رواية اختبار حب الفصل الرابع بقلم ليل ادم
ليل : تتغدي معايا النهارده بعد الشغل
زينه : موافقه انزل بقا بجد مبحبش كده
ليل: ولا أنا أنا بخاف من المياه أصلا
زينه : كده طب يارب تقع
ليل : لا ما خلاص خدت منك وعد
زينه : اتفضل بقا شوف هنروح الشغل ازاي بعد ما نزلتنا من العربية
ليل: بس كده لحظه واحده ( ومع أول عربيه أشار ليها وقفت وركبوا العربية)
زينه : بسهولة كده أنا قولت هنمشي مشي
ليل : السلكان مطلوب يا بنتي
بعد الوصول إلى الشغل
ليل : هستناكي هنا بعد الشغل
زينه : اوك خلي بالك من نفسك
ليل : وانتي كمان
بعد دخول ليل
يوسف : اي يابني استاذ سالم قالب الدنيا عليك
ليل : ليه بس القفله دي على الصبح
سالم : ( لمح ليل من بعيد ) ليل
ليل : معقول على الصبح كده غوول اداره بنوك مصر وحش الكيمياء و حوت الفيزياء
سالم : سؤال واحد مفيش غيره
ليل : انت مش تسأل سؤال انت تأمر أمر ياعم مديرين مصر مصر اي عم مديرين الكوكب
سالم : هشششش جاي متأخر ليه
ليل : معلش وأنا جاي فرده الكاوتش ضربت حقك عليا
سالم : فرده كاوتش اي انت معاك عربيه
ليل : لا
سالم : أما فرده كاوتش اي
ليل: ( أشار إلى رجله ) الكاوتش ده
سالم: طب لما قلبي يقف بقا أنا الوقتي من العسل والفكاهه بتاعتك دي اعمل اي
ليل : بعد الشر عليك يا عم الكوكب
سالم : طب اسمع يا أنشط موظف في العالم
ليل : كلم يا يوسف
سالم : لالا أنا أقصد انت
ليل : اه هيا كده وضحت
سالم : خزنه النهارده بتاعتك
سالم : هو مش مروان بعد يوسف ولا مروان
سالم : (قطع كلام ليل ) اه اه مروان صوته عالي و خلقه ضيق إنما أنت الحيطه المائله بتاعتي حلو كده
ليل : طبعاً حلو دنتا قولت كل اللي كنت عايز أقوله
سالم : روح شوف شغلك
ليل : ممكن أعدي
سالم : اتفضل
في جانب آخر
ندي : يعني كداب وعايزه تقعدي وتتكلمي معاه يابنتي والله تلاقي بيلعب بيكي
زينه : ويلعب بيا ليه أن شاء الله
ندي : في شباب كده يحب يبقا معاه بنت حلوه كده وشيك يمشي جمبها العين تروح عليه
زينه : والله انتي كمان ظالمه ليل ده جدع اوي والله
قدري : احم احم
زينه : الحمام اخر الممر يا قدري
قدري : حمام مين بس يا زينه أنا بلفت أنتباهك بس
زينه : ياعم الملفت عيني وجعتني من لفت حضرتك نعم
قدري : عملتي اي في موضوعنا
زينه : موضوع اي يا قدري
قدري : موضوع اي هيا دي حاجه تتنسي يا زينه
زينه : معلش يا قدري حقك عليا موضوع اي
قدري : كلمتي أهلك
زينه : هو أنا كنت متخانقه معاهم يا قدري
قدري : يابنتي قصدي كلمتيهم في موضوعنا
زينه : موضوعنا اي يخربيتك هو احنا ما بنا موضوع
قدري : اه طبعاً هو حضرتك نسيتي
زينه : لا بس شكلك انت اللي نسيت اني قولتلك لا يا قدري ومن يومها كمان
قدري : طب ليه
في جانب آخر
ليل : حضرتك ده بنك قطعه ارض اي اللي عايزني أشوف أوراقها
العميل : هو انت بتكلمني كده ليه انا بقولك شوف الورق ده يبقا تشوف الورق
ليل : على أساس اني محامي طيب ولا اي منا عايز أفهم
العميل : يا استاذ مش ده بنك
ليل : اه والله تخيل
العميل : طب اسمع أنا عايز ابيع الأرض دي
ليل : ياعم هو أنا سمسار يا فندم بجد هو في اي
العميل : هو فين مدير البنك
ليل : لا مدير البنك اي ثانيه خليك معايا
العميل : رايح فين
ليل : خليني أتأكد من أوراقك
العميل : منا بقولك كده من الصبح
خرج ليل من البنك طلع ع الشركه اللي شغاله فيها زينه
زينه: قدري من فضلك كفايه كلام في الموضوع ده بقا
قدري : لا يا زينه طول ما مفيش سبب هفضل اتكلم في
ليل : مين عم الملهم
قدري : اي ده مين الاستاذ
زينه : قدري رئيس قسم التسويق ليل صديقي و شغال في البنك اللي تحتنا ده
قدري : تشرفنا
ليل : شكرا
قدري : زينه فكري
ليل : مين ده يازينه
زينه : دا عريس متقدملي يا سيدي
ليل : نعم يا روح امك
زينه : اي
ليل : لا مفيش يعني ده خطيبك
زينه : خطيب مين ياعم أنا فسحته كده كده
ليل : اه ايوه كده
زينه : بتعمل اي هنا
ليل : أنا مش هعرف أخرج معاكي على الغدا للأسف عندي خزنه النهارده
زينه : يعني اي
ليل : يعني هتأخر شويه
زينه : خلاص مفيش حاجه عادي تتعوض بكره
ليل : أما مالك زعلانه كده
زينه : لا عادي مفيش حاجه
ليل : خلاص أنا نازل
زينه : ماشي سلام
في جانب آخر
ليل : لا والله يا استاذ للأسف معرفتش اعمل حاجه
العميل : هو انت كل ده كنت فين أصلا
ليل : كان في واحد فوق مكلمني على حته أرض قولت أطلع أشوفه يمكن يشتري
العميل : جدع انت كده
ليل : شايف المكتب ده
العميل : ماله
ليل : تدخل في جوه واحد اسمه استاذ سالم قوله أنا جاي من طرف مروان وعايز أبيع حتت الأرض دي
العميل : مين مروان
ليل : أنا
العميل: ماشي تمام
ليل : ياله في حفظ الله
في جانب آخر
استاذ سالم: ادخل
العميل : اتفضل
استاذ سالم: اي ده في اي مين حضرتك وعايز اي
العميل : أنا عايز أبيع حتت الأرض دي
استاذ سالم: وانا مالي يا استاذ حضرتك مش عارف انت فين
العميل : يا استاذ أنا من طرف مروان اللي شغال في البنك بره ده
استاذ سالم: مروان هيا وصلت لحد كده تمام بعد اذنك خد ورقك وبره المكتب أبعتلي مروان
العميل : براحه ياعم على نفسك حاضر بعد اذنك
وخرج من المكتب
ليل : اي اشترى منك
العميل : لا ياعم عايزك
ليل : ماشي روح انت بقا شوف سمسار من دلوقتي علشان على اول الشهر الدولار هيرفع ومحدش هيلاقي ياكل يا خالي
العميل : سلام
ليل : اتنين سلام كمان ياعم
يوسف : وطي صوتك شويه يا بني أدم
ليل : مروان فين
مروان : أنا هنا اهو في اي
ليل : استاذ طاهر قالب عليك الدنيا وشكلك كده النهارده عندك خزنه
مروان : لا يابا مفيش منه النهارده عندك
ليل : قالي كده طلعت في طالعه بنت لذينا خليته قالي خلاص هات مروان
مروان : طب وبعدين
ليل : أدخل قول لأ واعترض هياخد يوسف أو مروه ولا فريده شغل دماغك
مروان : والله عندك حق أنا رايح
ليل : في حفظ الله يا حبيب اخوك
في جانب آخر
استاذ سالم: ادخل
مروان : يا استاذ سالم أنا مش قاعد خزنه
سالم : هو أنا قولتلك اقعد خزنه
مروان : أنا بس بقول ل حضرتك
سالم : مين الراجل اللي كان عايز يبيع الأرض ده هو أنا كنت سمسار
مروان : معرفش والله حاجه عن الموضوع ده
سالم : يعني هو يعرف اسمك منين ثما انت معترض انك قاعد للخزنه النهارده وبتقولي أنا حبيت اقولك طب اي رايك انك خزنه النهارده وليل مروح
مروان : لا مش هينفع
سالم : نعم يا حبيبي
مروان : تمام تمام خزنه خزنه اللي تشوفه
سالم : أبعتلي ليل
مروان : حاضر
خرج مروان من المكتب
ليل : اي
مروان : لبست الخزنه
ليل : يا خساره دا انا كنت هموت واقعد النهارده ليه كده بس يا خساره بجد
مروان :مستر زفت عايزك شكله هيقولك تقعد معايا
ليل : نعم يا حبيبي
مروان : مالك مش كان نفسك تقعد
ليل : وسع كده انت بس
ودخل المكتب
سالم : النهارده
ليل : (قطع كلام سالم ) عارف يا استاذ سالم وعملت حسابي اني خزنه النهارده
سالم : لا مفيش خازنه النهارده امشي في ميعادك
ليل : ليه بس كده يا استاذ سالم حضرتك زعلان مني ولا أنا عملت اي بس
سالم : مفيش حاجه بس النهارده مروان اللي قاعد
ليل : ولا كلمه تتقال بعد كلام حضرتك طبعاً
استاذ سالم: ياض وكتاب الله انت ما سالك ب جنيه
ليل : هو الطيب في البلد دي مش سالك
سالم: بره يا سالك
ليل : تأمر بس كده بعد اذنك
سالم : أتفضل
بعد خروج ليل و رجوعه الي مكانه
العميله : لو سمحت عايز أصرف الشيك ده
ليل : تمام ( خد الشيك وبدأ الاستعلام عنه رفع عينه شاف زينه ورا العميله )
ليل : أتفضلي حضرتك ظهري الشيك ده عبال ما السستم يرجع
العميله : أظهر الشيك يعني اي
ليل : اكتبي اسمك و رقم تليفونك هنا كده أتفضلي
العميله : حاضر
ليل : لا مش هنا بقا أتفضلي أرتاحي لحد ما السستم يرجع
العميله : اه سوري
زينه : اي ياعم الكاريزما دي
ليل : أنا النهارده فاضي نروح نتغدا مع بعض.
زينه : بجد
ليل : اي الفرحه دي كلها مأكلتيش من امبارح ولا اي
زينه : بس بقا الله
ليل : طب أسمعي لما تيجي دخله البنك تاني أسحبي بون كأنك عميله علشان محدش يتكلم وناخد راحتنا
زينه : حاضر من المكنه دي
ليل : اه بس مش اي بون علشان متروحيش عند حد من العيال الهبله دي
زينه : أما اعمل اي
ليل : تقفي على البون تختاري أفراد في أفراد في صرف شيكات هيديكي رقم تيجي عندي هنا
زينه : ماشي بص وانت كمان لو طلعت عندي اي حد يسألك رايح فين جاي منين قول عايز استاذه زينه في الشؤون المالية
ليل : ولو حد قالي بخصوص اي
زينه : ياعم محدش هيتكلم يابني أنا فوق كاريزما وكده
العميله :السستم رجع
ليل : يخربيت عيونك بدوخ وربنا هيا خضراء ولا اي اللون ده
زينه : ( بتضحك ) يا سلام
العميله : يا عم المغربي السستم رجع
زين : قربي كده يابت يا زينه ل يكون لنسز وبتضحكي عليا
زينه : يا سلام لا يابابا اهو
ليل: ادب صباعي علشان اعرف ولا اعمل اي
زينه : يا سلام تخرم عيني علشان تتأكد
ليل : ( أشار إلي العميله ) أن شالله هيا وانتي لأ
العميله : لا كده كتير اوي فين مدير الزفت ده
ليل : ( في حاله هيام وسرحان أشار إلي مكتب استاذ سالم) اهو روحي
العميله : كمان مش فارق معاك دنتا يومك اسود
ليل: بمناسبة الاسواد الأسود عليكي تحفه بجد
زينه : أحلف
ليل : والله تحفه
في جانب آخر
العميله : حضرتك مدير البنك
استاذ سالم: هو في اي النهارده هو أنا قاعد في مكتب ولا موقف عبود اي حد يزق الباب ويدخل
العميله: لا تعالي بس كده شوف الموظف بتاعك معلش علشان والله لو ما خد جزا النهارده ل هصفي حسابي من البنك ده
استاذ سالم: ليه بس يا فندم أتفضلي
في جانب آخر
زينه : انت كمان البدله عليك تجنن
ليل : والله ما بحبها بسبب الجزمه الطويله اوي دي
زينه : دنتا قمر فيها والله
ليل : هروح فين أنا جمب الجمال والاناقه والموضه دي كلها يخربيت امي استاذ سالم
استاذ سالم: اي اللي بيحصل ده
ليل : اتفضلي يا استاذه الحساب بتاع حضرتك تمام مفيش اي مشاكل
زينه : تمام شكرا
العميله : ولون عينيها يا بيه
ليل: خطيبه حضرتك دي يا استاذ سالم
سالم : النهارده عندك خزنه مع مروان علشان تتعلم الأدب مش بس كده عندك خصم أسبوع علشان الأسود التحفه يا عم الخيام
ليل :
