رواية اختبار حب الفصل السابع بقلم ليل ادم
ليل : هتروحي امتا كده
الأم: بعد العصر حتا اشوف زينه عن قرب علشان بيني وبينك بخاف من التليفون وصور التليفون بتكون عباره عن برامج
ليل : منا بقولك شوفتها يا ماما وبعدين بقولك اي عجبتك معجبتكيش خدي مع الناس ميعاد هو انتي اللي هتتجوزي ولا أنا
الأم: حتا لو امك مش مرتاحه يا ليل
ليل : لا طبعا ياحبيبتي اوعي تقولي كده أنا لو حطوكي في كفه و الكفه التانيه فيها زينه والدنيا كلها هختار زينه والدنيا كلها طبعاً إحنا هنهزر
الأم: قليل الاصل وتعملها يابني وربنا
ليل : ايوه وعلشان بقا مبقاش اول إبن يقتل أمه أسمعي الكلام يا حبيبتي
الأم: شايف الباب ده
ليل : ماله هيتشقلب
الأم: لا غور في داهيه روح شغلك
ليل: مقدرش أتكلم مجنونه وتقلبي الجوازه كلها
الأم: يابني هو أنا هعمل كده ليه هو أنا عايزه غير راحتك يا قلبي
ليل : قلبي لا كده عايزه مصلحه أدخلي في الموضوع ياست الكل كده كده بقالي اسبوع بغسل و بمسح وشغال بالصخره لجل المشوار ده
الأم: علي اي يا معفن اهي زبالتك
ليل : اي الكيس ده كله
الأم: أرميه في ايدك وانت ماشي
ليل : وعم محمد فين يا ست الكل ولا هيا قله من كله
الأم: بكره ترمي الزباله وتجيب فينو وكرشك يبقا أد كده وعرقان راجع من الشغل تحت باطك البطيخه
ليل: بس بس وحدي الله في واحده تروح تتكلم ل أبنها تقوله كده
الأم: خد خد تعالى
ليل : اي تاني
الأم: فضي الكيس اللي قصاد الباب في الكيس اللي في أيدك ده يا لول
ليل : لول ماشي يامو لول هو يوم وهيعدي
الأم: خد خد قولت اي وانت خارج
ليل : ولا فتحت بوقي بعد اذنك يا ست الكل وتعملي حسابك الغسيل اتنين وخميس بتوعي اه لو فاكره اني عامل زاي أم عتمان اللي بتاخد القلب وتسيب الأركان يبقا غلطانه
الأم: شطور يا ليلو روح يا حبيبي زينه لك وانت لها
ليل : يخليكي ليا ياست الكل انتي
وفتح باب الشقه ونزل قابل عم محمد علي السلم
عم محمد: الله أما الحجه بتقولي بلاش تيجي الأسبوع ده ليه أنا كنت فاكر هتسافروا ولا حاجه يا استاذ ليل
ليل : لا لا خد الكيس ده ومتطلعش عند امي النهارده خالص لحسن تعبانه اوي نامت بالعافيه والله ياعم محمد
محمد: خير بس ربنا يشفيها
ليل : عندها الاستبحس وللاسف في اخر مرحله
عم محمد: لا إله إلا الله ربنا يرفع عنها يارب
ليل : ارفع انت بقا عني يا راجل يا طيب ( وحط ايده في جيبه )
عم محمد: لا والله ابدا ربنا يقوم الحجه على خير
ليل: امسك بس ياعم محمد لسه الموضوع موصلش ل كده ليك عندي اول ما يوصل أننا مش لاقين فلوس نحاسبك هقولك أو هشتغل معاك أنا سامع انك عندك برج بالصلاة على النبي عشر ادور
عم محمد: وقع
ليل : ياراجل يا حويط وقع برضوه ولا خايف من العين
عم محمد: سلام يا استاذ ليل
ليل : سلام يا عم العالم ( و نزل راح الشغل )
استاذ سالم: اي ده معقول بدري كده
ليل : عذراً قد حضر العو
استاذ سالم: ياما
ليل : شربات والله يا استاذ سالم
سالم : النهارده عندك خزنه ياعم موظفين مصر
ليل. : هو حضرتك عندك زهايمر يا مستر سالم
سالم : ليه
ليل : وكتاب الله حضرتك قولتلي مفيش خزنه لحد ما
سالم : ( قطع كلام ليل) اه اه حصل بس معلش النهارده في زنقه شغل
ليل : لا لا لا النهارده بالذات مفيش منه
مستر سالم : مفيش من اي يا حبيبي
ليل : لا مش قصه عافيه وكده يا مستر سالم معروفه أن حضرتك كده كده أد الدنيا والدنيا مش قدك بس النهارده قراءه فاتحتي
مستر سالم: لا والله
ليل : اه
مستر سالم: مين اللي أمها دعيا عليها دي
ليل: الحاله الإنسانية اللي انت عارفها دي
استاذ سالم: أسندني بسرعه طيبه قلبك دوخت دوخت
ليل : ( بينه وبين نفسه) دم امك يلطش
مستر سالم : بتقول اي
ليل : بقول عبال ما عيال حضرتك تخطب
مستر سالم: روح شوف شغلك يا حسين يا جسمي
في منتصف اليوم
زينه : ألو
ليل : اي يا عم والله اكتوبر كلها ضلمه ياعم
زينه : طبعاً طبعا
ليل : كمان متواضعه وبعدين يا جدعان في البت دي
يوسف : يابني وطي صوتك
ليل: ياعم رايح انت حد مضايق يا جدعان
العميل : ياعم ربنا يبسط الناس كلها
ليل : انت متجوز
العميل : أربعه
ليل : أوبه كمل كمل اقفلي انتي
العميل : غلطته عمري اني اتجوزت أصلا
ليل : ( شال الفون من على ودنه بسرعه وكتم الصوت ) اي ياعم ده في اي
العميل : انت متجوز
ليل : لا
العميل : خاطب
ليل : لا
العميل : انت ملك اوعي تعمل في نفسك كده
ليل : ياعم اي بقا أنا غلطان اني سألتك أصلا تصدق
العميل : انت حر بكره تفهم اني كنت بنصحك
ليل : استنا استنا شكلك معبي ألو
زينه : اي ياليل روحت فين
ليل : اقفلي انتي بس. الوقتي وهكلمك تاني لو في نصيب سلام
زينه : الله في اي ليل يا ليل عبيط ده ولا اي
الأم: اي مش ناويه تحطي ايدك في الشقه معايا
زينه : يا ماما يا حبيبتي أنا بقالي اسبوع بطبخ و بمسح و بكنس بغسل أنا حرفياً مش ناقص غير أنيم حضرتك
الأم: لا ياستي علي اي بلاش نتصل بالناس نقولهم خلي الموضوع الخميس الجاي علشان بنتي مش فاضيه تروق الشقه فين التليفون
زينه : بس بس أنا هعملك كل حاجه يا حبيبتي خلاص عايزه تفكي بلاط الشقه نغسل تحت منه علشان لو ام العريس فكه بلاطه ولا حاجه او اي رايك نغسل وجهه العماره علشان لو حد من المعازيم حب ينتحر يشوف الوجهه معفنه ياكل وشنا برضوه ولا اي رأيك
الأم: خلاصتي لطفه وظرافه وخفافه
زينه : علي حسب
الأم: قومي بدال ما اتصل بالناس قومي
زينه : من عيوني
في جانب آخر
ليل: اي ياعم كل السواد ده انت ازاي عايش وسط شويه الألديش دول
العميل : شوفت بقا
ليل : بس انت متجوز اربع أنا دي اول بختي
العميل : ياعم متعمليش فيها ويجز أول بختك اخر بختك اهي حريم وخلاص
ليل : بس بس خلاص ياساتر عليك يا أخي كرهت نفسي في العشر دقائق بتوعك دول
العميل : طب مشيني
ليل: السستم وقع من الندب بتاعك
العميل : ندب بتاعي أنا عايز مدير الفرع
ليل : (مسك ايد العميل ) لا أبوس ايدك بلاش النهارده بالذات ده اول ما بيصدق يلاقي حاجه يطلع عيني بسببها
العميل: يبقا نحترم نفسنا
ليل : أنا آسف يا عم كوكب الارض أبيض يا لبن
العميل : حليب يا قشطه
ليل : السستم رجع اهو اقعد معايا عشر دقائق الدنيا كلها تخلص
العميل : ايوه كده
يوسف : ليك يوم يا ظالم
مروان : سيبه غرقان كده
ليل : هيا دي الأمانة يا ولاد العيينه
في جانب آخر
الأم: ألو
ليل : اي ياست الكل
الأم: تصدق مش لاقيه الطرحه السوداء
ليل : ياما هيا حفله تشيع جثمان الله يكرمك اي طرحه
الأم: لا مينفعش أنا كل طرحي سوداء
ليل : خلاص خدي اي واحده معقول كلهم ضاعوا هما شرابات ياما
الأم: لا أنا عايزة أمو خط كحلي
ليل : عيني ياما هجيب قلم كحلي هخططلك الطرحه ابوس ايدك ذوقي اليوم معايا وبلاش التلاكيك
الأم: أنا بتلاكك يا ليل
ليل : لالالا مش وقت حزيني ابدا أنا مش قصدي حقك عليا
العميل : يارب ننجز
ليل : هو يوم اسود
العميل: نعم بتقول اي
ليل : مش انت وربنا أنا آسف
العميل: طب أنجز
ليل : عايز اكتب النهارده أنا آسف على صدري علشان حاسس ان مصر كلها النهارده جايه عليا
يوسف: هانت كلها ساعه واليوم يخلص
ليل : هموت مش قادر يا اسطا أعذرني مسكت نفسي على قد ما اقدر وربنا
العميل : مش فاهم
ليل : انت عميل فقر وعامل حوار على عشر الاف جنيه ملهمش ستين لازمه وقاعد منجعس اوي ولا يكون الريان قاعد قصادي قوم بدال ما ألفلك
العميل : فين مدير الفرع
ليل : عندك جوه أجري امشي بقا كده علشان انت جبت اخري انت وامي أصلا
العميل : أنا مالي ب امك أنا
ليل : بقالي اسبوع نازل كنس ومسح هو في اي ياعم أنا تعبت والآخر يطلعلي واحد شبهك يقعد يتفرد و يتني عليا علشان اليوم يمشي أن شالله عنه ما مشي ادخله ياعم
يوسف : بس بس اهدا يا استاذ معلش حقك عليا ده عنده تأخر عقلي أنا مع حضرتك اهو قوم يا ليل
ليل : اقعد ياعم أنا طالع اشرب سيجاره يارب انزل اشوف البنك والع بيك وبي العميل و سالم والناس دي كلها معادا الست دي علشان شبه امي جايبه الطرحه ام خط كحلي دي منين يا حجه ل تكون هيا
الست : بتقول اي يابني سمعي تقيل
ليل : ربنا يرفع عنك ياست الكل أنا طالع
في جانب آخر
الأم: أهلا وسهلا نورتي والله يا حبيبتي
ام ليل : نورك ونور أهل البيت والله
أم زينه : أتفضلي أرتاحي يا حبيبتي
الأم: تسلمي ويسلم ذوقك
ام زينه: تشربي اي قبل اي حاجه
الأم: لا والله ما قادره خليها شويه كده
زينه : ازيك يا ماما عامله اي
أم ليل : بسم الله ماشاء الله اي الجمال ده
ام زينه: ( بصوت واطي) هو احنا أتفقنا على حاجه علشان تقوليلها ماما يابنت المدلوقه
