رواية اختبار حب الفصل الثانى عشر بقلم ليل ادم
ليل : اي يا بنتي دا شكل واحده كان خطوبتها امبارح
زينه : قلقانه والله يا ليل
ليل : ليه بس في اي
زينه : بابا و ماما شكلهم كده مش حبين فكره اني أعيش مع والدتك
ليل : زينه سيبك من اي حد انتي موافقة
زينه : أنا أعيش معاك لو في أوضه
ليل : بس مفيش حد تاني يفرق معايا
زينه : طب لو كنت قولت لا كنت هتعمل اي يا ليل
ليل : كنت هقولك كل شيء قسمه ونصيب يا زينه
زينه : اي ده دنتا متمسك بيا اوي
ليل : متمسك بيكي مليون المئه ومتمسك ب أمي مليار المئه بعد اذنك يا زينه
زينه : رايح فين أنا مش بتكلم معاك يا ليل
ليل : عندي شغل
زينه : أنا مالي أنا يا ليل هو أنا غلطانه اني بقولك اللي حصل و أتقال قصادي
ليل : هو أنا قولت حاجه يا زينه
زينه : المفروض تطمني يا ليل مش العكس انت ليه بتعمل كده
ليل: زينه أنا عايزك و بحبك بس مفيش اي أعذار ولا اي حب يخليني أتنازل في راحه أمي انتي مش مستوعبه ليه أنها مريضه وعندها ضعف نظر و ضعف في عضلة القلب يعني ملهاش في أنها تقعد لوحدها أنا مضحكتش عليكي اتفضلي أمسكي
زينه : اي ده
ليل : ده مفتاح شقتك لو فاكره اني بضحك عليكي واني عايزك تقعدي مع ماما علشان أنا مش جاهز أو اني عامل حوار عليكم
زينه : أمسك يا ليل نتكلم بعدين لما تهدأ شويه بعد اذنك
ليل : اتفضلي
في جانب آخر
الأم: ألو
ليل : اي يا حبيبتي
الأم: اي مال صوتك
ليل : مفيش يا حبيبتي ضغط شغل بس
الأم: طب زينه كلمتك في حاجه ولا حد قالك حاجه من اهل زينه
ليل: كلمني في اي مش فاهم
الأم: موضوع الشقه يا ليل
ليل : يالهوي عليكي يا ففتي انتي لسه فاكره دا انا نسيت
الأم: بجد يعني محدش قال حاجه
ليل : لا محدش قال حاجه يا فيفتي
الأم: أصل أنا والله خايفه الدنيا تخرب بسببي وأنا عارفه انك بتحبها
ليل: اي ياستي الفيلم الهندي ده بعدين محدش اتكلم في حاجه مش عايزك تشيلي هم حاجه
الأم: ربنا يوفقك يا حبيبي أسيبك انا تشوف شغلك
ليل : ماشي يا حبيبتي سلام
الأم: سلام
بعد مرور اليوم وكان ليل في انتظار زينه قصاد مقر الشركة خرجت ندي
ليل: ندي هيا زينه فين
ندي : نزلت من بدري مبروك يا ليل
ليل : الله يبارك فيكي نزلت من امتا كده
ندي : تعبت من الضهر كده و خدت أجازه النهارده بس قالت محدش يقولك ل تقلق وتسيب شغلك. بسببها
ليل : ( طلع الفون رن على زينه) ألو
زينه : قبل ما تتعصب أو تفتكر اني زعلت أو بابا قال حاجه والله يا ليل انا محبتش أقلقك خصوصاً أن الموضوع بسيط مش اكتر
ليل : سيبك من الكلام ده الوقتي المهم انتي عامله اي
زينه : الحمد لله تمام والله متقلقش عليا
ليل : طب أنا هفوت عليكي عرفي بابا اني جاي
زينه : خلاص ماشي تنور يا حبيبي
ليل : سلام
زينه : سلام
بعد وصول ليل و وبعد ما تطمئن على زينه
الأب : ليل ممكن نتكلم شويه
ليل : اه طبعا تحت امرك
الأب: تعالي نقعد في البلكونه نشرب القهوه مع بعض أقعد هو انت غريب يا ليل
ليل : خير يا عمي
الأب: شوف أنا عارف أن كلامي ممكن يكون مش على مزاجك بس لازم أتكلم في
ليل : عم كامل ممكن اقولك حاجه
الأب: قول
ليل: لو كنت اتجوزت زينه وبعد الزواج أخدتها تعيش مع أمي كنت هتقول اي
الأب : مكنتش هقولك حاجه إلا لو بنتي أشتكت من حاجه إنما طول ما مفيش مشاكل وربنا ما يجيب مشاكل يعني انا معنديش مانع دي مراتك وانت حر
ليل : تمام أفهم من كده اني غلطان اني محبتش أخفي عنكم اي حاجه وجيت معاك دوغري الدوغري
الأب: لا طبعا الوضوح حلو يا ليل
ليل: فين بقى ما حضرتك شايف الوضوح آخره اي اهو
الأب: ليل حاول تتفاهم موقفي أنا واحد حبب يطمئن على بنته
ليل : تمام أنا مستعد اكتب الشقه بتاعتي بأسم زينه كده حضرتك شايف أنها في أمان ولا لسه برضوه
الأب : لا طبعا الموضوع مش زاي ما وصلك كده تأمين بنتي مش حيطان يا ليل تأمين بنتي في حسن معاملة و حياه زوجيه سعيده
ليل : استاذ كامل صدقني لو اقدر أبعد عن ولدتي كنت عملت كده بس صعب عليا قبل ما يكون صعب على والدتي وغير كده حضرتك ليه أفترضت الوحش قبل الحلو ليه حاتط في دماغك اني واخد زينه أستعبدها مثلا
الأب: ليل ليل بلاش نتكلم مع بعض ب أسلوب حاد اوي كده
ليل : يا عم كامل أنا شاري بنتك. و يعلم الله اني ما في فقلبي ليها أنا و أمي إلا كل محبه وخير حضرتك شوف هتكون مطمئن على بنتك ازاي و انا معنديش ادني مشكله في تنفذ طلبك معادا انك تقولي اقعد بعيد عن ولدتك بعد اذنك
الأب: رايح فين اشرب قهوتك
ليل : معلش أتأخرت اوي وقت تاني أن شاء الله تكون الظروف سامحه ل كده بعد اذنك
الأب: أتفضل
بعد نزول ليل
زينه : بابا من فضلك أنا متأكدة أن ليل عمره ما هيعمل حاجه تأذيني من فضلك بلاش تاخد قرار أنا مش هقدر عليه
الأب : أنا داخل أنام
في جانب آخر
ليل : اي يا چو عامل اي
يوسف : تمام الحمد لله اي مالك
ليل: الله في اي يابني هو مينفعش أتصل بيك عادي
يوسف : لا والله مش قصه كده بس انت مش واخد انك تكلمني بعد الشغل إلا لو في حاجه
ليل : لأ قولت أرغي معاك شويه فاضي
يوسف : ياعم لو مش فاضي أفضالك
ليل : حبيبي يا عم
يوسف : مالك بقي في اي
ليل: مش عارف والله يا چو بس حاسس اني مش مبسوط
يوسف : ليه كده حصل حاجه ولا اي
ليل : مش عارف ياسطا والله بس الدنيا مصممه تحط على جرحي كلونيه ومش عايزه تظبط مع اخوك ابدا
يوسف : ياعم اتكلم جد شويه حتا وانت زعلان بتهزر
ليل : يابني فكك من شويه الضحك والهزار اللي بعملهم دول اللي زاي لو خدها جد يموت
يوسف : لا كده الكلام كبير اوي أي ياعم قلقتني
ليل : ياعم سلمها لله روح نام انت أنا وصلت البيت أصلا
يوسف: الله يابني هو انت قولت حاجه أصلا
ليل : ياض أنا كده أتكلمت خلاص أنا بس مكنتش عايز أطلع البيت وانا ماسك في الصمت كده كنت عايز أفك وشي قبل ما أطلع
يوسف : أمك كويسه
ليل : اه والله الحمد لله
يوسف : زينه عملتلك حاجه
ليل : أبوها ياعم خايف تعيش مع أمي ل تتعامل وحش وبتاع
يوسف: وانت عايز اي
ليل: أنا بحب زينه اه بس أمي وضع تاني وانت عارف
يوسف: بس ما انت تمام اهو
ليل: يعني أنا مش غلطان كده
يوسف: لا طبعا يا ليل انت صح أمك مش حمل أنها تقعد لوحدها
ليل : سلام ياض يا چو
يوسف : كده يبقا انت خدت اللي كنت عايزه اقدر اقولك سلام
ليل: سلام يا عم
وفتح باب البيت و دخل
