رواية نغم سطوة العشق والانتقام الفصل الثالث و العشرون بقلم سعاد سلامه
بداخل ذالك المخزن القديم
دخلت اقبال
لتجد نور المخزن يضىء وينطفىء كالافراح
لتستغرب وتقول
منصور بطل لعب فى النور لتتكهرب
ليأتى من خلفها يضحك عاليا ويقول اتكهرب
خير أيه سر طلبك تقابلنى المره دى عايزه تخلصي من مين
لترد إقبال بسخريه وانت فى مره نجحت فى طلب أنا طلبته منك
قولتلك تقتل حافظ بعت واحد غبى اتمسك من قبل ما حتى يضرب رصاصه بس كويس أنك بعت الى قتله قبل ما يعترف أنك أنت الى بعته
ليضحك منصور ويقول وتفتكرى انه يعرفنى ولا عمره شافنى الى اتفق معاه واحد تانى وقاله أنا بعيد عن الصوره
بس مقولتليش عايزه أيه
لتقول له أنا قابلت أم يمنى صدفه وعرفتنى
ليرد ومين ام يمنى دى
لترد دى بنت من البنات الى كنت بجيبهم لك وكان عندها 18سنه ومن عنفك معاها جالها نزيف وماتت
ليتذكر تلك الفتاه ويقول وإيه يعنى انتى مش عملتى وقتها سيده البر والتقوى وعطيت لأمها الفلوس الى اخدتيها منى على انها مساعده منك لها
لترد إقبال الست بتقول أنها قابلت واحده كانت بتشتغل عندك فى المصنع وقالت لها انها شافت بنتها اكتر مره كانت داخله عندك المكتب واخر مره شافتها وهى كانت داخله عندك الفيلا وبعدها لقوا بنتها فى الطريق الصحراوى وغرقانه فى دمها
ليقف ويقول ومين الى قال للست دى كده لسه بتشتغل عندى فى المصنع
لترد أقبال معرفش رفضت تقولى وقالت أنها هتقدم فيك بلاغ انك ممكن تكون السبب فى موت بنتها
ليرد بتوجس وهو ينظر لأقبال بس أنا ليه حاسس ان كلامك دا كدب وإنك ممكن تكونى انتى الى بعتى للست دى وقولتى لها علشان تستفزينى
لتضحك أقبال بسخريه وتقول وأنا هعمل كده ليه أنا لو عايزه استفزك سهل بلاغ للنائب العام ان مصنعك بينتج مواد مسممه وضاره بالبيئه وكمان الفيديو الى معايا
ليرد منصور انتقام منى على رفضى زمان انى اتجوزك
لتضحك وتقول الموضوع دا انا نسيته
ليقترب منصور منها وينظر لها بشر وهتنسى كل شىء عنى وهتنسينى أنا شخصياً
لتقف بتوجس وتقول قصدك ايه
لتجد رجلان ضخمان يقتربان منها
لتقول له منصور اعقل كل اسرارك معايا
ليرد وكل اسرارى هتموت معاكى
ليشير لاحد الرجال
ليخرج من جيبه زجاجه ويرشها على وجه أقبال
لينظر منصور لها بتبسم ويقول
فضيتلك يا جميلتى والليله هتكونى بين ايديا
🌿🌿🌿🌿🌿🌿🌿
اردف الصباح لتشرق شمس تبدل الظلام
لم تنم طوال الليل منذ أن رأته بالمشفى تبدل حالهاعادت الى تلك تلك الصبيه التى كانت تشعر دائماً أنه الوحيد الذى يسألها عن حياتها ماذا يسعدها
كان الوحيد التى يشعرها أنها ذات قيمه
لتنزل من على الفراش وتتجه الى دولاب ملابسها وتفتحه وتفتح ذالك الصندوق الموسيقى الصغير
لتفتحه لتسمع نغماته وترى ذالك الاثنان يرقصان على النغمات لتمسك بيدها تلك الفلاشه الصغيره
وتضعها بهاتفها
لتسمع صوته يغنى باسمها تلك الاغنيه الشهيرة
يا ضحكة الرمان نادت عل العطشان
وحلمك النعسان خايف من الهزه
شايف هلال فضه وشعرك البستان
طاير انا حيران طاير من اللذه
يا ليلى يا ليلى ياليلى
اسمك الغالى يا ليلى منتهى اللذه
يا حبيبة عمرنا بسمه جايه تضمنا
يا جميله وسطنا انتى ليلة فرحنا
تدبحنى عيونك لما تخطفنى فى وسط اللمه
اعطش فى الليل واتمنى اشرب من نبعك لما
يا ليلى ياليلى ياليلى
اسمك الغالى ياليلى منتهى اللذه
يا حبيبة عمرنابسمه جايه تضمنا
يا جميله وسطناانتى ليله فرحنا
ترسمنى عيونك لما تروينى الضحكه الناعمه
تذكرت كيف قست على قلبه حين قالت له انها لا تبادله الحب هى كاذبه هو كان الحب ولكن التكبر والغرور كيف لحفيدة غُمرى ان تظهر أنها تحب ابن سائق جدها
لاول مره تعترف بالندم عندما سمعته يقول ان اسم ابنته ليلى
قالت لنفسها هل لو نحت تكبرها و تزوجته لأصبحا هذان الطفلان أبنائها كان تغير قدرهاوتحققت امومتها المفقوده.
🌿🌿🌿🌿🌿🌿
خرج عصام من غرفته ليرى لميس تقف تحمل إبتنها وبجوارها حقيبة كبيره وتستعد للخروج
لينظر بإستغراب رايحه فين بدرى كده وٱيه الشنطه الى جانبك دى
لترد عليه أنا ماشيه وهسيب الشقه يا عصام ومش هرجع بيت جدى
لينصعق عصام قائلاً يعنى أيه ماشيه وهتتسيبى الشقه قصدك ٱيه
ليحاول اخذ الطفله منها
ولكنها تشبثت بها
ليقول عصام خلينا نتفاهم بهدوء
ارجوكى
لتتركه يأخذ الصغيره ليضعها على أريكة بالمكان
لينظر لها ويقول هتمشى ليه
لترد لميس يعنى أنا مبقاش ليا لازمه فى حياتك أنا بطلب منك أننا ننفصل بهدوء
ليقف عصام مذهولا متألماً ينظر الى لميس ليقول بأسف أنا أسف على الى حصل امبارح أوعدك انه ميتكررش تانى غير بموافقتك
لترد لميس الى حصل امبارح كان نهاية كل شىء بينا انت مش قادر ولا هتقدر تنسى أو تتقبل انى كنت متجوزه قبلك
لتنزل دموع عيناها وتقول أنا معملتش،ذنب أنا كنت متجوزاه على سنة الله ورسوله بس هو طلع غدار
وغدر بيا
أنا عمرى ما طمعت فى حاجه فى ايد حد دايما برضى بالى فى ايدي أنا لما اتجوزت شاهر قالى انه هو وليلى انفصلوا للمره التانيه وانها هى الى انفصلت عنه لأنها مش قادره تتقبل أنها مستحيل تكون أم
رسم عليا الملاك وأنا بسذاجتى صدقته
لكن وقت ما شاورت له بنت الحسب والنسب سابنى ورجع لها تانى حتى من غير ما يطلقنى
بعتلى رساله بيطلقنى فيها وياريته حتى أعتذر انما الرساله
أنا اكتشفت انى مقدرش اعيش من غير ليلى أنتى كنتى نزوه فى حياتى
كنت نزوه بس مفكرش فيا وفى مشاعرى ولا ان النزوه دى ممكن تدفع تمنها طفله كل ذنبها أن أمها عندها إعاقه فى رجلها متلقش تبقى زوجه لشخصيه مرموقه زى شاهر بيه منسى
أنا لما جدى طلب منى أنا ونغم إننا ننزل مصر حكيت له على الى حصل بس مقولتش انا كنت،متجوزه مين خوفت وقتها يقولى إنى اطمعت فى جوز بنت خالتى وأنا الى غويته قولت هتفاهم مع شاهر بهدوء لوحدى بعيد عن العيله وكان وافق بس عايزنى عشيقه له اسافر فرنسا ونتجوز تانى ومحدش يعرف هنا ورفضت عرض انا لو انانيه كنت هدمت كل حاجه ومهمنيش حد أنا كان ممكن اجيب شيخ الجامع الى كتب كتابى فى باريس وكمان معايا تسجيل بصوت شاهر شبه اعتراف منه حتى لو شاهر كدبنى قدام العيله كنت هقسم العيله بين الى مصدقنى والى مكذبنى
بس جدو هو فاجئني بالخطوبه منك يوم حفلة الشركه
لما قولت له ليه عمل كده قالى انتى مش بتثقى فيا
أنا مش هضرك
قولت له عصام كان لازم يعرف انى متجوزه قبله
قالى هيعرف فى الوقت المناسب الى انتى هتختاريه
أنا متأكد أن الحكايه دى مش هتفرق مع عصام
فعلاً كنت بتهرب منك كنت خايفة تلومنى كنت مستنيه انى اوصل مع شاهر لحل سلمى وكنت هقولك ولو رفضت إنك تتجوزنى صدقنى كنت هتقبل وكنت هتمنى لك السعادة من قلبى
رغم ان ليلى أقربلى منك بس انت كنت دايما بتعاملنى أفضل منها عمرك ما حسستنى انى دخيله بينكم زيها ودا كان السبب انى اصدق كدب شاهر واقع فى فخ حبه ليا
لو سألتنى دلوقتي انتى حبيتى شاهر هقولك لأ
أنا كنت زى أى بنت نفسى اسمع كلمة حب حب راجل لست مش صداقه أو اخوه
أنا تعبت يا عصام مبقاش عندى قدره استحمل عذاب من تلميحات اقبال ليا انى مش قد مقامك وأنا خلاص قلبى مبقاش فيه مكان لألم أكتر من كده
امبارح لما اتخضيت عليك قولتى إنى خايفه عليك
ايوا يا عصام بخاف عليك
كنت بآجل انفصالنا وبتحجج إنى خايفه على جدو بس كان نفسي تتقبل إنى غلطت وتسامحنى أنا بنسحب من حياتك وبتمنى لك السعاده
لم يستطيع عصام الرد هى تختار الانسحاب
وقفت لميس للحظات تنظر الى صمته تتمنى أن يجذبها إليه ويمنعها أن تغادر لتشعر بخيبة أمل أخرى
لتستدير لميس تحمل طفلتها وتأخذ حقيبتها وتغادر
جلس عصام على الاريكه يضع رآسه بين يديه يشعر بضياع
شاهر هزمه
لميس تلك المرأة الناعمه كان قلبها كالصحراء القاحله أردت أن ترتوى لكن لم تكن تعرف ان المياه المالحه لن تروى ظمأ قلبها بل ستجعله يجف.
🌿🌿🌿🌿🌿🌿
صحوت نغم من غفلتها فهى بعد ان أخرجها من الغرفه ليلا عنوه
ذهبت الى غرفة طفلهم ظلت مستيقظه تفكر لما فعل هذا ولم يستوعب عقلها ما حدث ليزيد لديها شعور سىء يحدث ظلت ساهره تبكى لما لا تعرف سبب ما جعله يقوم بطردها بهذا الشكل من غرفة نومهم ولكن يبدوا أنها وقعت تحت سطوة النوم
لتنظر الى طفلها النائم وتتنهد لتتركه بالغرفه
وتتجه الى المطبخ لتجد عنيات تجلس به
لتقول صباح الخير يا عنيات
لترد عنيات صباح النور تحبى احضرلك الفطار
لترد نغم حضريه على ما صحى فيصل
لتنظر عنيات باستغراب وتقول بس فيصل بيه خرج من شويه انتى متعرفيش
لتستغرب نغم هى الاخرى وتشعر بشعور سىء هل انتهت سعادتها
لتلاحظ عنيات شرودها
لتقول بتبرير يمكن عنده شغل فى الارض بدرى ومحبش يزعجك
لتنظر نغم لها وتقول يمكن
🌿🌿🌿🌿🌿🌿
بالمشفى
جلس فيصل مع ماهر ليقول ماهر
خير متصل عليا من بدرى ليه
ليسرد له ما شعر به بالأمس من هيجان وهيبره
ليستغرب ماهر ويقول له
انت بستعمل اى نوع من المنشطات الحثيه
لينظر فيصل له ويقول انت شايف انى محتاج للنوعيه دى من المنشطات أنا اساسا مش بستعمل اى ادويه إلا للضروره القصوى
ليرد ماهر يمكن كنت فى مكان واخدتها بالغلط
على العموم تعالى معايا نعمل اختبار دم نشوف ونتاكد من سبب الى حصلك ده
بعد قليل قال ماهر نتيجة العينه هتطلع كمان ساعه وانا فاضى دلوقتى تعالى نتسلى مع بعض فى مكتبى شويه من زمان مقعدناش مع بعض وعرفت عنك اخبار كتير إنك بقيت أب من ورايا انتى ناسى انى كنت جاسوس عليك ولا أيه
ليضحك فيصل ويقول تمام يا حضرة الجاسوس الفاشل
ليرد ماهر بمرح جاسوس فاشل بس بقيت دكتور ناجح واتحوجت ليا وناوى أستغلك حوجتك دى
🌿🌿🌿🌿🌿🌿
ظلت نغم مستغربه من خروج فيصل باكراً وأيضاً مما حدث بليلة امس
لتفيق على صوت طفلها يقول ماما تليفونك
ليعطى لها الهاتف لتأخذه منه بحنان وتقول له كمل لعب يا حبيبى
لترد
ايوا يا لميس خير،ايه سبب اتصالك دلوقتى
لتنتفض واقفه وتقول لها مسافة السكه ونتقابل عند ماما يلا مش هغيب.
.......
بعد قليل
جلستا نغم ولميس بأحد الغرف بعد أن تركن طفلاهن مع نجوى بالخارج
لتبكى لميس وتحكى لنغم ما تشعر به من عذاب فى قلبها
لتقول نغم أنتى بتحبى عصام يا لميس
لتنظر لميس لها بأستغراب
لتكرر نغم ما قالت ايوه بتحبى عصام ومش من قريب من زمان فاكره لما كنتى بتحكى لى على معاملته الحسنه ليكى كانت عنيك بتلمع ونفسك يحبك بشكل تانى بشكل أنك حبيبته مش قريبته او صديقته بس كنتى خايفه تعترفى بكده لتخسريه كان وجوده بصورة صديق او قريب عنده أفضل من خسارته كنتى خايفه من تجربتى مع فيصل ومعاملته الجافه ليا لتكرر معاكى انتى وعصام
ولما ظهر شاهر وقالك كلمتين غرام كان نفسك فيهم وقعتى بفخه أنا مش بلومك يا لميس أنتى قولتى لى أنك حكمتى عقلك بجوازك من عصام بس الى اتحكم كان قلبك لما لقى فرصه حاول يتمسك بها
بس زى كل حاجه فى حياتنا الفرصه ضاعت لما حسيتى أن عصام عمره ما هيغفر لك جوازك الكاذب من شاهر
كانت دموع لميس هى الرد
لتقول نغم وهتقولي لجدو امتى أكيد هيشك لما يلاقيكى رجعتى عنده السرايا تانى
لترد لميس أنا مرجعتش السرايا أنا روحت على بيت بابا وهفضل فيه لحد ما سافر تانى مش هقدر اعيش هناك واشوف نظرات جدو ليا لما يعرف إنى كنت متجوزه شاهر وكمان ليلى واكيد هتتهمنى أنى انا الى غويت شاهر
لتقول نغم يعنى دلوقتى شاهر هو الى كسب وهيطلع الملاك البرىء
لترد لميس ميهمنيش برىء أو متهم أنا غلطت ودفعت التمن أنا خلاص
ليرن هاتف نغم لتنظر إليه
وتعود بنظرها الى لميس
لتقول لميس مين الى بيتصل عليكى
لترد نغم دى مكتوب فجر الفهدى
لتستغرب لميس وهى تمسح دموعها وتقول ودى كمان عايزه أيه بعد الى حكيتى ليا عليه إمبارح
لتقول نغم معرفش بفكر ما ردش عليها
لتقول لميس دى واضح انها مصممه انك تردى دى مش بطله اتصال ردى عليها مش هتخسرى حاجه ولا الغيره لسه فى قلبك منها
لتنظر الي لميس وتقول لأ وماله أرد مش هخسر
حاجه
لتسمع نغم صوت فجر المبحوح وطلبها منها الذهاب إليها بالمشفى بتوسل
لتقول نغم تمام هجيلك المستشفى بعد ساعه كده.
وتغلق الهاتف
لتقول لميس عايزه منك أيه
لتقول معرفش هى فى المستشفى الى كان فيها جدو
وعايزانى أروح لها لأمر خاص وصوتها مبحوح خالص
لتقول لميس والله أنا حاسه ان من وراها مصيبه وانتى هتروحى خدينى معاكى
لتقول نغم انا كنت هقولك تعالى معايا يلا خلينا نقول لماما أننا هنخرج ونروحلها.
🌿🌿🌿🌿🌿🌿
بالمشفى.
دخل أحد العاملين بمعمل المشفى بنتيجة تحليل فيصل
ليأخذها منه ماهر ويقوم بفتح المغلف
ليقرأ نتيجة التحليل ويتعجب وهو ينظر الى فيصل الجالس معه
ليقول فيصل بتوتر أيه نتيجة التحليل
ليرد ماهر زى ما توقعت وقولتلك أنك كنت تحت تأثير اكثر من نوع منشط
ليقول فيصل بذهول قصدك ٱيه
ليرد ماهر
التحليل بيقول أنك اخدت عقار منشط حيثى وكمان مضاعف قوى
ليرد بعدم فهم يعنى أيه مضاعف قوى
ليرد ماهر مضاعف القوى ده بيخده أصحاب الرياضيات العنيفه زى المصارعين كده علشان يعطيهم قوة بدنيه زياده وكمان يقلل من شعور الألم عندهم
بس انت اخدته بنسبه صغيره ودا الى خلاك تقدر تتحكم فى جسمك زى ما قولتلى
لان لو المنشطين دول كانوا اتحكموا فيك بقوه كنت ممكن تموت الى قدامك وانتى مش دريان
ليقول فيصل بس أنا ماخدتهمش ازاى دا حصل
ليرد ماهر افتكر شربت اواكلت فين إمبارح يمكن اخدته بالغلط
ليتذكر فيصل ويقول له انا متغدى مع بابا وطنط نجوى وبعدها كان عندى كذا شعلانه خلصتهم وكنت بشرب ميه بس بس دى من زجاجه مقفوله ومعايا بقيتها فى العربيه
ليتذكر
وكمان روحت عند بيت منصور الفهدى قبل ما روح وشربت ميه مش اكتر والحاله دى جاتنى وانا راجع البيت
لينظر ماهر له بتخوف انت كنت فى بيت منصور الفهدى إمبارح امتى
ليرد فيصل قبل ما روح مباشرة قصدك أيه
ليرد ماهر دى مصيبه
فجر الفهدى دخلت هنا المستشفى بعد الفجر فى حالة اغتصاب واضحه جداً وكمان بلغنا الشرطه
انت واثق من نفسك أنك مقربتش منها
ليرد فيصل قصدك أيه انت بتتهمنى،
ليرد ماهر انت بتقول أنك كنت عندها قبل ما تروح والحاله دى جاتلك يبقى أيه
ليرد فيصل قصدك أن فجر ممكن تكون هي الى حطت فى الميه المنشطات دى
ليقول ماهر وارد جداً انت فضلت عندها قد أيه
ليرد فيصل مش اكتر من عشر دقايق لأن جالها ضيف تانى وطلعت تقابله وأما رجعت تانى بسرعه أنا مشيت فوراً بس كان واضح عليها الارتباك
بس محستش بالحاله دى غير وانا فى العربيه يعنى بعدها بربع ساعه كده
لينظر ماهر له بتوجس.
🌿🌿🌿🌿🌿🌿
بسرايا حافظ غُمرى
دخلت ليلى يبدوا على وجهها السهاد
لتجد حكيم يجلس مع جدها ويبدوا على وجهه القلق بغرفة المكتب
لتقول صباح الخير عصام اتصل عليا وقالي اقابله هنا
ليرد حافظ صباح النور هو على وصول اقعدى
ليرن هاتف حكيم
ليرد عليه
ليقف مفزوعاً ويقول هكون عندكم فى القسم فوراً
ليقول حافظ خير هتروح القسم ليه
ليرد حكيم إقبال امبارح خرجت ومرجعتش طول الليل وتليفونها مغلق وانا اتصلت على كل معارفها ومفيش حد قال انه كان معاها ودلوقتي اتصلوا عليا وبيقولوا انهم لقوا بعض متعلقات شخصيه تخصها هروح اشوف فى ايه
ليدخل عصام أثناء خروجه ليقول على فين يا بابا
ليسرد له اختفاء أقبال بالأمس وعثور الشرطه على بعض متعلقاتها
ليرد عصام بفتور خير انشاءآلَلَهّ
ليخرج حكيم
ليجلس عصام على احد المقاعد ويضع حقيبته على الطاوله
لتقول ليلى خير يا عصام اتصلت عليا وقولت عايزنى عند جدو
لينظر عصام الى جده ثم يعود بنظره الى ليلى قائلاً
مش خير يا ليلى
وقبل ما اتكلم واشرحلك كل حاجه بالتفصيل مش عايزك تظلمى لميس
لميس زيك ضحيه استغلها شاهر فى الانتقام منى
لترد بعدم فهم قصدك أيه
ليخرج من حقيبته ملفاً ورقياً ويضعه أمامها قائلاً اقرى الملف دا كدا
لتقول له قولى الملف دا فيه أيه وبلاش تلعب بأعصابى
ليرد عصام الملف دا حساباتك فى البنوك
أنا لغيت الحساب المشترك الى بينك وبين وشاهر
لترد بأستغراب أزاى وليه
ليرد عصام ازاى عن طريق مدير البنك صديقى وانا طلبت منه كده وعملها بدون علمك أنتى وشاهر وأنا الى هتحمل المسئوليّة
ليه لأن شاهر كان بيستغل الحساب المشترك الى بينكم فى تحويل مبالغ كبيره لمنظمات مش معروف اتجاهتها
لتقول ليلى يعنى أيه
ليرد عصام يعنى غسيل أموال عن طريق البنوك الساحليه البنوك دى بتبقى عندها تسهيلات فى التعامل وهو استغل الحساب ده وكان بيستقبل وبيرسل أموال من جهات غير معلومه علشان لو حصل والحكومه عرفت او شكت بالحساب تكونى معاه وممكن يرمى عليكى المسئوليّة كلها وهو يبقى فى السليم
لتنظر ليلى له بذهول وتعجب وتقول وشاهر يعرف الجهات دى منين
ليرد عصام
شاهر لما كان فى بعثه فى فرنسا اتعرف على ست كبيره فى السن وكان مصاحبها وحاولت أنها تجيب له الجنسيه بس فشلت وفاضطر يتجوزها والست دى كانت بتشتغل فى احد البنوك الصغيره الى مش بيبقى عليها رقابه قويه من الدوله وكان لها علاقه مع تاجر أثار ومخدرات وكان بيستغل البنك ده فى تحويل الاموال بينه وبين زباينه فعرفته على شاهر واشتغل معاهم وفضل معاهم على تواصل لحد الآن رغم ان الست دى ماتت بعد ما اتجوزت شاهر بحوالى ست شهور بس بأزمه قلبيه بس طبعاً كان حصل على الجنسيه الفرنسيه
لتتعجب ليلى وتقول بخفوت ولميس أيه علاقتها بشاهر
ليرد عصام شاهر لما كنتم منفصلين للمره التانيه سافر فرنسا علشان يشترى لنا سلالات جديده من المواشى علشان نشغل بها المصانع بعد ما المواشى بتاعتنا وقتها كان اصابها مرض غريب وخلى جزء كبير منها تموت بدون سابق إنذار وقابل لميس هناك صدفه مقصوده تقدرى تقولى هو الى دور عليها وبدء يوهمها انه بيحبها وان علاقتك انتى وهو اتقطعت نهائى ومفيش اى فرصه للرجوع بينكم وولميس بطيبتها وسذاجتها صدقته ووقعت فى فخه واتجوزته على القانون الفرنسي الى ممكن يعطى الحق لاحد الطرفين بفسخ عقد الجواز قبل مده معينه ودا الى بالفعل عمله وفسخ عقد الجواز وبقت لميس تعتبر قدام القانون وفى المستندات مش زوجته وبعت لها رساله وطلقها فيها بس لميس وقعت فى ورطه تانيه لما اكتشفت حملها منه واتمسكت بيه وخلفت منه بنت والبنت دى انكتبت فى السجلات فى فرنسا على اسم لميس ولما نزلت مصر جدو طلب منى انى اشوف حد يسهل دخولها ببنتها مصر ودا الى حصل ورجعت لميس ببنتها ولما طلبت من شاهر انه يعترف ببنته ويسجلها على اسمه راوغها وبعدين طلب منها تسافر تانى ويتجوز هناك وتفضل هى هناك يعنى تبقى زى عشيقه
شعرت ليلى بذهول وتعجب ولكن كان التعجب من عصام عندما لم يجد ليلى،تثور وتتهم لميس بالكذب كما توقع
ولكن بكائها كان الرد
ليقف الجد وعصام معاً
ليعود الجد ويجلس على مقعده ويتجه عصام الى ليلى ويجلس على مسند مقعدها ليضع يده على ظهر ليلى لترفع رآسها وتنظر إليه وتقول ببكاء كنت حاسه بكده أنا شوفت نظراته للبنت الى كانت هنا شوفتها مرتين يوم خطف ابن فيصل ويوم فرحك بس مكنتش اعرف انها بنت لميس فكرتها بنت حد تانى
لينظر عصام ليها بحنان ويقوم بضمها الى صدره
لتبكى ليلى بشده وتضم نفسها ليمسد عصام على ظهرها
لتقول من بين بكائها أنا مش بتهم لميس بأغواء شاهر شاهر مش اول مره يبص لغيرى أنا بلاحظ من نظراته بس انتى قولت انه بينتقم منك ليه
ليرد عصام علشان
بسبب انتحار جيلان اخته
فى الاول اتجوزك أنتى وحاول دايماً انه يسيطر عليكى بس أنتى دايما كنتى عصبيه معاه وكمان عرف أنك مش فارقه معايا فدور على حد تانى يفرق معايا وعرف انى بحب لميس وطلبت من جدى انى اتجوزها فاستعجل ووقتها كنتم منفصلين فسافر لها ووقعها فى فخه
لتقول لميس وعرف منين
ليرد عصام بخيبه عرف من إقبال سمعتنى وأنا بكلم جدى بالصدفه
لترد بتعجب بس إقبال بتحبك ليه قالت له كده
ليرد عصام إقبال عمرها ما حبت حد الا نفسها كل هدفها اسم واموال عيلة غُمرى وكانت هى السبب فى نفوق المواشى فى مزارعنا من كام سنه
لتنظر بتعجب وتقول ومين الى قالك كده
ليرد عصام شاهر ايديها اليمين فى كل حاجه هو الى اعترف عليها
لتقول ليلى شاهر كمان كان مساعد لها
هو فين شاهر دلوقتي
ليرد عصام شاهر اخد جزائه.
🌿🌿🌿🌿🌿🌿
بداخل المشفى
دخلت نغم ومعها لميس الى تلك الغرفه التى بها فجر
لتنصدما من منظرها
فيدوا اثار اصابع ايدى على وجهها وبعض الكدمات الظاهره بوضوح
لتقول بصوت مبحوح شبه ضائع
أنا عارفه أنك مستغربه انى اتصلت عليكى بعد مقابلتك الجافه ليا إمبارح بس صدقينى أنا اتصلت عليكى لسبب انى خايفه فيصل يعمل فيكى الى عمله فيا
لترد نغم بتوتر وايه الى خايفه منه دا
لترد فجر فيصل هو السبب فى حالتى دى امبارح بالليل جالى واعتذر ليا على مقابلتك ليا بشكل مش محترم ولما رفضت اعتذاره اتهجم عليا وضربنى وكمان وكمان
لتقول لميس بسخريه وعدم تصديق وكمان أيه
لترد فجر وهى تدعى دخولها نوبه عصبيه مش قادره اقول انا اتعرضت لاسوء انواع التعذيب منه وكمان اغتصبنى
لتصعقا نغم ولميس بهذا الاتهام
لتصمت نغم لثوانى كأنها اصبحت صنم ٱصم لم تسمع
لتقول بارتعاش بتقولى أيه
لترد فجر وهى مازالت تدعى الخوف فيصل اغتصبنى إمبارح
لترد نغم بقوه كدابه فيصل عمره ما يعمل كده
لترد فجر أنا حاولت ابعده عنى بس هو اتهجم عليا بوحشيه ولما حاولت اصوت علشان الحرس يدخلوا علينا كممنى
لتقول نغم بقوه شديده كذابه أنتى عايزه أيه دا كله علشان قابلتك بقلة ذوق بتقولى كده انتقام منى
لتقول فجر كاميرات الفيلا عندنا تقدرى تراجعيها وتشوفيه وهو داخل عندنا
فى البدايه اعتذرلى على مقابلتك ليا وبعدها فضل يتودد ليا لحد ما لقيته اتهجم عليا وكان مش طبيعي وقالى انه بيحبنى بس هو عايزك علشان ابنه
ليفيض بنغم وتقول لها
كذابه وحقيره انا متأكده أنك بتكذبي
لترد فجر تقدرى تواجهينى بيه وكمان لو انكر مجيه عندنا فى الفيلا تقدرى تتٱكدى من الكاميرات
لتصرخ نغم بوجهها وتقول كذابه وحقيره
وتتركها وتغادر وخلفها لميس
لتبتسم فجر بخبث
🌿🌿
وقفت نغم امام باب الغرفه تشعر بانهيار عقلها يعيد طرده له بالأمس من الغرفه خروجه باكراً من الاستراحه
لتقول لميس أنتى صدقتيها دى اكيد بتكذب
لترد نغم فيصل إمبارح رجع بحاله مش طبيعيه ولما كلمته زعق ليا وطردنى من أوضة النوم وقالى روحي نامى عند مجدى
لتقول لميس بترقب قصدك أيه
لتخرج نغم هاتفها وتقول لها هسٱله
لتتصل عليه
ليرد سريعاً
لتقول دون مقدمات انت فين
لم يجيبها
لتعود وتسأله بتعصب شديد
ليعلمها انه بالمشفى
لم تسأله لما وقالت له انا كمان فى نفس المستشفى انت فين
ليخبرها انه بغرفة مديرها
لتغلق الهاتف وتنظر الى لميس وتقول هو كمان هنا اكيد جاى يطمن عليها بعد الى عمله
لتقول لميس اهدى يا نغم أكيد فى سوء فهم
لتقول نغم هيوضح كل حاجه ولو طلع كلمه واحده من الى قالته صحيح هيكون الفراق،هو قرارى.
......
بعد دقائق دخلت نغم الى غرفة المدير لتجد فيصل يجلس مع ماهر
ليستأذن ماهر ويخرج ويتركهم
ليقترب فيصل بتلهف من نغم ويقول ايه الى جابك هنا انتي تعبانه
لتضحك وتقول انت الى تعبان وجاى هنا ليه جاى تطمن على الست فجر صح
ليرد بأستغراب ايه عرفك ان فجر هنا فى المستشفى
لتنظر له بصدمه وتقول يعنى كلامها صح
انت روحت عند فجر إمبارح واعتذرت منها على قلة ذوقى معاها
ليرد بتعجب مين الى قالك كده
لترد نغم بتعصب قولى انت روحت عند فجر بيتها إمبارح
ليرد بخذو وترقب ايوا بس مش علشان
لتقول قبل ان يكمل حديثه
طلقنى يا فيصل
ليذهل من كلمتها
ليقول نغم أنتى بتقولى أيه
لترد نغم انت لسه بتحب فجر وأنا عايزنى بس علشان ابنك ميبعدش عنك
لتبكى وتقول
أنا دايماً اخر شىء، ما انا اللقيطه وهى بنت الاصول الى تليق بمقامك
انا كان نفسي أنك تكون صادق معايا
انا سامحتك علشان مجدى كان نفسي يتربى فى هدوء بين ام واب متفاهمين
بس يا خساره كل دى كانت اوهام بمجرد ما فجر شاورت ولقيتها اتقمصت انى قابلتها بقله ذوق جريت وراها تعتذر لها وياريت كده بس انت اتهجمت عليها و اغتصبتها لما رفضت اعتذارك
ليقف فيصل مصدوم مما تقوله نغم
لينصعق عندما قالت
أنا هاخد ابنى واسافر تانى وهنسى ان له اب كذاب ومنافق وشهوانى زيك
لتتجه لتغادر
لكنه جذبها له ليضمها من الخلف قائلاً
كل دا كذب يا نغم مفيش فى قلبى غيرك احنا وقعنا فى فخ ولازم نكون مع بعض ونواجه
لتنفض يده وتقول نواجه ايه الحقيقه واضحه بتحب فجر روحلها وسيبنى هى عندك
لتقف ثوانى وتضع يدها على بطنها بتآلم ثم خرجت مسرعه
ليقف فيصل مذهولا ومصدوماً متوجعاً
فنغم تصدق دون دليل
لتضع حياتهما معاً امام مفترق طريق
