رواية اختبار حب الفصل الثالث بقلم ليل ادم
الأم: اي الروقان ده مالك يا حبيبتي فرحينا معاكي
زينه : الله في اي يا ماما هو أنا كنت نكديه يعني
الأم : شهدا لله ام العكننه كمان
زينه : هو بابا فين
الأم: نام
زينه : طب تعالي جمبي عايزه أتكلم معاكي
الأم: لا كده يبقا في حاجه أحكيلي
زينه : بصراحه في تعالي بقا ياله خليني أحكيلك
في جانب آخر
الأم: مالك يا ليل
ليل : لقيتها يا ماما لقيتها أخيراً عيون اي وشعر اي وبياض اي وجمال اي ودلال اي حتت كريز كده
الأم: اي ده اي ده شكلنا وقعنا على وشنا
ليل : وقعنا دانا أترميت زاي الجردل
الأم: احكيلي
ليل : أسمعي يا ستي
في جانب آخر
الأم: مش عارفه اقولك اي ( وبتضحك)
زينه : في اي طيب
الأم : ده مش أخرس ده بيشتغلك يابنت الهبله
زينه : اي ده لا والله حرام عليكي انتي بتتريقي علي واحد مريض
الأم: اي ده اي ده وقعنا من أول لقاء كده
زينه : بقولك ساحر عارفه انتي كده اللي هو اي أنا عايزه اقعد قصادك اليوم كله
الأم: يا حبيبتي والله بيشتغلك اسمعي مني
زينه : ليه بس انتي كل شويه تقوليلي بلاش تصاحبي دي وبلاش تكلمي دي وبلاش تلبسي ده وبلاش تعملي ده
الأم: وبعدين بترجعي تقولي اي
زينه : بقولك انتي صح بس المرادي أنا مستعده أراهن معاكي
الأم : بسيطه هاتي رقمه
زينه : اهو
الأم: أدخلي كلميه وتس ولا البتاع التاني بتاعكم ده
زينه : ليه
الأم : مش انتي متأكده منه
زينه : اه طبعا
الأم : يبقا من غير ليه
زينه : ماشي
في جانب آخر
الأم : ربنا يسعدك يا حبيبي بس انت غلطان المفروض كنت قولتلها انك طبيعي ملوش لازوم الكدب
ليل : منا عملت كده الصبح علشان تتكلم معايا إنما بعد كده مبقيتش عارف أقول ان كل ده فيلم اي ده دي بتبعت اهي
الأم : أنا خارجه خد راحتك
ليل : يخليكي ليا يا بطتي
الأم: لا ما خلاص بقا (وبتضحك وخرجت من الاوضه )
زينه : الله ما انت متصل اهو رد
ليل : عامله اي يا زينه
زينه : الحمد لله وانت عامل اي
ليل : تمام لسه راجع من شويه
زينه : منا قولتلك بلاش توصلني وترجع مشوار بعيد عليك
ليل : ولا يهمك عادي
في جانب آخر
الأم: هتصل عليه كملي كلامك طبيعي علشان ميشكش أن أنا تبعك
زينه : ماشي
رنيت عليه الأم فعلاً
ليل : ثانيه يا زينه معلش
زينه : في حاجه
ليل : ثواني بس ثواني
زينه : اتفضل
ليل : ألو
الأم: ليل معايا
ليل : تحت امرك مين معايا
الأم: لا خلاص الرقم غلط
ليل : اي ده ( هيا قفلت في وشي ليه )
ليل : معلش يا زينه أتأخرت عليكي
في جانب آخر
الأم : ها
زينه : خلاص يا ماما أنا عايزه أنام
الأم: تصبحي على خير
زينه : ( مسكت تليفونها وكانت غضبانه جدآ من ليل بالذات أنها كانت فاكره أنه مش هيحطها في الموقف ده ) نعم يا ليل
ليل : الله في اي مالك
زينه : مفيش ومن فضلك بلاش نتكلم تاني ممكن
ليل : اي ده بس حصل اي
زينه : مفيش حاجه بعد اذنك (وقفلت وعملت بلوك ل ليل )
ليل : يابنت المجنونه اي ده خلصت كده
الأم : تشرب معايا شاي
ليل : اشرب طبعاً ما خلاص بح
الأم: بح اي في اي
ليل : ما انتي عارفه هو أنا في حاجه تكملي
الأم: ليه بس حصل اي
ليل : عملتلي بلوك
الأم: يعني اي بسرعه كده
ليل : منا مش فاهم
الأم : خلاص يا حبيبي يمكن يكون حد من أهلها أتكلمت معاه قالها عيب أو بلاش تتكلم معاك
ليل : لالا هو أنا كده تملي الدنيا تحط على جرحي كلونيه
الأم : (بتضحك) يا جازي شيطانك يا ليل كلونيه اي بس
ليل : أنا مش عارف والله هما مش بيقولوا أن الدنيا بتدي العبيط
الأم: طول عمري اسمع كده
ليل : طب اي طيب الاوبشن ده مش معايا ليه هو أنا مش عبيط يا دنيا دنا فضلي شعره وهيدخل علينا اربعه لبسين أبيض في أبيض يلابسوني القميص بالمقلوب وعلي السرايا
الأم: لا أنا هعمل الشاي علشان دماغك ساحت
ليل : سيحي جبنه رومي ياما سيحي
الأم : للأسف
ليل : مفيش جبنه رومي صح
الأم : (بتضحك)
ليل: مش بقولك قومي ياما الله يكرمك قومي
في اليوم التالي
الأم : اي ده صاحي بدري اوي ليه كده
ليل : رايح الشغل
الأم: ربنا معاك يا حبيبي
ليل: ياله سلام
راح ليل وقف في موقف العربيات لحد ما تيجي زينه علشان يتكلم معاها وآخر ما زهق وحس أنها مش جايه ركب العربية
زينه: أكتوبر
ليل : اه
زينه : ( بصيت ل ليل اوي ) وركبت في العربيه
ليل : ( ينهار اسود أنا أخرس اتكلمت ليه ) وقام قعد جمب زينه
بعد تحرك العربية
ليل :(طلع فلوس العربيه )
زينه : لا من فضلك أنا هدفع ل نفسي
ليل : (مستغرب ودفع ل نفسه بس)
زينه : لو سمحت خد واحد من هنا
السائق: والنبي يا جماعه اللي باعت ٢٠٠ جنيه ده على الصبح يشوف فكه لسه اول دور نهاركم أبيض
زينه : ممعيش فكه
ليل : (خد ٢٠٠ جنيه ودفع الاجره )
زينه : شكراً هبعتلك الفلوس واحنا في الشغل
ليل : ( طلع القلم و كشكول أشتري جديد علشان يكتبلها )
زينه : انت لسه بتكدب
ليل : اه أنا عمال اقول في حاجه غريبه
زينه: هو فعلا في حاجه غريبه وأنا غلطانه اني صدقتك
ليل : اهدي بس أنا عملت كده علشان أكلمك والله مش اكتر
زينه : يا سلام بالكدب ده كله
ليل : منا عارف انك مكنتيش هتتكلمي معايا ولا هاخد رقمك لو كلمتك طبيعي
زينه : تقوم تضحك عليا صح
السائق: والنبي يا جماعه نحل المشاكل العائلية دي بعدين ونسمع القرآن شغال
ليل : ركز في طريقك انت بس وفكك من رميت ودنك اللي على كتفنا دي
السائق: يعني أنا بعمل معاك واجب وبرفع عنك النكد لحد ما ترستأ دماغك وتعرف ترد الواحد على الصبح بيكون عامل ل دماغه سوفت
ليل : ياعم شكرا خليك في طريقك بقا ممكن
السائق : ممكن
ليل : وانتي كمان في اي والله بقولك عملت كده علشان نتكلم وكنت هقولك النهارده والله
زينه : تقولي اي يا ليل دا حضرتك أشتريت كشكول ١٠٠ ورقه يعني كنت هتقولي كمان سنه
ليل : لا ده للشغل هو أنا هشتري كشكول ١٠٠ ورقه ب عشرين جنيه وأنا معرفش إن كنت هكمل بعد البلوك ولا لأ
زينه : ( بتضحك ولفت وشها)
ليل: ايوه كده بقا
زينه : ايوه كده اي أنا مش بكلمك
أصلا
ليل : على جمب ياسطا
زينه : رايح فين لسه
ليل : انزلي بس
زينه : على فين
ليل : ( شد أيديها) تعالي
السائق : ياله بقا يا أنسه خلينا نشوف مصالحنا
نزلت زينه فعلاً من العربيه
زينه : نزلتنا ليه هنا ممكن افهم
ليل : ( طلع وقف علي سور الكورنيش) هتفكي البلوك ولا أرمي وعلي فكرة لو مت مش مسامحك انتي حره
زينه : بس بس انزل
ليل : لأ فكي الأول
زينه : اهو والله خلاص
ليل: انتي حلفتي
زينه : حصل انزل بقا
ليل : وحاجة كمان
زينه : خير
ليل
