رواية اختبار حب الفصل الثامن بقلم ليل ادم
ام زينه: والله نورتي الدنيا
ام ليل : ربنا يخليكي يارب أنا والله جايه علي بيت كرم وناس أهل ثقه علشان كده عايزه أخد بنتك زينه ل أبني ليل
أم زينه : يعني دا احنا نبعتها معاكي والله كفايه خطوتك العزيزه دي
ام ليل : العشم برضوه
ام زينه: هو ليل شغال اي بالظبط
ام ليل : شغال في بنك
ام زينه: اللهم صل على النبي
ام ليل: لا شغال في البنك مش صاحب البنك ( وبتضحك)
ام زينه: لا منا عارفه ( وبتضحك)
ام ليل: معلش الكلام خدني ونسيت اعرف اسمك و تعرفي اسمي
ام زينه: أنا منال
ام ليل: عاشت الأسامي ياست الكل أنا اختك فريده
ام زينه: الله أسمك حلو اوي
ام ليل: لا احنا عندنا طبع في العائلة كده لازم نقعد نمخمخ في الإسم بتاع النونو
في جانب آخر
سالم : ليل خلاص مفيش كلام تاني النهارده خزنه
ليل : ماشي يا استاذ سالم بعد اذنك
سالم : أوي أوي يا اخويا أتفضل
ليل : كتك البلا
سالم : خد خد تعالي قولت اي
ليل : بقول يارب أسيب البلد يا استاذ سالم
سالم : طب اتفضل
ليل : أما كنتش أقرع
سالم : لا وكتاب الله انت قولت حاجه
ليل : بقول مبقيتش قادر أطلع
سالم : تطلع فين
ليل. : بره الكوكب نفسي اطلع بره الكوكب
سالم : طب ياله يا حلو
في جانب آخر
ام زينه : أن شاء الله هكلمك أنا بكره كده نظبط الدنيا مع بعض
ام ليل: خلاص وأنا هستنا منك مكالمه مع السلامه يا زينه
زينه : سلام يا ماما نورتي والله
ام ليل : عبال ما تنورينا انتي يارب يا حبيبتي
ام زينه: اللي في الخير يقدمه ربنا أن شاء الله
ام ليل: ياله مع السلامه
أم زينه: مع السلامه يا حبيبتي
في جانب آخر
ليل : اي عملتي اي يا ست وجيده
الأم: وجيده طب تمام خلي وجيده تنفعك سلام
ليل : بس بس بهزر معاكي والله
الأم: ايوه كده لم نفسك يالي مش متربي
ليل : حاضر يا مامي
الأم: انت فين كل ده
ليل : عندي خزنه النهارده المهم انتي عملتي اي
الأم: معملتش هات انت بقا اي حاجه وانت جاي
ليل : يا حبيبتي انا مش قصدي عملتي أكل اي أنا قصدي عملتي اي مع أم زينه
الأم: عارفه البرجر اللي هو الفراخ اللي جابته قبل كده اللي عجبني اوي ده
ليل : فاكره يا حبيبتي بس ده اي دخله بالموضوع
الأم: لا أنا قاصدي هاتلي منه تلاته وانت جاي علشان اعرف أحكي لحسن نفسي أنقطع من المشوار
ليل : نفس مين اللي أنقطع ياما دنتي واخده اوبر رايح جاي
الأم: خلاص ياليل مش عايزه أكل هو انت هتزلني على سندوتش معفن شبهك الله يرحمك يا محمد مكنش مخلي نفسي في حاجه
ليل : وحدي الله ياما أبويه مكنش يعرف البرجر أصلا وغير كده أنا مستلمك من بعد أبويه ٨٠ كيلو اللهم صل على النبي إحنا الوقتي بنلعب في ٩٠ طن
الأم: أنا ٩٠ طن يا قليل الأدب ياللي محدش رباك طب والله منا متكلمه معاك تاني
ليل : هزار والله هزار ياست الكل دنتي ملفوفة لفت هدايا عديها بقا يا فيفتي
الأم: خلاص هات الاكل وتعالي أسمع اللي حصل بالحرف من طأطأ لحد ما طأطأ
ليل : خلصانه سلام
الأم: سلام
في جانب آخر
الأم: والله يا كامل أنا شايفه الولد محترم وأمه ست طيبه بجد والله
كامل : بصراحه يا منال بنتك بتحبه صح
الأم: بصراحه يا كامل هو صاحب زينه في الشغل
كامل : زينه يا زينه
زينه : نعم يا بابا
كامل: أقعدي
زينه : ( بكسوف بتقعد على طرف الكرسي )
كامل : بتحبيه
زينه : ( هزت راسها)
كامل : هو بيحبك
زينه : اه والله
كامل : خلاص هاتي رقم تليفونه
زينه : ليه
كامل : عايزه في حاجه
زينه : ماشي خد الرقم اهو
كامل : أولا أنا زعلان منك
زينه : ليه
كامل : علشان مكنتش مستني منك انك تكوني على علاقه بي من ورايا
زينه. : والله يا بابا ده صديقي مش اكتر
كامل : خلاص ماشي يا زينه ( وخد الفون وقام )
في جانب آخر
ليل : يا لهوي على ده يوم أخيراً الحمد لله أنتها ( تليفون ليل رن)
ليل: رقم مين ده ألو
كامل: ألو ليل معايا
ليل : مع حضرتك مين معايا
كامل : أنا كامل والد زينه
ليل : ازي حضرتك يا استاذ كامل
كامل : الحمد لله تمام انت عامل اي
ليل : تمام والله الحمد لله
كامل : قولي يا ليل انت تعرف زينه من أد ايه
ليل : أنا أعرف زينه من سنه بس مفيش ما بنا كلام كنت بشوف زينه وهيا طالعه الشركه اللي شغاله فيها أنا شغال في نفس المبنى بس في البنك اللي تحت إنما أعرف زينه وتعرفني من امتا بالظبط من اسبوعين
كامل : مش شايف انها غريبه واحد يطلب ايد واحده ميعرفهاش غير من اسبوعين
ليل : طبعاً فتره صغيره بس أنا مش بحب اعمل حاجه أستخبا وأنا بعملها علشان كده طلبت ايد زينه لاني مينفعش أجبر زينه أنها علشان بتحبني تكلمني من ورا حضرتك لا أنا أتقدم مره واتنين وتلاته ومليون علشان لما فعلاً العمر يمر ومتكنش من نصيبي مقولش يارتني كنت عملت كذا لاني وقتها هكون متأكد اني عملت كل حاجه ممكن تتعمل بس مفيش نصيب
كامل : ماشي كلامك ياعم ليل منتظرك الجمعه الجايه أن شاء الله وهات حبيبك معاك علشان نقرأ الفاتحه
ليل : انت بتتكلم بجد
كامل : اه والله مالك
ليل : لا والله يعني كده خلاص انت موافق
كامل: وشكلي هرجع في كلامي
ليل : لالالا خلاص سلام أنا هقفل
كامل : (بيضحك) سلام
