رواية اختبار حب الفصل العاشر بقلم ليل ادم
الأب: اي يابني بقيت فين كده
ليل : أنا كده قصاد الكافيه اللي حضرتك قولت عليه
الأب : طب أدخل
ليل : منا جوه اهو
الأب : هو انت اللي وقف لابس قميص أبيض ده
ليل : اه انت فين
الأب: وراك لف وشك
ليل : اه خلاص سلام
الأب : عامل اي يا ليل
ليل : الحمد لله تمام حضرتك عامل اي
الأب : تمام تشرب اي
ليل : شويه كده طيب
الأب : خلاص سيبه الوقتي يا محمد معلش
محمد : تحت امرك يا عم كامل
ليل : شكلك بتقعد هنا على طول
الأب : انا بقعد على القهوه دي من أربعين سنة تيجي ناس و تمشي ناس كل اللي قاعدين قصادك دول أصحابي كبار وصغار
ليل : ماشاء الله كل دول
الأب : تخيل
ليل : يعني حضرتك جايبني هنا تضربوني ولا اي (وبيضحك)
الأب : ( بيضحك) لا ياعم أنا عايز اقعد معاك شويه
ليل : يشرفني طبعاً
الأب: قولي يا ليل والدك فين
ليل : أنا والدي متوفي من سبع سنين
الأب : الله يرحمه حسك في الدنيا
ليل : الله يرحمه اهو بنسعي وكله على الله
الأب : على كده مصاريف البيت عندكم مين قائم عليها
ليل : اكيد أنا طبعاً
الأب : طب انت معلش يعني في كلامي بس أنا زاي أبوك مش عايزك تزعل مني
ليل : عم كامل حضرتك شكلك أبن سوق وبتقدر وأنا بحب اتعامل مع النوع ده علشان كلامه خط عدل على طول لو عايز تقول اي حاجه قول بدون اي مقدمات
الأب : انت شايف انك تقدر تصرف على بيتين بيتك و بيت والدتك
ليل : الحمد لله معنديش مشكله مع ده كله بتاع ربنا
الأب : طب افرد جيت في يوم الشيله تقلت عليك هتعمل اي
ليل : عم كامل اوعا يغرك اني شكلي مش شقيان ولا المظهر أنا بس راجل نزيه في نفسي إنما أنا وخدها من تحت اوي أنا فاتح بيت من وانا في الجامعه أول الجامعة اربع سنين وانا مقسوم ما بين شغل و دراسه معايا شقتي ملك من شقايا معايا فلوس في البنك من عرقي ومجهودي محدش مد ايده في جيبه صرف عليا جنيه واحد أنا راجل حر بنتك معايا في أمان ياعم كامل وبالنسبة لي موضوع أمي دي بره اي حاجه أنا ربنا بيكرمني ل أجلها و لو عايزني أقولك اللي انت عايز تسمعه بس مش عارف تقوله أنا لو هاجي في المصاريف على بيتي أو على أمي لأ هاجي على بيتي بس لو الجواز واقف على الموضوع ده بنت حضرتك عندك وأمي فوق دماغي وعندي
الأب: (مبتسم) مالك ياعم ليل
ليل : مفيش حاجه عادي أنا بس حبيت اوضح لحضرتك النقاط دي
الأب.: شوف يا ليل انا الحمد لله ربيت بنتي احلي تربيه وبحب العيل الراجل أنا معنديش أولاد بس لو كان عندي ولاد كنت أتمنا يطلع راجل محترم ويحب أهله زايك كده على الأقل لو حصلي حاجه ومحدش ضامن عمره أكون مطمئن عليهم سائب راجل
ليل : بعد الشر عليك يا عم كامل
الأب : أنا موافق على جوزك من زينه وخلي بالك أنا لما سألتك السؤال ده عن امك كنت عايز اعرف هتقعد قصادي فارد نفسك وتتكلم عن امك بقلب وتدافع عن اللي بينك وبينها ولا هتمشي معايا في الكلام علشان تتجوز البنت حتا لو هيكون على حساب امك أصل خلي بالك يا ليل عايز تعرف الراجل اللي معاك يقدر يحافظ على بنتك ولا لا شوف معاملته مع أمه و أخوته البنات لقيته راجل ومحافظ عليهم تديله بنتك وقلبك من حديد أنما لقيته عايش مع نفسه أو مش قائم على مشاكلهم بلاش تديله بنتك علشان ده مش أد الشيله تشرب اي بقا
ليل : لا بيني وبينك أنا هموت والعب عشره طاوله
الأب: اي ده ليك في الطاوله
ليل : انت ليك فيها
الأب: تعالي أغسلك عشره
ليل : ( بصوت عالي) محمد هات طاوله وشاي
الأب: (مبتسم ) خدت على المكان انت كده
ليل: العب ألعب دنتا لو صاحب القهوه كنت لعبتك عليها ( وبيضحك)
الأب: والله شكلك بوق أنا عارف الناس اللي بتتكلم كتير معندهاش فعل
بعد انتهاء العشره
الأب : انت حظك نار ياعم
ليل : اهو أنا بقا محبش الكلام ده
الأب : ياسلام هو في كده ياعم يا بتقرص الظهر مفيش حل تاني
عم صلاح: اي مالك بس يا كامل
كامل : اي ياحج صلاح الواد ده نصاب شكله كده
ليل : والله ياحج صلاح ابدا هو بس زعلانه علشان خدته عشره سريعه كده
عم صلاح: لا وسع يا كامل شكلنا بقا وحش سيبه أروق عليه
ليل : اقعد جمب صاحبك هخدكم صوره مع بعض
عم صلاح: (بيضحك) دنت فقر بس على مين داحنا تربيه شوارع
ليل : بقولك اي يا عم صلاح عايز العشره دي ذوقه ولا عيائه ولا يحتار فيها الأطباء
الأب: (بيضحك ) خد يا عم احمد خد هات الرجاله وتعالي اتفرج على العشره دي
ليل : لم الرجاله كلها أنا بايت معاكم النهارده
في جانب آخر
زينه : مش طبيعي كده زين قافل تليفونه و بابا نفس الكلام أنا عايزه اعرف في اي
الأم: يابت اسكتي هو يعني أبوكي هيعمل اي
زينه : هيطفشه أنا عارفه
الأم: اسكتي بقا ياخبر ب فلوس بكره يبقا ببلاش
في جانب آخر
ليل : خد ياعم صلاح القاضية في الحته الفاضيه ( وبيضحك)
الأب : عيب والله يا صلاح على الاقل أنا طلعت معاه
عم صلاح: ياعم ده مرزق اوي
ليل : شوف الكلام مش يقولك الواد لعيب لا جابها في الرزق
عم احمد : شهادة حق يا صلاح ليل لعيب
ليل : حبيبي ياعم احمد اقعد جمب أخوتك علشان بعد ما امشي متقولش لو كنت لعبته كنت قتلته
الأب : ( بيضحك) عرفت منين ياض يا ليل أنه كان هيقول كده
ليل : عينه خضراء وأنا مديش الأمان لاي حد عينه خضراء
عم صلاح: لالالا دنتا تيجي تقعد معانا كل يوم قريبك المصيبه ده يا كامل
الأب: للأسف هيبقا قريبي ياعم طالب بنتي زينه
عم احمد : لو سبت العشره دي ياض يا ليل هعمل معاك الصح أنا عم زينه
ليل : ياعم أنا غلبت أبوها هعمل اي مع عمها اقعد اقعد هات شاي يا محمد هات شاي
عم صلاح: أمسك نفسك شويه يا احمد على كده العشره هتخلص في تلات دقائق
عم احمد : ياعم وربنا الود ده مرزق مش اكتر
ليل : طب بس الحركه دي (حط أيده على عينه ورمى الظهر وبيضحك) دوش مش كده
الأب : (بيضحك) دوش ياعم هو انت بتجيب غيره
ليل : شكلك هتاخد العشره دي يحتار فيها الأطباء زاي اخوك عم صلاح
بعد انتهاء العشره
ليل : أنا هعمل فصول تقويه ياحج كامل كل اتنين وخميس حد عايز يقدم
عم صلاح: شوف الواد
الأب: ياعم قدم انت خسران اي (وبيضحك) ياله بينا يا ليل
ليل : ياله بينا محمد هات لمون ل عم احمد ل احسن وشه احمر اوي
عم احمد: ياله ياض امشي
ليل : (بيحضنه وبصوت عالي) حبيبي ياعم احمد
بيضحك الجميع
الأب: ياله يا عم المجنون
ليل : ياله بينا يا حجيجه
الأب: (بعد الخروج من الكافية) دنتا فقر
ليل : لا خلي بالك أنا عندي على القهوه اللي بقعد عليها أصحابي كلهم من سن حضرتك كده وعم صلاح وعم احمد والشله بتاعتكم
الأب: ليه كده مش بتصاحب في سنك
ليل : لا طبعا مصاحب بس قعدت الناس الكبيرة مفيده تسمع منهم احلي كلام لسانك ميعرفش الكلام الغلط رجلك تاخد على السكه الصح الناس دي عملت كل حاجه ومحدش يعرف يمسك عليها حاجه أنما الوقتي الشاب من دول من غير ما يعمل حاجه يعمل نفسه كليبر وده عايز يخدك سكه كده وده عايزك تقعد مع ناس مش تمام إنما قعده زاي قعدتكم دي تاخد منها الضحك والهزار والنصيحه
الأب: جدع والله ياض يا ليل
ليل : اهم حاجه بس اوعا تنسا العشره اللي فاتت دي عندك واحده
الأب: هو أنا هسيبك إلا لما أغسلك
ليل : اه والله نفسي أتغسل بقا علشان سمعت الكلمه دي كتير ومفيش فعل
الأب : هتشوف
ليل : بس أنا هركب من هنا علشان اتأخرت
الأب: طب أطلع اشرب معايا الشاي وناكل لقمه
ليل : تتعوض الايام جايه كتير أن شاء الله
الأب : هستناك الأسبوع الجاي نقرأ الفاتحه أن شاء الله
ليل : مينفعش بكره
الأب: امشي ياض
ليل : حاضر ( وبيضحك) سلام
الأب: سلام
في جانب آخر بعد طلوع الأب البيت
زينه : اي يابابا كل ده قلقت عليك اوي
الأب: قلقتي عليا أنا برضوه
زينه : الله هو كان في حد معاك
الأب: شوف البت يابت هتموتي دايخه من كتر اللف والدوران
الأم: مكسوفه يا كامل رايح قلبها وقولها حصل اي
الأب: يوم الجمعة أن شاء الله جاي يقرأ الفاتحة حلو كده
زينه : (مسكت خد أبوها ) طبعاً حلو كده (وجريت على غرفتها)
ليل : الو
زينه : حصل اي أحكيلي كل حاجه
ليل : غسلت أبوكي طبعاً مسكته هو الشله بتاعته قطعتهم على القهوه
زينه: ينهار اسود أتخانقت مع بابا
ليل : خناق اي كنا بنلعب طاوله
زينه : أنا مالي ومال الطاوله بقولك قالك اي بخصوص موضوعنا ولو قولتله اي
ليل : متكلمناش عنك خالص اللعب خدنا
زينه : نعم اللعب خدكم هو انت كنت جاي المشوار ده كله وبابا مستنيك من الصبح وقاعد من الشغل علشان تلعبوا طاوله
ليل : اهو اللي حصل بقا
زينه : اقفل يا ليل
ليل : ياستي أنا مالي أنا أنا يدوب عرضت عليها طلع عايز يلعب معايا اقوله لأ يعني
زينه : ماشي بس من الساعه سته لحد الساعه اتنين بليل ومفيش كلمه اتقالت في موضوعنا وقاعدين تلعبوا طاوله
ليل : لا ما أنا لعبت مع عم احمد صاحبه وعم صلاح
زينه : اقفل يا ليل
ليل : أتمنا مكنش خربت الدنيا
زينه : ياعم اقفل سلام
ليل : سلام يا قمر
بعد الرجوع الى المنزل
الأم: اي ياليل تليفونك مقفول قلقت عليك يا حبيبي
ليل : معلش يا حبيبتي فصل شحن والله
الأم: بعدين عملت اي قابلت الراجل
ليل : اه طبعا
الأم: وعملت اي أحكيلي
ليل : الأول بس تفتكر الشنطه دي فيها اي يا ففتي
الأم: اي فيل
ليل : لا فيها حاجه احسن من الفيل
الأم: لا متقولش
ليل : لا هو والله
الأم: بالفراخ
ليل : بالفراخ
الأم: (شدت الشنطه) يخليك ليا
ليل : ويخليكي ليا يا ففتي
