رواية نغم سطوة العشق والانتقام الفصل الواحد و العشرون 21بقلم سعاد سلامه

أنتهت ليله أخرى ليأتى شروق أخر 

ــــــــــــــــــ

نظرت نجوى الى تلك الطفله بحنان لتقيس درجة حرارتها لتجدها اصبحت طبيعيه حتى انها بدأت تستفيق من غفوتها 

لتنظر الى لميس تقول رجعت درجه حرارتها طبيعيه وبقت كويسه قولت لك انها حراره بسيطه من حرارة الجو واللعب طول اليوم فى الجنينه

لتبتسم لميس بتٱلم وتقول الحمد لله 

لتقول نجوى انا هقوم ٱقول لنسيمه تحضر لها اكل هى وانتى كمان انا متٱكده ٱنك مٱكلتيش من ٱمبارح ودا مش عادتك 

لتتركها وتذهب 

لتنظر لها لميس دون رد وهى تتمنى ان تكون هذه المرٱه ٱمها الحقيقيه ولكن لما تتمنى هى ذالك بالفعل

......ــــــــــــــــ

ٱستفاق الصغير الذى يتوسطهما ليفيق ويتجه الى والده الجاثى جواره يضجع بظهره على السرير مغمض العين لكن ليس نعس 

ليشعر به ويفتح عينه وينظر ٱليه بحنان مبتسماً وكذالك نغم التى تنام على الفراش مستيقظه 

ليفتحا ٱعينهم وينظرون له 

ليصحوا قائلاً بطفولته البريئه 

أنا عايز ٱروح عند جدو حافظ هو حبنى ٱنا وجوانا وبلعب معانا وبيجيب لنا لعب هو حبنا 

ليبتسمان له بتوجع

........ـ،،،،،،،،،

بعد قليل على طاولة الفطور 

تجمع الجميع 

كان كلا منهم شاردا

لتلاحظهم نجوى لتحاول التخفيف عنهم تقول نجوى انتوا هتروحوا تشوفوا عمى حافظ ٱمتى 

ليرد فيصل انا بعد ما هفطر هروح له 

لترد نغم أنا هاجى معاك 

لتقول لميس أيضاً وأنا كمان هاجى معاكم 

وتنظر الى نجوى تقول وهبقى كل شويه ٱتصل عايكى اطمن على جوانا 

لتقول نغم بخضه ليه مالها جوانا 

لترد نجوى كان عندها حراره والحمد لله خفت بس مش خليها تلعب فى الجنينه لا هى ولا ميجو النهارده يلعبوا هنا جوه 

لتقول نغم وفيصل بدعاء ربنا يشفيها 

لتبتسم لميس بتمنى دون رد

لتٱمن على دعائهما نجوى ثم تقول أنا اتصلت على طاهر من شويه وسٱلته عنه قالى ٱن الدكاتره قالوا ٱن وضعه لسه حرج بس محصلش اى تدخل منهم بالليل ووضعه لحد ما ممكن يكون مستقر بالنسبه لحالته 

لتنظر لميس تقول أنا عندى احساس ان جدو ربنا هينجه جدو هو الانسان الوحيد الى بحس بوجوده فى حياتى بيدينى الأمان 

لتنظر نجوى لها بتٱلم فهى لا تعرف ماذا فعل عصام معها جعلها بهذه الحاله يبدوا ٱنه لم يستمع لنصيحتها وصار خلف غضبه

لتقول نجوى ربنا يشفيه ويعافيه 

🌿🌿🌿🌿🌿🌿

دخل الطبيب ليعاين حافظ غُمرى 

ليخرج بعد قليل 

ليجد طاهر وحكيم فقط 

ليقول تقدروا تدخلوا تشوفوه بس بدون أزعاج الحاله مازالت مش مستقره 

ليقول طاهر أدخله أنت يا حكيم الأول وأنا هدخل بعدك 

لينظر حكيم له ويقول برجاء تعالى معايا.

...........ـــــــــــــــــــــــ

دخل حكيم ومعه طاهر ليجد عمه نائم موصول به عدة ٱنابيب طبيه ومغطى جسده الى صدره بملاة بيضاء 

لينظر ٱليه بتٱلم ليميل على احدى يديه يقبلها وتنزل من عينه دمعه على يد حافظ 

ليقول بٱسف سامحنى يا عمى ٱنا كنت دايما طير الشارد عن سربك ورغم دا كله عمرك ما قولت لى ٱنى غلطان فى حقك عمرك ما عاتبتنى بالعكس كنت دايما بتقربنى منك حتى ٱبنى عمرك ما كرهته 

شعر حكيم بحركة يد عمه 

ليقيم رٱسه وينظر الى عمه يجده مازال بغيبوبته 

ليتنهد بٱلم نادم 

وقف طاهر ينظر له ويتمنى ٱن يفيق هو لم يؤذيه يوماً بالعكس كان الناصح دائما له 

فى البدايه رفض زواجه من ٱبنته ولكن عندما علم بشهامته مع ٱبنته زوجها له حتى هو من نصحه بالزواج من نجوى بعد وفاة ٱبنته وظل معه على اتصال يعطيه من خبرته وينصحه فهو من نصحه بزواج فيصل من نغم حين سرد عليه امر عم نغم ونيته تزويج نغم من ٱحد ٱبنائه لكى لا يطالبن بميراثهم يوماً منه 

.............،،،،،،،،،

ذهب فيصل برفقة نغم ولميس الى المشفى ليتوجهوا الى مكان تواجد جدهم 

حين دخلوا وقفوا أمام الغرفه يستغربون لم يجدوا ٱحداً 

قال فيصل انا هتصل على بابا ٱشوفهم فين ولكن قبل أن يتصل وجد ٱبيه وحكيم يخرجان من غرفة جدهم 

يبدوا عليهم الحزن الشديد 

ليتوجهوا أليه بالسؤال عن حالته 

ليرد طاهر الدكتور قال مفيش تقدم بس سمح اننا ندخله بس بلاش تزاحم واحد واحد علشان الازعاج 

لتقول لميس انا هدخله 

ليقول طاهر جوه فى غرفه صغيره جانبيه هيعطوكى لبس معقم وكمامه تلبيسها ٱدخلى بس بلاش ازعاج 

......،،،،،،،

بعد ثوانى 

وقفت لميس بالقرب من جدها تنظر أليه بتٱلم شديد 

لتبكى سريعاً وتقول 

جدو انا بحبك يا جدو وانتي عارف كده انا كنت دايما بتحامى فيك فاكره وأنا فى المدرسة الداخليه لما كنت بغلط ويستدعوك ويشتكوا لك منى كنت بتضحك وانا شيفاك بس بتعمل قدامهم ٱنك حازم وبعد مايمشوا ويسبونا كنت بتحضنى وتقولى لو غلطت تانى او ٱتشاغبت هتزعل منى وفى الاجازه مش هستقبلك عندى فى السرايا بس كنت دايماً بتخلف كلامك اقولك على سر أنا كنت بتشاقى واعمل شغب علشان يطلبوك وتجى تزورنى وكنت ببقى مبسوطه لو جبت تيتا معاك 

أنا تيتا لما ماتت كنت فى فرنسا ومش عارفه انزل بسبب جوانا انها مش مثبوته فى السجلات المصريه 

حزنت كتير بس لما كلمتك ولقيتك صامد الحزن فى قلبى خف كتير وجودك دايماً حتى وانت بعيد بيطمنى 

حتى لما اتصلت عليا وقولت لى انزل وحكيتلك على مشكلتى ساعدتنى وجبت واسطه دخلت بنتى مصر من غير ما تضغط عليا علشان تعرف انا ليه ٱتجوزت بعيد عنك ولا لومتنى مش قلة مسؤليه منك لكن ٱستوعاب منك لظروفى 

انا بحبك يا جدو ولسه محتاجاك وهفضل عمرى كله محتاجه حنيتك عليا.

........،،،،،،،

خرجت لميس من الغرفه لتجد عصام قد اتى ومعه ليلى 

نظر عصام ٱليها متألماً ود إحتضانها وتطمينها ٱنه جوارها ولن يتخلى عنها أبداً ولكن بعد ما حدث بينهم هى لن تصدقه ولكن لن يبتعد عنها ويتركها مره أخرى تبتعد عنه 

نظرت لميس أليه بفراغ ليس لديها أى شعور لا عتاب ولا لوم 

لتتنحى من أمامه وتذهب الى نغم التى ضمتها.

......ـــــــــــ

دخل عصام الى جدهُ 

وقف أمامه يتنهد متٱلم 

ليقول له رغم انى مش حفيدك المباشر وكنت أبن الست الى أتجوزها بابا على بنتك بس كنت دايماً بتقربنى منك وبتحبني وترشدنى أكتر من بابا فاكر وانا صغير لما كنت تجى تاخدنى ٱقضى الصيف عندك فى السرايا مع ليلى ولميس علشان اكون قريب منك بابا دايما بقولى أنى فيا صفات كتير منك بس انا ساعات بتهور وكنت أنت بتهدينى او ترشدنى 

فاكر لما قولت لك انى بحب لميس ومش عايزها تسافر فرنسا وعايز ارتبط بها 

قولت لى حاول تقرب منها وقولها على مشاعرك بس انا اتراجعت وقتها وخوفت ترفضنى وأنصدم وسيبتها ولما جيتلك وقولت لك انى اسافر لها واحاول معاها حتى لو هخسر احسن من بعدها عنى بس وقتها حصل مشاكل فى الشركه ومقدرتش اسافر لها 

ياريتنى كنت اتجرأت وقتها وقولت لها انى بحبها وبلاش تبعد عني بس مبقاش ينفع الندم 

ارجوك يا جدى بلاش تسيبنا إحنا لسه محتاجينك 

ليميل يقبل يده.

..........،،،،،،

دخلت نغم لتنظر اليه ببكاء وتقول 

انا فاكره لما جيتلك بعد قتل بابا بمده صغيره رغم انى كنت طفله صغيره ٱستقبلتنى انا وماما 

ولما حكيت لك على الى شوفته يوم قتل بابا صدقتنى وقولت لى الطفل مبيعرفش يكذب وانا شوفتك يوم الحادثه فى السرايا عندى ومصدقك مجدى انا الى كنت طالب انه يجينى السرايا فى اليوم دا لو مش واثق منه عمرى ما كنت هدخله على بيتى ومراتى بس الى حصل كان قدر مكتوب 

وكمان كنت بتزورنى ٱنت وتيتا تحيه فى المدرسه الداخليه لما كنت بتجوا للميس

حتى لما كبرت فاكره قبل ما سافر فرنسا لما تيتا تحيه طلبت منى ٱزورها وروحت لها 

قالت لى ٱن فيصل غبى وهيندم على بعدك عنه رغم أنى محكتش لها الى حصل بينى وبينه وقتها بس وصتنى وقالت لى اما يرجع نادم حاولى تسامحيه وتعطيه فرصه تانيه وانا سمعت كلامها وعطيت فيصل فرصه تانيه 

ولما اتصلت عليا قولت لى جه وقت إنك تواجهى حكيم وتقولى الى حصل يوم مقتل مجدى وانا هكون معاكى وهساندك ورجعت علشان كده واستقبلتنى فى سرياك 

جدو إحنا مستنين رجوعك. 

.........،،،،،،، 

وقف فيصل ينظر أليه ليقترب منه ويميل يقبل جبينه

ليقول أنا آسف يا جدى عارف أنها متٱخره ويمكن لو مكنتش هنا فى المكان دا النهارده عمرى ما كنت هعتذرلك 

أنا بعتذر على أنى اتهمتك إنك رفضت علاج ماما 

بابا قالى يوم ما جيت ٱطلب منك نغم ترجع معايا 

لما رجعت بعد ما سابتنى كنت متعصب و بابا قالى ٱن سبب من ٱسباب طلبك من نغم الرجوع من فرنسا كان أنا لما ٱتاكدت أنى بحب نغم لأنى لو مش بحبها مكنتس هستنى المده دى كلها وكنت هتجوز تانى بس انا كنت منتظر أنها ترجع وخايف أروح لها وتصدنى وأرجع مهزوم بس انت اقنعتها وخليتها تنزل وكمان إنك عرضت كل الفحوصات الى ماما كانت عملتها على أكتر من دكتور وكان نفسك تعيش بس القدر دا كان اختياره 

أنا مستنى رجوعك وعايزك تشوف مجدى وهو بيكبر مجدى الى لما ٱتخطف ذللت الكل يدور عليه مجدى اول ما صحى النهارده قال انه عايز يشوفك وانه بيحبك.

..........،،،،،،،،

دخلت ليلى لتنظر الى جدها 

لتنظر بابتسامه متٱلمه تقول 

جدو أنا عارفه انى كنت عصبيه دايماً وبتهجم عليك 

انا اسفه يا جدو ارجوك سامحنى 

أنا رغم أنى حرينه وانا بشوفك نايم بالمنظر ده الا انى جوايا فرحه تصور يا جدو بابا لٱول مره حضنى وخدنى فى حضنه جامد قوى وكمان عصام خدنى فى حضنه انا مبسوطه قوى يا جدو 

فرحتى مش ناقصها غير انك تفوق علشان تحضنى انت كمان انا اكتشفت أنى بحبك قوى يا جدو.

.........،،،،،،،،،،

خرجت ليلى من غرفه جدها 

لتدخل اقبال تنظر بٱستغراب وتقول بتوجس هو عمى حافظ فاق 

ليتنهد الجميع بتمنى 

ويرد حكيم قائلاً لأ بس الدكتور سمح بدخولنا بس بهدوء بدون أزعاج 

لتقول أقبال وكلكم دخلتوا عنده 

ليرد عصام ايوا 

لترد برياء وانا كمان عايزه ادخله ممكن مهما كان هو زى عمى 

ليقول حكيم اتفضلى 

....

دخلت إقبال بعد أن تعقمت لتنظر الى ذالك النائم بكره شديد تتمنى أن يختفى من أمامها تدعى عليه وتلعنه 

لتسمع صوت صفير بالغرفه 

ليهرع أحد الأطباء بالدخول سريعا 

ليقول لها بأمر إتفضلي اخرجي لو سمحتى 

لتخرج وبداخلها سعاده أن تتحقق ٱمنيتها ويفارق حافظ الحياه 

خرجت ليلتف الجميع ويسأل ماذا حدث لدخول الطبيب بهذه السرعه وصوت الصفاره 

لترد بٱدعاء ورعشه بصوتها معرفش انا فجأه سمعت الصفاره والدكتور دخل 

ربنا يستر 

ليتمكن القلق من الجميع 

.............،،،،،،،،

بداخل الغرفه 

وقف الطبيب يبتسم قائلاً أظن كده بقى كفايه جدو 

أنا سمحت لهم يدخلوا يطمنوا عليك وكنت مراقب الغرفه من الكاميرا 

أظن بقى أطلع أطمنهم عليك أنت أتٱكدت إنهم بيحبوك 

ليضحك حافظ قائلاً بالعجل زهقت منى يا ٱبن عاطف ٱومال لو مش انا الى مدخلك طب بٱيديا وعملت المستشفى دا كلها علشانك 

ليضحك قائلاً فضلك عليا بس أنا شايف الى حواليك وحالتهم وانت بنفسك شايفهم عن طريق الموبيل الموصول بالكاميرا الى فى الممر كفايه تمثيل بقى انا اشتركت فى اللعبه دى علشانك لما اتفقت مع الضابط الى عاين السرايا أن التمثليه دى علشان تتٱكد مين من الى حواليك عايزك تموت 

بس ٱظن كده كفاية عليهم بقى أنا هطلع وٱبعتهملك وانت حر معاهم 

ليقول حافظ قبل ما تخرج ساعدنى ٱلبس هدومى 

ليرد الطبيب كده بس دا انت تؤمر وانا ٱنفذ يا جدو 

ليقول حافظ ولا وطمر فيك العشره يا ابن عاطف السواق 

ليضحك الطبيب قائلاً عاطف السواق بقى ابنه دكتور بفضلك دا غير هو الى قام بمهمة الاتصال على حبايبك.

.......،،،،،،

خرج الطبيب ليتجهوا جميعهم اليه بهلع يسٱلون عن صحته

ليقول الطبيب بهدوء لو سمحتوا هدوء 

ليصمت الجميع 

ليتحدث الطبيب قائلاً اتفصلوا كلكم تقدروا تدخلو عنده 

ليستغربوا هدوء الطبيب ويندفعوا الى داخل الغرفه جميعهم 

ليقفوا مذهولين عندما رؤوا حافظ يجلس على الفراش يبدوا بصحه جيده 

لينظر اليهم ويقف مبتسماً ويقول ٱيه المفاجأة معجبتكمش ولا ٱيه ارجع انام تانى 

ليردوا فى صوت واحد لأ بلاش 

كان ٱول من اندفعت أليه هى ليلى لترمى نفسها بين يديه ليضمها بحنان ويقبل رأسها لا تريد ان تخرج من بين يديه وتتشبث به وهو يحتضنها بحنان لبعض الوقت 

لتتجه إليها لميس وتسحبها وتقول كفايه انا كمان عايزه ٱحضنه لتتجه نغم هى الاخرى وتقول وانا كمان 

لتتنحى ليلى ليدخل الاثنان مع الى حضنه ليضمهما بين يديه مبتسماً ليظلا تحت يديه وتقترب ليلى من نغم ويصبح ثلاثتهن بين يديه 

ليقول باسماً ونظره مسلط على الرجالً انا مش عايز واحد منكم يقرب منى انا كفايه عليا حفيداتى 

ليضحكوا جميعاً 

ولكن كان هناك قلب غلول لهب عيناها يشتعل وهى ترى خطة قتلها لحافظ قد فشلت ولكن كيف 

سهل عليها الاجابه 

حين سأل حكيم بس انت ازاى يا عمى سليم وعاطف قال لنا إنك انصابت بالرصاص 

ليرد حافظ بتوضيح انا كان فعلاً ممكن انصاب بالرصاص بس لسه وقتى مخلصش كان ربنا عايزنى ٱشوفكم متجمعين كده نفس ٱمنية تحيه الله يرحمها كان نفسها تشوف احفادها جنبها متجمعين بس القدر 

بقى.

انا لما روحت من الزفاف حسيت بشوية تعب فضلت تحت فى الصاله قولت هرتاح شويه وبعدين اطلع انام اكيد دا اجهاد من السهر صحتى مبقتش حمل سهر 

فضلت يجى نص ساعه كده لقيت عاطف داخل عليا لاقنى قاعد فى الصاله فقالى لما انت هنا امال فى خيال فى ٱوضة ساعتك مين الى فيها انا شوفت خيال من النور الى فى الجنينه قولت لتكون تعبان انا كنت شايفك منهك وكنت جاى ٱطمن عليك 

وقفت بٱستغراب وبدون تفكير دخلت المكتب وجبت سلاحى وجبنا معانا حراس ودخلنا الاوضه لقينا واحد فيها وقبل ما يضرب بالنار كان ممسوك من الحراس 

واتصلنا على الشرطه ولما جات الى كان فى الاوضه قال انه جاي،علشان يسرق هو عارف ان مفيش حد فى السرايا بس متوقعش رجوعنا دلوقتي 

وانا اتفقت مع الشرطه والدكتور أنهم يقولوا انى انصابت علشان لو حد تانى مع الحرامى هيرتبك ويبعد عنى وبس كده 

ليبتسم عصام قائلاً حمدلله على سلامتك يا جدى بلاش تسيبناإحنا محتاجينك 

ليبتسم الجد ويقول وانا كمان بحبكم ومحتاجلكم بس مش عايز حد منكم يقرب منا كفايه عليا التلاته دول ليضمهم اليه بحنان 

قائلاً والى هيزعل واحده منهم حسابه معايا عسير 

لينظر عصام الى لميس نظره ٱعتذار هو ترك سطوة غضبه تتحكم به معها لتخفض نظرها وتنظر الى جدها مبتسمه بتوجع لكن زال الوجع وهى بين يد جدها.

اما ٱقبال كانت النيران تشتعل بقلبها فخطتها فشلت ونجح حافظ قرب احفاده منه جمعهم بعد ان كانوا متفرقين. حوله فى كل اتجاه.

🌿🌿🌿🌿🌿🌿

مرت أيام.

بشقة عصام 

جلست نغم ولميس ارضاً وجوارهن جوانا تلعب حولهم وتبتسم 

كانتا تجلسان امامهما حواسبهم الشخصيه ومجموعة أوراق على الارض 

لتقول لميس أنا بفكر اننا نستعين بنجمه شابه من نجمات الصف الاول علشان الإعلان 

لتنظر لها نغم بسخط بذكائك نجمة مين الصف الاول الى تعمل اعلان سمنه 

فوقى دا اعلان سمنه والبان مش شامبو او كريم مغذى للبشره هتستغلى جمالها دا عايز حد يكون مشهور بالبساطه او فى مجال الطبخ 

لترد لميس والسمنه والالبان ومشتقاتها مش مغذيه.

لتقول نغم مغذيه لكرشك الى مش بتبطلى اكل ليل ونهار 

لتقف لميس وتقول فكرتنى اما اقوم اعمل سندوتشين وكمان اى حاجه نشربها 

لترد نغم مش عايزه اكل انا عايزه قهوه ساده اشربها على روح غبائك وقهوه داكنه مش نسكافيه ولا اكسبرسوا ولا تلاته فى واحد بتاعك ده ماليش فيه وبسرعه عايزه اخلص وارجع اخد ابنى واروح الاستراحه 

لتقول لميس بحبث ٱبنك ولا ابو الواد وحشك اعترفى 

لتبتسم نغم وتقول بسرعه وارجعى بدل ما سيبك وامشى و وجدى زمانه هيولع مننا احنا استغلناه بزياده 

لتضحك لميس وتقول وماله ما ياما غلث علينا فى الجامعه ٱهو نخلص منه شويه 

بعد قليل عادت لميس بصنيه موضوع عليها بعض الطعام والمشروبات 

وتضعها ارضاً جوارهن 

ويعودن للعمل مع تناول الطعام الى ان أتى المساء 

لتلملم نغم الاوراق وتغلق حاسوبها وتقول بكده يبقى احنا خلصنا البروجيكت بتاع الاعلان فكرى كده فى شخصيه مناسبه ابحثى على النت وانا كمان هبحث احنا بقالنا مده مش فى مصر فا مش عارفين حد انا هسٱل ماما هى بتحب قنوات الطبيخ وانتى شوفى كده يمكن تلاقى حد مناسب علشان اما نقابله بكره هنا يكون كل شىء جاهز

يلا انا همشى بقى قبل عصام ما يرجع 

لتقف وتقول نغم الا لسه علاقتك بيه جيره فى السكن ولا اتحرشتى واتغرغرتى بيه 

لتضحك لميس بسخريه لأ جيران زى ما إحنا أنا مستنيه الوقت المناسب وهفاتح جدو وبعدها هسافر تانى انا وجوانا فرنسا 

لتقول نغم الى فيه الخير يقدمه ربنا ليكى 

لتقبل خدها وتميل تقبل جوانا وتتركهم وتخرج 

تنهدت لميس بحيره وتحسر من ٱمرها تخشى أن تصدم جدها بزيجه ٱخرى لها فاشله وهذه المره ٱصعب فهى من حفيد عائلة غُمرى 

🌿🌿🌿🌿🌿🌿

بعد وقت دخل عصام الى الشقه ليبحث عن لميس

ليجدها تجلس بغرفة طفلتها ٱرضاً تلعبان سوياً 

للحظه ٱبتسم وتمنى أن تكون تلك الطفله منه كم تمنى تكوين عائله مع لميس ولكن ليس للتمنيات مكان ظل شارداً بهن

ليفيق على صوت تلك الصغيره وهى تمرح حين رأته 

وتتجه ٱليه بعفويه طفله

للتعجب ٱستقبلها بود ويميل يحملها ويذهب الى مكان جلوس لميس ويجلس جوارها ٱرضاً ويلعب معهن 

لتبتسم له بود 

بعد وقت مالت الصغيره الى النوم

لتبتسم لميس وهى تحملها لتضعها بالفراش لتنام سريعاً لتغلق الضوء ويظل ضوء خافت بالغرفه 

ظل عصام يراقبهن معاً الى ان خرجت لميس من الغرفه 

لتقول له ٱنت ٱتعشيت 

ليرد عصام ايوا كنت عند بابا واتعشيت معاه هو ٱقبال 

لتقول له طب كويس تصبح على خير 

وتتركه وتذهب الى الغرفه المجاوره لطفلتها للنوم بها

كم ود ٱن يجذبها ويقبلها ويعتذر منها لكن للٱسف هى تصد محاولاته التقرب منها منذ ذالك الليله 

بعد قليل ذهبت لميس الى الغرفه التى ينام بها عصام 

لتطرق الباب وتسمعه يسمح لها بالدخول 

لتدخل 

لتقف بخجل فهو ٱمامها لا يستره سوى تلك المنشفه 

لتقول بتعلثم وخجل انا كنت جايه ٱقولك ان فى اجتماع مع وجدى بكره الساعه ٱتنين فى الشركه علشان الاعلانات الى هنفذها 

ليبتسم على خجلها ويقول عندى خبر بكده 

لتقول طب كويس تصبح على خير 

ليجذبها من يدها ويضمها ٱليه ويقول هو كل الى عندك طب كويس مفيش حاجه تانيه 

لتنظر ٱليه بٱرتباك ولا ترد لتفاجىء به يجذبها من عنقها ويقبلها بلهفه 

لكنها ٱبعدته وتركت الغرفه سريعاً دون تحدث 

ليقف عصام يشعر بالندم والحسره بقلبه 

دخلت لميس الى الغرفه وٱغلقتها خلفها تجلس خلف الباب تبكى لما لا تعرف ما هذا الشعور التى تشعر به لأول مره بحياتها 

تريد قربه وتبتعد حتى لا يلومها ما هذا الشعور هى حكمت عقلها بزواجها من عصام عكس شاهر كان المتحكم هو قلبها لا عقلها 

هل بدء يثور القلب ويبحث عن عشق جديد لا لن يحدث فيكفى ٱلماً واحد. 

🌿🌿🌿🌿🌿🌿

فى الصباح 

ٱستيقظت نغم على تلك الزهره الجميله 

التى كان يمسد بها فيصل على وجنتيها وشفاها 

لتبتسم 

ليميل يقبلها ويقول بين قبلاته كلمات غزل 

ليدخل عليهم طفلهم مرحاً 

ويصعد الى الفراش

لتخجل نغم وتسحب الغطاء عليها 

ليقول فيصل انا مش لسه سايبك عند الكلاب ايه الى جابك 

ليبتسم مجدى 

ويضم نغم مقبلا قائلاً بطفولته صباح الخير ماما 

لتقبله بحنان وتقول احلى صباح لميجو بيه 

لتنظر نغم لفيصل وتقول عندى النهارده انا ولميس اجتماع بعد الظهر مع وجدى فى شركة غُمرى علشان الحمله الاعلانيه الجديده 

ليشعر فيصل بالغيره من انها ستقابل ذالك الرجل الذى يرى أن لديه ٱعجاب بنغم 

ليدارى غيرته قائلاً وهتتٱخرى 

لترد مش عارفه اول ما نخلص مناقشه الحمله هفوت على ماما واخد ميجو واجى هنا 

انا مش عارفه ليه مُصر أننا نفضل هنا مش هناك معاهم 

لينظر لها بعشق ويقول أنا عايز ٱبقى معاكى انتى وميجو وبس عايز اعوض بعدكم عنى السنين الى فاتت

وكمان انا برتاح هنا عن البيت 

ليهمس بين نفسه يقول هناك بيفكرنى دايماً بالليله السوده الى عشتها معاكى هناك وبحس قد ٱيه انى كنت غبى وحقير لما ٱستسلمت لسطوة ٱنتقامى وٱذيتك وقتها بالقول والفعل 

ضحكت تنهض من على الفراش وتقبل صغيرها وتقول انا هاخد شاور وانزل ٱساعد عنيات فى الفطور وانت يا ميجو اغسل ايدك وٱسنانك يلا 

ليبتسم فيصل وداخله يتمنى ان تدوم هذه السعاده على وجه نغم.

🌿🌿🌿🌿🌿🌿

بعد وقت 

دخل على فيصل بمكتيه بٱحد مصانعه ذالك الضيف 

ليقف فيصل مرحبا به بحفاوه يستقبله 

ليقول بهدوء أنا ٱتصلت عليك وطلبت ٱقابلك النهارده لسببين 

الاول علشان نتعارف على بعض بصوره مقربه 

أنا على مهيب عضو مجلس الشعب عن دايرتنا 

ليرد فيصل وانا فيصل العفيفى واتشرفت بمعرفتك 

🌿🌿🌿🌿🌿🌿

صعدت عنيات الى غرفة نغم تقول لها فى ضييفه تحت عايزه تقابلك وانا دخلتها الصالون 

لتبتسم نغم وتقول مين 

لترد عنيات هى قالت خليها ليكى مفاجأة

لترد نغم تمام انا خلصت لبس وهنزل حالا لها وانتى ضايفيها 

بعد دقائق قليله دخلت نغم الى غرفة الصالون لترى من تلك الضيفه 

لتجد فجر الفهدى 

لتصدم وتشعر بنار الغيره من وجودها بالمكان معها هنا 

لتقف فجر تضحك برياء وتقول انا عارفه انى جيت بدون ميعاد بس بصراحه انا جايه علشان،حاجه مهمه 

لتقول نغم اهلاً وسهلاً بحضرتك

🌿🌿🌿🌿🌿🌿

بداخل مصنع غُمرى 

دخل شاهر متضايقاً 

ليصفع باب غرفة عصام بقوه ويدخل عليه 

ويقول بتهجم أنا روحت ٱباشر شغلى فى المزارع حراس المزارع منعوا دخولى وقالوا انه امر مباشر منك 

ليرد عصام وهو مازال جالساً على مكتبه 

فعلاً دى ٱوامر منى انا نحيتك من منصبك 

ليرد شاهر بصدمه وهو يغتاظ والسبب 

ليرد عصام بدون سبب انا عندى صلاحيات عزل اى موظف من منصبه فى اى وقت وبدون ما قدم له ٱسبابى 

ليرد شاهر أنا هروح لجدى وٱشوف رٱيه ٱيه 

ليتركه ويغادر ويظل عصام متعصباً يزفر انفاسه بقوه 

ليقوم بمهاتفة أحداً على الهاتف ويحدثه بٱختصار 

الوقت دا دورك.