رواية قصة ذهب الفصل الحادي عشر بقلم جمانه السعيدي
#قصة_ذهب
#البارت_الحادي_عشر
#جمانه_السعيدي
ذهب...بقيت اربع ايام يم رند ورجعت للبيت اربد احضر نفسي الاسبوع جاي دوام
طبعا ست رند ما قبلت تكول مااكدر وحدي
ابقي ساعديني على امير
ذهب...تعبت من السهر والشغل اريد اروح ارتاح
رجعت للبيت ولكيت رند متصله على امي
امي...هااا رجعتي يمه لو باقيه يم اختج بعد يومين
ذهب...كافي تعبت اليل كله سهرانه وياا ابنها وبلنهار انضف واطبخ خليه تعتمد على نفسها ازغر منها ويديرن بيوت
امي...منا لمن يبدي الدوام
ذهب...مااروح بعني مااروح ولله تعبانه جسمي كله يوجعني
اريد ارتاح
بيومها امي راحت الرند
وسمعت ام فراس هم راجعه رايحه يمها
طبعا ام فراس ابد ماعاجبتها رند وتصرفاته بس ساكته
تستحي من امي
لمحتلي كم مره على رند اتكاليه والبيت هوسه
بس اني طلعت الف عذر الرند
شسوي ابتليت برند
اجيت احجي الامي عن مشروع فراس بلزواج من ثانيه بس خفت تصير مشكله
وفراس يضوج مني لان هذا الكلام كان سر بينا اني ويااا
ومادام هو أمني على هذا السر لازم احفظه
واني اعرف كلش زين حتلو حذرت رند مراح تسوي شي
راح تعتقد اني اجذب عليه حتى تهتم بيتها واني اخلص من المسؤليه
قررت اسكت ومااحجي شي ابد
خليها لمن فراس يخطب ويفجر الموقف
حتى رند تنتبه النفسها اكثر هي رند يرادلها هيج شي
حتى تعرف هاي الحياة المرفها
الي هي عايشه بيها ممكن اضيع منها بسبب اهماله
جمانه السعيدي
امي بين يوم ويوم تروح عليها تكول تبجي من ابنها
لان تكعد بليل علموده
وبيتها هوسه وفراس زعلان منها ويحجي عليها
ملابسه وصخه والبيت هوسه
ذهب... مالي شغل كافي تعبت منها
خدمتها بما فيه الكفايه
اتصل عليه فراس
فراس....ذهب ليش ماتجين موراح يطير عقلي من رند
ولج البيت مايندخل وحجته ابني مايخليني انام
ادري هي اول وحده اجيب اخر وحده
ذهب...جاي احضر للكليه مااكدر اجي
فراس...اذا قتلتها انتي المسؤله
ذهب...زين انت ساعدها بالتنضيف خطيه ما تنام بليل
فراس...مو انتي جنتي اسهرين وياا امير والبيت نضيف والطبخ جاهز
شنو انتي بيش تختلفين عنها
ترا نفسيتي ادمرت مااكدر بعد اكثر
ذهب...اني راح احجي وياها
اتصلت عليه ماترد ورا ساعه ماترد ورا ساعتين ردت عليه
رند...هااا شكو تتصلين اريد انام
ذهب...نامت عليج الكاع كومي البيتج ولج فراس يشكي منج كومي نضفي بيتج
رند...اوي هنياله تعبانه خل هو ينضف
ذهب...غبيه راح اضيعين الرجال من ايدج كومي ولله حقه يحجي عليج انتي ماتستاهلين واحد مثله
رند....هااا انتي ويااا زين هاج هذا الخبر بلباكيت
البارحه سمعت ام فراس تحجي وياا وتكول اريد اخطب ذهب المصطفى مصطفى حماي
تكول كلش عاجبتني نادره وحلوه
وفراس كلب الدنيا عليه حتى صينية الجاي كلبه
يكله ممنوع اسمعج تحجين بهذا الموضوع مره ثانيه
اني شحصلت من رند وانتي جاي تردين تخطبين ذهب
اذا سمعتج تحجين بهذا الموضوع مره ثانيه
بعد ما تشوفين وجهي
شوفي شلون يحجي عليج وانتي ادافعين عنه
جمانه السعيدي
ذهب...بسببج شوهتي سمعتنا الله لا يرضا عليج
اني ماكاتله نفسي على مصطفي ومااريد ازوج
بس انتي بيتج راح يضيع منج
وخل اكلج شي اخير
ترا فراس يريد يزوج ويعوفج وساعته عود اكعدي تبجين
رند...ما يسويها بس حجي هو هيج يهدد من يوم اخذني لليوم ووين يلكه وحده مثلي حلوه و زغيره وجابتله ولد
ذهب..قحط ماكو نسوان .اي ابقي بهذا عقلج الماي جاي يمشي من جواج وانتي ماتدرين
كومي البيتج نضفي ورتبي وعدلي نفسج واني راح اطبخلكم اكل بس كومي الخاطر الله
حركي نفسج شويه
رند...دروحي خل اشبع نوم وبعدين عود
ذهب...ولج انتي شنو من بشر
رند...اذا عاجبه خل هو ينضف يعني اني عليه امير
وهو والبيت شنو اني حديد
جمانه السعيدي
ذهب...ولله اذا اجيتي تبجين وتنوحين اني بنعال زين
اموتج
رند...ذهب عفيه تعاي بس اليوم نضفي البيت اني تعبانه
ذهب...ابد ابد مراح اجي بيتكم بعد الولد كرهنا كلنا بسببج
سديت التليفون بس ضجت من كلام فراس ليش يحجي عليه اني يقارني برند
عود صديقي
لليل اتصل فراس مارديت علي
اتصل اكثر من مره ومارديت علي
فراس...هلو ذهب ليش ماتردين
....يمعوده ردي الخاطر الله
اتصل عليه رديت
ذهب.. .شكو خير نعم
فراس....نعم الله عليج ليش ضايجه
ذهب...ليش تحجي عليه
فراس.. اني احجي عليج يمتى حجيت عليج
ذهب...شوف نفسك اذكر
فراس...مجاي اذكر ذكريني
ذهب....هااا نسيت
فراس.. اني احجي على الكره الارضيه كله وانتي لا
ذهب.. يمه يمه فقير
فراس...احجي واني اجي هسه اصالحج
ذهب...ليش تحجي عليه كدام امك اني مو صديقتك
ليش تكول اني شحصلت من رند النوب ذهب
اني ماعاتبه عليكم تخطبوني
ومااريد ازوج اريد اكمل دراستي
عيب تحجي عليه بضهري اني ادافع عنك طول الوقت واحجي وارزل برند
وانت تحجي عليه بعد اعتبر كلشي بينا انتهى
واحنا مو أصدقاء منا وهيج
جمانه السعيدي
فراس...هاي رند حجتلج مو
ذهب.. المهم اني زعلانه منك
فراس...اني عندي موضوع كلش مهم ولازم اشوفج واحجيلج كلشي
ذهب...لا تحجيلي ولا احجيلك كلشي انتهى
فراس...ولله اذا اليوم ماشفتج ياذهب وحجيت كلشي الي اريدا راح تصير مشكله جبيره
وانتي اهم طرف بيها
ذهب...انت ليش أدخلني بمشاكلكم اني شنو علاقتي
فراس.. انتي اكثر وحده تفهميني لازم اشوفج اليوم
ولله اتصير مشكله ماتنحل ابد
ذهب...واني شنو علاقتي تريد اطلك رند طلكه
انت اصلا ناوي من زمان تنفصل عنها
فراس....اخر مره اريد احجيلج منو الانسانه الي اني احبها
وراح ارتبط بيها
ذهب...روح ازوج انت تريد تزوج من زمان
اني لا راح أقدم ولا ااخر
فراس...اخر مره الخاطر كلشي بينا
الخاطر رند اذا تحبيها صدك
جمانه السعيدي
ذهب...اخر مره بعد ماادخل بكلشي
فراس...اخر مره
ذهب...العصر تعال واروح وياك
رحت الامي
ذهب...اكو مشكله بين رند وفراس جاي يشكي منها
ويريدني احل هاي المشكله
امي... فراس يحترمج كليله على كيفك وياها توها جايبه
وبعدها زغيره انت هم ساعدها بلبيت
ذهب...ولله بتج ما تنجرع الله يساعدا شلون جارعها
للعصر بدلت اجا فراس رمشلي
طلعت لكيته واكف بلباب
صعدت وياا وطلعنا
وصلنا كافي بس مكان كلش هادء ومابي هواي ناس
فراس.... عندي موضوع كلش مهم واريد تحجي بي وياج
ذهب...اسمعك
فراس.. اني حجيتلج اني احب وحده وناوي اتقدملها
ذهب....اي
فراس...وكتلج هاي البنيه انتي تعرفينها حق المعرفه
ذهب..تمام بس كبل لا تكمل
ليش ماتحاول مره اخيره وياا رند
فراس.. انتي اكثر وحده تعرفين رند مستحيل تسمع كلامي
وتحاول تتغير امج السبب الرئيسي بضياع رند
علمته على الاتكال وعدم تحمل المسؤليه
وهاي النتيجه رند حياتها ضايعه بين النوم والطلعات
ماتحب تعتمد على نفسها
ذهب...اي امي هلكد ماتحبها ضيعته
فراس...اني قررت افاتح البنيه الي احبها واطلب ايدها
جمانه السعيدي
ذهب...ما تهون عليه رند
فراس...اني لازم انهي هذا الموضوع لان حيل تعبني
تعبني بشكل بعد مااكدر
اريد اخلي النقط على الحروف وابدي بداية صحيحه
اني احبج ذهب اي اني احبج
وسبب رفضي امي تخطبج الاخوي هو حبي اللج
اني مااتخيل واحد غير ي بكون وياج
حتى امجد اني شوهت سمعته كدام ابوج حتى مااتم هاي الزواجه
اني احبج ذهب متعلق بيج كل هاي الفتره صابرومتحمل رند بس لان انتي موجوده بحياتنا
اذا يوم مااشوفج وما اسمع صوتج اتخبل
ابقى اضغط على رند حتى تضغط على خالتي وانتي تجين
البيتنا واشوفج لا تلوميني
مااعرف شلون حبيتج
بس الي اعرفه اني احبج اني اموت عليج
هذاالحب موحرام ولا عيب ولا غلط اني يصير ارتبط
بيج حتى بوجود رند لان مو حرام الجمع بين
البنيه وخالته واذا ماتردين رند بحياتنا اطلكه
بس انتي وافقي
ذهب....احس نفسي جمدت هذا شكاعد يحجي
شنو احبج شنو يجمع بيني وبين رند
فراس...اعرف تفاجئتي بس اني بعد مااكدر أضم مشاعري اكثر اني احبج ذهب
جمانه السعيدي
ذهب...اس اس لا تحجي انت تخبلت اكيد تخبلت
انت شكاعد تحجي
انت واعي الكلامك اني وياك مستحيل
شلون فكرت اني وياك ممكن نكون البعض اني اخون رند
من سابع المستحيلات
انت جاي تحلم اكيد لو تبقى اخر واحد بلدنيا مااخذك
شلون فكرت هيج
شلون سمحت النفسك تخليني بهيج موقف صعب
هذا الكلام هنا وانتهى خلاص
بعد لا تفكر بي مجرد تفكيرهم
ذهب.. اخذت جنطتي وطلعت امشي سربع
فراس...لحكته لحظه لحظه ذهب خل احجي وياج
لزمته من زندها
ذهب...لحكني لزمني من زندي عوفني عوفني انت ماحافظت على الامانه علاقتي بيك كانت علاقة اخوه
وانت جنت تستغل هاي العلاقه
عوفني وبعد مااريد اشوف وجهك مره ثانيه فهمت لو لا
عفته ومشيت سريع
فراس...اوصلج اوصلج للبيت
ذهب...كلشي مااريد منك عوفني اشرت التكسي
وكفت صعدت وهو بقه وتكف بمكانه
احس حراره بجسمي تطلع من راسي كل هذا الوقت
يلح عليه حتى اروح بيتهم وهو اكو نيه بكلبه
استغفر الله ربي
شلون فكر مجرد تفكير بهاي الشغله
شلون اني افكر اخذ زوج اختي شنو من عقل عنده
وصلت للبيت ارجف كلني كوه امشي
اديه يرجفن من العصبيه
امي...هااا ماما رجعتي
ذهب...مااسمع امي عقلي يوش راح اتخبل الي سمعته مو شويه
امي...هااا شبيج ذهب
ذهب...مشيت بسرعه مابيه شي دخلت غرفتي
تمددت على وجهي وكمت ابجي
اذا امي عرفت لو رند لو بابا شراح بكولون عني
اكيد يكولون هي تعرف وقابله بهذا الوضع
مستحيل واحد منهم يعذرني
اجت امي وراي للغرفه
امي...شبيج حبيتي شصاير
ذهب..مسحت دموعي كعدت ماكو شي
امي...تبجين ليش تبجين صاير شي
ذهب...لا ماكو شي
امي...وجهج احمر وشكلج تعبانه
ذهب...صدكيني ماكو شي بس تعاركت وياا فراس علمود رند وصرت عصبيه
امي...ليش تعاركتي وياا خاف يشد وياها اكثر
ذهب...ما تحملت يحجي عليه تعاركت ويااا
امي.. الله يهديهم انشاء الله
طلعت امي واني رجعت ابجي مصدومه من كلام فراس
مصدومه من موقفه
معقوله هاي الفتره كله هو يتصرف وياي هاي التصرفات واني ماحسيت بي
شنو احس بي هاي الفكره حتى على الشيطان ماتخطر
اني غبيه كنت اتعامل وياا بحسن نيه
اني شمدريني هو هيج يفكر
اني ما مخليه بحسابات هيج قصه
ياربي ساعدني اني بموقف صعب
