رواية قصة ذهب الفصل الرابع عشر بقلم جمانه السعيدي
قصة ذهب
البارت الرابع عشر
جمانه السعيدي
ذهب....ابجي بحركه احس اكو غصه بكلبي اني اختي تتهمني بشرفي
كل عمري خادمتها وهسه طلعت اني موزينه
مقلله من نفسي واشتغل خدامه بيتها واكول اختي
مااريد يبين عليها نقص
تالي طلعت اني موزينه
جبت تليفوني طلعت رقم فراس وتصلت علي
بس رن التليفون راسا رد عليه
فراس....هلو ذهب
ذهب...افتح كامرا صحت بعصبيه افتح كامرا
راسا فتح كامرا
ذهب...شوف عمايلك شوف اني بيا حال هييي هييي
كمت ابجي ماجاي اكدر اسيطر على دموعي
شوف وجهي شوف شعري
فراس...شصاير شبيج هذا وجهج شبي
ذهب...كله بسبك انت دمرتني رند شافت رسالتك الاخيره وجاي تتهمني بشرفي
تعرف شنو اختي تتهمني بشرفي كدام اهلي
منو الي راح يصدكني
هاي مجازاتي هاي مجازات تعبي
هاي تاليته اني هيج يصير بيه بسببك
يله انت الي وكعتني بهاي المشكله وانت الي تحله
والا ولله قسما عضما اكتل نفسي هسه
هييي هييي انت ماتعرف بحالتي اني جاي اموت
هذا الاتهام مو شويه
فراس.. حاضر اهدي اني كدامج اهدء اني هسه احل المشكله شنو تردين اني حاضر كدامج
بس لا تبجين فدوه دموعج عزيزه عليه
ذهب.. هسه تجي تأخذ زوجتك ترجعها الببتك
وبعد مااريد اي تواصل بينا فهمت لو لا
اني مااسمحلك ادمر حياتي انت وزوجتك
تعال هسه اخذ زوجتك وبيض وجهي كدام اهلي
اهييي اهيييي احجي كلمتين وتخنكني العبره
امسح دموعي ويرجعن ينزلن مره ثانيه
جمانه السعيدي
فراس. زين منو سوا بيج هيج خل اجي اخذج للمستشفى
حالتج حاله هاي رند الحقيره اكيد تروحلج فدوه
طول عمرها حقيره واناني
ذهب. مالك شغل بيه عوفني بحالي
اختي تضربني وتتهمني بشرفي بسبك ليش هاي فوك خدمتي بيتكم
فوك الطيب مسحت دموعي
ذهب. هسه تجي تأخذ زوجتك عسما تموتها مالي شغل بيكم
المهم ثنيبنكم اطلعون من حياتي
الله لا يسامحكم على هذا القهر اني يصير بيه هيج
طبكت التليفون واني ابجي
خليت اديه على وجهي وكمت ابجي بحركه
لو شما احجي عن حالتي مستحيل اوصف القهر الي بكلبي
والي صار صدمه بلنسله اليه
جمانه السعيدي
تقريبا ثلث ساعه وسمعت الباب اندكت
مسحت دموعي وفتحت باب الغرفه على كيف
كنت متأكده هذا فراس احساسي هيج يكووول
اسمع بابا
بابا....هله بويه هله فراس شلونك
طبعا لا امي ولا ابوي صدكو كلام رند لان يعرفوني عز المعرفه اني ما تطلع مني هيج شغلات
امي خطيه تخربطت سكرها وضعطها صعد
ممده بلهول وشاداه راسها بفوطه
مره جبيره ما تكدر تتحمل هيج مواقف وخاصه هذا الموقف حيل صعب
المهم اني سمعت فراس دخل للبيت وهو يسلم على بابا
بحراره
طبكت الباب ورجعت كعدت على الجربايه
دموعي تجري لميت شعري جبت كلنسه مسحت حلكي
فراس...اني جاي ارجع رند
واي سوء فهم صار اليوم اني مستعد أوضح كلشي صار
اتصلت عليه ذهب
صايره مشكله بينها وبين رند
ترا كل كلام الي كالته رند مو حقيقي ذهب انسانه محترمه واني كنت اتصل عليه اشكي من تصرفات رند
هي كانت تساعدني حتى احل مشاكلي
وماانسى فضله علينا
اني جنت اجي اخذها البيتنا بناء على طلب رند وخالتي
مو نروح نتونس
اسف اذا صار سوء فهم بلموضوع
اني جاي اعتذر واريد رند ترجع وياي اشتاقيت الامير
ذهب....ابوي..لان يعرفني ويعرف اخلاقي كان مصدك كلام فراس اكيد اني بنته هو الي رباني ويعرف اخلاقي زين
وبابا كان يحبني اكثر من رند ويفضلني عليه
على عكس امي الي كانت تفضل رند عليه
بابا...من رخصتك انطي خبر الرند
طلع بابا لكا رند واكفه بصف الباب تسمع كلام فراس
بابا...يله جيبي ابنج وملابسج وتعاي روحي وياا زوجج
دخلت كبل بدون كلام وكانما ما مصدكه اجا ياخذها
بدلت وتعطرت وجابت ابنها وجنطته وراحت
على فراس
رند...شلونك فراس
فراس...هلا شال امير وطلع كدامها صعدت السياره
وراحو
ذهب.. هذا الموقف كبر فراس بعيني اعرف هو مايحبها ولا يطيقها
بس اجا اخذها حتى لا اضوجني
وأهم شي بيض وجهي كدام اهلي
الله يساعدا عليه
ذهب...طلعت من غرفتي لكيت بابا كاعد يصلي
وامي ممده
امي....يمه ذهب الحكي عليه بعد مااكدر
ذهب...يمه هاا حبيبتي شبيج
امي...كلبي كلبي ضغطي صاعد
ذهب...بابا الحك امي موزينه
خطيه ماكمل صلاته بس فرض واحد واني على السريع
بدلت اجرنا تكسي
واخذنها للمستشفى لكو ضغطها معلك ٢٠/١٠ والسكر ٤٠٠
الدكتور تخبل
هاي شكووو ووين جانت
راسا ضربوها ابره انسولين صافي حتى ينزل السكر
وانطوها حبايه ضغط
ابره براستول مهدء بلكانونه
جمانه السعيدي
الدكتور باوع عليه وجهي مورم من الضرب وحلكي مجروح
وشعري مقطع مبين ملموم شلون مجان
الدكتور ...شكو مشكله جبيره مبينه انت شكلج مخربط
والحجيه شويه وتنتهي
ذهب...الله يجازي الي كان السبب
بليلته بقينا بلمستشفى اني وابوي حتى بابا حيل تعبان
بعد كبر مايتحمل هيج مشاكل
كعد على الكرسي وكام يشكي من راسه
رحت جبت الممرضه طلع الضغط الواطي صاعد
صعدته على السرير وانطيته علاج
شايفين حالتي حايره باامي وابوي
واني اريد واحديحير بيه جسمي كله يوجعني من الضرب
وراسي يريد ينفجر من البجي
عيوني يحركني
الله ينتقم منج رند
للصبح واني كاعده بلكاع بين امي وابوي احس ألم فضيع
بجسمي لا ماكله ولا نايمه كفايه
وفوكاها مضروبه ضرب مو طبيعي
الصبح امي صارت شويه احسن وابوي يكول اني زين
ولو ما مبين علي
بس ابوي يكابر مايكول تعبان خاف امي اضوج
جمانه السعيدي
رجعنا للبيت الساعه سته الصبح
حضرت الهم ريوك تريكووو ورجعت انطيتهم علاج
ونامو واني هم نمت مارحت للدوام
كعدت الضهر لكيت امي كاعده شويه صايره احسن
وابوي طالع يجيب مسواك
سلكت دجاج بدون ملح
كلش خايفه على امي وابوي ومااتخيل شلون ممكن تصير حياتي بدونهم
ثاني يوم طلعت السيم كارت وكسرته
حتى بعد محد يتصل عليه
كعدت امي وابوي تريكو
ذهب...اروح للدوام لو ابقى يمج خاف تعبانه
امي...لا روحي الله يرضا عليج
اجيت اكوم من يمها
امي...ذهب سامحيني يمه اني الي خليتج بهيج موقف صعب انتي بنتي تربيتي لو اشوفج بعيني مااصدك عليج كلمه وحده
انتي ذهب واسمج عليج اعذريني حبيبتي
ذهب....اني ردت احجيلج كلشي بعدين قررت انهي هذا الموضوع بنفسي فراس انسان محترم بعمره مااجاوز عليه
لو سمعني كلمه موزينه
جمانه السعيدي
بس هو صدك عرض عليه الزواج بعد ما مل من تصرفات
رند بس اني تخبلت من سمعته
تصرفه هذا ابد ما عجبني حيل ضجت منه
كمت احجي علي مو اني الي اخون اختي
وكطعت كل علاقتي بي
انت اكثر وحده تعرفين اني شلون جنت ارفض اروح
البيتهم بس مااكدر ارفضلج طلب
والا وحده مثلي ليش تشتغل خد.امه عد رند
بس الخاطرج كنت اتحمل واسكت
وحتى من جان يجي للكليه وياخذني البيتهم
كنت اتصل عليج وابلغج
لا تصدكين كلام رند اني اي شي ماكو بيني وبين فراس
مو اني الي اتصرف هيج تصرفات
امي...اعرفج اكثر من نفسي واعرف انتي ماتسوين شي موزين اني الغلطانه اعتذر منج مره ثانيه
اني كنت ادزج البيت رند حتى تسدين النقص بيتها
بس ماحسبت حساب هيج شغله تصير
ذهب...الحياة دروس واكثر درس نتعلم منه هو الدرس الي يوجع وهذا اكثر درس وجعني
امي...روحي كلبي وربي راضين عليج الله يوفقج ويسترج
ذهب..احلى دعاء سمعته بحياتي
اشتريت خط جديد وماا نطيت الرقم بس الامي وابوي
وحلفتهم ما ينطونه الاي احد
مااريد اي احد يتصل عليه
اريد اهتم بحياتي وبس
رند بعد اسبوع من رجعت اتصلت على امي تعتذر منها
امي...لا ولله زعلت عليج ليش وياا ذهب ذهب خادمتج من زغيره هيج احازيها
رند...تستاهل حيل بيها
امي...كلش ضجت من تصرفج
رند...امي دبريني فراس من رجعني لليوم ينام بغرفه واني بغرفه وما يحجي وياي ابد
حتى من احجي ويااا مايرد عليه
امي...حقه عدلي اسلوبج نضفي بيتج اهتمي بي
تدرين هو بليوم شكد يشوف نسوان
وانتي زماله حتى كلمه حلوه واسلوب زين ماعندج
رند...وهسه شلون راح نبقى هيج
