رواية اختبار حب الفصل الثانى بقلم ليل ادم
ليل : (شد زينه بره البنك )
زينه : متزعلش ده إنسان مش ساوي عنده عقده نفسيه
ليل : ( هز رأسه)
زينه : انت أكلت أستنا خد ورقه اهي أكتب فيها
ليل : ولا لقمه من أسبوع
زينه: اي ده لا بتهزر صح
ليل : لا بتكلم بجد
زينه: طب أنا هبعت أشتري أكل أجبلك معايا
ليل : (مد ايده في جيبه)
زينه : لا والله ابدا عيب هزعل منك
ليل : ( حركه شكر ب ايده ورأسه)
زينه: بس بقا والله بزعل أما بشوفك مش عارف تتكلم
ليل : ( أشار إلى السماء)
زينه : خلاص أدخل طيب كمل شغلك علشان الحيوان ده ميتكلمش معاك تاني
ليل : ماشي
زينه : سلام
ليل : سلام
ودخل المكتب وعين زينه عليه رجع قعد مكانه ورفع عينه بالعقل يشوف زينه وقفه ولا لأ اول ما تأكد أنها طلعت شغلها قام جري على مكتب استاذ سالم
استاذ سالم: ادخل
ليل: حضرتك كنت عايزني
استاذ سالم: هو انت ازاي يا استاذ جايب بنت زاي دي المكتب وكمان قليلة الأدب
ليل : والله يا استاذ سالم لولا أن الواحد بيعمل حاجه ل وجه الله ما كنت سمحت ب كده ابدا كله إلا حضرتك
استاذ سالم: ل وجه الله ليه في اي
ليل : البنت دي عملت حادثة مع خطيبها ومن يومها وهيا في صدمه فاقت منها لما شافتني لقيتها مسكت في رقبتي وتقولي انت على انت علي
سالم: وبعدين
ليل : أبوها بقا طلب مني اعمل فيها علي بس المشكلة علي ده أخرس شوفت
استاذ سالم: طب ولحد امتا الكلام ده يابني
ليل : لحد ما تفوق من الصدمه
استاذ سالم: بس متجيش هنا تاني انت فاهم
ليل : ازاي بس دي جت أشتغلت فوق مخصوص علشان تكون جمبي
استاذ سالم: للدرجادي كانت بتحب خطيبها
ليل : شوفت
استاذ سالم: خلاص اتفضل شوف شغلك
ليل : ( خرج من المكتب تابع شغله عادي ومع آخر اليوم كان مستني زينه )
ليل : ( هو أنا مستني اي و مستنيها ليه بعدين المفروض تعرف الحقيقة وهيا تختار بقا يا تكمل ونكون اصدقاء يا بلاش بس بصراحه بحب اوي أنها بتعاملني كا طفل و أمه دي جيبالي غدا شاورمه يعني اكيد شيفاني حد غالي لو كنت حد عادي عنها كانت جابت شقتين فول من عند عم ابراهيم)
زينه : ليل انت لسه هنا
ليل : ( أشار إلى زينه عايز ورقه )
زينه : اه معلش حقك عليا اتفضل
ليل : رايحه فين
زينه : التجمع وانت
ليل : المعادي
زينه : أنا هطلب أوبر أنا عارفه انك ليك طريق تاني غير طريقي
ليل : موافق ياله بينا
زينه : تعرف أنا حبيت أسمك اوي
ليل : أتفضليه والله
زينه : أنا عندي وحده صحبتي أسمها ليل
ليل : ( وقف مكانه ) شوفي أنا بقالي ٢٨ سنه عايش بقنع كل اللي حواليه أن اسم ليل ده أسم ولد ف بلاش تقولي كده تاني
زينه: خلاص خلاص هو فعلا اسم ولد هو في بنت أسمها ليل اي العتمه دي
ليل : ايوه كده شطوره ( وبيضحك)
زينه : سوق الاوبر هنا أهو
ليل : (شاف السواق أتكهرب لانه ركب معاه كتير ويعرفه كويس) كتب في الورقه بلاش السواق ده
زينه : ليه
ليل : متحرش
زينه : (ضحكه بصوت عالي جدا)
ليل : لا مش متحرش معايا انتي فهمتي اي
زينه : أركب أركب
السائق: شوف الصدف عامل اي يا استاذ ليل والله بقالي كتير باجي هنا أشوف حضرتك بس مش بتكون موجوده
ليل : بص في المرايا و مبتسم وهز رأسه
زينه : (مالت على ليل ) هو انت تعرفه معرفه شخصيه
ليل : لا طبعا بقولك متحرش
السائق : خلي بالك يا أستاذه استاذ ليل ده حبيبي والله لسانه زاي العسل ويتحب بسرعه
ليل : ( شد الورقه من ايد زينه ولف وشه كتب ) أبوس ايدك أسكت لساني عسل اي هنتفهم غلط
زينه : قلقت من ليل و السائق وعايزه تنزل
السائق : (شاف الورقه ) طب ما تقولي الله
ليل : منا أخرس هقولك ازاي
السائق: لا اله الا الله حصل امتا ده
زينه : هو في اي بجد يا ليل من فضلك نزلنا هنا لو سمحت
السائق: في اي بس يا استاذه
ليل : أخرس يا وسخ نزلنا على جمب
زينه : انزل انت كان عندك حق اي لسانه عسل دي كتك الأرف
ليل : وربنا كداب أنا معرفش الراجل ده
زينه : امشي يا ليل بقا
ليل : منا قولتلك متحرش
زينه : ازاي تسكتله يا ليل ما تاخد حقك منه
ليل : ( ضحك بصوت عالي جدا)
زينه : ضحكه من ضحكه ليل
زينه : اي ده يا ليل انت بتضحك ب صوت اهو
ليل : يعني اي
زينه : المفروض ولا بلاش
ليل : لا قولي
زينه : مش انت أخرس اذاي الضحكه ليها صوت
ليل : ( ضحك مره تانيه ضحك هستيري )
زينه : لا بجد عايزه أفهم
ليل : مش ساحر
زينه : اه بصراحه أنا شوفت الصبح ب عيوني
ليل : ولو عايز أتكلم هتكلم على فكره بس أنا مش عايز
زينه: (مسكت أيد ليل و وقفت ) لا والنبي علشان خطري أتكلم كده نفسي أسمع صوتك
ليل : ( غمض عينه ووقف ورفع أيده للسماء) ازيك يا زينه
زينه : ينهار اسود اي ده انت عملت كده ازاي بجد ماشاء الله عليك
ليل : ( شد الورقه علشان يكتب)
زينه : لا والنبي ارفع ايدك كده تاني وغمض عينك و اعمل سحر يخليك تتكلم معايا شويه
ليل : ( هز رأسه ورفع أيده وغمض عينه ) تم تجديد الباقه
زينه : اي ده يالهوي
ليل : لا صدقي بقا علشان الباقه دي أخرها نص ساعة وهرجع تاني
زينه : أخفيني
ليل : ليه
زينه : انت مش ساحر
ليل : اه
زينه : خلاص أخفيني
ليل : بس لو خفيتك هرجع أخرس تاني منا مش هينفع اعمل الاتنين مع بعض صعب دي
زينه : اه فعلا لا خلاص خليك بتتكلم احسن أنا حابه نتكلم اكتر
ليل : الحمد لله امشي
زينه : خلي بالك الكلام أخدنا مفيش حد هيقف هنا نركب معاه إحنا ع طريق سريع
ليل : خلاص كملي مشي
زينه : عندك أخوات
ليل : لأ وانتي
زينه : لا برضوه
ليل : مرتبطه
زينه : لا وانت
ليل : لا برضوه
زينه : بس أنا أول مره أشوفك في البنك
ليل : لا أنا شوفتك كتير
زينه : اي ده بجد
ليل : اه والله
زينه : طب كويس يعني انت تعرفني أصلا
ليل : اه طبعاً أما أنا عملت الفطار الصبح ليه يعني
زينه : لا بصراحه كنت فكراك بتعمل كده مع اي بنت تعجبك
ليل : لا طبعا انتي بس صعبتي عليا الصبح لما كنتي بتفطري بسكويت حتا من غير كبايه شاي
زينه : رجلي وجعتني
ليل : طب تعالي ( ورفع زينه على صور تقعد عليه ) ولف وشه و ماشي
زينه : انت ياعم رايح فين
ليل : ماشي أنا
زينه : اي ده انت بتتكلم بجد
ليل : بس بس انتي بتعيطي في ثانيه كده
زينه : اصلي ب خاف أنا أول مره امشي مع حد في الشارع أصلا
ليل : اشمعنا أنا طيب
زينه : لا بلاش علشان هتزعل
ليل : لا مش هزعل
زينه : علشان صعبان عليا اوي حاسه انك محتاج حد ياخد باله منك
ليل : اه والله
زينه : طب انت كنت مستنيني على السلم بتاع الشركه ليه
ليل : علشان نمشي مع بعض
زينه : بجد
ليل : اه والله
زينه : لو كنت قولتلك لا بقا
ليل : لا أنا كنت عارف انك مش هترفضي
زينه : اه صحيح أنا نسيت انك ساحر اعملي حاجه والنبي يا ليل
ليل : يابنتي اي الكلام ده (وبيضحك)
زينه : علشان خاطري أعملي حاجه
ليل : طب خلاص خلاص ل حد يسمعك يفتكر حاجه كده ولا كده
زينه : مش فاهمه
ليل: ما اكيد هو لو فاهمه هتقولي كده أصلا ( وفتح الشنطه طلع البوكس فاضي) اهو
زينه : فاضي
ليل : مدي ايدك وغمضي عينك
زينه : اهو
ليل :(حط أيده على ايد زينه و بخفه يد قلعها الساعه حطها جوه الشنطه ) فتحي عيونك
زينه : اهو
ليل : هز البوكس جامد جدا وحطه جوه الشنطه وزينه قاعده مستنيه اي اللي هيطلع المرادي
ليل. : هووووبا طلع البوكس
زينه : اي ده دا فاضي
ليل : اه فعلاً طب أستني (وحط البوكس جوه الشنطه تاني و بخفه يد حط الساعه جوه البوكس وقعد على ركبته ورفع البوكس ل زينه )
زينه : (بمنتها الاستغراب) ينهار اسود دي الساعه جبتها منين
ليل : دنتي لقطه (وبيضحك جدا)
واحد سائق موتوسيكل ماشي قصادهم : في عز النهار كده يا حيوان
زينه : ياله يا جزمه
سواق الموتوسيكل: ( وقف ورجع مره واحده)
ليل : ليه كده يخربيتك شكلك جلابة مصائب
السائق : بتشتمي مين يا بت انتي
ليل.: (شد الورقه بسرعه كتب فيها أنا أخرس معلش)
السائق: متتكلم ياعم انت انا مبعرفش أقراء
ليل : ينهار اسود
زينه : اعمل اي حاجه أخفيه ياليل ولا حتا أسخطه كلب
ليل : يخربيتك أسكتي بقا مش شايفه أد اي
السائق: (حط أيده على كتف ليل ) أنا حسابي مع الراجل بتاعك تعالي معايا كده ياعم السخيط (وخد ليل بعيد)
ليل : ياعم وحد الله أنا ولا أعرفها اصلا انت فاهم غلط
السائق: البت دي هتجبلك المشاكل سيبك منها أنا لو مش حرام كنت مسحت بيك الاسفلت
ليل : عندك حق بس حرام انت فاهم ياله نهارك أبيض
السائق: ساب ليل و خد الموتوسيكل ومشي
زينه : كنت ضربته
ليل : أنا قولتله تمشي ولا أمسح بيك الأسفلت قالي أمشي قولت حرام انتي فاهمه
زينه : كان نفسي تسخطه
ليل : قومي نمشي الله يكرمك
زينه : استنا المكان ده حلو اوي كل يوم وانا ماشيه في العربيه ببقا عايزه انزل هنا عند الشجره دي أتصور
ليل : هاتي ايدك
زينه : تعالى
ليل : طلعي فونك
زينه : لا متقولش
ليل : اقول اي
زينه : خدته برضوه جوه البوكس
ليل : لا والله ابدا
زينه : ينهار اسود نسيته في الشركه
ليل : طب نرجع نجيبه
زينه : اي ده نرجع اي أعمل سحر هاته
ليل : ( وقع على الأرض من الضحك) مينفعش
زينه : ليه
ليل : المسافة بعيده مش هقدر أبعته يجيب الفون
زينه : هو مين
ليل : الجن اللي بيعملي السحر
