رواية نغم سطوة العشق والانتقام الفصل الخامس عشر15 بقلم سعاد سلامه

نظر  منصور الى أقبال  قائلا  بغضب  لسه  القصه  دى مأثره  عليكى بنتنا  أتولدت  ميته  أنتى بنفسك  شوفتيها  ميته  جنبك  وقت  الولاده  

لترد  بعنف  غبائك  السبب  فى موتها  وقتها  خفت  لا بنت  الأصول ام فجر تعرف  أنك  خاين  وكداب  واتجوزتها بناءً على طلب أبوك  الله  يجحمه لما رفض  أنك  تتجوزنى لأما تتحرم من الميراث  لأ  واتجوزتها  وعلى تسع  شهور  كانت  فجر هانم مشرفه  بطلتها  البهيه  وأبوك  قبل  ما يموت  كتب  لها  بأسمها  نص  أملاكه  رغم أنك  كنت  أبنه  الوحيد وكمان  ميراثها  من أمها بنت  الاصول  الى ساعدوك تدخل البرلمان بعد أبوك

أنما أتجوزتنى عليها  بعقد عرفى بعد سنتين  من جوازك  من أم فجر وحتى لما حملت  منك  وطلبت  أننا  نتجوز  رسمى أجلت بسبب أنها كانت مريضه وكمان خوفت من أبوك قال أيه عنده أنتخابات ولو اعلنت جوازنا ممكن أهل مراتك يخلوه يسقط  والنتيجه  كانت  أنى أولد بنتى على سبع  شهور ألا أيام  بعد المحروسه  مراتك  ما دفعتنى  من على سلم الشركه  الى كنت  بشتغل  عندك  فيها  وقتها بالغلط  أنا  بدعى عليها  بالجحيم  هى السبب وحضرتك  سيبتنى  ولا سألت  ولا عرفت  انى جالى نزيف  وقتها 

ليرد منصور السلم الى وقعتى من عليه  كان درجتين  بس  وانا  مشفتكيش  وقتها  ودا كان قدر بنتنا أنها تفضل ملاك أنا نسيت وانتى كمان لازم تنسى وبعدين انتى أخدتى التمن قد كدا وقتها وكمان بعدها بفتره صغيره أتجوزتى حكيم غُمرى بحجة إنك هتربى أبن أختك بلاش تطلعى نفسك ضحيه 

وأنا رجعت الولد لمصلحتى مش أكتر علشان أستفاد من شعبية فيصل فى البلد 

لتنظر له أقبال بشرر قائله 

وأنا كمان ليا مصلحتى وهسامح المره دى  بس صدقني أتقى شرى أفضل لك لأنى لو فتحت الملفات القديمه هتخسر كل شىء أولها بنتك فجر هانم الى بتلف على فيصل العفيفي الى فى الأخر ظهرت مراته وأبنه 

🌿🌿🌿🌿🌿🌿🌿

أتى الصباح زقزقت العصافير بأجمل الأصوات 

.ـــــــــــــــــــــــ

أستيقظ فيصل لينظر جواره يجد طفله نائم بينه وبين نغم التى تنام وخصلات شعرها تخفى نصف وجهها 

ليبتسم ويتمنى أن تظل جواره 

تنهد بعشق متألم يهمس لنفسه الأن فقط شعرت بكسرة قلبك لما كنت ببعدك عن حياتى وأنتى عايزه القرب فقط ياريتك تعرفى أن قلبى مكسور زيك تمام  وأنت الوحيده الى قادره على ترميمه الأن حسيت بقوه الألم الى  كنتى عيشاه بسبب سطوة أنتقامى من أنك بنت مرات بابا 

لاحظ فيصل صغيره الذى بدء يستيقظ من سُباته

لينظر أليه بحنان مبتسماً 

الى أن أستيقظ الصغير ليشير له بالصمت حتى لا يزعج نغم النائمه 

ليبتسم الصغير ويتجه الى حضن والدهُ ليضمه ويحمله ويخرج من الغرفه بهدوء حتى لا يزعجها 

ولكنها كانت مستيقظه تنفست بعمق فهى كانت تكتم أنفاسها حتى لا يعرف أنها صحوت ورأته نائم جوارها هى وطفلهم أدعت أنها مازالت نائمه تنتظر ماذا يفعل وهى مغمضة العين خافت أن تصحو وتنظر الى عيناه وتقول له أنه مازال عشقه ساكن قلبها لم يخفت حبه من قلبها ولكن  لم تنسى وجع قلبها من أفعاله معها 

تبتعد عنه كى لا تضعف ويعود لها ذالك الألم القديم التى حاولت مداواته ولكنه لم يطيب 

لتشعر به وهو يخرج بالطفل وتعلق الطفل السريع به للحظه

خافت على طفلها من ذالك فماذا سيفعل حين تبتعد به عنه مره أخرى فالفُراق بعد التُعلق شديد الصعوبه 

وهى جربت ذالك قبلاً لكن ربما هذا أفضل من أن تتعذب جواره هنا

🌿🌿🌿🌿🌿🌿

أصطحب فيصل طفله وذهب به الى حمام السباحه المرفق بالبيت  ليقوم بخلع ملابسهما  من عليهما ليبقيا بالشورت 

لينزل فيصل الى المياه وأخذ طفله معه وبدئا يلعبان ويلهوان مرحان فى الماء 

ليأتى أليهم  طاهر مبتسماً 

ليقول أيه الهمه والنشاط دا كلةمن زمان مشوفتكش بتعوم فى حمام السباحه 

ليضحك فيصل قائلاً  صباح الخير يا بابا 

ليردد الصغير نفس 

الجمله بطفوله 

ليبتسم طاهر ويرد عليه أحلى صباح لصديقى الصغير الى بيتعبنى وأنا كبرت على اللعب معاه 

ليبتسم فيصل

ويقول وتعبك فى أيه 

ليرد طاهر فضل يلعب مع الكلب مهد الصغير ونجوى ونغم ونيره رفضوا يحموه وأنا الى حميته وغرقنى وخلاهم يضحكوا عليا 

ليضحك فيصل  

لتأتى نسيمه تقول أنا حضرت الفطور زى ما قولت هنا يا فيصل بيه 

ليقول طاهر بس نجوى والبنات لسه نايمين 

ليرد فيصل دا فطورى أنا وميجو 

ليخرج فيصل والصغير من الماء ليعيد عليه ملابسه مره اخرى ويجلس مع والده على طاولة الفطور ويبدأ بأطعام طفله الجالس على ساقه 

لينظر أليه طاهر مبتسماً يقول ناوى على أيه مع نغم نغم مصره تسافر مع نيره تانى 

ليتنهد فيصل قائلاً نغم رافضه اى حوار معايا كل ما قرب منها هى بتبعد  

بانيه بينى وبينها سور وكل ما أحاول أهدمه هى بتبعد أكتر 

ليقول طاهر أنت الى غلطت من البدايه كانت هى كل أمانيها أن بس تحس بقلبها وتقرب منها حتى لو بالكدب كانت هتصدق لكن أنت صدمتها بحبك لغيرها وياريت بس كده كمان 

الليله السوده الى كانت نهاية كل شىء أكيد هتفضل فى ذاكراتها وتخاف تقرب منها

ليتنهد متألماً ويقول بندم أنا قبل الليله دى كنت دايما مفكر  أنى بكره نغم وبكره قربها حتى كنت بكره أسمع أسمها كان كل همى تختفى من حياتى هى وأختها وأمها  بس منكرش وقتها ساعات كنت بحس بأشتياق لها وأتمنى أشوفها وقاومت الأحساس ده لما شوفت فجر الفهدى فى عزومه كانت معموله على شرف نجاح منصور الفهدى فى الانتخابات ولفتت نظرى بلباقتها وحضورها الطاغى وأتمنيتها فوقتها تكون زوجتى 

بس بعد ما سيبت نغم على السرير قبل ما أعرف أنها بتنزف ندمت على أنى قولت لها على حبى لفجر وكنت راجع لها علشان أقول لها أنى هكمل جوازنا وهعملها زفاف وتبقى هى مراتى وفتاة أحلامى أنا كنت مفتون بفجر مش أكتر وعنفى معها كنت بقاوم عشقها فى قلبى خايف لتعرف أنى عاشق منتقم وبينتقم من الى عشقها علشان خايف تشوف ضعفه قدامها  

أنا لما طلبت منى أنى أتجوزها رفضت ولما ضربتني بالقلم ولقيتها فى وشى بتبكى  حبيت أنتقم منها لأنها كانت سبب صفعك ليا بالقلم وأقسمت وقتها أنى أدفعها تمن القلم ده مضاعف 

حتى لما تمت السن القانوني أنا كان ممكن أطلقها من غير ما أقولها وأفاجئكوا بالطلاق بسهوله بس طنشت وكنت مبسوط أنها مرتبطه بيا ومش هتقدر تبعد عنى الى بمزاجي ومفكر بكده أنى بنتقم من طنط نجوى وهى شايفه بنتها كل مادى بتغرق فى عشقى وأنا ولا على بالى 

ليقول طاهر وكانت النتيجه أيه دلوقتى الصفعه الى كنت عايز تدفعها تمنها أتردت لقلبك

أنا يابابا غلطت وندمت ودفعت التمن ببعدها وخوفها أنى أقرب منها لأذيها تانى وكمان ببعد أبنى عنى أنا لما قربت من فجر لومت نفسي أكتر فرق كبير بينها وبين نغم أنا فى يوم قولت على نغم لقيطه لأنها مكنش لها مأوى غير بيتنا بس كان جواها أشتياق دايماً لمكان ولو صغير تحس أنها ليها فيه مكان أنما فجر الفهدى رغم أمتلاك أبوها أكتر من قصر كبير بس هى معندهاش أشتياق ولا أحساس بقيمة الى فى أيدها كل همها هو السلطه والمناظر قدام الناس 

أبتسم طاهر قائلاً وهتعمل أيه معاها وهى مصره كده فى أيديك تمنعها بالقوه من السفر بأبنك 

ليرد فيصل مش أنا الى أعمل كده نغم لو عايزه تسافرأنا مش همنعها وهفضل منتظر رجوعها ليا عمرى كله.

🌿🌿🌿🌿🌿🌿

ذهبت نجوى الى غرفة نغم لتدخل بعد طرق الباب لتجدها أنتهت من أرتداء ملابسها ويبدوا عليها التحسن كثيراً 

لتقترب منها وتضمها وتقول بحنان أزيك النهاردة 

لترد نغم أنا كويسه جداً أومال فين نيره 

لتبتسم نجوى وتقول نيره لسه نايمه أكيد تعبت أمبارح دى جت من المطار على المستشفى وحتى لما رجعنا هنا قبلك وقولت لها ترتاح شويه مرضيتش تنام الا ما رجعتى أنتى كمان 

لتبتسم نغم وتقول أنا مش عارفه أيه الى خلاها تجى وتتعب نفسها أنا بعد الى حصل مبقاش عندى قدره أنى أفضل هنا أنا قررت أسافر تانى 

لتقول نجوى بتألم أنتى ونيره اخوات ومالكوش الأ بعض ولازم تساندوا بعض  رغم ان بعدكم عنى بيخلنى أشعر أنى وحيده بس أنا ببقى سعيده لراحتكم وأسمع عنكم أنكم سعداء بينسى قلبى الوجع من فراقكم شويه 

لتقول نغم جوز نيره فاضل له سنتين والبعثه بتاعته تخلص وهينزل مصر يستقر فيها وكون نفسه هو نيره وأنا كمان يمكن وقتها أنزل معاهم وأستقر فى القاهره ونرجع نقرب من بعض أنما واضح أن الاسماعيليه دى بالنسبه لنا مش أكتر من مكان الميلاد 

فى البطاقه 

لتضحك نجوى وتقول وهى تضمها بحنان ياريت الزمن يرجع تانى صدقني مكنتش هوافق أتجوز تانى بعد مجدى وكنت أخدتكم وبعدت هنا 

لتدخل على حديثها نيره تقول كنتى هتروحي فين وبعدين عمو طاهر عمره ما زعل واحده مننا بكلمه هو الغبى فيصل الى كان مفكر إنك عايزه تأخدى مكان مامته 

لتبتسم نغم وتقول بمزح أيه صحاكى دا قولت أنك خُم نوم وكمان حامل مش هتصحى الأ العصر 

لتضحك نيره وتقول بمزح تصدقى أنى غلطانه انى سيبت جوزى حبيبي وأبنى وقلقت عليكي 

لتقترب نيره من نجوى لتفتح لها نجوى يدها لتدخل الى حضنها تبتسم لتقبل نجوى رأسها بحنان وتقول ربنا يخليكوا لبعض وتبقوا دايماً سند لبعض 

لتدخل عليهن لميس دون طرق باب وبصحبتها أبنتها جوانا تقول بمزح خيانه فينك يا تيتو تعالى شوف مراتك الى بتفضلها عليها واخده أتنين فى حضنها

ليضحكوا على مزاحها لتقول نجوى بمرح وتالتكم المجنونه دى أختكم كمان ولازم تحبوا بعض بغض النظر انها عينها من جوزى 

لتضحك لميس قائله عينى بس دى عينى وقلبي لتذهب إليها الصغيره وتنظر لها وتقول بطفوله أنا عايزه ميجو ألعب معاه 

لتقول نجوى ميجو أنا سمعت نسيمه بتقول لطاهر أن فيصل ومعاه ميجو راحو  عند حمام السباحه وطاهر راح لهم هناك تعالى نروح لهم سوا 

لتقول لميس بمزح حمام السباحه يعنى تيتو زمانه بالشورت بس أنا هاجى معاكم أتفرج على عضلات بطنه السداسيه 

لتبتسم نجوى قائله قليلة الأدب بس اطمنى طاهر مش بيحب العوم وتقول تلاقى فيصل هو الى بيعوم ومعاه ميجو

لتنظر لميس لنغم وتقول بخبث يا سلام دا عز الطلب يلا يا نوجا أنا راشقه معاكى خلينا نتفرج على الواد 

ميجو وهو بيبلبط فى الميه 

هروح أصوره كام صوره وأنزلها على صفحات الموضه بجسمه الرياضى ده لأ وعضلات صدره العريض ده 

لتقول نيره بعدم فهم وهو ميجو عنده عضلات دا طفل  صغير دا ممكن تعملى به أعلان عن بسكويت 

لتضحك نجوى على عدم فهم نيره

وتنظر لها نغم بغيظ ساخره تقول بالسلامه وخدى الباب فى أيدك 

لتقول لميس ولما أخد الباب فى أيدى مش يمكن تحتاجيه بالليل تدارى فيه أنتى وحد مثلاً 

لتقول نغم ومين الحد ده 

لتقول نجوى وهى تنظر لها تفكيرك شمال دايماً 

لتفهم نيره أن لميس تستفز نغم وتلعب على وتر الغيره لديها 

🌿🌿🌿🌿🌿🌿

وقف شاهر أمام المرآه يعدل هندامه ويفكر لم يعد أمامه وقت لابد من أعطاء قراره للميس فى الغد 

نظر لأنعكاس ليلى النائمه بالفراش يفكر ليلى لديها عقده نفسيه أسمها قلة الحظ لديها بدايتاً من هجر والداها لها هى وأمها منذ أن كانت صغيره 

ثم مشكله عدم أمكانية الانجاب لديها وتلك معضله 

أخد عقله يفكر 

لميس سترث مثل ليلى من حافظ غُمرى ولكن ليلى ستزداد أرثاً من حكيم 

ليلى حفيدةوعائله غُمرى ذات سيط عريق

لميس أسم عائلتها بسيط 

ليلى لن تقدر على الانجاب ومشكلتها مع الوقت تزداد 

لميس لديها طفلته 

ليأتى أليه قرار أذا صاب سيكسب به ربما يخرج فائز من تلك المعضله.

🌿🌿🌿🌿🌿🌿

ذهب عصام الى الفيلا ليلتقى بلميس لم يجدها ليخبره جده أنها مع نغم فى بيت فيصل العفيفى 

ليقوم بالأتصال عليه لترد عليه 

بعد السلام طلب منها الالتقاء معا لتوافق على مضض 

بعد قليل كانت لميس تدخل الى تلك الكافيه الذى بعث لها موقعه على الهاتف 

وقف أمام احد الطاولات يستقبلها بترحاب وود 

لتجلس جواره مبتسمه 

ليأتى النادل ويأخذ طلباتهم وينصرف 

ليقول عصام أنا روحت السرايا عند جدو حافظ وسألته عليكى قالى إنك فى بيت فيصل العفيفى أتصلت عليكى علشان نتقابل ونتكلم فى حاجه مهمه 

لترد لميس أنت عارف أن فيصل أبن خالتى وعلاقتى معاه طيبه عكس ليلى وكمان نغم صديقة عمرى أنا وهى كنا مع بعض فى نفس المدرسه الداخليه حتى فى الجامعه وبعد التخرج كمان كنا بنشتغل فى نفس الاماكن مع بعض وسافرنا ورجعنا سوا وأنتى عارف بخطف أبنها ومرضها ورجوعه يبقى لازم أكون معاها 

بس أيه هى الحاجه المهمه الى كنت عايزنى فيهاا

ليرد عصام جوازنا 

لتقول لميس بأرتباك ماله جوازنا 

ليقول عصام من يوم جدو حافظ ما أعلن خطوبتنا وأنا حاسس أنكِ بتتهربى منى وبتتجنبى الكلام معايا 

قولى لى أن كان فى حياتك حد تانى وجدو ورطك فى الخطوبه صدقينى أنا أتمنى لك السعاده

لتنظر له لميس بأندهاش وتقول بتعلثم منين جبت أن فى حد تانى فى حياتى 

ليرد عصام تهربك وعدم حديثك معايا فى شأن تجهيزات جوازنا وكمان بحس أن فى حياتك سر أو لغز 

لتقول بتوتر ولو كان فى دا ممكن يغير قرارك فى جوازنا 

ليقرب عصام مقعده من مقعد لميس ويمد يده يمسك يدها قائلاً  لأ مفيش اى حاجه تقدر تمنع جوازنا غير أنى أموت أو أنتى ترفضى الجواز منى 

لترتبك لميس من مسكته ليدها وتنظر له وتجده يميل يقبل يدها ثم يرفع رأسه وينظر اليها قائلاً 

أنا بحبك يا لميس من زمان جداً من وأنتى صغيره كنت بنتظر الاجازات علشان أشوفك فى سرايا جدو وكان نفسى اصارحك من زمان وكنت خايف يكون فى حياتك غيرى 

نظرت لميس اليه بأستغراب تتشفى الصدق من عيناه 

ودت لو ردت عليه وقالت له ليتك أبحت بهذا الحب ربما كانت تجنبت تلك الكذبه التى وقعت فيها حين صدقت كاذب وهمها بحبه لأشهر وتزوجته لأيام وكانت نتيجه هذه الزيجه الكاذبه تلك البريئه التى تبحث لها عن نسب 

لم تستطع الرد عليه 

ليشعر عصام بالحزن قائلاً  أنا أتفقت مع جدى وقال لى أتفق معاكى على ميعاد للجواز 

لترد لميس هفكر وردى عليه هيكون بكره 

لتقف وتقول بأرتباك أنا لازم أمشى دلوقتى 

لتغادر وتتركه للظنون تتلاعب به ويدخل له شك أن يكون بحياتها أخر سبب لها جرح

🌿🌿🌿🌿🌿🌿

بعد أنتهاء العشاء وجلسة السمر بينهم تفرق الجميع 

الى غرفهم

دخل فيصل الى الغرفة الموجوده بها نغم بعد ان طرق الباب ولم يرد عليه أحد 

وجد الغرفه فارغه ليندهش وكان سيخرج الا انه سمع صوت فتح باب الحمام المرفق بالغرفه 

ليري نغم تخرح منه وهى ترتدى مئزر حمام قصير الى ما فوق الركبه لم يكن محكم الغلق عليها 

بمجرد أن رأته نغم أحكمت أغلاق المئزر عليها وتحدثت بتعلثم خير أيه الى جابك هنا أطلع بره الاوضه وبعد كده اما تدخل على حد أبقى خبط على الباب ومتدخلش الا ميأذن لك بالدخول خلى عندك ذوق مش سوق هى 

لم يسمع حديثها الجاف معه هو سارح بها وبفتنها أمامه بدايتاً من أخمص قدمها الحافيه مروراً الى خصلات شعرها النديه وتلك الشفاه التى تتحدث له تائه  شفتاها هى طريق العوده لديه يفكر فى تقبيلها ولكن خائف أن ترفضه يشتاق الى أنفاسها كى تعود له الحياه 

أقترب وهو ينظر لها بوله اقترب لم يعُد سوى خطوه بينهم يخطوها هو أو تخطوها هى لكنها عادت الى الخلف تتحدث بجفاء 

قائله بحده أتفضل أطلع بره متفكرش علشان أني فى بيتك هسمح لك تدخل الاوضه الى أنا فيها براحتك 

أنا لقيطه صحيح بس مش ساقطه تسمح لك بدخول أوضتها وقت ما تحب وأنا من بكره هسافر القاهره وهقعد هناك لحد ما سافر،فرنسا تانى أتفضل بره

أغتاظ فيصل من قولها أنها لقيطه ليدير ظهره دون تحدث ويتجه صوب الباب 

تنفست نغم بهدوء وراحه 

لكن زالت 

حين أغلق عليهما الغرفه من الداخل بالمفتاح ووضعه بجيبه ووقف خلف باب الغرفه وربع يديه قائلاً 

كنتى بتقولى أيه  مخدتش بالى كنت سرحان 

لتقول نغم وداخلها يرتعش بسخريه وكنت سرحان فى أيه الى واخد عقلك 

ليرد وهو يقترب منها كنت سرحان فيكى والى واخد عقلى هو أنتى يا نغمى 

لترتبك نغم من حديثه ونظراته لها وتقول بتعلثم أتفضل أطلع بره أنا عايزه أنام 

ليقول فيصل وهو يشير الى الفراش أتفضلى نامى هو أنا منعتك

لتقول بتعلثم أخرج بره عايزه أغير وألبس هدومى وأنام 

ليقول فيصل قدامك الحمام تقدرى تاخدى هدوم وتروحى تغيرى فيه أنما أنا مش هخرج من هنا الأ من تكلم مع بعض ونتفق الأول 

لتقول نغم بقوه مفيش بينا حاجه نتكلم فيها أو نتفق عليها 

ليرد فيصل لأ فيه أهم حاجه فى حياتى أبنى هو فين مش هنا ليه 

لترد نغم عند نيره كنت أنا ولميس وجوانا معاها فى الاوضه ونام ونيره قالت سبيه نايم هنا علشان ميقلقش فى نومه ولو صحى هتجيبه وبعدين أنت مالك هو أبنى وأنا حره

ليقول وهو يقترب منها وينظر الى أرتباكها وتوترها بتسليه وكمان أبنى متنسيش كده أنا سايبك بمزاجى ومش عايز أضغط عليكى وصبرى قرب ينتهى 

لترد نغم بقوه وما صبرك يخلص هتعمل أيه هت

لم تكمل الكلمه أقتنص شفتيها بقبله هادئه وعاشقه  

تفاجئت نغم بما فعل للحظه أندمجت معه ولكن سرعان ما دفعته عنها بقوتها 

وقفت تلتقط أنفاسها تقول بأرتباك وأرتعاش أطلع بره بدل ما أصوت وألم كل الى فى البيت عليك الى حصل قبل كده مش هيتكرر تانى المره الى فاتت قولت أنا الى جيت لك برضايا ألمره دى أنتى بتجى وارايا ليه أنا نفسها اللقيطه متغيرتش 

متفكرش انى هسمحلك تمارس ساديتك عليا تانى

ليشعر بأن أحدهم يطعنه بقلبه من حديثها ونعتها له بذالك اللفظ  ولكن لو خرج الأن لخسر أخر فرصه لأسترجاعها  

🌿🌿🌿🌿🌿🌿

اتفاق....

طبعا انتم عارفين أنى حسابى ده جديد أنا والله كان نفسي افضل على الحساب القديم وبين متابعينى 

أنا بطلب منكم طلبين 

ياريت الى كان لها متابعه مع حد من متابعيني تعرفها بالاكونت الجديد وأبقى شاكره ليها جداا

ثانياً فى أربع فصول ناقصين كتابه فى الروايه وقراء جدد بيطلوبهم منى  أنا مضطره أوقف نزول فصل جديد لحد ما أكمل الناقص

أو انى أكتب يوم فصل جديد والى بعده يكون فصل قديم لحد ما كمل الناقص

أول ما خلصهم هبدأ أنتظم فى كتابة فصول جديده 

أعذرونى انتم عارفين أن أيدى والله العظيم الدكتور بيقولى متحركهاش كتير الفصل الى انتو بتقروه فى خمس دقايق دا بياخد كتابه أقل حاجه أربع ساعات كتابه متواصله 

كنت زيكم لما كنت بقرأ وبقول أنا ممكن أكتب روايه كامله فى يومين بس كتابه الورقه والقلم سهله عن الكتابه على الفون 

الورقه والقلم سهل تعدلى جمله أنما هنا سهل الى سهرت أكتبه يضيع 

أنا ضاع من روايه كامله فى الحساب القديم ومكنتش كتباها على ورق وكمان كان فصلين من الروايه دى بس عطل الفون ضيع كل ده غير كمان القراء الى متابعنى فأتمنى تعذرونى

وأختى بتساعدنى بس هى عندها أبنها 

ولازم نستحمل بعض 

ربنا يخرجنا من الأزمه والبلاء الى أحنا فيهم  كلنا وينجى المصريين والمسلمين أجمعين 

ودومتم سالمين أنتم وأحبائكم.💓