رواية اختبار حب الفصل الحادى عشر بقلم ليل ادم
يوم الخطوبه
زينه : أنا مبسوطه اوي
ليل : مش اكتر مني طبعاً
زينه : ربنا يخليك ليا يا ليل
ليل : ويخليكي ليا يا حبيبتي
الأب: خلي بالك يا ليل والله ما كنت ناوي ولا في دماغي أن زينه تتجوز ولولا أن بنتي حبيتك مكنتش جوزتها معنديش غيرها هيا و أمها
ليل: في عيني والله يا عم كامل معنديش غير أمي و زينه
الأب : علشان كده أديتك زينه علشان حتا الوقتي لما جيت تتكلم ذكرت أمك قبل زينه والراجل اللي يكون بار مع أمه عمره ابدا ما يكون غبي مع مراته
ام ليل : من الناحيه دي والله ولا تحمل هم يا أبو زينه ليل ابني راجل يقدر يصون بنتك و يحفظها وحنيه الدنيا في ومش علشان أبني والله
الأب : عارف والله يا ام ليل بس أنا عايز اقولك إبن حضرتك عمل حركه صغرني بيها خلاني مش عارف أنام من يومها
الأم : خير عملت اي يا ليل
ليل : وربنا ما عملت حاجه
الأب: الواد بلعب معاه طوله فرج القهوه عليا
زينه : بص والنبي بابا والله وقعت قلبي
ضحك الجميع
الأب : قوم ياعم
ليل: معلش يا جماعه مش عارف ينام ياله بينا على القهوه
الأب : قهوه اي الطاوله عندي هنا في البيت
ليل : أن كان كده يبقا أبعت هات عم احمد بقا وعم صلاح
الأب : ما هما جايين كده كده
باب البيت بيخبط
ليل : هما صح
الأب : اه هما
ليل : أفتح أنا بقا معلش
الأب : روح افتح
ليل : ( فتح الباب) اللي منورين الدنيا
عم احمد : واد انت أنا جاي ابارك هتتعب قلبي أمشي
ليل : ( مد ايده شده جوه البيت ) متخافش متخافش
الأب : دا انا أشتريت طاوله مخصوص ادخل تعالي يا صلاح ادخل يا احمد
بعد ما بداء أنشغل ليل و كامل و احمد وصلاح لقرب نص الليل
في جانب آخر
ام ليل: وبعدين أنا هموت و أنام هما هيقعدوا كده لحد امتا
زينه : أنا مش عارفه بعدين صوتهم عالي ونازلين ضحك ضحك مش المفروض يقعدوا معانا
ام زينه: أبوكي حب ليل وطالما ليل بيلعب طاوله يبقا أعتبري ليكي دره
زينه : لا والله ابدا هو كل ما ليل هيجي يقعد معايا بابا هيخده هو و عم احمد وعم صلاح ويقعدوا كده
ام ليل: وأنا عايزه اقولك أن ليل أصلا أصحابه كلهم نفس السن كده بيحب يقعد معاهم ويتكلم ويلعب معاهم أصحاب أبوه لحد النهارده بينزل يقعد معاهم على القهوه كل يوم اجازته
ام زينه: يعني حظك سقع يا زينه وبتضحك
في جانب آخر
ليل : طب نبدل الكرسي ده يا جدعان بدال ما كل واحد يقعد خمس دقائق يقوم وأخوه يقعد ويقوم يمكن العيب في الكرسي يا حج صلاح
عم صلاح: انت مرزق ياض انت فاكر نفسك لعيب
ليل : قولي والنبي يا حج كامل اعمل في اي تاني وخده أربع عشاري وكل عشره يقولي انت ياض فاكر نفسك لعيب ياض ياعم اقعد بقا أما لو كنت لعيب
عم صلاح: تلعب تاني
ليل : أنا العب معاك على هدومي شوفت هدومي
عم احمد: ينهار اسود يا صلاح هتعمل اي في المشكله دي
صلاح: وربنا ألعب معاه
الأب: لالالا ملهوش لازمه يا صلاح روح بيتك بالهدوم
صلاح: انت خايف على جوز بنتك
ليل : ( بيضحك بصوت عالي جدا بسبب ضحكه البيت كله ضحك بره و جوه )
صلاح: شوف الود مستفز ازاي
ليل : هقولك اي طيب يا حجيجه
الأب : خليها عليك يا ابو صلاح يا حلو
ليل : ياحلو انت يا حلو
عم احمد: لا أنا قلبي وجعني من كتر الضحك ياعم دنت عيل فقري أنا نازل ياحج صلاح جاي معايا
الأب : رايح فين بس ما احنا لسه هناكل لقمه مع بعض
عم صلاح: لا ياعم خد بقي العريس يقعد مع العروسه شويه
ليل : ينهار اسود الساعه بقيت وحده ونص دا انا كده هتشلوح من الاتنين اللي بره دول سلام أنا
الأب : خد ياض خد
ليل : لا ياعم حلو عليا أنا كده ( وخرج بره التلاته في صوت واحد كل ده )
ليل : اعمل اي بس هموت وسايبلكم حب الناس
زينه : بعد الشر عليك بس على فكره والله يا ليل زعلانه منك
ليل : حقك بصراحه انا لو مكانك كنت دخلت جبتك من شعرك
الأم: خلي بالك استاذ كلام يابت يا زينه محدش يقدر عليه
ليل : اي يا فيفتي مش كده اقفي جمبي انتي قلعه النضاره ولا اي
الأم: لا يا حبيبي ما زينه بقيت بنتي خلاص
ليل: ينهار اسود يعني مينفعش نتجوز
زينه : رايح دماغك أختك أبوك أمك معلش يا ماما يعني
الأم: لا يا حبيبتي خدي راحتك
زينه : هتجوزك برضوه
الأب: اي الدوشه دي في اي يابت انتي
زينه : هو اي ده بقى أن شاء الله
الأب : كنا بنتفق أنا وليل ولا بلاش نتفق
زينه : بتتفق على اي أن شاء الله
ليل : الدش على مين
زينه : يعني بقالك خمس ساعات جوه الاوضه علشان الدش على مين ياسيدي ادفع حقه أنا وبلاها من الغيبه الطويله دي
الأب : بس يا بت أنا أصلا مش مقتنع ب كلام ليل علشان كده المره الجايه نتفق تاني ولا اي ياعم
ليل : لا وأنا مش مقنع بصراحه علشان كده المره الجايه لازم لازم نتفق ( وبيضحك)
الأم: ياله بينا يا ليل علشان والله بنام علي نفسي
الأب : يا خبر ازاي لازم ناكل لقمه مع بعض
الأم: ولا اقدر والله أنا كده تمام التمام عامر ب أصحابه يارب
ليل : خلاص معلش يا عم كامل تتعوض في مره تانيه أن شاء الله
الأب : ليه كده بس
ليل : معلش حقك عليا المرادي
الأم: ياله بعد أذنكم
الأم: نورتي والله يا حبيبتي
أم ليل : بنورك هستناكي بقى اتفقنا
الأم: خلاص ماشي من عيني
ليل : ياله سلام
زينه : سلام
بعد نزول زين و أمه
الأم: ناس طيبه و ولد ناس يا كامل مش كده
كامل : بصراحه ولاد أصول و الواد ليل من العيال اللي هيا تدخل القلب على طول مش تقيل كده و دمه سم لا خفيف وعنده روح المره اللي فاتت أما كان قاعد معايا على القهوه بعد ما مشي لقيت صلاح أتصل بيا قالي خلي بالك الواد ده راجل يا كامل و أبن سوق وبصراحه كان كلامه في حق ليل كويس وأنا بحب اسمع رأي صلاح علشان صلاح ليه نظره في الناس
الأم: لا والله هو فعلا واد جدع ربنا يتمم ليهم بالخير يارب بس أنا خايفه من حاجه لمحت بيها ام ليل
الأب : خير
الأم: أصلها بتقول أن ليل قالها أن ممكن يقعد معاها هو و زينه حتا بتقولي تعالي شوفي الشقه هتعجبك اوي
الأب : بس ليل مجبش سيره الموضوع ده أنا عارف أنه عنده شقه
الأم: اه ما هو عنده شقه بس هو قال كده ل أمه بسبب انها هتكون لوحدها وبتاع وكمان حسب ما فهمت أنها مريضه
الأب : مريضه
الأم: اه ربنا يشفيها و نظرها ضعيف شويه بس شويه كتير يعني
الأب : طب أقوله اي ده
الأم : منا برضوه مش عارفه وقعت في نفس الحيره وخصوصاً أن الواد بصراحه مطمنه من ناحيته أنه مش هيهين زينه
الأب : طب وبنتك قالت اي
الأم: ما انت عارف بنتك عبيطه
الأب : هاتي زينه كده
في جانب آخر
الأم: بس ناس كويسه اوي يا ليل وخلي بالك الراجل شكله بيحبك اوي
ليل : الحمد لله ياما أنا كنت قلقان بصراحه بس لما قعدت معاه اول مره على القهوه حبيته شكله راجل دوغري
الأم: عايزه اقولك حاجه حاسه اني تسرعت
ليل : خير عملتي اي يا فيفتي
الأم: أنا عرضت عليهم موضوع انك تعيش عندي
ليل : وبعدين
الأم : يعني حسيت أن أم زينه زعلت شويه إلا هو طب وفرش بنتي
ليل : ما الشقه بتاعتي هتكون مفروشه وكل حاجه بس أنا هقعد معاكي
الأم: منا عارفه بس نسيت أتكلم عن الموضوع ده
ليل : مش مهم أنا هفتح الموضوع ده تاني مع عم كامل
الأم: يعني أنا تسرعت صح
ليل : لا طبعا انتي قولتي اللي هيتم علشان يكون عندهم علم بس المشكلة انك مكملتيش المعلومة ممكن عم كامل يفتكر اني معنديش شقه بتاعتي وبضحك عليه
الأم: تفتكر
ليل: خلينا نشوف
في جانب آخر
الأب : يا زينه انتي رايك اي في الكلام ده
زينه : والله يا بابا أنا معنديش مشكله خصوصاً أنها فعلاً مريضه وست كبيره يعني ليل فعلاً عنده عزره
الأم: يا حبيبتي ماشي والفرش بتاعك
زينه : أنا هقنع ليل أننا نفرش الشقه بتاعتنا عادي ونقعد هنا و هنا
الأم: ساكت ليه يا كامل ما تتكلم
الأب : اعمل اي طيب يا منال ما أديكي شايفه الواد كويس ومتمسك ب أمه وبصراحه لو كان عمل غير كده كنت قلقت منه
الأم: أنا خايفه بس أمه بعد الجواز تقلب حما وتقلب حيات البت جحيم معنديش غيرها يا كامل
الأب: خلاص يا منال سبيني بكره اقعد مع ليل افهم دماغه اي وبعدين نقرر بس يا زينه خلي بالك اي قرار هيتاخد هو لمصلحتك والله يا حبيبتي مش علشان اي حاجه تانيه اتفقنا
زينه : اي قرار يعني اي يا بابا
