رواية اختبار حب الفصل السادس بقلم ليل ادم
ليل : بنت حلال لسه كنت بشكر فيكي
ندى: لا شكرا مش عايزه منك شكر ثما أنا سمعت كل حاجه بس هقولك اي يعني ما انت شكلك
زينه : ندي خلاص معلش علشان خطري ليل كان بيهزر معاكي
ليل : (بص ل زينه ) مش بقولك بومه ( وخرج من المكتب على البنك)
يوسف : يابني كنت فين الناس دي كلها مستنيه حضرتك
ليل : بس أنا اجازه النهارده
يوسف: طب خد
ليل : اي ده
يوسف: استاذ سالم بيقولك مينفعش تاخد اجازه النهارده
ليل : وربنا كنت حاسس (ودخل قعد مكانه )
العميله : لو سمحت حسابي متعطل بقالي اسبوع من غير سبب ممكن اعرف في اي
ليل : ( رفع عينه شاف العميله اللي كانت على قدر عالي جدا جدا من الجمال سرح في جمال العميله)
العميله : لو سمحت هو حضرتك سمعني طيب
ليل : ها لا معلش ممكن تعيدي الكلام تاني
العميله : بقول ل حضرتك حسابي متعطل بقالي اسبوع من غير سبب ممكن اعرف اي السبب
ليل : أسم حضرتك اي
العميله : بوسي
ليل : والله قولت كده برضوه
العميله : قولت اي
ليل : العيون الخضراء دي مينفعش معاها إلا بوسي سوزي الحاجات الخفيفة على القلب دي
العميله : ( بتضحك) شكرا على ذوقك
ليل : معلش بس خليكي شويه لحد ما السستم يرجع
العميله : ليه كده بس
ليل : بصراحه السستم شغال بس مفيش حاجه اجمل من كده الواحد يبدأ يومه بيها ( وبيرفع عينه لقي زينه وقفه ورا العميله )
العميله: خير في حاجه
زينه : لا ابدا مفيش بس هو كده بيحب يعمل دمه خفيف
ليل ؛ حصل فعلاً أنا بعمل كده
زينه : أظبط يا ليل ها أظبط بدال ما وربنا أسيب الشركه والمبني كله ومتعرفش طريقي تاني
ليل : يا بنتي هو انتي تعرفي امي
العميله : (بتضحك )
ليل : أصل امي هيا الوحيدة اللي نفسها تروح حتا محدش يعرفها تقريباً هيا كمان متعرفش الحته دي
زينه : طب لم شويه احسنلك
العميله : يا استاذه أنا لو مش عايزه حد يتأذي كنت دخلت ل مدير الفرع بس أنا مش بحب كده ف بعد اذنك خلينا نشوف مصالحنا علشان نمشي
زينه : هيا المصالح بقيت بالعيون الخضراء ع العموم ماشي أنا غلطانه اني نزلت ليك أصلا
ليل : زينه يا زينه يابنتي اهدي
العميله : يا استاذ أنجز بعد اذنك
ليل : قولتيلي بقا اسمك بوسي اي
في جانب آخر
ندي : مالك في اي
زينه : الاستاذ تحت عامل فيها عاصي الحلاني وعمال يعاكس في عميله عنده
ندي : منا قولتلك الواد ده مش سهل انتي اللي وقعتي على وشك أشربي بقا
زينه : وربنا ل هوريه الوش التاني
بعد مرور نصف اليوم
مروان.: رايح فين
ليل : هو أنا متراقب ولا اي
مروان : ياعم أنا مالي انت حر
ليل : ومع ذلك أنا رايح اشرب فنجان قهوه لو حد جه كده كده شباك يوسف فاضي
مروان : منا قصدي علشان كده روح ياعم ياله
ليل: ماشي ياعمنا خيرك على الدنيا (وطلع مكتب زينه )
زينه : نعم عايز اي
ليل : عايزك
زينه : وأنا مش عايزه حد أختفي من قصاد عيني الوقتي
ليل : يا بنتي والله كنت بهزر انتي كل حاجه تخدي الكلام ب جد
ندي : قدري بعتلك الورق ده
زينه : هاتي
ليل : مش بطيق الواد ده وريني الورق ده كده ( وخد الورق من ايد زينه بدأ يقلب في لحد ما شاف ورقه صغيره في نص الملف مكتوب فيها بحبك يا زينه )
ليل: اي ده أن شاء الله رسايل حب في وسط الشغل
زينه : هو اي ده وريني الورقه مكتوب فيها اي
ليل : ( شد زينه من أيديها) فين مكتب قدري ده كمان
زينه : عايزه ليه بس
ليل : أتفضلي
زينه : ياعم سيبك منه دا اهبل اهدا بقا يا ليل
ليل : فين مكتبه
زينه : ياعم اهو اهدا بقا
ليل : (فتح باب المكتب) هو انت علشان مدير المكتب تبعت للموظفين رسائل في وسط الشغل
قدري : وحضرتك مين أن شاء الله
ليل : أنا خطيب زينه يابو دم تقيل انت
قدري : زينه هو ده فعلاً خطيبك
زينه : هزت راسها
قدري: تمام ماشي ( وخد الورقه من ايد ليل قطعها ) أنا آسف
ليل : متتكررش تاني المره الجايه هطلع ب الورقه دي على صاحب الشركه نفسه تمام
زينه : خلاص يا ليل معلش
قدري : اتفضل بقا بره انت و خطيبتك علشان عندي شغل
ليل : اي معاك كام ورقه عايز تكتبهم ل باقي الموظفين
قدري: هتخرج ولا تاخد خطيبتك في ايدك بره الشركه كلها
زينه : ليل معلش حصل خير وقالك مش هتتكرر
ليل : أتفضلي قصادي
زينه : خلي بالك علشان قدري ده خباص اوي واول ما ارجع البيت انا عارفه اللي هيحصل
ليل : هيحصل اي يعني
زينه : زمانه الوقتي بيكلم ماما أو بابا يقولهم أما زينه مخطوبه محدش قالي ليه
ليل : لا والله
زينه : اه والله
ليل : خلاص كلمي ماما وبابا اني جاي أتقدملك بدال ما انتي بايره كده
زينه : ( وقفت مره واحده من الصدمه ) انت بتقول اي
ليل: لالالا مش عايز الصدمه تعملك حاجه (وبيضحك)
زينه : بتكلم بجد عايز تطلب ايدي
ليل : اه والله
زينه : بس أنا مش موفقه
ليل : اي ده انتي هبله يابت ولا اي
زينه : لا انت عينك ذيغه ويدب فيها رصاصة كمان
ليل : هو حد يبقا معاه الجمال ده كله وعينه ترمش كده ولا كده هو انتي مرايات بيتكم متكسره وربنا العميله اللي كانت وقفه معايا دي انتي احلي منها الفرق ما بينكم بس هيا عينيها خضراء وانتي عينك عسلي هيا شعرها طويل عن شعرك سيكا هيا بيضاء عنك سيكا ملبن عنك سيكا ( وبيضحك)
زينه : دنتا عملت عليها كومسيون طبي لا والله جدع بعد اذنك
ليل : رايحه فين يا بت زينه انتي يابت
زينه : لا مش موفقه أنا ياعم الله الغني بعدين أنا مش بحب الراجل يكون حلو بحبه شكله وحش علشان محدش يعاكس في ولا يشوفه حلو غيرى
ليل : أدهن نفسي اسود حلو كده
زينه : لأ برضوه
ليل : افتحي تليفونك كده
زينه : لا لا مينفعش
ليل : افتحي بس ( وسط شد الفون من بعض نور الشاشه فتح )
ليل : اي ده الله الله مكسوفه تقوليلي انك حاطه صورتي على الفون
زينه : لا دي صوره عاديه عجبتني مش اكتر يعني لو بتاعت حد غيرك كنت هحطها برضوه
ليل : مش الصورة دي اللي صورتها بالفون بتاعك
زينه : اه
ليل : طب بصي ( وفتح فونه )
زينه : اي ده دي صورتي
ليل : هو أنا عندي بركه غيرك
زينه : بركه في عينك هو أنا ستك
ليل : ستي ونور عيني كمان ياعم وربنا فين رقم أمك
زينه : خد اهو اي ده لا لا صحيح أنا نسيت
ليل ؛ خلاص كتبته أصلا يا هبله
زينه : طردي من البيت هيكون على ايدك أنا متأكدة
ليل : أوعدك سلام لحسن سالم يخرج يعمل مصيبه
زينه : سلام
بعد نهاية اليوم
زينه : أحم أحم
الأم: اي هتفضلي زورانه كده طول الليل عايزه اي يا زينه ما تخلصي
زينه : بصراحه كده في واحد عايز يتقدملي
الأم: مين ده أن شاء الله اللي من ساعه ما جيتي وعماله احم احم علشانه
زينه : معرفش بقا هو هيتصل بيكي
الأم: ويتصل بيا أنا ليه ما يكلم أبوكي
زينه : يا ماما منا قولت لازم انتي الأول تبقي عارفه علشان نقصر الطريق
الأم: علشان كده كل ما تلفوني يرن تطلعي تجري عليه
زينه : أنا لا طبعاً
الأم: الساعه الوقتي تسعه هيتصل امتا الحزين
زينه : مش عارفه أنا بقا بعدين أدينا قاعدين اهو
في جانب آخر
الأم: خلاص كلم أمها برضوه تبقا أخدت خطوه جد والبنت تصدق انك فعلاً مشتري
ليل : ولا تكلميهم انتي
الأم: هو أنا أعرف حد يابن الهبله كلم أمها أديها فكره عن الموضوع وبعد كده انا عارفه أنا هعمل اي
ليل : هتعملي اي
الأم: والله ما عارفه ربنا يسهل بقا
ليل : طب خليكي قاعده هكلمها قصادك
الأم: طب أتصل ياله
ليل : استني ( وكتب الرقم ورن عليه )
في جانب آخر
زينه : اهو هو هو ردي عليه بسرعه
الأم: يابت مالك مسروعه كده في اي هاتي الزفت التليفون
الأم: ألو
ليل : قفل السكه
الأم: اي مش بترد
ليل : لا رديت بس قفلت السكه
الأم: ليه
ليل : تعالي نعمل اخر بروفه على المكالمه كأنك ام زينه وأنا بكلمك
الأم: يوه أنا زهقت انت بتعمل البروفه دي من الساعه خمسه من اول ما جيت من الشغل
ليل : اخر واحده اخر واحده معلش
الأم: اتفضل خلينا نشوف أخرتها
في جانب آخر
الأم: هو الواد اهبل
زينه: لا ممكن تكون شبكه أو حاجه
الأم: شبكه خليها شبكه لما نشوف أخرتها
في جانب آخر
ليل: ألو
الأم: ألو مين معايا
ليل : أنا ليل
الأم: ليل مين
ليل : أهدي ياما هيا الست هتقولي ليل مين برضوه
الأم: أما هتقولك اي يا موكوس
ليل : اكيد يعني هتقولي ازيك يا ليل ما اكيد بنتها قايله اني هتصل
الأم: طب خلاص رن بقا وجعت قلبي
ليل : بس بقا خلاص علشان برن عليها اسكتي
الأم: اهو
في جانب آخر
زينه : اهو ردي ردي
الأم: هاتي وجعتي راسي انتي والحزين بتاعك ألو
ليل : ألو
الأم: مين معايا
ليل : أنا ليل
الأم : ليل مين
ليل : (شال الفون من على ودنه ) الحقي عملت زايك وبتقولي ليل مين
الأم: ما لو كنت ذاكرت السؤال كويس كنت عرفت تجاوب كلم الست ياض عيب كده
ليل : أنا ليل شغال مع زينه بنت حضرتك
الأم: وكل ده حضرتك بتفتكر انت ليل مين
ليل : لا لا شبكه شبكه
الأم: ازيك يا ليل عامل اي
ليل : ايوه كده أنا مذاكر من أول هنا
الأم : مش فاهمه حاجه
ليل: أنا بكلم حضرتك بخصوص زينه
الأم: مالها زينه
ليل : مش بتسمع الكلام
الأم: نعم انت بتهزر
ليل : ما حضرتك مصممه تكسفيني وزينه قالت ل حضرتك كل حاجه وانتي عارفه اني طالب ايد بنتك
الأم: طب هو في حد يطلب ايد حد في التليفون
ليل : طب اعمل اي
الأم: شوف انت تتكلم مع مامتك وهيا تقولك المفروض تعمل اي
ليل: طب استني امي جامبي اهي خدي شوفي هتعملوا اي مع بعض
الأم: يابني هقولك اهدي بس
الأم: ألو
ام زينه : ألو أزيك عامله اي
الأم: الحمد لله تمام معلش على الازعاج اللي عاملينه ليكم ده
ام زينه: لا على اي مفيش حاجه خالص يا حبيبتي انتي كويسه اهم حاجه
الأم: اه والله الحمد لله أنا بس كنت عايزه اخد منك ميعاد نيجي نقعد نتكلم مع بعض أنا. وانتي في وبعد نجيب عم ليل وليل ووالد زينه يكون موجود ونتكلم في كل حاجه بس كنت الأول عايزه اقعد مع حضرتك ينفع
ام زينه : طبعاً ينفع بيتك و مطرحك وقت ما تحبي تقعدي
الأم: يوم الخميس الجاي مناسب ليكي
ام زينه : مناسب جدا مستنياكي
الأم: تمام يبقا يوم الخميس أن شاء الله أشوفك على خير
ام زينه: ربنا يخليكي
الأم: سلام
ام زينه: سلام
ليل : اي ده ياما دانتي أفحمتيها
الأم: أما انت فاكر اي ياض امك صعبه برضوه
في جانب آخر
زينه : اي رايك
الأم: اي رأي هو أنا شوفت حاجه مش لما تبقا تيجي يابنت المجنونه
زينه : ايوه بس الانطباع اي يعني
الأم: شوفي هيا الست شكلها زوق جدا وبما أن الولد طلب ايدك يبقا شكله محترم و بيحبك بجد ولو فعلاً طلع راجل وجدع أنا هقف معاه ومش هخلي أبوكي يلاقي حاجه يتلاكك عليها كمان
زينه : هو ده الكلام هاتي بوسه
