رواية اختبار حب الفصل الرابع عشر بقلم ليل ادم
بعد انتهاء العمل
استاذ سالم: ليل
ليل : نعم يا استاذ سالم
استاذ سالم: انت كويس
ليل : الحمد لله تمام
استاذ سالم: بقالك كام يوم كده مش في حالتك خير ماما فيها حاجه
ليل : لا تمام الحمد لله أنا بس اللي قولت اهداء شويه علشان حضرتك خلاص جبت أخرك مني (وبيضحك)
استاذ سالم: طب ياله ننزل مع بعض اقولك حاجه مهما كمان
ليل: تحت امرك اتفضل
استاذ سالم: ليل انت عارف انك الوحيد اللي بصبر عليه وبتقبل منه الهزار والضحك اللي بلا حدود
ليل : عارف والله حقك عليا يا استاذ سالم
سالم : لا مش ده قصدي أنا أقصد اني بتعامل معاك على أنك أخويا الصغير علشان كده أنا مش بضغط عليك بس شغلك الفتره دي في غلط كتير اخرهم اتفضل شوف كده
ليل : (فتح الورقه وقفلها تاني)
استاذ سالم: طالعه من عندك دي ولا لا
ليل : حصل
استاذ سالم: ٢٠٠ ألف جنيه فرق صرف رقم مش قليل علشان تغلط في يا ليل انت عارف موضوع زاي ده ممكن يوصل لحد فين
ليل: اللي حضرتك شايفه يا استاذ سالم
سالم : (قطع الورقه ) ركز يا ليل أفصل ما بين شغلك واي مشاكل عائليه أو مشاكل مع خطيبتك
ليل : لا خالص مفيش اي حاجه
استاذ سالم: لا طبعا في أنا مش عبيط عنك يا ليل انا كنت بطلت أراجع الاوراق بعديك أنا المرادي حصلت بالصدفة وده اكتر حاجه قلقاني
ليل : استاذ سالم أنا مش كده متقولش الكلام ده تاني
سالم : أنا مش قصدي انك بتحط حاجه في جيبك أنا قصدي يكون في غلطه زاي كده حصلت و فاتت علينا توصل المبنى الإداري نتحبس كلنا فهمت قصدي
ليل : فهمت قصدك
سالم : روح علشان زينه واقفه مستنياك بقالها كتير
ليل : حاضر بعد اذنك
زينه : اي ياعم كل الرغي ده ما هو معاك طول اليوم
ليل : معلش يا حبيبي كان في حاجه في الشغل عايز يقولي عليها
زينه : عايزه أشرب عصير
ليل : تعالي يا ستي نشرب عصير
بعد الوصول إلى محل العصير
ليل : تشربي اي
زينه : مانجه
ليل : وأنا كمان مانجه هات اتنين مانجه بعد اذنك
العامل : تحت امرك
زينه : تقعد ولا مستعجل
ليل : يا سلام لا نقعد طبعاً اتفضلي
زينه : يالهوي على ذوقه يا ناس
ليل : (بيضحك) اهو أنا عندي اي حاجه سهله قصاد ضحكتك الحلوه دي
زينه : أنا بعشقك يا ليل
ليل : وأنا بحبك والله يا زينه
عامل العصير : وأنا ايدي وقفت بقالي ساعه واقف
ليل : ياعم اي حد يقطع لحظه زاي دي
العامل : (بيضحك) بكره تندم
زينه : (بصت للعامل بصه كلها غلا )
ليل : الله يحنن عليك أنصرف انت الوقتي (وبيضحك وفعلاً العامل رجع مكانه )
زينه : والله عجبتك اوي كلمته بوقك وصل لحد ودنك
ليل : لا طبعا يا حبيبتي انا حياتي كلها هتقف لو بعدتي عني
زينه : جدع علشان كده مفيش نكد لمده اسبوع اي خدمه
ليل : كريمه من يومك ياست البنات
زينه : بتبصلي كده ليه
ليل : عايز أحضنك
زينه : ليل أحترم نفسك اي اللي بتقوله ده ياله على البيت وصلني
ليل : حاضر من عيوني
زينه : تسلملي عيونك الحلوه دي
ليل : ياله بينا
بعد الوصول تحت منزل زينه
ليل : مبسوطه
زينه : اوي اوي اوي
ليل : تعالى أجبلك شيكولاته من الكشك الغريب ده
زينه : تعالي أنا كده كده مش عايزه أطلع
تليفون زينه رن
زينه : ده بابا
ليل : شوفي عايز اي عبال ما أجيب الشيكولاته
زينه : حاضر ( وفتحت المكالمة)
الأب : وقفه في الشارع ليه
زينه : مفيش حاجه لسه راجعه من الشغل ليل قالي أشتريلك شوكولاته بس وطالعه
الأب : هاتي ليل و أطلعي
زينه : بابا هو في حاجه
الأب : مستنيكم ( وقفل السكه )
ليل : اتفضلي ياستي على البيت ياله
زينه: بابا عايزك أنا مرعوبه صوته شكله زعلان
ليل : خايفه من اي
زينه : لو قالك حاجه هتستحملها علشاني يا ليل بالله عليك قول اه رايح قلبي
ليل : (مبتسم وحط ايده علي كتف زينه ) أطلعي
زينه :(بتمسك دبلتها اللي في أيديها وبتحطها على قلبها وبتهمس بهدوء ما بينها وبين نفسها )
ليل : بتعملي اي
زينه : مش هقلعها لو حصل اي انت فاهم
ليل : مين قال كده بس يا حبيبتي أطلعي بس
بعد الوصول إلى المنزل
الأب : أدخلي غرفتك يا زينه
زينه : في اي يا بابا
الأب: أسمعي كلامي ياله تعالا يا ليل
ليل : أتفضل يا عم كامل
الأب: عملت اي في الكلام اللي أتفقنا عليه
ليل : هو المفروض حضرتك اللي تقول وصلت ل اي مش أنا انا اخر حاجه قولتها شوف حضرتك عايز تضمن حق بنتك ازاي وانا مش ممانع
الأب: لا أنا مش بدور على حق بنتي أنا بدور على سعاده بنتي
ليل : تمام المصلحة واحد انا كمان عايز سعادة زينه اللي حضرتك شايفه أنا معاك في
الأب: سعادة زينه أن كفايه لحد كده انت مش عايز تتنازل عن اي حاجه عايز تاخد كل حاجه ومفيش حد بياخد كل حاجه يا ليل
ليل : انت بتسمي تمسكي ب ولدتي في عز مرضها أن أنا كده رافض التنازل انت عندك التنازل هو اني أسيب أمي علشان أكون اد المسؤولية
الأب: لا بس التنازل يفرق كتير يا ليل
ليل : أنا نازل واللي حضرتك عايزه بس عايز اقولك أن ربنا بيحبك اوي ومن كتر حبه فيك مرضيش يديلك والد من صلبك علشان كان هياخد دماغك وكان هيسيب أمه و أخته علشان اي حاجه عادي بعد اذنك
زينه : ليل من فضلك استنا
ليل : (وقف ولف وشه ل زينه)
زينه : بابا انت لو فعلاً عايز تسعدني أن سعادتي وفرحتي وكل حاجه في حياتي مع ليل مش مع الحيطان مش مع الحجات اللي في دماغ حضرتك بابا أنا مش هبعد عن ليل مهما حصل
