رواية قصة ذهب الفصل الخامس عشر بقلم جمانه السعيدي
#البارت__15
#قصة_ذهب
#البارت_الخامس_عشر
#جمانه_السعيدي
ذهب....رند كانت متخيله بعد فراس عنها اني السبب
عقلها محجر ما تكدر تصلح موقفها ويااا
ومتخبله لان ما يحجي وياها علاقته بيها شبه مقطوعه
تتصل على امي
تكول ما بقى شي ما سويته حتى يسامحني ويرضا عني
بس بدون فايده
البس اتمكيج اعدل ماكو فايده
حتى سويت نفسي مريضه ومااهتم ابد
ولا اله شغل بيه
البيت انضفها وارتبه كل يوم واطبخ اكثر من طبخه
ولا ياكل بلبيت ولا يشرب يروح بيت اهله ياكل ويشرب
اجي يمه بلغرفه ابقى اتوسل بي اعتذر منه
عبالك احجي وياا الحايط
امي...الله يهدي
رند...يكول ماانسا الي سويتي بذهب وهي ماله علاقه بخلافنا ابد تتهمين اختج بشرفها
اني وياج للموت مراح نعيش سوا زوج وزوجته
امي...ولله مااعرف شكول
رند....مااعرف ست ذهب بيش احسن مني شوحرت شسويت
ولا كأنما يشوفني بعينه
امي...مالج علاقه بذهب ولا اجيببن اسمها على السانج
فهمتي لو لا
رند...واني شكلت كلها تدافع عنها
وهي حيه محد يعرف حقيقتها غيري
امي...لا تشمريني غلطج على غيرج
لو مطلعه هاي ندارتج من البدايه ماخسرتي زوجج
ووين جنتي ضامه هاي الشطاره
رند...هسه هو معبرني اشتغل وتعبانه وحتى شكرا ماكو
امي...اتحملي وكعدي بيتج واسكتي
لاتجين يمنا اني بعد مااتحمل واحد يزعل ذهب
ذهب انظلمت هواي بسببج
رند...هي انضلمت لو اني جان اطلكت بسببها
امي...مو ذهب السبب اهمالج هو السبب ذهب حبت اسد النقص بيتج
جمانه السعيدي
ذهب...كل علاقاتي برند وزوجها كطعتها اهتميت بدراستي وبس
كم مره اشوف فراس من اطلع من الكليه
واكف بعيد ويراقبني بس مااهتم ولا كأنما شفته بعيني
اتمنى ينساني ويهتم بزوجته وبيته
امير أولى مني بهذا الاهتمام
فات سنتين واني عازله نفسي من تجي رند للبيت
ابقى حابسه نفسي بغرفتي ومااطلع منها منا لمن ترجع البيتها
حتلو تبقى عدنا خمس ساعات هم ابقى بغرفتي مااريد
اشوفها ولا اريدها تشوفني ابد
سنتين وهي تشكي من إهمال فراس الها
ماله شغله بيها ابد وحتى ماياكل بلبيت لو بيت اهله لويجيب اكل من برا هو ينام بغرفه وهي بغرفه
طبعا هي حارت شنو تسوي كل يوم بمركز تجميل
تحقن وتعدل بلكت يلتفت عليه
وهو ولامعبرها ابد اتكول حتى مايباوع بوجهي
كامت تحقن ابر تخسيس حتى تصير باربي
بلكت فراس يرجع يباوع عليها
دائما تتصرف بغباء
الحد ما خلصت مرحله ثالثه كليه سنة ٢٠١٨ باقي مرحله وحده واخلص
بلعطله اجو ناس علينا يردون يخطبوني الابنهم
الولد خريج السنه
ما متعين يشتغل محل تصليح اجهزه كهربائية
بس اني ما وافقت اريد اخلص كليه بلاول
الزواج لا حكه علي
جمانه السعيدي
كاعده اعزل بغرفتي وتليفون امي رن
سمعت امي تكول هله يمه هله فراس
راسا عاطت بصوت عالي
اجيت اني عليه
ذهب....هاا شكووو
امي..اختج اختج مااعرف شبيها ناقلها فراس للمستشفى
والكادر كله بلمستشفى ملتم عليها
يكول فراس لا حس ولا خبر مايعرف شبيها
ذهب....وهسه شلونها
امي...خل ابدل واروح يمه بنيتي ولج ذهب يكول
ما تتحرك ولج يمه شلون
ذهب خفت على امي حيل
...خل اتصل على بابا واجي وياج للمستشفى
بدلت بسرعه واتصلت على بابا يجينا للمستشفى
جمانه السعيدي
من بعد سنتين قطيعه اول مره اشوف رند وفراس وجه الوجه صعدنا فوك لكينا فراس وكف باب غرفة الإنعاش
امي.....هااا يمه شكووو
فراس...الدكتور يكول الجهاز الهضمي متوقف
ذهب...اني وكفت بعيد واتفرج اصلا اني اجيت علمود امي
اخاف عليها والا لا رند ولا فراس يهموني بشي
امي لطمت على وجها خفت عليها قربت شكوو
فراس...شلونج ذهب
ذهب..الحمد لله
فراس...رجعت للبيت لكيتها واكعه وامير يبجي
احركها ما تتحرك اتصلت على امي اجت يم امير وجبتها
فحصها الدكتور نفسها ضعيف
يكول الجهاز الهضمي واكف
ذهب...وهسه
فراس...دخلوها العنايه المركزه يكول حالته مااطمن
جمانه السعيدي
راسا اجت ممرضه
الممرضه ..منو وياا المريضه رند
فراس. اني زوجها
الممرضه..محتاجه نقل دم باسرع وقت ممكن
ذهب.. اني اتبرع اني اختها فراس بقه يباوع عليه
امي. .... عفيه بنيتي الله يعدي هاي الازمه على خير انشاء الله
ذهب..رحت وياا الممرضه المركز التبرع فراس اجا وياي
بس يمشي ماحجه اي حجايه
دخلنا واني تمددت على السديه حتى يسحبون مني دم
اسمعه يوصي الممرضه عليه
فراس. على كيفج وياها مو تاذينها لا تاخذين منها دم هواي خاف تتخربط
فحصو دمي طلع مطابق الدمها اني كنت اعرف دمنا اني وياها مطابق لان قبل من قدمنا للاعداديه فحصو دمنا وطلع مطابق
سحبو مني بطل دم
بقيت شويه ممده لان حسيت بدوار
فراس.. ارتاحي لا تكومين لمن تصيرين زينه
كان واكف قريب عليه وقلق بشكل مو معقول
ذهب...لا اريد ارجع الامي امي تعبانه ما تتحمل
كمت حسيت نفسي دايخه
رجعت كعدت
مشيت شويه سيطرت كمت امشي كدام فراس بسرعه
شفت امي كاعده وبابا جاي يمها
بابا....شلونها رند بويه فراس
فراس....يم رب العالمين
امي. عفيه بنيتي ذهب ما قصرتي خوما دابخه
فراس...راح اجيبلك عصير خاف تتخربط
نزل فراس جوا
ذهب...لا تخافين رند بسبع أرواح هسه تطلع سليمه ماببها شي
اتصلت ام فراس تطمن
فراس...بعد وضعها حرج ومحد مطمنا عليها
ساعه بعد ما نقولها الدم
شويه صار عدها تحسن قليل
دخلت امي وفراس يشوفونها واني وبابا بقينا برا
طلع الدكتور وفراس طلع وياا
فراس..هاا دكتور طمنا
الدكتور...ولله حالتها مااطمن ننتضر اذا مرن ٤٨ ساعه
نكدر نطمن عليها
فراس...شنو السبب ليش جهازها الهضمي توقف
جمانه السعيدي
الدكتور.. حسب خبرتي رند حاقنه ابرة تخسيس يم مركز
موثقه والابره هاي ادت إلى توقف الجهاز الهضمي
هيج ابر ما تنحقن الاي احد لازم فحوصات كامله
ونتاكد جسم المريض يستجيب الها
هاي الإبر تشتغل على الجهاز الهضمي تخلي الإنسان
يحس بلشبع يعني تعطل عمل الجهاز الهضمي او تأخر عمله
بلنسبه رند جسمها ما اتحمل هاي الابره
لذالك عطلت الجهاز الهضمي عدها
المفروض تنصحونها تبتعد عن المراكز المشبوها هاي
فراس.. اني مااعرف هي حاقنه ابره هسه عرفت منك
الدكتور اني بس فحصتها عرفت هي حاقنه ابرا
لان هواي جاي تجينا هيج حالات
اكو تستجيب للعلاج ولو يطول بس تتحسن حالته
واكو لا جسمها مايستجيب للعلاج وتفقد حياتها
اذا مايمر ٤٨ ساعه مراح نتأكد من وضعها
اذا عطل الجهاز الهضمي تتعطل كل الاجهزه
لان الجسم مرتبط شي بشي
جمانه السعيدي
ذهب. حسيت كلبي يوجعني عليه بس لا صدك تموت ياا رند تموت وتعوفنا وابنها منو اله
شويه تحسنت حالته بليل
اني وياها بلغرفه بس كاعده بعيد عنها وامي وابوي وفراس
واكفين يمها
فراس...ليش هيج سويتي بنفسج ليش تاخذين هيج ابر
ليش اني مااعرف
على الاقل روحي مركز مضمون
ردت علي بصوت ضعيف
رند...حتى اعجبك
فراس...شنو تعجبيني اني شكيتلج ترا هذا حجي زايد
بابا...عوفها وليدي خل تعدي هاي الشغله على خير
وبعدين من ترجعون البيتكم تتحاسبون
امي...ذهب تبرعتلج بلدم
باوعت عليه وكلشي ماحجت
ذهب...كلت بكلبي شكد غبيه ملتهيه بلمضهر الخارجي لمن راح اضيع نفسها بتهورها
الحد الان ماعرفت شنو المشكله بينها وبين زوجها
ما تحاول تحل المشكله من جذورها
لا مهتمه بلمضهر وبس لا ورايحه بدون علم زوجها
استغفر الله ماتصيرلها جاره ابد
بس كون تعدي على خير
الله يستر من الجاي
ذهب..يمه روحي للبيت انتي مو حمل تعب
امي.. واختج
ذهب.. اني ابقى يمها وانت بابا ارجعو للبيت ما تكدرون على التعب وباجر تعالو
كوه قنعتهم وراحو بقينا بس اني وفراس وياها
فراس راح جاب عشى
...ذهب تعشي
ذهب...شكرا مو جوعانه
فراس....اكلي وراج سهر وتعب
ذهب...من اجوع اكل
باوعت المغذي خلص ورند ماتحس باي شي
اجت الممرضه شافتها كالت الدكتور مسجل بعد ساعه
مغذي ثاني وبي هاي الابره
بقيت كاعده يمها كل شويه امسح وجها بلكلنس
اكول بكلبي مسامحتج بس كومي رند
ديري بالج تموتين عندي حجي وياج هواي واريد تحضرين عرسي وتشيلين جهالي
انتي خالتهم حتلو نزاعل اني احبج انتي متعلكه بروحي مو بس اختي
جمانه السعيدي
شويه واجو اهل فراس كلهم وجايبين امير وياهم
بس شافه كام يبجي عليه
اخذته وطلعت برا لان بس يبجي ما يقبل يسكت
بقيت شايلته والعب ويااا
كبران وصاير حلو شكد صار ما شايلته ولعابه ويااا
كتله ادعي الامك تكوم بلسلامه
شويه وراحو وفراس جاب الممرضه تخلي المغذي الثاني
فتحت رند عيونها شافتني واكفه بصفها
رند...اريد ماي عطشانه صوته كوه ينسمع بعدين كامت تتألم
طلعت سئلت الممرضه كالت لا ممنوع بس المغذي خاف تصير عدها مضاعفات
اجا الدكتور فحصها كال حالته مااطمن ماعدها اي استجابه اذا بقت هيج مااضمن تبقى عايشه
ذهب. اني سمعت ذني الكلمتين واني دموعي كامت تنزل منا ومنا
الله يستر صدك جذب رند تروح منا لا مااصدك
الدكتور طلب تحويلها سونار حتى يتاكد من استجابة الجهاز الهضمي لان ضربوها ابرتين بلمغذي
وماعدها اي تحسن جابو سرير متحرك ورحنا اني وفراس وياها دخلوها وحدها ماقبلو ندخل وياها
طلعوها وما قبلو يكولون شنو نتيجه السونار
لمن الدكتور يشوفه ويطمن عليها
رجعوها الغرفتها واني وفراس على فد رجل واكفين
حسيتها تخربطت كامت بلكوه تلكف النفس
طلعت اركض بلمستشفى اريد اي احد يجي يشوفها
مدري اركض حتى انقذها
مدري اشرد خاف اسمع خبر عنها موزين
مشاعري تخربطت حزن وخوف وتعب
ادك بلبيبان واحد واحد واصيح الحكو عليه
اختي تخربطت
الكل نايم الساعه سته الصبح
طلعت الممرضه تفرك بعيونها اتصيح عليه
شبيج ليش اصيحين
طبعا فراس بقا واكف يمها ما عافها ابد
ذهب...فدوه الحكي رند تخربطت
الممرضه...اي روحي هسه اجي وراج
طبعا هاي ابر التخسيس حقيقتا تسوي مضار اكثر من توقف الجهاز الهضمي اني دخلت وقريت عنها
احذر البنات منها
ماكدرت اجمع كل الأحداث بهذا البارت
القادم الاخير راح اكتب وانشر حتلو اتاخر عليكم
اتحملوني
