ادهم : وحشتك اي دنتا لو كنت روحت العين السخنه كنت خدت وقت عن كده
جمال : مش بقولك من يومك فقر
حماده: لا ياعم وربنا ما هسافر تاني
ادهم : بعد اذنك يا محمد بيه
ظابط المباحث: اتفضل
اثناء الطريق كان قال حماده ل ادهم وعم جمال كل حاجه حصلت معاه
ادهم : وانت خلاص خدتك الجلاله رايح تكسب السباق
حماده: ياسطا وربنا كنت واخد نص شريط دريملي نزلت المياه شوفت علم مصر عمال يرفرف قصاد عيني قولت أديها
جمال: وطني ياض يا حماده
أدهم: عملت فيها بطل أولمبي أشرب بقا يا عمهم لما ترجع البيت بعدين فين الشنطه
حماده: في المركب الواد قالي نط انت والشنطه تروح تهريب على المكان اللي هنتقابل في
ادهم : دا موت وخراب ديار
حماده: أنا مش هعرف انام يا عنتيل حاسس اني خدت كشاف على عيني عيني وقعت منه
جمال : مش مهم المهم انك جيت بالسلامة
حماده: أنا نازل المعمل بتاعي النهارده يوم الانتقام يا عنتيل
ادهم : ربنا معاك أنا طالع انام
جمال: خدني معاك يا حماده
ادهم : أطلع نام يا جمال الله يكرمك
جمال: مش قبل ما أنتقم مع الواد حماده
حماده: ياله بينا
بعد دخول حماده وجمال المعمل
جمال : عايزك بقا تعمل حاجه تخلي دماغي تنور تعرف
حماده: ياعم سهله هات سيجاره
جمال : امسك يارب ننهي
حماده: لا اقعد بعيد عني سبني اشتغل
جمال: اهو أتعامل
حماده: ايوه كده
جمال : مش ده بتاع الفئران ياض يا حماده
حماده: اه هو ده
جمال: يخربيت امك هنموت كده
حماده: تموت اي الحبايه دي بتحب العزلة علشان كده تاخد لقب عشقت السفر من غدر الأحباب
جمال: الله اكبر ربنا يخليك ل صنعتك يابني
حماده: الساعه كام
جمال: سبعه ونص الصبح
حماده: ياعم منا عارف أنه الصبح قول سبعه ونص بس
جمال: خلاص سبعه ونص بس
حماده: افتح بوقك يا بابا
جمال: اهو
حماده: اطلع بقا علشان اقفل ( وخد حبايه هو كمان )
جمال : تعالي اطلع اقعد معايا
حماده: لا طالع اشرب الشاي بلبن عند أم ادهم بتعمله تقيل
جمال: خلاص تعالي نشربه عندها سوا
في جانب آخر
الأم: مين
حماده: أنا علبه ياما افتحي
الأم: اي ده حماده جيت امتا يا حبيبي
حماده: اعملي الشاي وتعالي نتكلم
الأم: ماشي هعملك انت كمان ياجمال
جمال: امين
الأم: (دخلت المطبخ تعمل الشاي. وعماله تكلم حماده وجمال محدش عايز يرد عليها خرجت. تشوف في اي لقيت حماده قاعد في ركن في الشقه مستخبي ونفس الوضع مع جمال )
الأم: في اي يا حماده مالك ياواد رد مالك عامل زاي الفئران ليه كده يا جمال مالك انت كمان ينهار اسود (فتحت الباب وبصوت عالي) ادهم يا ادهم
ادهم : اي ياما
الأم: الحق عمك جمال وحماده بقوا تمثيل
ادهم : يعني اي
الأم: يا زفت انزل
سعيد: (طلع على الصوت ) في اي ياما اي ده مالك يا جمال هو حماده جه امتا
الأم: اجيب اي طيب للعيال دي
حماده: مياه لا هعضك ابعد عني
جمال : (نام على الأرض) المستشفى عايز اروح المستشفى
ادهم : ينهار اسود في اي
الأم: دخلت اعمل الشاي خرجت لقيت كده
حماده: (بيخبط على الحيطان) عايزه جبنه رووووووووومي
جمال: عايز اروح المستشفى بسرعه هتحول فار ياض ضوافري بتطلع
ادهم : ياعم وحد الله الفار ملوش ضوافر
حماده: عايز جبنه رومي
سعيد: دا شغل برشام ده
ادهم : أسند عمك جمال وأنا هاخد حماده وياله نروح المستشفى
حماده: ( بيمسك ادهم من خدوده ) كخخ
ادهم : ياعم عيني هتتخرك كخ اي الله يحرقك خدت اي
جمال : المستشفى بسرعه عشر دقائق وهتحول ياولاد الكلب
ادهم: اهدا يا جمال اهدا خمس دقائق وتكون في المستشفى
جمال: كخخ
سعيد: ياعم اسكت بقا هترجع في وشي ولا اي
ادهم : ياض ده بيعمل زاي القطط لما تخربش
سعيد: بس يا ادهم الركن هنا
ادهم : انزل طيب
جمال: المستشفى بسرعه هتحول
سعيد: ياعم اهدا إحنا في المستشفى
جمال: أنا عايز جبنه رومي
حماده: هات المعلم رشدان جمبي هنا
ادهم: دكتور دكتور
الدكتور: نعم يادي النيله انتوا تاني
ادهم : شوف بس القصه دي معلش وبعد كده محدش مننا جاي هنا تاني
الدكتور: مالك يا حج
جمال: هتحول فار وهعضك يابن الكلب وانت مقلبظ كده
الدكتور: لسه لسانك ظفر دخلي الراجل ده جوه
حماده: أنا عايز جبنه رومي
الدكتور: لا ده أبعته السوبر ماركت عبال ما اعمل ل ده غسيل على السريع
سعيد: ماشاء الله الدكتور بقا بيتكلم عبري بسببك يا حماده انت وجمال
ادهم : ينهار بص فار أد اي يا سعيد
سعيد: اي كل ده الواد هيقتله اهو
حماده:(بصوت عالي )لا سيبه محدش يقتله
ادهم : يابني مالك هو كان اخوك
سعيد: يالهوي قتله
حماده: (جري على الفار قعد على ركبته ) فوق يا عنتيل اوعا تموت يا معلم رشدان قتلته ليه حرام عليك
ادهم : يابني قوم فضحتنا
حماده: مش قايم من جمب جمال الله يرحمك يا عنتيل (وعمال يعيط) حقك عليا يا عنتيل زودت الطبخه
سعيد: يابني انت بتعمل اي قوم
حماده: ياله ندفن العنتيل إكرام المييت دفنه
ادهم : ياض تدفن مين
حماده: العنتيل
سعيد: ادهم دي الدماغ سيبه وقوله ماشي
ادهم : خلاص ياله ندفن العنتيل
حماده: حقك عليا يا عنتيل
جمال:( من جوه الاوضه) حقي عليك يابن الحراميه أنا تعمل فيا كده
حماده: مش أنا والله يا عنتيل الواد اللي شبه التوكتوك ده هو اللي داس عليك
جمال : داس عليك ترماي يابعيد
حماده: ادهم عم جمال عايش انده الدكتور يعالجه
سعيد: يابني ده مش عمك جمال عمك جمال في الاوضه دي
حماده: وربنا
ادهم: اه وربنا قوم كده
حماده: اهو فين العنتيل خليك جمب الفار ده يا سعيد أنا شاكك أنه هو ده العنتيل
ادهم : خليك جمبه يا سعيد
سعيد: ماشي
ادهم : اهو ياعم عمك جمال
حماده: ( فتح الباب ودخل حضن جمال ) حبيبي يا عنتيل انت لسه عايش
جمال: وحيات امك منا سايبك بس أطلع من هنا
الدكتور: انت خدت اي
جمال: عشقت السفر من غدر الأحباب
الدكتور: ياعم الله يعينك انتا خدت اي قبل ما تيجي
حماده: (وقع على الأرض)
ادهم : يادكتور شوف ده طيب
الدكتور: حسبي الله ونعم الوكيل في ده وفي ده
