رواية اختبار حب الفصل التاسع بقلم ليل ادم
زينه : ألو
ليل : ورد عليكي يا أجمل بنات المجره
زينه: يا سلام يا اخويا أما متصلتش بيا ليه طالما الحب ولع في الدره كده
ليل : أنا قولت اسيبك النهارده براحتك عروسه بقا وكده
زينه: لا والله بالعكس أنا مرعوبه
ليل : ليه بس كده يا بومه حصل اي
زينه : أنا بومه يا ليل تصدق هزعل منك
ليل : بهزر معاكي حصل اي
زينه : أصل بابا طلب رقمك مني وانا خايفه يكون في حاجه
ليل : لا متقلقيش كلمني وهنتقابل بكره كمان
زينه : طب صوته كان اي
ليل : هو الأول شكله كان مش مبسوط بس أنا قدرت أقنعه اني العريس المنتظر
زينه : يالهوي ياناس على الواد المقطع السمكه وديلها
ليل : لا أنا اعجبك اوي في الكلام ده
زينه : وحياتك انت عاجبني في كل حاجه بعدين اي الدوشه دي انت فين
ليل : أمي ياستي بتساومني بسبب المشوار اللي عملته النهارده
زينه : (بتضحك ) حقها طبعاً ولا عندك مانع
ليل : لا ياستي أنا مرضي
زينه : بتشتري اي
ليل : برجر فراخ
زينه : ايوه ياعم
ليل : أجبلك
زينه : لا ياعم خلينا حلوين علشان بابا لو لمح وشك في مكان بيني وبينك في كيلو متر ممكن يقلب الدنيا كلها
ليل : لا على اي بلاش منه السندوتش اللي هيجبلي الكفيه ده
زينه : ايوه كده وياله على البيت يا استاذ كفايه صرمحه
ليل : أمن دولة يا اخوتي بكلم امن دوله
زينه: سلام علشان بابا شكله داخل سلام
ليل : سلام
في جانب آخر بعد رجوع ليل البيت ومعاه الأكل
الأم: جبت
ليل : اهو أحكيلي اللي حصل بقا
الأم: يابني هو أنا هطير أكل وبعدين أقولك كل حاجه
ليل : حقك برضوه
الأم: طب اي
ليل : اي
الأم: افتح الأكل هو أنا لازم اقولك على كل حاجه مفيش حاجه تعملها من دماغك
ليل : لا اهو حقك عليا تحبي أأكلك كمان
الأم: لا ياعم أنا بعرف أكل
ليل : طب كويس أحكي بقا
الأم: أسمع يا سيدي
وبدأت تحكي ل ليل كل حاجه حصلت معاها عند زينه
ليل : المهم بس عايز اعرف مستوى المعيشة بتاع الناس دي شبهنا عالي عننا شويه كده يعني
الأم: تفرق معاك
ليل : لا بس علشان أكون عارف مش اكتر
الأم: تقريباً مستوانا
ليل : بس كده هو ده اللي عايز اعرفه
الأم: انت كنت عايزها اي
ليل : بصراحه يا أقل يا نفس المستوى
الأم: ليه يعني
ليل : علشان تقدر تعيش على وضعي المادي ايا كان
الأم: بس انت مش وقع برضوه يا ليل انت الدنيا معاك الحمد لله يا حبيبي كويسه
ليل : يا ماما الدنيا مش مضمونه ممكن في لحظه كل ده راح وقتها مكنش الست عندها أصل وطالعه من بيت أصول يبقا هتكون اكبر مصدر طاقه سلبية في حياتي
الأم: ساعات يا واد يا ليل بحس انك بتفهم
ليل : ساعات يعني مش على طول
الأم: لا طبعا دنتا مجنون يا ليل بعدين بقا أنا عندي الاستبحس وكمان في اخر مراحله
ليل : بعد الشر عليكي مين اللي قال كده
الأم: هو في غيرك يابن الهبله
ليل : هو عم محمد ده مش بيتبل في بوقه فوله
الأم: تصدق
ليل : صدقت المهم ابو زينه طالب نتقابل بكره
الأم: خير في اي
ليل : مش عارف والله
الأم: خلاص قابله يمكن الراجل عايز يشوفك علشان يطمن على بنته
ليل: أنا قولت كده برضوه
الأم: اسمع بقا بلاش اللبس بتاعك المقطع ده
ليل : ليه أن شاء الله
الأم: اسمع كلامي تكسب بلاش البناطيل المقطعه و التيشرتات الكبيره اللي بتلبسها دي
ليل : ألبس اي طيب
الأم: قميص حلو كده على بنطلون رجالي حلو كده
ليل : هو أنا كنت بلبس بناطيل حريمي مالك ياما في اي
الأم. : ياض افهم انت لبسك شبابي و اللبس ده مش ده مكانه الوقتي قصاد الراجل
ليل : لا عندك حق طب اي رايك في البنطلون ده والقميص ده عليه
الأم: ايوه كده هو ده الكلام دخل القميص جوه البنطلون وعليهم شوز حلو كده وبلاش الشنطه اللي بتلفحها على ضهرك رايح جاي في الشارع دي
ليل : مش شنطه اللاب توب علشان شغلي
الأم: اعمل نفسك نسيت الشنطه بكره علشان خاطري
ليل : خلاص ماشي موافق
الأم: ايوه كده علشان الأدب والاحترام اللي نزل عليك ده النهارده ليك عندي مكوه خاصه ل الأوتوفيت بتاعك الحلو ده
ليل : اوتوفيت دا احنا فجرنا خالص يا فيفتي جبتي الكلمه دي منين
الأم: سمعتها في النت النهارده
ليل : واي حاجه تتسمع كده نقولها أفردي سر
الأم: لا منا سألت وعرفت انها مش سر
ليل : أنا هنام يا ففتي علشان بكره لو روحت الشغل متأخر استاذ سالم هيعمل مني كفته
الأم: نام يا عم هو أنا باخد منك حاجه غير النوم
ليل : بكره امشي وترجعي تقولي ولا يوم من ايامك يا لول
الأم: بس بقا علشان وربنا كل ما الموضوع ده يجي في بالي بزعل اوي ياض يا ليل
ليل : ينهار أبيض ( وبيحضن أمه) زعلانه بجد اني ممكن أسيبك
الأم: هو أنا عندي غيرك يا ليل
ليل : خلاص هتجوز واقعد معاكي هنا
الأم: وشقتك
ليل : اهي موجوده يعني هتروح فين
الأم: ياعم علشان زينه أو أمها ممكن تتكلم معاك أنا عايزة راحتك
ليل : ايوه كده شطوره يا ففتي
الأم: طب امسك في كلمتك ياللي معندكش ريحه الدم
ليل: بهزر معاكي والله أنا خلاص هتكلم معاهم في الموضوع ده والله
الأم: بجد
ليل : اه والله
الأم: يريح قلبك زاي ما ريحت قلبي
ليل : بره بقا يا ففتي علشان انام
الأم: تصبح على خير
ليل : وانتي من اهل الخير يارب يا حبيبتي
في اليوم التالي
زينه : الله اي الشياكه والجمال ده
ليل : اي رايك
زينه : يجنن
ليل: علشان أبوكي بس
زينه : لا بجد ترفع الراس كده وحاجة تملأ العين
ليل : اي خدمه يالهوي استاذ سالم اطلعي الوقتي وأنا شويه وجايلك
زينه : ماشي سلام
استاذ سالم: ليل
ليل : باشا مصر
استاذ سالم: اي ياعم الشياكه دي رايح الملاهي النهارده ولا اي (وبيضحك)
ليل : دمك يلطش
استاذ سالم: نعم
ليل : بقولك دمك سكر والله يا استاذ سالم
استاذ سالم: على شغلك
ليل : حاضر
يوسف : احبك يا مروان وانت لبس الحته اللي على الحبل
مروان : راح فين المقطع والمفرتك يا يوسف ولا خلاص بقينا محترمين نفسنا
يوسف : شكلنا كده ياسطا
ليل : خلصتي يا خالتي انت وهيا
يوسف: اه خلصت صح يا مروان
ليل : هو أنا كنت معفن يا جدعان ولا اي
مروان: لا مش كده بس بصراحه مكنتش متخيل انك ممكن تتقلب كده في يوم و ليله
ليل : النهارده هقابل أبوها فهمت ياغبي
يوسف : يعني من بكره هنرجع للموضه من تاني (وبيضحك)
ليل : من بكره اي النهارده بليل وحياتك
