رواية قصة ذهب الفصل الثالث عشر بقلم جمانه السعيدي
قصة ذهب
البارت الثالث عشر
جمانه السعيدي
ذهب كان هم رند الوحيد تعرف منو هاي الي يحبها
فراس
راح تتخبل شلون فات شهر كامل وهو مااجا صالحه
ولا معترف بيها صح يدزلها مصرف
بس حتى ابنه مااجا شافه
المفروض اذا انسانه عاقله تكعد تراجع نفسها وتشوف شنو المشكله تراجع تصرفاته
وتحدد الخطء وتعالجه واذا كانت غلطانه تعترف بغلطها
بس رند الحد هاي اللحظه
متمسكه برائيها البنيه الي بحبها فراس مسويتله سحر
حتى يحبها
وهي الي خلته تغير على رند وحتى مايسئل عن ابنه
وهي لازم تعرف هاي البنيه وتفضحها فضيحه
حتى تعوف فراس
هيج رند جاي ازيد الأمور تعقيد اكثر واكثر
مجاي تحله
جمانه السعيدي
ذهب...اني الصراحه تعبت منها ومااريد ادخل بهذا الموضوع ابد لامن قريب ولا من بعيد
اصلا ادعي ليل نهار اهلي مايعرفون اني طرف بهذا الموضوع
حتلو رند تطلك مالي شغل ولا ادخل
بلحقيفه مو اني السبب بهذا الطلاك
تصرفاته الغبيه هي الي ضيعت فراس من ايدها
هي لو ماليه عينه مستحيل يباوع الوحده غيرها
بس من لكه عدها نقص بدا يدور على بديل ماكان كدامه غيري خصوصا اني اغلب الوقت بيتهم
وكل صفاتي عكس صفات رند بلضبط
يا سبحان الله اني وياها عبالك موجب وسالب
قررت تتصل باخو فراس مصطفى وتحاول تعرف منوهاي البنيه
بس كلشي ما حصلت لاحق ولا باطل هو فعلا مصطفى
كلشي مايعرف عن هاي الشغله
قصة حب فراس الجديده محد يعرف عنها شي غيري واني ويااا هو من شاف ردت فعلي ابتعد عني
جمانه السعيدي
بدا الدوام صار ٢٠ يوم تقريبا
طلعت من الكليه لكيته منتضرني صار شهر من آخر مره شفته بيها وحجينا سوا
سويت نفسي ماشفته
اجا عليه يمشي بسرعه
فراس....ذهب ذهب دقيقه احجي وياج
ذهب...اي كلام ماكو بينا واذا قربت عليه اعيط واخلي الناس تجمع عليك
مع الأسف عرفتك على حقيقتك
فراس...عيطي مايهمني اني ماسويت شي غلط
زوجتي مااحبه واريد انفصل عنها
وعترفت للبنيه الي احبها بحقيقة مشاعري اتجاها
وين الغلط بلموضوع
انتي ماتكدرين تتقبلين هيج موضوع بكيفج
ذهب...مااريد اشوف وجهك مره ثانيه
فراس...بس اني اربد اشوفج وراح ابقى احبج
ذهب...انت ماعندك احساس ماعندك كرامه
فراس...احبج وراح ابقى احبج وانتضرج العمر كله
ذهب...زوجتك وابنك شنو ذنبهم
فراس..ابني ماله ذنب غير رند امه ورند هي المذنبه الحقيقيه بهاي القصه
هملت بيتها وزوجها وانتي الي تقدمتي حتى تسدين النقص
شوفي اي انسان يشوف شي حلو كدامه لازم يحبه
هاي مشاعر مايكدر يتحكم بيها
وانتي كنتي أجمل شي شفته وماكدرت اسيطر على مشاعري ومااحبج
لا تكعدين تلوميني ولا تلومين نفسج
ذهب...مشيت عنه اني ارفض هذا الحب لو تبقى اخر واحد مراح احبك فهمت لولا
نشيت وهو بقى واكف بمكانه
جمانه السعيدي
صعدت بلخط ومشيت شكد ضجت هذا باي عين جاي وراي اختي تريد تموت بلبيت حتى ترجع البيتها
وهو جاي يعرض عليه حبه
شكد بطران لو يبقى اخر واحد مستحيل اقبل بي
رجعت للبيت كلش ضايجه حتى ما تغديت
اجيت اريد انام
دخلت رند يمي
رند...ذهب اريد اعوف امير عندج نريد نروح اني وامي بشغله
ذهب...اريد انام تعبانه
رند...ما نتأخر عليج
ذهب...ووين ترحون
رند...اكو وحده تاخذ خيره اريد اروح اكشف عدها
بلكت تعرف منو هاي الي يحبها فراس
ذهب...شكد غبيه انتي شنو هاي الشغله التعبانه
رند...ولج صار اكثر من شهر وهو ماله شغل بينا اني وامير
اكيد ساحرته
ووين اكو واحد يعوف ابنه هاي الفتره كله
لا والنوب الطفل الاول
اكيد هاي ساحرته وساطرته سطر
ذهب...روحي هي كوه انتي غبيه
طلعت رند اني لعبت شويه وياا امير صايرات عندا خدود
ويضحك بس واحد يحجي ويااا فدوه يخبل
خليت التليفون بصفي
نمت وهو نام يمي ساعه ونص تقريبا ورجعت
امير كام يبجي
صحت عليه واني ممده
ذهب...رند رند تعاي اخذي امير اريد انام تعبانه
دخلت للغرفه تاخذ امير
راسا اجت رساله التليفوني
رند اجت عينها على النليفون طلع اسم فراس بلشاشه
كاتب حبيبتي ممكن تسمعيني
جانت تريد تشيل ابنها
راسا عافت امير رغم هو يبجي
وشالت تليفون هي تعرف الرمز راسا فتحته
فراس...حبيبتي ممكن تسمعيني اني احبج من زمان
لا تعتقدين انتي سبب الطلاك
اني كنت ناوي اطلك رند من زمان بس منتضر اجيب بلاول
لان الحامل مايصير تطلك
ذهب...أمير يبجي فتحت عيوني اريد اشوف ليش يبجي
اني سمعت رند دخلت للغرفه
ليش ما شالته
شفت تليفوني بايدها وكاعده تقرا تحرك الشاشه وتقرا
بهاي الاثناء اجت رساله ثانيه للتليفون
فراس...راح ابقى انتضرج العمر كله انتي ليش ما تفتهمين اني احبج ولله احبج
وماحلت وحده غيرج بعيني
مازعلت من كلامج اليوم بلكليه اعرف انتي زعلانه مني
بس كلبج هذا الطيب هو الي خلاني اتعلق بيج
ذهب.. استغربت هي شكاعد تقرا بتليفوني
اني ماعندي شي اخاف منه
بس ليش هي هلكد مركزه
صعدت بلمحادثات كله الي بيني وبين فراس
حتى من حان يسئل عني بايام الامتحانات
وشلون يتصل كل يوم يطمن عليه
وكم مره من طلعنا اني وياا لمن يراسلني ويكول راح اجي اخذج حضري نفسج
الموضوع كله مااستغرق ٤ دقايق بس امير فرفح من البجي
كتدت على حيلي وشلت امير
ذهب...ابنج يجي ليش ماتشيلينه
وهي راسا عاطت شلون ميت واحد بلبيت
هيج كامت تعيط عياط مستمر
امي اجت تركض توقعت امير صار بي شي
اني شلت امير وطلعت من الغرفه وراها اريد افتهم شكووو
لان هي تعيط وتركض بعدا تليفوني بايدها
مستمره تعيط طلعت من الغرفه تعيط
جمانه السعيدي
امي...الله يستر شبيج
رند...الحكي عليه الحكي عليه تعرفين من حبيبت
فراس بتج بتج ذهب بتج الي ماكو بااخلاقها
بتج جانت تجي البيتي حتى تغري رجلي وتخلي يحبها
تعاي شوفي يروحله للكليه
جاي يتوسل بيها ويكول احبج اموت عليج
بتج خاله عينها على رجلي
بتج تريد تهدم بيتي
يبوووي يبووووي ياناس ياعالم الحكو عليه
اختي خربت بيتي اختي جانت تجي البيتي حتى تاخذ رجلي
يبوووي يبوووي
امي...اسكتي اس شنو هذا الكلام الي جاي تحجي اخجلي عيب هاي اختج
ذهب...بحضني امير يبجي كامن دموعي ينزلن منا ومنا
موقف صعب
لو شما احجي محد راح يصدكني
كلشي صار ضدي
شمرت التليفون من ايدها ورجعت عليه لزمتني من كصيبتي وتريد تسلحني
ابنها بحضني مااكدر ادافع عن نفسي لان اخاف على امير
سحلتني من شعري تكرمون نزعت النعال وكامت تضربني على وجهي على متوني على راسي
امي تربد تخلصني منها ماكو
واني بحضني ابنها ومااكدر ادافع عن نفسي
من غير الغلط والفشار عليه
ما بقا واحد بلشارع ماسمع صوتها
امي تعبت ضغطها والسكر صعد وكامت تلهث
تريد تخلصني من ايدها ماكووو
ابنها فرفح من البجي
شكد قويه صارت وحش محد يكدر علي
اجا بابا كوه خلصني منها
رند...عوفني عوفني اموتها حقيره ما تستحي
خربت بيوت تريد تخرب ببتي
عافت الزلم كله وعينها على رجلي اليوم اموتج خلاص
ما تستحين ما تخجلين
تعال شوف ووين تليفونها
تعالو شوفو الحب من ازوجت لليوم وهي نازله حب هي وفراس
طلعات ونسات ومواعيد بينهم
اكول فراس يلح اتصلي خل ذهب تجي
يمتى ذهب تجي بس تجي يعلى صوت الضحك بينهم
واني بغرفتي ياغافلين الكم الله
جمانه السعيدي
اي ماامنه بيها اختي شلون تخوني
اي على شنو متفقين بله يطلكتي ويزووجج
بابا...اس صوتج عيب منا الناس
رند.. لا مااسكت اني اريد الناس كلها تعرف حقيقه اختي
اختي المحترمه
احجي بعد شصار بينكم نام وياج
اكيد نام وياج شكم مره نام وياج احجي
ووين جنتو تنامون
ذهب.. خليت امير بلكاع رغم يبجي بصوت عالي
ذهب. .انجبي حقيره الله يطيح حضج اني تتهميني هيج اتهام
الخايسه لو بيج خير جان حافظتي على ببتج
الرجال زبن ومتحملج
فوك مااروح انضف وصخج تتهمني بشرفي
اني يايوم رحت الببتج بكيفي تتصلين وتكعدين تتوسلين
حتى اروح انضف وصخاتج
انجبي ولا كلمه فهمتي لو لا
زوجج عرض علي يطلكج ويزوجني واني تعاركت وياا
وسبيته وغلطت علي
كتله لو تموت مااخون رند
روحي اسألي نفسج ليش زوجج يدور غيرج
ليش زوجج يشوفج ناقصه بعينه
رند...ك...ح...ب...ه حقيره ام الزلم ياناس تعالو شوفو اختي راح اطلك بسببها
تريد تاخذ رجلي مني
امي...دفعت رند دخلته بغرفها واني بابا دخلني بغرفتي
وطبك الباب
ورند مستمره تتهمني ابشع اتهامات وتغلط عليه
أمة محمد كله سمعت عركتنا اني وياها
ذهب...دخلت للغرفه كسرت كلشي بيها
العطور المزهريات حتى البرده شلعتها من مكانها
من حركت كلبي احس نار اشتعلت بكلبي
اني اختي تتهمني بشرفي واني خلصت كل عمري اشتغل خدامه عدها
هاي تالية التعب وياا رند
ايدي انجرحت شعري كفشه لان رند سحلتني منه
طبعات النعال على وجهي
حلكي يخر دم
الله لا يوفقك فراس على هاي المصيبه
