رواية اختبار حب الفصل الخامس بقلم ليل ادم
ليل : ليه كده بس يا مدير
استاذ سالم: كده يا قلب المدير
العميله : احسن تستاهل
زينه : بعد اذنك ( وبتضحك)
ليل : كل أعونك باعوك يا ريتشر
بعد الشغل
استاذ سالم: حد منكم عنده اي سؤال قبل ما أمشي
مروان : أنا
استاذ سالم: نعم يا لمض
مروان : طالما ليل قاعد أنا هقعد ليه
ليل : خلاص يا استاذ سالم خلي مروان يمشي طالما أنا قاعد صحيح
سالم : لأ ما المفروض أن النهارده كنت انت قاعد بس بسبب أستظراف جنابه لما بعتلي العميل علشان يشتري حتت الأرض خليته يقعد معاك بعد بكره بقا هو عنده خزنه انت بقا اللي قاعد معاه علشان تاخد حس حبيبك
ليل : اي ده لالا أنا اللي بعت الراجل ل حضرتك
استاذ سالم: بس الراجل قال مروان اللي باعته
ليل : أنا اللي قولتله كده والله مشي مروان بقا وأنا قاعد النهارده وبعد بكره مروان يقعد لوحده
استاذ سالم: بعد بكره اي بس هو بعد اللي قولته ده في حد هيقعد مع الخزنه طول الشهر غيرك
ليل : اي
استاذ سالم: من قال اي سمع ارجع البيت انت يا مروان وأنا كمان ماشي بالتوفيق يا موظف الغبره
ليل : في حفظ الله ورعايته يا مدير
بعد خروج مروان و سالم
ليل : يارب البنك يتسرق النهارده ميبقاش في جنيه علشان نتحبس كلنا وانت بالذات يا سالم الزفت انت
زينه : اي ياليل بتكلم نفسك
ليل : حد باصص في الغدوه دي وربنا أنا عملت كل حاجه كان ناقص أتواصل مع رئيس كوريا يضرب البنك بالنووي
زينه : ( بتضحك) ياعم عادي مفيش حاجه انت كده قصادك أد اي
ليل : لا لسه بدري
زينه : ( حطت شنطه اليد على كرسي المكتب وقعدت على المكتب طلعت تليفونها ) حضرتك كنت عايز تغدينا اي
ليل : اي ده بجد
زينه : اه والله ها قول خليني أطلب
ليل : انتي عايزه تتغدي اي
زينه : اي رايك في الشاورما اللي طلبت لك منها قبل كده
ليل : حلوه أطلبي
بعد ما طلبت زينه الأورد
ليل : غمضي عينك
زينه : ليه
ليل : ياله بس
زينه : اهو
ليل : ( خد ورده من الفاظه ) فتحي عينك
زينه : اهو
ليل: ايدي فيها حاجه
زينه : لا
ليل :(حط أيده على شعر زينه وبخفه يد حط الورده ورا ودنها بين شعرها )
زينه : اي
ليل : طلعي تليفونك
زينه : اهو
ليل: ( وقف ورا كرسي زينه ) صوره سيلفي بقا
زينه : استنا ( وفتحت الكاميرا) ياله اي ده ( وبتضحك) ينهار أبيض جت منين دي
ليل : هو أنا عمر افندي يابنتي منا ساحر
زينه : طب خليك مكانك
ليل: اهو
زينه : ( بدأت تاخد كذا صوره سيلفي مع ليل )
ليل : أبعتيلي الصور دي
زينه : طلع تليفونك نعمل صوره حلوه
ليل : اهو
زينه : أعمل أيدك كده (وقفلت قبضه أيدها
ليل : اهو
زينه: هات ايدك كده قصاد ايدي وانت تصورني ب فونك وانا أصورك وانت تبعتلي صورتي وانا أبعتلك صورتك
ليل : حلوه ماشي ياله
وفعلاً خد الصورة كل واحد منهم على فونه
كان الاوردر وصل دفع حقه ليل
بعد مرور وقت العمل
ليل : اجمل ورديه شغل حصلت في حياتي كلها
زينه : اي خدمه
ليل : بكره بقا سالم يجي يراجع الكاميرات ويعمل مصيبه
زينه : لا والله
ليل : سيبك منه ياله بينا
زينه : ( سمعت صوت ألعاب ناريه رفعت عينيها في السماء) الله اي الجمال ده
ليل : حلوه
زينه : جدا
ليل : هاتي ايدك
زينه : على فين
ليل : اجري بس ياله قبل ما تخلص منهم ( وخد زينه جري على سطح المبنا )
زينه : اي ده الله شكلها حلو اوي
ليل : استني ( فتح تليفونه على أغنيه رومانسيه و مد ايده على ايد زينه )
زينه : مش هعرف ارقص هتكسف أنا
ليل : تتكسفي من مين هو أنا غريب (وبدأ يرقص مع زينه وكانت صوت الضحكه عالي جدا حتا انتهت الالعاب الناريه)
زينه : مجنون وربنا
ليل : انتي لسه شوفتي حاجه
زينه : طب ننزل
ليل : ياله بينا
بعد الرجوع الى المنزل
زينه : (بتبعت رساله على الوتس ل ليل ) شكرا بجد على اليوم الحلو اوي ده
ليل : فين الصوره يا نصابه بس الأول
زينه : ( بتضحك) خد اهي بس فين صورتي
ليل : أتفضلي سلم و استلم
في جانب آخر
والده زينه : أدخل ولا لا يا سوزي
زينه : سوزي لا يبقا تدخلي شكلك كده عايزه تتريقي عليا
الأم: اتأخرتي النهارده ليه
زينه : هتقولي ل بابا ولا هتعديها المرادي
الأم: والله لو قولتي الصراحه مش هتكلم
زينه : يعني أنا من امتا خبيت حاجه عنك يا حبيبت قلبي انتي
الأم: ها قولي
زينه : كنت بتغدا بعد الشغل مع واحد صديقي
الأم: مين ده
زينه : ها
الأم: يبقا هو الأخرس الساحر بتاعك
زينه : بصراحه اه
الأم: يابت. انتي مش بتتعلمي حاجه ابدا
زينه : والله طلع مظلوم
الأم: والله ما حد مظلوم و مرارته هتتفقع غيري
زينه : بعد الشر عليكي يا ست الكل ليه كده بس
الأم: يابت متخليش حد يستغل طيبه قلبك دي ويضحك عليكي
زينه : والله ابدا ده طيب ومحترم اوي
الأم: يا حبيبتي أفهمي كل الرجاله في الأول كده تلاقي الراجل من دول أحن عليكي من أمك بس بعد كده يعمل فيكي زاي ما اسرائيل عملت مع فلسطين
زينه : لا والله ده طيب بجد
الأم: معاكي صوره ليه
زينه : اه
الأم: وريني كده أصل اول مره تدافعي عن حد كده دا قدري بيتحايل على أبوكي بقاله سنه ومفيش مره قلبك حن على الراجل وكل ما عريس يتقدملك تطلعي في القطط الفطسه
زينه : اهو خدي
الأم: أنا أقول الحق ولو على رقبتي هو الواد حلو وشكله محترم فعلاً شغال اي عم الساحر ده
زينه : موظف في بنك
الأم: حلو وبعدين شكله اكبر منك
زينه : ب سنتين
الأم: اه ده الموضوع ما بنكم جاي في كلام وهات وخد اي كم الصور دي و ورده كمان
زينه : اه شوفتي
الأم: شوفت يابنت الهبله سبتك الواد
زينه : شكله كده يا منال
الأم: ماشي يا بنت الهبله بس خلي بالك مفيش خروج معاه تاني أنا مش هقول حاجه ل بابا بس مش هعرف أسمح ليكي ب حاجه زاي دي تاني من ورا بابا عيب يا بنت الهبله
زينه : لا والله خلاص توبه (وبتضحك)
الأم: ربنا يفرح قلبك دائماً يا حبيبتي تصبحي على خير
زينه : وانتي من اهل الخير يارب
ورجعت تاني تكلم ليل
زينه : ليل انت لسه صاحي
ليل : طبعاً هو صاحي كنتي فين كل ده
زينه : كنت بكلم ماما
ليل : ربنا يخليهالك يارب
زينه : بس عايزه اقولك حاجه مهما
ليل : خير
زينه : مش هينفع نتغدا بره بعد الشغل تاني او نخرج إحنا من البيت للشغل و من الشغل للبيت نمشي مع بعض ونرجع مع بعض بس بلاش خروج والنبي يا ليل علشان وعدت ماما
ليل : اي ده انتي قولتي ل أمك
زينه : اه طبعا أنا مش بحب أخبي عنها حاجه
ليل: طبعاً قالتلك مين الصايع ده
زينه : اي ده انت كنت معانا
ليل : لا منا عارف الأمهات
زينه : اه فعلاً شكرت فيك جدا ماشاء الله محبوب (وبتضحك)
ليل: الحمد لله ربنا يطمنك
زينه : ياله يا استاذ بكره الصبح في شغل
ليل : خلاص ماشي تصبحي على خير
زينه : وانت من أهله
تاني يوم في البنك
يوسف : اي ده معقول جاي بدري يعني
ليل: من هنا ورايح الالتزام أنتظام أنصرام
يوسف: اي ياعم هو اي حاجه في اي حته أنتظام مين و الالتزام اي استاذ سالم هيفسحك علشان راجع الكاميرات
ليل : بس بس بلا بتاع أتفرج و أتعلم أمسك
يوسف : اي القطره دي
ليل: حطلي نقطه ونقطه بس انت
يوسف: اقعد طيب هيا عينك فيها اي
ليل : نقطه بس يخربيتك انت بتدلق في عيني
يوسف : معلش معلش قوم مالك يابني
ليل : شكلي كده كنت منهار من العياط ها
يوسف : عينك حمراء اوي فعلاً
ليل : أتفرج بقا هو فين
يوسف : في مكتبه
ليل : ماشي ( وراح مكتب استاذ سالم)
استاذ سالم: ادخل
ليل: صباح الخير
سالم : خير اي هو اللي يشوف خلقتك يشوف خير
ليل : ربنا يسامحك يا استاذ سالم اتفضل
سالم : اي ده
ليل: طلب اجازه الشهر ده لاني مش هقدر اقعد خزنه الشهر ده خالص عندي ظروف خاصة
سالم : مال عينك انت كنت بتعيط ياض يا ليل ولا اي
ليل: لا عادي ربنا يستر
سالم: لا اقعد في اي
ليل: ( قعد على كرسي المكتب ) عايز ليمون بعد اذنك
استاذ سالم: استنا ( وطلب ليمون ل ليل ) في اي يابني أتكلم
ليل: فاكر البنت المصدومه اللي قولتلك عليها
سالم : اه اللي خطيبها توفي اللي كانت معاك هنا امبارح
ليل : اه هيا
سالم : مالها
ليل : للأسف امبارح والد البنت دي كلمني وطلب مني أكون جمبها اكتر لأنها عندها مشكله في القلب و أيامها في العمر معدوده
سالم : (بتأثر شديد) يا ساتر يارب لا اله الا الله البت ماشاء الله عليها جميله جدا وشكلها بنت ناس زعلت والله عليها
ليل : علشان كده أنا طالب الاجازه لاني مش هقدر أقعد خزنه على الأقل الشهر ده وحضرتك هتزعل وأنا مش عايز اخسر لا شغلي ولا البنت
استاذ سالم: لا لا خلاص من غير اجازه مفيش خزنه خالص خليك جمبها طالما ده بيرفع من عليها الضغط ربنا معاها يارب وانت أهدا برضوه يا ليل المفروض تكون ضهر ليها مش تكون مكسور كده
ليل : الموضوع صعب بجد يا استاذ سالم
سالم : فعلاً والله أنا نفسي حزنت عليها ربنا يعلم
ليل : المهم لو حضرتك شوفتها متقولش حاجه احنا خبينا عليها علشان متزعلش على نفسها في اخر أيامها
استاذ سالم: لا لا هو أنا أهبل
ليل: بعد اذنك اشوف شغلي
استاذ سالم: لو مش قادر تشتغل النهارده يا ليل تقدر ترجع بيتك ومفيش مشاكل والله
ليل : اي ده هو ينفع
سالم : اه طبعا ينفع ربنا يجعله في ميزان حسناتنا
ليل: اللهم امين بعد اذنك أنا فعلاً النهارده والله مش قادر اعمل اي حاجه
استاذ سالم: باين عليك خلاص أمشي انت
ليل : بعد اذنك
سالم : في رعاية الله
ليل : خرج من المكتب جري على زينه
الأمن: حضرتك رايح فين
ليل : عايز استاذه زينه الشؤون القانونية
الأمن : أقولها مين
ليل : قولها ليل
الأمن : ألو يا استاذه زينه في واحد عندي اسمه ليل عايز حضرتك
زينه : خلي يدخل ولو جه تاني من غير ما تتصل عليا سيبه يدخل
الأمن: حاضر يا فندم أتفضل يا استاذ ليل
ليل: ( دخل مكتب زينه ) اي ده مكنتش اعرف انك سيطره اوي كده
زينه : أما انت فاكر اي يابني
ليل: فين البومه اللي كانت قاعده هنا يوم ما كنت عندك المره اللي فاتت
زينه: يخربيتك قصدك ندي
ليل : ندي مين قصدك البومه البت عامله وشها كده ومفيش حد مالي عينها
زينه : ( عمال تغمز ل ليل أن ندي وقفه وراه )
ليل: كويس أنها مش هنا خلينا نقعد براحتنا
ندي : احم احم
ليل : هيا
زينه : تصدق
ليل : والله بنت حلال لسه كنت بشكر فيكي حالا
