رواية حظ عاثر الجزء الثاني الفصل الثامن بقلم ليل ادم
بعد الرجوع الى المنزل
ام أيمن: كنت فين على الصبح كده يا معدول
جمال : أبعدي عني علشان عفاريت الدنيا كلها بتطنتط في وشي
ام أيمن: نتطك جن يابعيد
جمال: انتي مش كنتي نايمه كملي نوم بقا وابعدي عني يابنت الجزمه انتي
ام أيمن: أنا بنت جزمه يا جمال
جمال: اه
ام أيمن: طب وربنا ما هكلمك تاني
جمال: احسن ( ودخل غرفته ينام)
في جانب آخر
حماده: ياما عايز أكل جعان اوي
الأم: (قامت تعمل الاكل ل حماده)
حماده: ياما طب ردي هو أنا عايش مع انسان ألي ياما قولي اي حاجه سكوتك ده محسسني بالذنب قولي اي حاجه
الأم: (اشاره الى حماده هات ورقه وقلم)
حماده: عايزه ورقه وقلم
الأم: هزت راسها
حماده: ماشي خدي اهو
الأم: حسبي الله ونعم الوكيل
حماده: اللهم امين
الأم: فيك يا حماده يا علبه يابن الكلب
حماده: اي ده في اي هو أنا عملت اي
الأم: حطيت اي في البرشام خرصتني يابن الموكوسه
حماده: ياما ميبقاش قلبك اسود اوي كده ما انتي زاي الفل اهو والحمد لله بتكتبي كل حاجه
الأم: قطعت حسي من الدنيا اللهي ينقطع حسك يا بعيد
حماده: اي ده دنتي شايله مني اوي يا ست الكل
الأم: ست الكل قصدك ست الخرس يابن الكلب امشي اطلع بره
حماده: طب أكل لقمه عامل غسيل معده وجعان
الأم: تعمل غسيل معده تعمل غسيل كرشه امشي من وشي وحيات امك يوم ما صوتي يطلع ل هفضحك في الحاره كلها يا علبه الكلب
حماده:علبه الكلب هيا وصلت ل كده يارتني ما جبتلك الورقه والقلم يا وليه ( وخرج من البيت)
في جانب آخر
رحاب : يعني الحمد لله بقوا تمام
أدهم: اه الحمد لله
رحاب : والله منا عارفه عم جمال ده في اي في دماغه بالظبط عنده ثقه عمياء في حماده
أدهم: اه والله عندك حق وكل مره يحصله حاجه اوسخ من اللي قبلها
رحاب: عم جمال ده لو كسبان حياته في كيس شبسي مش هيسيب نفسه ل حماده اوي كده
ادهم : اه والله عندك حق يا بنتي
في جانب من
حماده: أنا حماده يا ام ادهم
الأم: تعالي ادخل يابن المجنونه
حماده: الدنيا جايه عليا اوي يا ما
الأم: ازاي احكيلي
حماده: مش عارف امي مالها رابطه كل اللي هيا في بسببي
الأم: ما فعلاً بسببك يا حماده
حماده: ازاي بس
الأم: هو انت ناسي لما عملت البرشام ل أمك وبسببه مش بتتكلم من وقتها
حماده: من العظمه مش من البرشام
الأم: الا صحيح كانت اسمها اي البرشامه دي
حماده: يا مدعي الكبر هو الكبر علا مين
الأم: لا استنا اعملك لقمه علشان امك شكلها طردتك صح
حماده: حصل
في جانب آخر
ام أيمن: جمال يا جمال
جمال: عايزه اي
ام أيمن: قوم الأكل جاهز
جمال: يعني بتصحيني من النوم علشان الأكل
ام أيمن: خلاص نام نامت عليك حيطه
جمال: حيطه لما تنزل فوق راسك انتي وامك الله يرحمها
ام أيمن: ياجمال مليون مره اقولك بلاش امي نهار أبوك ازرق
جمال: نهار ابويا ازرق طب وحيات امك ل تشوفي
ام أيمن: رايح فين يا ابن المهبوشه
جمال: مش قاعد في يا حبيبه خليكي قاعده في لوحدك وشك يقطع الخميره من البيت ابو شكلك
ام أيمن: قول يا اخويا قول اصلك تنزل تقعد مع حماده يقوم مديك البرشامه اللي في التمام تطلع على دماغي أنا
جمال: يوليه هقوم عليكي قومه الكافر دنتي بومه بنت بومه
ام أيمن: انزل يا اخويا انزل حماده في المختبر بتاعه روح خلي يمكيچك
جمال: (خرج وقفل الباب وراه جامد جدا)
في جانب آخر
حماده: المرادي مفيش غلطه يا حماده العصير ده فوق القمر
جمال: بتكلم نفسك يابن الجزمه
حماده: عملت علبه عصير يا جمال اللي يشرب منها هيروح يقعد جمب خوفو و خفرع ومنتجع
جمال: مين دول ياض
حماده: دول ناس مظبوطه اوي يا جمال تعالي معايا بس نشتري حاجه من العطار
جمال : طب مش هتقفل
حماده: ياعم مفيش حد غريب بيدخل هنا
جمال: طب ياله
في جانب آخر نزل ادهم من البيت كان عنده جلسه دخل يشوف حماده قبل ما يمشي
ادهم : هو راح فين ابن الجزمه ده يابن الآي يا حماده عصير مانجه وساقع كمان وحيات امك ل أقهر قلبك عليها ( وشرب الازازه كلها وراح على المحكمه)
في جانب آخر
جمال: ياض وربنا أنا كنت معاك هشربها ازاي
حماده: لا يا عنتيل أصل مفيش حد غيرنا
جمال : ياض انت اهبل هو أنا سبتك من ساعه ما فتحت عيني
حماده: يعني اي حد دخل المختبر بتاعي مين اللي قلبه حديد ده
في جانب آخر
القاضي: محامي الدفاع فين
والد المتهم : يا استاذ ادهم انت ياعم الله يخربيتك قوم قول اي حاجه
ادهم : اي في اي أنا فين
والد المتهم: ينهار اسود انت كنت نايم
ادهم : معلش تعبان شويه اي اللي حصل
القاضي: (بص ل المتهم ) معاك محامي ولا لا يا بني
والد المتهم: اه اهو يا فندم
ادهم : أنا اللي حضرتك بتقول عليه يا هندسه ( وبيضحك ضحك هستيري)
القاضي: انت كويس يا استاذ
ادهم: أنا حلو والله بس أنا بس عايز. اعرف الواد ده عمل اي
القاضي: نعم
ادهم : لا والله مش قصدي حاجه بس أنا مش فاكر اه اه خلاص افتكرت
القاضي: طب الحمد لله اتكلم
ادهم : الموضوع يا هندسه أن الواد
القاضي: يا استاذ اسمك اي
ادهم : أنا ( ورفع الكارنيه ) اسمي ادهم
القاضي: انت مش عارف اسمك ولا اي وريني كده الكارنيه ده
ادهم : اهو خد
القاضي:أنا مش هندسه تمام اتفضل كمل كلامك
ادهم : معلش يا مدير
القاضي: مدير مالك يا استاذ في اي
ادهم : وربنا عمال انسا الكلام سبني اتكلم ( وعمال يضحك)
القاضي: اتكلم أتكلم
ادهم : الواد ده كان نازل يجيب لبن وشاي ام حسن صح ياض يا عار انت (وبيضحك وكل الجلسه بتضحك على الموقف)
المتهم: كده يابا جايبلي محامي مسطبح
ادهم: المهم الواد نزل يجيب العيش من عند فرن الجيش
القاضي: يا استاذ ادهم هحبسك خلي بالك
ادهم : ليه منا بتكلم اهو
القاضي: بتتكلم في اي الموضوع ولا ليه علاقه ب شاي ام حسن ولا اللبن ولا العيش
ادهم : أصلا
والد المتهم: ياعم ابني كان معاه كيلو بودره
ادهم : كيلو بودره
القاضي: بالظبط كده
ادهم : طب هو عمل اي الله يزيده المفروض نفرحله
القاضي: خد يا امين الاستاذ علي القفص لحد ما نعرف ماله
ادهم : بلاش القفص يا هندسه الله يكرمك أنا بس عايز كبايه لبن وعايز حد يسندني لحد البيت لحسن حاسس اني عامل دماغ موت
المتهم : وربنا ل اقتلك يا بن الكلب وانت جايبلي محامي مسطبح يابا ماشي يابا ماشي
