رواية اختبار حب الفصل الثالث عشر بقلم ليل ادم
الأم: اي يا ليل كل ده تأخير أنا قلقت عليك
ليل : اهو كالعادة عندي خزنه برضوه
الأم: طب ياله علشان هموت من الجوع
ليل : تعالي أنا جاي معاكي
الأم: يا واد لسه في شويه عندي انت فاكر عيني خلاص ضاعت (وبتضحك)
ليل : يا ڤيڤتي هيا دي شكل عيون تعبانه رموش دي ولا مكانس كل دي رموش
الأم: كلني يا واد كلني
ليل : ياريت ينفع كنت أكلتك فعلاً
الأم: المهم عامل اي مع زينه
ليل : مش مبسوط وشكلي كده مش هكمل معاها
الأم: اي ده ليه كده بعد الشر دي بتحبك اوي
ليل : بس طفله ودماغها دماغ أطفال وانا بصراحه مش بحب كده
الأم: اي اللي حصل بس
ليل : اهو عادي النهارده عملت موضوع وخناقه كبيره من لا شيء إلا اي علشان عندي شغل وهتأخر وهيا كانت عايزه تمشي معايا أسيب الشغل أنا بقي يا ففتي علشان متزعلش
الأم: عشمانه فيك يا حبيبي بتحبك حد لاقي حد يحبه يا ليل
ليل : مش عارف انتي شايفه اي
الأم: شايفه انك صايع وعايز تكدب عليا علشان أنا عارفه كل حاجه
ليل : مش فاهم
الأم: اللي حصل كله أنا عندي علم بي وبصراحه أنا شايفه أنهم صح اي أب و أم حقهم يخافوا على بنتهم خصوصاً أن زينه وحيده
ليل : ماما أنا مش فاهم حاجه ممكن تجيبي من الاخر وتتكلمي على طول
الأم: زينه أتصلت بيا وزعلانه من طريقتك معاها وبتقولك هيا موافقه تقعد معاك لو في أوضه تحت السلم بس بالعقل مع أبوها و أمها علشان هيا خايفه انت تعند و أبوها يعند معاك والدنيا تتلغبط وبصراحه حقها بتحبك وخايفه عليك علشان كده عندي حل حلو يا ليل
ليل : اي هوا
الأم: تحل عن دماغي و تاخد مراتك في بيتك يا حبيبي متقلقش عليا أنا بخير والله ثما هو انت لو كلمتك الفجر قولتلك أنا تعبانه هتقولي مش قادر أجي يعني
ليل : ماما فكك من الموضوع ده انا مش هعمل كده
الأم: وزينه
ليل : والله أنا عملت اللي عليا وزيادة هما بقا عايزين تمام مش حبين تمام برضوه بعدين اي ده العلاج بتاعك مخدتيش منه النهارده ليه
الأم: هو أنا عارفه راح فين ( وقعت المعلقه من ايد الأم تحسست بهدوء لحد ما خبطت في أيديها ورفعت المعلقه على أمل يكون ليل مش واخد باله )
ليل : ( حب يظهر أنه فعلاً مخدش باله رغم حرقه قلبه على سوء الوضع مع أمه رغم كل محاولات الأطباء معاها ) طب العلاج أهو أتفضلي
الأم: هات ياسي زفت ياللي مطلع عيني أنت
ليل : ما تيجي بكره نروح المستشفى نشوف الدنيا فيها اي فرصه وأنا أجازه بكره كده
الأم: لأ ياعم بترجع مغموم كل مره وأنا بزعل
ليل : لا والله من امتا ده أن شاء الله هو أنا بعمل حاجه غير اني أضحك و أهزر
الأم: ياعم اقعد بقا أنا لو شايفه نفسي محتاجه أروح هقولك والله
ليل : وعد
الأم: وعد بس بشرط
ليل : هغسلهم دانتي أم أستغلاليه ( وبيضحك)
الأم: والله ابدا خلاص سيبهم دول كام طبق كلهم على بعض
ليل : لا خلاص أنا كده كده من نفسي كنت هعمل كده
الأم: ليه
ليل: بتدرب علشان لما أتجوز
الأم: أخس على الرجاله
ليل : لا أنا دبدوب اوي خلي بالك
الأم: انت أحن راجل في الدنيا عارف انت خدت من أبوك أحسن صفاته أبوك كان كده جوه منه بركان ومن بره لوح تلج كان يضحك في اي وقت كان بيضحك على طول أصلا عمري ما شوفته زعلان إلا لما كنت انت تتعب بس
ليل : طب كويس أنه مش عايش لحد الوقتي ( وبيضحك)
الأم: انت اللي تاعب نفسك يا ليل انا عماله اقولك اني كويسه بس انت اللي مكبر الموضوع
ليل : تصدقي أسيبك تغسليهم انتي لو مسكتيش (وبيضحك)
الأم: لا ياعم قلبك أبيض
اليوم التالي في العمل
زينه : هو حضرتك خلاص يعني لا بقيت تستناني الصبح ولا آخر اليوم ولا ترد على تليفوناتي ولا بتتصل بيا انت عايز اي يا ليل
ليل : زينه وطي صوتك الناس بتتفرج علينا
زينه : (بتبكي) انت بتحاسبني على اي على تفكير بابا وماما
ليل : طب اهدي بتعيطي ليه الوقتي يا زينه
زينه : علشان كنت فاكره اني أغلا عندك من كده
ليل: يوسف خد مكاني بعد اذنك
يوسف : ماشي يا ليل
ليل : تعالي نتكلم بره
زينه : حاضر يا ليل
ليل : يا زينه أفهمي أنا بحبك وربنا يعلم اني مش مبسوط بكل اللي بيحصل ده بس لو انتي مكاني هتعملي اي
زينه : مكنتش هعمل معاك اللي. بتعمله معايا ده خصوصاً طالما أنا متأكده انك قابل تعيش جمبي على اي وضع ليل انت مصدق اني فعلا بحبك ولا لا
ليل: اي العبط ده طبعا متأكد من كلامك
زينه : علشان خاطري بلاش الأسلوب اللي بتتعامل معايا بي ده أنا تعبانه اوي والله التفكير واخد عقلي كله أنا لو كنت بقدر أتكلم معاك و أشوفك كنت طلبت أجازه يا ليل أفهم أنا معاك ايا كان المكان والظروف أنا معاك علشان خطري كفايه بقى أنا مش عارفه أعمل اي تاني علشان تفهم اني خايفه أخسرك
ليل : ( ضم زينه ) حقك عليا خلاص بقى كفايه عياط دنتي طلعتي قموصه أوي
زينه : زعلانه منك اوي والله يا ليل
ليل : طب غمضي عينك أعملك حاجه تعجبك
زينه : أهو
ليل : ( مد ايده خد ورده من وسط الجنينه اللي على الصور و جلس على ركبته ) فتحي عينك
زينه : الله ورده
ليل : لا مدي أيدك و أخلصي أنا عندي الصليبي
زينه : خلاص قوم قوم سامحتك
ليل : مش مهم المهم الوقتي ركبه البنطلون باظت امي ممكن تنفوخني اعمل اي يخربيتك
زينه : ( بتضحك وبتحط رأسها على حضن ليل )
ليل : (ضم زينه ودماغه في كوكب تاني خايف يخسرها وخايف يتعبها معاه أن أستمر على قراره وما بين أمه و قلبه ) الفصل الرابع عشر من هنا
