رواية اختبار حب الفصل الاول بقلم ليل ادم
حاتط في حساباتي كل حاجه و برضو بتيجي بره لو أعما ضرب أدي على الهدف كان صابو مره قالت مش همشي بس عنيها كانت بتقول مضطره مكملتش رجم علشان أيدي بتتحرك
الأم: ليل أنا بقالي ساعه عماله اقولك فووق من نومك متجيش بعد ما تتأخر تقولي انتي السبب
ليل : أنا صاحي أصلا بس كنت مستني الإشارة منك ياست الكل
الأم: طب قوم شوف شغلك الساعه سبعه ونص
ليل : صباح الورد عليكي يا ورده قلبي
الأم: شوف الواد بكاش بطريقة
ليل : طب هاتي ايدك
الأم: ليه
ليل : هاتي بس ( وشد أيد أمه وقف معاها قصاد المرايا) بالذمه مش ورده
الأم: ربنا يخليك ليا يا حبيبي ياله علشان تفطر
في جانب آخر
زينه : أنا نازله يا عم الحج كامل
الأب: شوفي بنتك يا منال
الأم: مالها بس
الأب: ب تتريق عليا اهو
الأم: هيا تقدر دا انا كنت أتبرعت بيها
زينه : يارب ارزقني ب عريس حلو شبه الحج كامل كده علشان الناس دي فقعت مرارتي أنا نازله سلام
الأب: عايزه فلوس
زينه : لا ما انت عارف المرتب بيخلص بعد يوم عشره في الشهر بعد كده برميها عليك ( وبتضحك)
الأم: والله ما عارفه اي سبب الشغل ده أصلا ما تقعدي جمبي في البيت احسن وهتخدي فلوس كتير اقولك هحسبلك السجاده ب خمسين جنيه
زينه : شوف المدام بتاعتك يا حج كامل علشان مش عايزه أتكلم في حضورك
الأب : صحيح يا منال خمسين جنيه اي خليها ١٠٠ جنيه
زينه: يا ناس أنا تجاره انجليزي عيب عليكو وربنا
الأم: خلاص أغسلي من الشمال لليمين
زينه : سلام هتجننيني ( وفتح الباب وخرجت )
في جانب آخر
ليل : أنا نازل عايزه حاجه
الأم: لا يا حبيبي سلام
ليل : سلام
الأم: الشنطه بتاعتك فيها باقي السندوتشات اللي رميتها دي
ليل : يخربيت البوكس انتي فكرني في حضانه
الأم: اي هتكبر على أمك
ليل : عمري ياللي بين كل نجمه ونجمه انتي سلام ( وخرج من البيت)
في جانب آخر
زينه: ( بعد ما فشلت توصل الشغل ب أوبر قررت تركب مواصلات وفعلاً وصلت موقف عربيات )
زينه : اكتوبر
ليل : هز رأسه ( قعدت جمبه )
اثناء الطريق فتحت زينه كيس بسكويت أنتبه ليل لي زينه وفي نفس الوقت عايز يخلص من السندوتشات بدال ما يرجع بيها البيت و تزعل منه أمه زاي كل يوم
مد أيده جوه الشنطه بخفه يد طلع السندوتشات من البوكس وطلع البوكس من الشنطه كان فارغ تماماً رفع وجهه ل زينه و أشار ليها تحط بسكوته في البوكس
زينه: نظرت ل ليل مستغربه وفي نفس الوقت حطت بسكوته في البوكس منعاً ل الإحراج
ليل : هز البوكس كذا مره جامد وحط البوكس في الشنطه وغمض عينه و بخفه يد رجع السندوتشات جوه البوكس و شال البسكوته من البوكس طلع البوكس مره واحده
زينه : (ب اندهاش) اي ده الله انت ساحر
ليل : (بص ل السماء في اشاره أن دي موهبه من عند الله)
زينه : اي ده الفينو سخن كمان
ليل : (أشار إلى السماء مره تانيه)
زينه : هو حضرتك عندك مشكله في الكلام
ليل : ( أشار إلى زينه أنه أخرس ومش بيتكلم )
زينه : ( سرحت مع نفسها وقالت لا اله الا الله قمر يعيني بس مش بيتكلم ربنا يشفيه يارب)
ليل : أشار إلى زينه عايز ورقه وقلم
زينه : اه موجود أتفضل
ليل : خد البوكس تاني فاضي من زينه وقفل الغطاء وهز البوكس جامد جدا وحطه جوه الشنطه وغمض عينه وبدأ يعمل نفسه بيعمل سحر من تاني و بخفه يد حط البسكوته جوه البوكس وطلع البوكس فتحه
زينه : اي ده البسكوته بتاعتي اهي ( و مبهوره)
ليل : أشار إلى السماء وأكل البسكوته وبدأ يكتب في الورقه
زينه : ( أخدت الورقه تقرأ اللي كاتبه ليل ) الله أسمك ليل
ليل : هز رأسه
زينه : أنا زينه
ليل : ( خد الورقه من تاني وكتب فيها )
زينه : أنا رايحه الشغل بتاعي
ليل : ( خد الورقه)
زينه : شغاله في مبني --------
ليل : ( خد الورقه )
زينه : اي ده بجد شغال في الدور الكام طيب
ليل : ( خد الورقه وكتب فيها)
زينه : اه أنا في الدور اللي فوق منك على طول
ليل : ( خد الورقه وكتب فيها حضرتك متنمره)
زينه : لا والله أنا عمري ما تنمرت على حد
ليل : ( خد الورقه وكتب فيها) طب ما تجيبي نمرتك
زينه : ( حست ب أحراج علشان كده قبلت وكتبت رقمها في الورقه )
ليل : ( خد الورقه وكتب ) لسه الدنيا ب خير
زينه : هعيط خلي بالك
ليل : ( خد الورقه ) لالا خلاص مفيش حاجه
زينه : على جنب لو سمحت
ونزلت مع ليل من العربيه
زينه : عايز حاجه
ليل : ( في أشاره ) شكرا
زينه : سلام
ليل : سلام
بعد ما مشيت زينه
ليل : ينهار اسود شويه كمان وكنت هتخرس ب جد
استاذ سالم ( مدير البنك) ليل
ليل : مساء الورد يا مدير
سالم : في تسليم خزنه النهارده خلي بالك علشان انت اللي هتقعد معاها
ليل : وماله أصل أنا عارف أن سيف قال ل حضرتك أنا مش قاعد لو عملت اي ف حضرتك قصرت الشر وقولت تروح ل ليل عامل حسابي متقلقش
استاذ سالم: اي ده لا طبعا هو أنا حد يقدر يقولي لا.
ليل : اهو سيف قال يا مدير بس عادي يعني صباح الفل أنا الحيطه المائله هنا وابن البنك أو ابن الشركة
سالم: طب وكتاب الله ما حد قاعد غير سيف
ليل : لالا مش عايز مشاكل بالله عليك عايزين اليوم هادي وجميل كده
سالم : هو أنا حد يقدر يعمل معايا مشاكل
ليل : أصل سيف عصبي
سالم : عصبي طب تعالي (وشك ليل من أيده راح على مكتب سيف)
سيف : صباح الخير يا استاذ سالم
استاذ سالم: صباح النور النهارده في خزنه انت اللي قاعد معاها ماشي
سيف : هو مش ده شيفت ليل
ليل : اه فعلاً منا قولتلك بلاش سيف يا مدير
استاذ سالم : سيف أنا قولت اي
سيف : تمام تمام اللي حضرتك عايزه
ليل : وحد الله يا سيف يا جماعه دي عين وربنا
استاذ سالم: إلا عصبي إلا ( وراح على مكتبه )
سيف : هو في اي ياعم
ليل : والله ما عارف حاجه
سيف : انت كل شفت ليك ألبسه انا
ليل : مش فاهم صحيح استاذ سالم ماله مش واثق فيا ولا اي
سيف : ليه
ليل : أصل الحجات دي عايزه اشطر ما فينا وفي نفس الوقت يكون ثقه و حد مقطع السمكه ودهن الهواء دوكو والحاجات دي كلها فيك بصراحه يا سيف
سيف : ( مبسوط جدا) وربنا بجد
ليل.: اه طبعا
سيف : علشان كده خلاص أنا معنديش مانع اخد مكانك كل شيفت لحد ما تبقا جامد زاي كده
ليل : يبقا هموت قبل ما أمسك شيفت
سيف : ليه
ليل : يابني انت لو يوم غيبت عن البنك الدنيا تعطل كلها
استاذ سالم: ليل
ليل : اشتغل انت يا يوسف اشوف استاذ سالم وراجع
في جانب آخر
ندي : يابنتي ازاي أخرس شغال في بنك انتي مجنونه
زينه : اه والله وشاب جميل ودمه خفيف جدا
ندى: تمام بس ازاي أخرس وشغال في بنك دا اكتر مكان الموظفين بتتكلم في مع العملاء
زينه : انتي أش فهمك انتي
ندى: خلاص براحتك شكلك معجبه بي أصلا
زينه : هو أنا لحقت انتي كمان بلا هبل
زينه : ( والله كلام ندي فعلاً عقلاني ازاي أخرس و شغال في بنك هتجنن ولا على اي أنا مالي بس برضوه ازاي )
ندى: يابنتي مالك بتكلمي نفسك ليه
زينه : هو باين عليا اني بكلم نفسي
ندي : اوي
زينه : هشرب قهوه و جايه
ندي : ماشي
زينه : ( نزلت على البنك تتأكد من صدق ليل )
في جانب آخر
ليل : يا أمي حسابك فاضي والله
العميله : ياعم ازاي شوف تاني
ليل : وربنا دي عاشر مره اشوف
العميله : طب وبعدين
ليل : ( رفع عينه شاف زينه بتدور عليه جوه البنك ) سيف سيف
سيف : عايز اي
ليل : روحي يا أمي عند شباك اربعه
العميله: أسمه يوسف
ليل : اه يا أمي هو انتي هتعمليله بطاقه
العميله : حاضر
ليل : هز رأسه
زينه : (شافت زين يهز رأسه أقتربت من الشباك) انت ازاي شغال في بنك وانت عندك مشكله في الكلام
ليل : أشار إلى السماء
زينه: ونعما بالله طب عايز حاجه
ليل : ( دور على ورقه جمبه وكتب فيها) ربنا يخليكي
زينه: على اي بس والله أنا هعيط بجد
استاذ سالم: ليل
ليل : ( لطم على وشه)
زينه : في اي مالك
ليل : ( كتب على الورقة) امشي بسرع ابو الغضب جاي
زينه : مين ده
استاذ سالم: يا ليل هو أنا مش بنده عليك ترد عليا
زينه : يرد عليك ازاي يعني
ليل : ( شد الورقه مفيش فيها مكان يكتب في راح شد ايد زينه كتب عليها أهدي الله يكرمك أنا قابل)
زينه : أستنا انت بس
استاذ سالم: مين دي ياعم الحبيب
ليل:( شد ايد سالم كتب عليها بنت خالتي )
سالم : ايدي والحبر انت اهبل
زينه : لا كده كتير اوي انت قليل الزوق جدا
ليل : ( شد ايد زينه كتب عليها) الله يخربيتك
