رواية عنب اسود الفصل العاشر بقلم جمانه السعيدي
#عنب_اسود
#البارت_العاشر
جمانه السعيدي
عنب...كملت شغلي ورحت سبحت وبدلت وتعطرت
الساعه ١١ انفتحت الباب اباوع صلاح
طلعت هلوووو هلوووووو اليوم من وكت
نزل العلاليك وفتح ادي
صلاح...اليوم طلبت اجازه عريس وبعدني ماشبعت من عروستي
حضني وبقا يبوس بيه مشتاقلج
احس هاي الكلمه اخترقت كل حواجز الصوت والبصر وستقرت بكلبي هاي الكلمه عندي تسوه كل فلوس الدنيا
فلوس الدنيا مو بس الفلوس الي اخذوها اخواني
شالني يريد يدخلني جوا
عنب...الحجيه كاعده بلمطبخ نزلني عيب
دخلني للمطبخ ماقبل ينزلني
صلاح.. يمه شوفي شلون تتحرش بيه اكله انزلي تكول لا شيلني
الحجيه....من الصبح واكفه تنضف وتطبخ ولا كعدت
صلاح...غير كون تعبانه وتكعد راحه
عنب...نزلني ولله عيب
صلاح...يله نزلتج اكول خطيه
عنب...فدوه اروح الهلوجه
دخل صلاح للغرفه دخلت وياا نزعته الستره
دنكت انزله الجواريب
صلاح...لا عوفيهن اني انزع ليش اتعبني نفسج
بلشغل
عنب...هذا تسمي شغل اني اخدمكم بعيوني
انتم اهلي مالي احد غيركم
صلاح...ولو مااريدج اتعبين
عنب...حضنته انت وين جنت من زمان
صلاح....ادور عليج
عنب....اني اشكر رب العالمين الي دبرلي هاي الصدفه السعيده حتى التقي بيك
صلاح...واني اشكر رب العالمين الي ضمج اليه كل هاي السنيين
جمانه السعيدي
دخل صلاح يسبح وبدل كعد يسولف على الحجيه
بقينا منتضربن البنات يجن من المدرسه
من شفتهن دخلن طلعت برا ووحده ووحده حضنتهن
وبستهن
عنب...يله انريد نتغدا ومنتضريجن
روان..بس نبدل جوعانيين شنو الغدا
عنب...دولمه
ليان...يمي يمي دولمة عنب الرهيبه خل ابدل بسرعه
كل يوم من يرجعن من المدرسه ووحده ووحده تكعد تحجبلي شنو صار وياها
كنت احس نفسي بلمدرسه وياهن اعيش احساسهن يوميه
بعد اسبوع واحد من زواجي
بليل كاعدين اني وصلاح اني جاي اكوي ملابسه
صلاح...عنونه اريد احجي شي بس لا اضوجين
عنب...عفت الاوتي واجيت كعدت كباله
ياستار شكوووو
صلاح...شغله بسيطه اني جنت ناوي مااحجي بس ماايرد أضم عليج
عنب...كول شنو خفت
صلاح...عمار كاتب على بيت اهلج للبيع وسمعت عارضين كل املاكهم حتى يقيموها
يمكن يردون كل واحد ياخذ حصته
عنب... ضجت سكتت شويه
.مايهمني اسمع اي شي عنهم اني ماعندي اهل
صلاح...بس حبيت اوصلج خبر لان انتي ماطلعين وماتعرفين اخبارهم
عنب....انت اهلي وعشيرتي وناسي ودولتي
صلاح...الله الله هذا شعر شنوهذا الغزل هاي اني
عنب...اذا اريد احسب عمري الحقيقي من يوم عرفتك
يعني عمري تقريبا اربع أشهر
صلاح...انتي عمري كله اموت عليج
جمانه السعيدي
اخواني قيمو الأملاك وتقاسموهن كل واحد اخذ حصته
اكيد القسمه على اتلاثه أسهل من القسمه على اربعه
عنب عدد زايد ولازم يطلع من هاي الحسبه
عنب عبده ما تستاهل تاخذ شي
اني بنظرهم انخلقت خدامه واموت واني خدامه
الخدامه مايصير تملك فلوس واملاك
ميخال اني رب العالمين عوضني شي احلى من الفلوس
الحجيه بقت عدنا اسبوعين وراحت البيت ابنها الجبير
كلش ضجت عليه جانت مونستني
بس ماقبلت تبقى عدنا اكثر
كل يوم اتصل بيها اطمن عليه
جمانه السعيدي
بعد اربع اشهر من زواجي وكعت مريضه مااعرف شصار وياي رغم اني حالتي الصحيه كلش زينه
وابد مااتمرض يعني عمري كله ايجوز مرتين واكعه
بلفلاونزا ومره تيفو
بس هلمره احس نفسي نحلانه وتعبانه
يومين صلاح يلح اله نروح للمستشفى واني اكول لا
هسه اصير احسن ايجوز شوية تعب
كلما يكول انروح للمستشفى اعاند اني ابد ماأحب للمستشفى والعلاج
الحد ما روان نبهتني
روان...عنب خاف حامل
عنب...حامل وين اكو حمل بهذا العمر
روان...اكو اكبر منج ويحملن
عنب...لا مااعتقد شوية تعب وهسه اصير احسن
بليل كلش اتخربطت تعبت احس الدنيا ادور ومااكدر اوكف على طولي
اخذني صلاح ورحنا للمستسفى
قاسو الضغط تمام السكر ماعندي سكر
عنب...دكتوره راسي يوجعني
الدكتوره...هسه يبين اذا عندج شي بلتحاليل
بقينا كاعدبن اني كامشه راسي وصلاح واكف وحاير شيسوي نص ساعه طلع التحليل
صلاح اخذا وراح للدكتوره
الدكتوره....يمتى اخر مره صار حمل عد زوجتك
صلاح...ولا مره
الدكتوره...شلون يعني
صلاح...صار اربع اشهر من ازوجنا
الدكتوره...زوجتك حامل ضروري تسوي مجموعة تحاليل
حتى تطمن على الطفل
صلاح...بقيت واكف واباوع على الدكتوره
الدكتوره...هااا مافهمتني
صلاح...عنونه حامل انتي متاكده
الدكتوره....مو اني التحاليل نكول هي حامل
لازم تسوي مجموعة تحاليل لان بهذا عمرها لازم تكون حذره
صلاح...دكتوره موزين عليه الحمل
دكتوره...لا عادي بس لازم تنتبه الصحته اكثر
عنب...تمددت على السديه بلطوارء لان راسي حيل يوجعني
اتأخر صلاح خفت لا يطلع عندي تيفو
اي هي هاي اعراض التيفو اني من جنت زغيره وكعت بي
جمانه السعيدي
اجا صلاح كعدت
عنب...ليش اتاخرت هاا طلع تيفو هو التيفو هيج يصير وجع بلراس قوي
صلاح...انزلي لا مو تيفو
عنب...شبيك خوفتني
صلاح...تعاي خل الزم ايدج لا توكعين
عنب...ليش اوكع شكووو احجي شطلع
صلاح...مبروك حبيبتي انتي حامل
عنب...مدري سمعت صح لو غلط
عنب...شنو ماسمعت
صلاح...لا سمعتي انتي حامل مبروك الف مبروك
عنب..اجيت اوكع صلاح لزم ايدي وسندني من ضهري
صلاح..الله ألله لا توكعين
عنب...اريد اكعد مااكدر اوكف دخت
صلاح...اسم الله شبيج
عنب...اريد اكعد بلكاع الدنيا تفتر بيه
صلاح...الكاع وصخه
عنب...ميخالف كعدني
كعدت بلكاع وكمت ابجي ابجي بصوت ماكدرت اسيطر على نفسي صلاح حضني ويحاول يسكتني
مااكدر اسكت الناس والممرضات وكل الكادر اجمع علينا
مجاي اكدر اسكت
حاضنه صلاح وابجي يعني معقوله اني عنب المسكينه ا
رب العالمين جبر خاطري
بعدت راسي من صدر صلاح لكيته هو هم يبجي
عنب...اني حامل الله عليك اني حامل
مسح دموعه اي حامل انتي حامل
كل الناس انجمعت علينا ليش تبجون ماعدكم اطفال
عنب...اي ماعدنا اطفال
صلاح...كومي خل نرجع للبيت
عنب..اريد اوكف مااكدر رجليه يرجفن وعيوني مايقبلن يسكتن الدموع تجري
كمت امشي اخط برجليه خط
كوه وصلت للسياره بقيت طول الطريق ابجي منا لمن وصلنا للبيت
دخلنا والبنات اجن يركضن شافني ابجي عيوني
مورمات من البجي
روان...شبيها عنب
صلاح...حامل باركو العنب حامل
البنات كامن يكمزن هي هي راح يصير عدنا اخوووو
من كد الفرحه نسيت وجع راسي بس كمت مااعرف امشي
اريد امشي مااكدر اتخربطت احوالي كلها
صلاح شالني ودخلنا للغرفه
صلاح...هاا حبيبي تعبانه
عنب... اهييي اهيي الله عليك صلاح اني حامل
صلاح...لا تبجين اي حامل ليش مستغربه من كرم رب العالمين
جمانه السعيدي
عنب...مسحت دموعي ورجعن نزلن ما مصدكه صلاح ما مصدكه اني بعد هذا العمر حامل انت مستوعب
صلاح...ربج كريم وراد يجبر خاطرج بعد الحزن والضيم الي شفتي
رجعت ثاني يوم اخذني صلاح الأحسن. دكتوره
وعدت التحليل مره ثانيه
ما مصدكه نفسي كل يوم اشكر رب العالمين الف مره
اني بعد هذا العمر راح اصير ام
مرت ايام الحمل بسلام البنات وصلاح حايرين بيه
مايقبلون اشتغل بس اني الحمد لله
حملي زين وماعندي تعب
وصلت للولاده والدكتوره قررت عمليه
تكول جبيره وهذا الحمل الأول مانكدر نجازف وحتى نضمن سلامة الطفل لازم عمليه
جبت بعمليه ولد بلبنج واصيح ابني صلاح ابني
صلاح اريد ابني
طلع اسمر عليه بس ملامحه تشبه ابو كلش
سميته حمزه
اخواته طايرات بي هو كلش محبوب وسوالفها تخبل
من عمر سنه وهو اذا راحن خواته للمدرسه يبقى يبجي وراهن ومن يجن يكعد يمهن بلغرفه
يبقن يلعبن بي ويشيلنه
اول درس علمته الحمزه يحب خواته مااريد الي صار وياي ينعاد مره ثانيه
مااخلي ياكل اله وياهن
واذا اشتريله شي اشتري الخواته
هو تعلم اذا يروح يشتري اله اربع حاجات
ابو يكول اكله اخذ بس انت يكول لا حواتي هم
( عود خواتي هم )
اذا ابو ضرب وحده بلشقا يتخبل عليه يبقى يبجي
ويضرب ابو علمودها
بس كبر شويه بنام وياهن بلغرفه
اذا وحده تمرضت يكابلها ويكعد يروح يجيب اي علاج عدنا بلبيت وينطيها حتى اصير زينه
قبل لا يسجل بلمدرسه يكعد بلباب وكت رجعت خواته من المدرسه حتى يحضنهن وحده وحده
شكد كريم رب العالمين الي دبرلي هاي الحياة بعد
ما ياست وستسلمت
شلون تدبير حلو جاب صلاح هو وبناته حتى يشتري البيت الي بصف ببتنا
وشلون تعرفت عليهن
وشلون نزل حبهن بكلبي وحبي بكلبهن
شلون رب العالمين اختارلي صلاح وخلاني افضله على الفلوس
الف الحمد لله والشكر على هاي النعمه العضيمه
