رواية الخليفه بلدنا الفصل السادس بقلم ليل ادم
فرعون : راسك أبوسها اي ياعم ده دنتا جاحد
عرب : فرحت الوقتي والضحكه من هنا ل هنا اول ما شوفت الدهب
فرعون : أفهم حصل ازاي كل ده و أمتا
عرب : اقولك ياعم بعد ما الدهب وقع تحت أيدي نزلت الأقصر واحد هناك أبن المهنه دق التماثيل لدرجه اني خوفت يكون بدل حاجه مكان حاجه ابن الجزمه
فرعون: وتقولي رايح الأقصر عند خالتي
عرب : ما انت مش هتسكت علشان كده أنا أتصرفت مع نفسي المهم بعد ما خلصت مع فارس أديتك الدهب المضروب و كلمت حلبيطه قولتله يطلع على اشرف بيه يقوله عليك وفعلاً خدك بالدهب
فرعون: طب ليه كده يا عرباوي
عرب: افهم يا حمار ما لما اشرف بيه يخدك بالدهب يعني احنا فعلاً ملناش اي دخل ب موضوع الضرب ده وفي نفس الوقت أول ما الدهب يدخل القسم محمد بيه هيعرف ف يعمل اي
فرعون: يكلم فضل
عرب : جدع وفضل يكلم راشد و راشد يطلب الدهب كده يبقا مفيش قضيه وفي نفس الوقت لما يكتشفو أن الدهب مضروب اخر حاجه تيجي على دماغهم عرب و فرعون
فرعون: أما مين اللي هيكون في الصورة
عرب : ياض شغل دماغك اللي هيكون في الصورة فضل و محمد بيه
فرعون: ياعم أد الدنيا و الدنيا مش قدك
عرب : لا منتا صحصح مع اخوك علشان اللي جاي يا نطلع بالمصلحه يا تطلع أروحنا ل رب العالمين جاي منك في صحصحه ولا جاي منك في أنتخه
فرعون: ياعم دوس وأنا راكب جمبك
عرب : الحته دي أنا أتفقت مع حد يفكها
فرعون: طب ما نفك الكل
عرب : لا دي علشان أنا محتاج سلاح وفلوس نتحرك بيها خليك خفيف خفيف علشان تعرف تتنطت يا فرعون
فرعون: أد الدنيا يا عم والدنيا مش قدك
عرب : امشي معايا خلينا نلاحق الراجل
في جانب آخر
راشد بيه: الخبير جاي علشان ياخد الدهب بس يا محمد لو عرب و فرعون طلع عليهم نهار أنا هزعل وأنا زعلي مش حلو تمام
محمد بيه: تمام تمام يا راشد بيه
فارس : راشد بيه الخبير وصل
راشد بيه: خليه يدخل.
في جانب آخر
فرعون: ينهار اسود اي الفلوس دي كلها ياض يا عرب
عرب : تخيل انت بقا عايز تفك الأربع حتت هتعمل اي بكل ده يابن الكئيبه
فرعون: أربعه اي ياعم هو احنا هنقدر نصرف كل الفلوس دي
عرب : طب اركب خلينا نمكن الفلوس قبل ما نتنيل هنا
في جانب آخر
الخبير : أنا علشان مش اول مره أتعامل معاك يا راشد بيه مش هقول ل منصور بيه حاجه وهعتبر أن ده خطأ غير مقصود
راشد بيه: أنا مش فاهم حاجه
الخبير : الدهب ده مضروب واللي ضاربه واحد مش سهل خالص وعلى فكره مش اول مره امسك حته من الشغل بتاعه في أيدي
راشد بيه: انت مجنون أنا هروح اضرب أربع تماثيل على اخر الزمن انت ياما جيت خدت مني مقابر جاي الوقتي تقولي ضرب
الخبير : علشان كده قولتلك اني معتبر الخطأ ده محصلش من أساسه بعد اذنك يا راشد بيه
بعد خروج الخبير
راشد بيه: فضل اللي حصل ده كبير كبير اوي أنا أول مره أسمي يتهز في السوق وكان من تحت راسك أنا الوقتي قصادي انت و محمد و عرب و فرعون الدهب ده خرج من بيتي في أيدك انت و محمد خدت على قفاك من جوز عيال صايعه وقفت جمبك وقولت معلش أول مره تحصل واهو رجالتي ومفيش حاجه لما حد منكم يقع و أسنده وبعد كل ده تضحك عليا ب دهب مضروب
محمد بيه: راشد بيه اقسم بالله الموضوع ده ما حصل
فضل: والله ما أنا راشد بيه هو أنا أول مره أتعامل مع حضرتك علشان اعمل كده هو أنا مش عارف انت ممكن تعمل فيا اي
راشد بيه: لما هو مش انت ولا محمد أما مين
محمد بيه: عرب صدقني الواد ده يعمل اي حاجه أنا متأكد أنه هو
راشد بيه: ليه هو انت جبت الدهب ده منين
محمد بيه: من القسم بعد ما فرعون وقع ومعاه الدهب
راشد بيه: بالعقل كده لو كان ده دهب مضروب والعيال دي تعرف كان زمان فرعون هربان بالدهب مش ب شويه دهب مضروب أصحا يا محمد بيه يا بتاع المباحث
محمد بيه: يبقا اشرف بيه مفيش غيره هو اللي عمل كده
راشد بيه: ( بصوت عالي) انت حيوان اشرف بيه بتاعك خد فرعون على القسم ومعاه الدهب الحاجات دي علشان تضرب ولا اقل من يومين
محمد بيه: يعني اي أنا مش فاهم حاجه
راشد بيه: فارس
فارس: تحت امرك يا راشد بيه
راشد بيه: دخل عرب و فرعون
فارس: أدخلهم منين حضرتك
راشد بيه: نعم
محمد بيه: أصل اي
راشد بيه: اصل اي دي مفيش فيها أصل
محمد بيه: مقدرتش أخد عرب و فرعون من الحجز اشرف بيه كان عينه علينا خوفت اعمل قلق كفايه اني هربت الحرز
راشد بيه: شوف يابني انت والكلب اللي جمبك ده النهارده عرب وفرعون مكنوش قصاد عيني بكره أنتو أموات وصلت
فضل: تمام تمام يا راشد بيه
راشد بيه: فارس أرميهم بره القصر
في جانب آخر
فرعون: عرب الموضوع وسع خلينا نطلع بره مصر كلها أنا بدأت أقلق اي السلاح ده كله
عرب : ولسه كمان فيها رجاله علشان تبقا فل اوي
فرعون: وليه كل ده يابن والدي
عرب : ياض انت عقباوي خايف من اي
فرعون: هتصدقني لو قولتلك خايف اخسرك اكتر ما خايف على نفسي
عرب : مفيش خسارة يا فرعون خلاص مبقاش ينفع نتعامل بنفسنا تاني من النهارده رجاله زاي الرز والسلاح مفيش اكتر منه من النهارده إحنا بشوات ياض يا فرعون
فرعون: يعني اي يعني همشي معايا بودي جارد
عرب : بس شيل من جيبك المطوه دي ابوس ايدك هو أنا هجيب بودي جارد يحرسك ولا انت تحرسه
