رواية قصة ذهب الفصل الثاني عشر بقلم جمانه السعيدي
قصة ذهب
البارت الثاني عشر
جمانه السعيدي
ذهب...بقيت كاعده بغرفتي مجاي اتخيل كلام فراس
اني شلون ما انتبهت التصرفاته
على نيتي كنت أتوقع حاسبني مثل اخته
ابد ما توقعت هو هيج يتصرف وياي وعندا نيه بكلبه عليه
كنت اكول يرتاحلي بلكلام
اجت امي
امي..تعاي تعشي اني حضرت العشى لان شفتج ضايجه
لا اضوجين حبيبتي احنا العلينا نسوي
وبعد الباقي على رب العالمين
ذهب...مااريد اكل مو جوعانه مااشتهي
امي...ليش حبيبتي اني اعرف جاي اضغط عليج علمود رند
لان متاكده انتي كد المسوليه ومستحيل تتخلين عن اختج
ولله ياأمي اني ابتليت بلوه
من جانت زغيره دللته لان امها عافتها ماتوقعت راح تبقى نفس طبعه هذا كلت تكبر وتتغير
ومن ازوجت كلت هسه تحس للمسوليه
ونفس الشي ماحبيت بيتها يخرب كلت نساعدها الحد ما ينصلح حالها بس ابو طبع مايغيرطبعه ابد
الحمد لله على كل حال
ذهب...دلالج دمرها ضيعها وهي ضيعت حياتها كلها
امي...ولله ندمانه بس بعد الحجي مايفيد
جمانه السعيدي
ذهب...احسبي حسابج اني بعد بيت رند ابد مااروح
لو كلشي يصير بيت رند مااروح
امي...بكيفج حبيبتى يله تعاي نتعشى
ذهب...مااريد مااكدر اكل اريد انام تعبانه وراسي يوجعني
امي...براحتج
ذهب...من كد ماحاسه بلقهر والتعب تعب نفسي اكثر من جسدي اخذت حبايه منوم ونمت
اريد انسى كل الكلام الي سمعته من فراس
بلكت اكعد والكا حلم مو حقيقه
ثاني بوم كعدت اشتغل بدون واهس
مصدومه من كلام فراس شلون يكول اطلك رند واخذج
شلون خطر اباله اني ممكن اقبل بخراب بيت اختي
وليش أخذه شنو قحط زلم
للعصر واني اسحل بروحي سحل احس نفسي مريضه
مااعرف شنو يوجعني روحي لو جسمي
راسا باب بيتنا اتكسر تكسير
فتحت الباب لكيته رند شايله ابنها وجنطة ملابس بايدها
ذهب...خير شكووو
رند...شكو الحكو عليه فراس يريد يزوج فراس طردني
يكول مااريدج يريد يزوج
شايفله وحده ويكول راح ازوجها
تحجي بصوت عالي وانفعالي امير من سمع صوته خاف وكام يبجي
ذهب...اخذته من ايدها حتى يسكت الولد كمز من سمعها تعيط بصوت عالي
رند...الحكو عليه مااعرف يابت حرام ضاحكه علي
يكول اني احب وحده واريد ازوجه
اني مااكدر اعيش وياج بعد مااكدر اتحمل اكثر
روحي بيت اهلج واني ادزلج مصرف منا لمن نكمل إجراءات الطلاك
جمانه السعيدي
امي...الله يستر ليش هيج انت متاكده يحب وحده غيرج خاف بس كلام حتى يخوفج
رند... هو يكول اني احب وحده واريد ازوجها وانتي بعد مااريدج روحي البيت اهلج
لو بس الزمها هاي بت الحرام ما لكت اله فراس
مزوج وعندا طفل الله واكبر لا يستحن ولا يخافن
هسه دبروني شسوي شلون بيه
امي....اي يايمه الف مره كتلج انتبهي البيتج والزوجج
رند...شسويله قايل اطير هذا الي اكدر علي
ذهب...بقيت ساكته اباوع عليه وساكته بغض النظر هو يحبني لو لا رند ما تنحمل ماعدها اي نوع من أنواع الاحساس بلمسوليه تريد خدم وحشم وتتامر
لو فراس اخوي ورند زوجته جان اني شجعته يطلكه
هسه جايه تريد حل الف مره نصحنا وعلمنا ومايفيد هسه من وكعت الفأس بلراس تريد حل
هذا الشي متوقع من فراس
ولد شاب ماناقصه شي أموره الماديه زينه
ليش يعيش وياا وحده مثل رند
امي... ابوج يتصل علي ويفتهم منه اكعدي ارتاحي
يمه ذهب خلي امير بلغرفه وتعاي حضري العشى
رند. .اني حاسته متغير هاي الفتره اي طبعا صايغ ليش النسوان تعوفه بحاله
وهو ماصدك اخ اخ يابويه كون اعرفها اله اموتها تموت
ذهب...بقيت ساكته اني بموقف انحسد علي
اختي راح تطلك واكيد محد راح يكول مهمله بيتها
راح يذبون الصوج بيه اذا عرفو الحقيقه
الله يعيني على هاي المصيبه
كون فراس مايحجي ويجيبني بلطاري
بس يجيب اسمي الكل راح يكول ذهب السبب ضلت تروحلهم للبيت لمن فرت عقله وخلته يحبها
تريد تخرب حياة اختها وتأخذ رجلها
اكيد غيرانه من اختها وتربد تاخذ رجلها
استغفر الله هاي وين جانتلي
جمانه السعيدي
لليل لا اتصل فراس ولا اجا
ثاني يوم هم سكته ورند كاعده تدعي على الي خربت بيتها ليل نهار
بس ابد ماراجعت نفسها وكالت اني غلطانه
لا هي مو غلطانه هو الي غلطان لان فكر يزوج عليها
اليوم الثاني ماكو ثالث يوم ماكووو
رند...اكلج ذهب
ذهب...شكووو
رند...اتصل علي اني اعتذر منه واحجي وياا بلكت يرجعني
ذهب...انتي تردين ترجعين
رند...اي لعد شلون شعندي باقيه هنا
ذهب...وتغيرين حياتج كلها
رند...شلون يعني
ذهب...انتي من اجيتي الهسه تحجين على فراس بس بلحقيقه انتي الغلطانه مو هو
رند...لا بله شنو اني الغلطانه
ذهب...اي مهمله بيتج مهمله بزوجج لا عندج اسلوب حلو
كلمه والثانيه وكمزتي علي
حتى اسلوب حلو ماعندج بلتعامل
هسه ماتكدرين تنضفين خلي كلامج حلو وناعم ويااا
اني من جنت انضف بلبيت هو يساعدني
يغسل وياي مواعين ويمسح الارضيه
هو لو داخل ولا كيج تنضفين جان هو يساعدج بلبيت
بس هو يدخل يطلع انتي لو نايمه لو لازمه التليفون تحجين
وما تهتمين بي من يدخل للبيت
ترا الزواج مو هيج هو مايشتغل عندج يجيب ويخلي بحلكج وانت حتى ماتكلفين نفسج تحجين وياا كلمه حلوه
رند..اي غير تعبانه
ذهب...من شنو تعبانه مايصير انتي كل النهار تعبانه
رند...هلمره اذا رجعني اتغير
ذهب...الله بهديج
رند ...شنو رائيج اتصل اعتذر منه بلكت يرجعني
ذهب..ليش لا الله يصلح حالكم
رند...راح اتصل
جمانه السعيدي
بقت رند تتصل وهو مايجاوب بعدين حضر رقمها
رند...ياا حضرني شوفي مو اكلج هاي بت الزمال ماخذه عقله طبعا مايرد عليه
اكيد هسه ملتهي يحجي وياها رند وابنه بيش كيلو
اكلج ذهب ايجوز جايبها بيتي اكيد البيت بقى فارغ
وهسه جابها بيتي
اني شكد غبيه ليش طلعت من البيت
عبالي من اطلع يجي وراي يركض حتى يصالحني
اني ليش عفت بيتي ايجوز يزوجها بي واني كلشي مااحصل
ذهب...شكد نصحتج ومافاد هسه خوش كاعده على نار
رند...لا تعيدين بلكلام وزيدين الي بيه مكفيني ترا
ذهب...روحي خل بابا يتصل علي بلكت يرجعج
رند...اي معقوله
رند...بابا اتصل على فراس بلكت يستحي منك ويرجعني
بس احجي علي ليش يريد يزوج ويعوفني
بابا...جيلي تليفوني
اتصل اول مره بابا ومارد علي ثاني مره ماكو ثالث مره
جمانه السعيدي
فراس...اهلا عمي شلونك
بابا...هله وليدي انت شلونك
فراس...الحمد لله
بابا...شو مااجيت تشوف امير
فراس...عمي من رخصتك اني ورند بعد مانعيش سوا
اني مااكدر اتحمله بعد
وامير اني مراح اقصر وياا ابد
اني اريد اعيش حياتي صار سنه من ازوجت رند
حياتي حجيم وماتطاق
خوما اخلص عمري قهر وتعب
على شنو هي بيتكم واني ادزلها مصرف واني اريد اعيش حياتي
قراري اجا متأخر كان المفروض من اول شهر ننفصل اني وياها
بس صبرت عليه كلت ايجوز تتغير
بس كل يوم اسوء من اليوم الي قبله
بابا...مو هيج الحجي شلون تقبل امير يعيش بعيد عنك
واذا رند غلطت سبحان الي مايغلط
اكيد هي راح تصلح غلطته
سامحها هلمره ورجعها وإنشاء الله راح تشوف وحده ثانيه
فراس...اني شبعت من هذا الكلام وبعد مااصدك بي
اعذرني اني راح ادزلها ورقة طلاكها
كل واحد يعيش مثل ما يريد ويحب اني مامستعد اضيع عمري وياا رند مستحيل واحد يكدر يتحملها
ذهب...ماقبل فراس يرجعها وهي بعد شويه وتتخبل
تريد تعرف منو هاي الي يريد فراس يطلكها علمودها
اجت اباله خطه تراقب فراس حتى تعرف منو هاي الي يحبها فراس حتى تنتقم منها
جمانه السعيدي
اسبوع كامل تطلع من البيت وتبقي امير يمي تراقب فراس تريد تعرف وين يروح ووين يجي بلكت يلتقي بحبيبته
وتكشفها منو تريد تتعارك وياها
شكد غبيه الخاطر الله هاي المشكله محتاجه حل من الجذور تغير شامل بكل حياته
وهي بمكان ما تغير من طبعها شاطره اذب الصوج على فراس وعلى الي يحبها
تريد تشوفها وتتعارك وياها حتى هاي البنيه تعوف فراس وفراس يرجع الها
ذهب...اني مالي شغل ومستحيل ادخل بينهم
مااريد مشاكل وياا اهلي بسبب فراس
رجعت رند
رند...ياربي راح اتخبل يطلع من البيت المحل الصياغه
يبقى كاعد بي منا لمن ينتهي دوامهم ويرجع للبيت
لا يروح هيج ولا هيج
ذهب...الله يهديج
رند...شلون اعرفها منو ابد ما يلتقي بيها شلون اعرفها
ولله اذا الزمها محد يخلصها مني
ام الزلم تركض ورا واحد مزوج تلكيها تعرف عشره
غيره وهو الاثول مصدك بيها
تعبت رند وماعرفت منو الحبيبه السريه الفراس
شهر كامل وهو ابد ماسئل عنها
قررت تروحله مكان عمله تعتذر منه بلكت يرجعها
هلمره اخذت امير وياها حتى اتأثر علي
ساعه وهي تبدل وتتمكيج وسبحت بلعطر
متوقعه من تسوي هيج تغري ماتعرف هو شاف حقيقته
وبعد ماتغرا المضاهر ابد
وصلت المكان عمله بس شافها عمها وكف
..هله بيتي تعاي استريحي اخذ امير باسه ورجعه الها
فراس...شعندج جايه
رند...جبتلك امير تشوفه ما اشتاقيتله
فراس.. اخذي ابنج وروحي لا تخليني اسويلج مشكله بنص السوك فهمتي لو لا
رند...اني ماتريدني بس امير شنو ذنبه
فراس...ذنبه انتي امه امه وحده غبيه عجوزيه
انتي بعد ما تفيدني اخذي ابنج وروحي للبيت
وبعد مااريد اشوف وجهج هنا فهمتي لو لا
اذا مره ثانيه اجيتي هنا اكسر رجليج
سمعتي لو لا
دفعها وطلعها برا حست بلاحراج لان الكل بقى يبا ع عليه
رجعت للبيت تبجي
ابو فراس...ليش بابا ماترحع زوجتك
فراس.. مااريدها ما تفيدني
ابو فراس...انطيعا فرصه
فراس.. مابقي بلعمر فرص رند مستحيل تتغير
واني من حقي اعيش حياتي
رجعت للبيت تبجي بس وصلت وشفته عرفت فراس
ما قبل اعتذارها
رند...طردني ودفعني كدام العمال مخبلته اي مخبلته
هاي بت الكلب
اكيد ساحرتله مايريد يشوفني بعيونه ابد
