رواية قصة ذهب الفصل العاشر بقلم جمانه السعيدي
قصة ذهب
البارت العاشر
جمانه السعيدي
ذهب... طلعو رند من غرفة الولاده
خطيه تون من الالم امير بحضني اني شايلته
فراس...الحمد على السلامه رند
رند...الله يسلمك يمه موت موت احمر بعد التوبه
امي...يالله هسه تنسين وترجعين تحبلين
رند...التوبه بعد مااريد شفت الموت بعيني
فراس...اني هم بعد مااريد جهال امير كافي
امي...سميته امير خوش اسم حلو
فراس...مو اني سميته خالته ذهب سمته
امي...يتربى بعزكم
اتصلت امي بجنان تبشرها بولادة رند
جنان...الحمد لله والشكر كل الوقت اهم بيها جنت خايفه عليه لان هاي اول بطن
انطينياها خل احجي وياها
جنان...هلو رند حبيبتي الحمدلله على السلامه
رند...الله يسلمج
جنان...باجر اجي اشوفج
رند...هله بيج
طبعا رند تصيح الجنان باسمها ابد ماتكول ماما غير الامي
الساعه بلعشره بليل طلعنا من المستشفى
جبنا رند للبيت ويانه واجينا فراس وصلنا وراح يبشر اهله
بلمولود الجديد
ذهب...بليلته مانمت للصبح لان رند تعبانه ونامت
وامي ماتكدر تسهر وهذا امير خبلني ينام دقيقه ويكعد يعيط للصبح بقيت كاعده
بلسته كعدت امي ورحت نمت لان كمت مااشوف من التعب والنعاس
جمانه السعيدي
كعدت بلعشره ونص الصبح على صوت جنان وجهاله البيت هوسه
للضهر اجا عمار وزوجته وجهاله..
ذهب.... رند جابت اني شنو ذنبي ولله نعسانه وتعبانه
حضرت الغدا تغدينا ونضفت البيت
للعصر اجت ام فراس تبارك الرند
ماخلصت الهوسه اله بليل كلش تعبت
ذهب...اليله السهر على جنان لان اني تعبت بعد مااكدر
نمت من وكت جاي فراس وسائل عني
امي...تعبت اليوم تركض والبارحة سهرانه ونامت
ثاني يوم رجع اجا فراس وامه مره ثانيه بس ماكعدت يمهم لان اشتغل
عمار رجع البيته بس جنان بقت عدنا
جمانه السعيدي
٣ ايام بقت عدنا جنان وراحت البيتها رجعت اني اسهر وياا رند
كل يوم فراس يجي بليل يشوف ابنه بس اني اغلب الوقت مااكعد يمه لان تجينا ناس علمود رند اشتغل كل الوقت
للسبعه ماقبلت رند ترجع البيتها طبعا وين تلكه خدمه خمس نجوم مثل هاي
وفراس رايح جاي وهي طلباته ماتخلص تكول بس هي حبلت وجابت
عفيه رجال شلون صابر عليه ماادري
١٥ يوم يله رجعت البيتها وامي صممت اروح وياها
واخذ ملابسي حتى اكعد يمها خاف ماتكدر
مع اني هي مثل الحصان كلشي مابيها ما تشكي من اي شي
تخيلو من تسمع ابنها يبجي بليل ماتكعد
معتمده عليه تدري اني سهرانه ويااا
الي مثل هاي حرام تصير ام
المهم وياا إلحاح امي قبلت لان امي خيرتني لو ترحين انتي وياها لو اروح اني
امي تعبانه عدها ضغط وسكر وابد مو حمل سهر وتعب
ورند خبيثه بس تروح وياها امي تتكل عليه
واني اخاف على امي
جمانه السعيدي
حضرت ملابسي وشغلات رند واجا فراس اخذنا البيتهم
اول ما وصلنا لكينا امه تنتضرنا خطيه محضره الاكل
ومنضفه البيت
بقت امه طول النهار عدنا اني وياها تعاونا على امير
اني كل شويه ارتب البيت وغسلت ملابس امير
حضرت العشى نصفت المطبخ
بليلته ام فراس بقت يمنا اني وياها حيل انسجمنا
وكعدنا نسولف ونضحك
كعدت تحجيلي على طبخاته وشلون تعلمت الطبخ
وعلمتني على كم اكله قديمات
اتفقنا اني وام فراس اني اسهر وياا امير بلبدايه
وبعدين اكعدها وانام
نامت المسكينه من وكت هي نامت بغرفه
ورند نامت بغرفتها واني اخذت امير كعدنا بلهول
خاف يبجي وتكعد ام فراس
اجا فراس من برا جايب فواكه وكرزات
فراس...هااا كاعده
ذهب..اي جبت امير هنا خاف يبجي وتكعد امك
فراس...امي توسلت بيها ترجع البيتها ماتقبل فرحانه بحفيدها الاول
ذهب...تعال اكعد يم امير خل اغسل الفواكه
فراس...لا انتي ارتاحي تعبناج ويانه اني اغسل الفواكه
دخل للمطبخ غسل الفواكه وقطعها خلاها بماعون
وجاب الكرزات بماعون ثاني
كام يبجي امير خليته بحضني
فراس.. هنياله امير عندا خاله حنينه مثلج
ذهب...اني من اول مره شفته حبيته وتعلقت بي
بس يكبر شويه أخذه منكم
وانتم جيبو طفل غيره
فراس...لا اني بعد مااريد اطفال من رند
ذهب...ليش
فراس...الصراحه مامرتاح وياها ما فاهمتني عقله بصوب
واني بصوب ثاني تصرفاته مايعجبني
لا تكولين تتعلم
لو تريد تتعلم من اول شهر تعلمت بس اني اتاكدت اي فائده ماكو منها مستحيل تتعدل
واني مااكدر اضيع عمري وياها الانسان يعيش مره وحده
واني مااريد العمر يضيع مني
من حقي احب وازوج وحدا تفهمني تقدرني
ارتاح وياها ليش اضيع عمري وياا رند
جمانه السعيدي
ذهب...وامير
فراس...شعلي امير تريد تاخذه واني اصرف علي
تربد تنطينيا واني اربي
كل يوم يمر عليه اتندم على هاي الزواجه
غرتني رند بشكله ومضهرها
ذهب... لا اضيع امير شنو ذنبه يضيع بينكم
فراس...ازوج واعوف البيت الرند وابنها ومااقصر وياهم
ذهب...مستحيل رند تقبل
فراس...ما يهمني رائيها اذا قبلت او ما قبلت اني من حقي اعيش حياتي وياا الانسانه الي احبها
ذهب...احجي الصدك انت تحب
فراس...اي احب وحده واموت عليه ومستعد اضحي بكلشي بس تصير اليه
ذهب...تدري ببك مزوج
فراس.. اي تدري
ذهب...وقابله تكمل وياك وانت مزوج
فراس.. هي ماتدري اني احبها اوفففف مو بس احبها
اموت عليها ومااريدها تضيع مني
عايش بقلق اخاف عليه واخاف افقدها
ذهب...زين صارحها كوله اني احبج واني مزوج تقبلين ترتبطين بيه وشوف ردت فعله
يمكن ماتقبل بيك على الاقل تبتعد عنها وتنتبه الزوجتك وابنك
فراس...اكيد اني ناوي اصارحها بهذا الموضوع بس منتضر الوقت المناسب
ذهب..ولو اني ضد هاي الفكره بس اذا انت ماتحب انسان
مستحيل تكمل وياا وخاصه بمشروع الزواج
حتى الدين يكول لا زواج بلاكراه
فراس...ادعيلي الله عليج ادعيلي حبيبتي تقبل تزوجني
ذهب...ترا زوجتك اختي
فراس...بس انتي اكثر وحده تعرف نوع العلاقه بيني وبين رند
ذهب...ولو رند اختي ومااقبل تزوج عليه
فراس...متقبلين ازوج عليه بس تقبلين اني اعيش تعيس وياها
ذهب...تريد الصراحه انت جان لازم تنفصل عنها من اول زواجكم من عرفت انت وياها ما متفقين
فراس.. غير طلعت حامل ولله لوما حامل جان طلكتها
ذهب...ولله شغلتك تحير واني مااكدر اشجعك
على الزواج مره ثانيه
جمانه السعيدي
فراس...ولله لو تعرفين حبيبتي جان عذرتيني
ذهب...فتحت عيوني ورفعت حواجبي ورسمت علامة تعجب على وجهي
رديت علي.... يعني اني اعرفها
فراس...عز المعرفه
ذهب...منو مجاي تجي شخصيه ابالي
فراس.. خليه مفاجئه
اروح اسبح لان حاره اليوم
ذهب...كول الله عليك لان الفضول يكتلني
فراس...انتي اول وحده راح تعرف هي منو
بس انتضري المفاجئه
ذهب...اخذ ملابسه ودخل للحمام واني بقيت افكر باترى منو هاي الي اني اعرفها وهو يحبها
غمضت عيوني حتى اركز ورجعت راسي ورا على القنفه
ما عرفت منو
من كد ما تعبانه غفيت وامير بصفي
فراس...طلعت من الحمام لكيتها نايمه مثل الملاك
بقيت اباوع عليه
كلت بكلبي لو هي هسه زوجتي وهذا ابنا جان كل المشاكل انحلت
ماتعرف اني شكد احبها اي اني احبها ومتعلق بيها
لو اعرف اخسر كلشي املكه
وتصير ذهب من نصيبي ماعندي مانع
اعذريني ذهب جذبت عليج بخصوص امجد
مااكدر اتخيل واحد غيري ياخذج
شسوي للقدر الي خلاج بطريقي لو بس رند مو بت اختج
لو غريبه جان طلكته من الصبح واخذتج
بس اني مصمم تكونين من نصيبي
انتي حبي الاول والاخير
فراس.. قربت عليه اكثر ياربي شكد بسيطه
تراك بسيط والشعر مضفور بس بعيني ملكة جمال
ولا وحده بجمالها
ورند حايره شمسويه بخلقته بس روحي ماتريدها
اتمنى اخليج بحضني وانام
هم يجي يوم ننجمع اني وياج بمكان واحد
ومكتوب بقسيمة الزواج اسم الزوجه ذهب
الله راح يكون اسعد يوم بحياتي
قربت عليه اكثر
فراس...ذهب ذهب حبيبتي اكعدي روحي نامي جوا واني ابقى وياا امير
ذهب...بين غافيه وبين اسمع اسمي فتحت عيني بلكوه
شفت فراس مدنك عليه ويحاول يكعدني
ذهب...هاا اني غفيت
فراس...روحي نامي جوا واني ابقى وياا امير
ذهب...لا كعدت روح انت نام وراك الصبح شغل
اني شويه واكعد خاله واروح انام
فراس...موجاي اكلج اني كاعد صدقه الهلوجه الحلو
روحي نامي
ذهب...لا راح اغسل وجهي حتى اصحصح
وكفت لان نعسانه اجيت اوكع
راسا لزمني فراس
فراس...شوفي شلون نعسانه جاي نعذبج ويانه
ذهب...لا هنا كم يوم ورند تنتبه الابنها
دخلت للمطبخ غسلت وجهي ورجعت كعدت يم امير
راسا كام يبجي شاله فراس
واني حضرت المميه وأخذته منه حتى يرضع
شويه واذن اذان الفجر راح فراس كعد امه حتى اصلي
طلعت ام فراس من الغرفه
ام فراس...ياعيوني كاعده الهسه
ذهب.. عادي
ام فراس ...تعبانج خاله حبيبتي خل اصلي واني أخذه منج وروحي نامي
فراس....يمه فدوه ادعيلي الله يحققلي الي ابالي
يكولون دعاء الام مستجاب
بس ادعيلي من كل كلبج
امي...صار تدلل اني ادعيلك
