رواية قصة ذهب الفصل الثاني بقلم جمانه السعيدي
#البارت__2
#قصة_ذهب
#البارت الثاني
جمانه السعيدي
ذهب...هاي المعلمه ماتفنهم أكلها رند اختي تكول لا اسمج مو نفس اسمها
امي...اي رند مو اختج
ذهب..نزلت الخاشوكه شنو مو اختي
امي...اي رند بت اختج جنان
رند...انتي امي
امي....اي حبيبتي اني امج يابعد روحي انتي
ذهب...شلون بت جنان جنان عدها جهال ثنيبن ومزوجه بعيد
امي...اي جنان ازوجت وحملت برند بس جابت رند
زوجها توفا بحادث سياره
ومن اجت عدنا هنا اجتها قسمه وزوجت واني اخذت رند اربيها وياج
رند....اهييي اهيييي معليه انتي امي مااريد جنان
امي...اي حبيبتي انتي بنيتي اني ربيتج وتعبت عليج
رند.مسحت دموعها وقربت على امي بعد لاتكولين
امي جنان
امي...انتي بنيتي شنو جنان خل تولي
ذهب...ماكدرت اكمل اكل كل هذا الوقت امي تكول اختج
وهسه طلعت بت اختي
لو ما المدرسه مجان عرفت هي بت اختي
عقلي مجاي يستوعب شلون رند بت اختي
رند اختي احساسي اتجاها بكول هي اختي هي متعلقه بيه واني متعلقه بيه
عقلي بهذا الوقت عقل طفله
متعلقه باختها شلون تطلع مو اختها
اني افهم شي واحد وبس رند اختي وحتى امي
مااصدكها
الي فهمته بعدين امي مزوجه بعمر ١٦ سنه حملت وجابت اختي جنان
بعدين كانت تعاني من الاسقاطات
بعد علاج خمس سنوات صار عمار
بعدها ماصار عدها اطفال لمن اني اجيت بعد ١٣ سنه
لمن امي كانت حامل بيه اتقدم ولد شاب الجنان وزوجت
بعد شهرين من زواجها طلعت حامل
اول ماولدت رند زوجها تعرض الحادث ومات
رجعت جنان تعيش ويانه بلبيت
يعني حتى ماكملت سنه زواج
من اني زغيره كنت اشوف امي هي الي تهتم برند اكثر من جنان
بعد سنه من وفاة زوج جنان اجتها قسمه
ابن صديق ابوي ولد عازب مامزوج شافها بلصدفه وياا ابوي وتقدم وخطبها
امي تمسكت برند لان هي الي ربتها وتعبت عليه
لذللك اني من جنت زغيره ماشكيت ابد ولا لحظه رند مو اختي
ومثل ماحجبتلكم سابقا امي بلبيت ماتكول غير اختج
جمانه السعيدي
كنا ناكل سوا ونلبس سوا ونام سوا
اني بهاي اللحظه من سمعت امي تكول رند بت جنان
كلش ضجت
شنو بت جنان احنا اشايفين من جنان
رند اختي ليش امي تكول مو اختي
عفت الاكل وكمت رحت الغرفتنا تمددت وتغطيت وكمت ابجي
اجت وراي رند
رند...ليش تبجين اني اختج
ذهب...فتحت الغطا دخلت وياي بلفراش حضنتها وكمت ابجي
اني مااريد اصدك هي مو اختي
اجت امي ورانا للغرفه
امي...ليش تبجين حبيبتي
رفعت الغطا لكتنا ثنيينا متحاضنات ونبجي
امي...يااا صدك جذب ليش تبجن
انتن خوات واذا اسم الاب تغير عادي المهم انتن وحدا تحب الثانيه
من هاي اللحظه قررت ابد مااعتبر رند مو اختي
هي اختي واني احبها
كل سنه ننجح سوا من مرحله المرحله
بس اني دائما درجاتي أعلى من درجاتها
لان ماتقبل تقرا اله اني اقريها
تشلع كلبي
اذا اكتب وهي بعدها ما كاتبه تكوم تبجي اعوف الكتابه وانتظرها لمن توصل وياي بالكتابه يله اكمل
واذا اقرا وهي متتقرا وياي تبجي
شلون نقرا الله لا يوريكم
نصيح بصوت عالي ثنيينه
امي تكول الجيران راح يشيلون من وراجن
جمانه السعيدي
اذا انجح اخذ درجه اعله منها حتلو شي بسيط تكوم تبجي
وحرت وياها شالعه كلبي
كبرنا اني وياها بس كل وحده طبع شكل
حالنا حال البنات
هواي بنات عايشات بنفس البيت بس كل وحده طبع شكل
اني احب الشغل وخاصه شغل المطبخ
احب اطبخ
احب شغل الحلويات والاكلات السريعه
اي شي اطبخه يطلع طيب
هي تموت من المطبخ مستعده تبقى بلا اكل كل النهار
ولا تدخل للمطبخ
اذا اجوع تكعد تتوسل بيه حتى اروح احضرها اكل
بلبدايه اضوج
بعدين تكسر خاطري خطيه جوعانه
اني كلش مرتبه ونضاميه من ارجع من المدرسه
كبل اخلي ملابسي بلغساله وشغلها قبل لا اكعد اتغدا
هي تشمر ملابسها على الجربايه
اكيد امي تجبرني اغسل ملابسها وياي
تكول اختج زغيره بعدها خليها تتعلم منج
اني احب شعري طويل واخليله حنا دائما لونه احمر يخبل عليه
هي اضوج من ريحة الحنه
من صف اول متوسط كامت تصبغ وتميش شعرها
وكل يوم كاصته شكل
تكول اضوج من نفس الشكل احب اغير
جمانه السعيدي
من نجحنا من صف سادس ابتدائي
عمار خطب وزوج لان طلع تعيينه بس بغير محافظه
ماكعدو ويانه هو وزوجته غير ست اشهر
بعدين اخذها وراح اجر بمحافظه الي بيها عمله
استقر هناك
يجينا كل شهر يوم واحد مرات تجي وياا زوجته
ومرات لا صار عندا ولد ثنيين وبنيه
بقينا بلبيت بس اني وماما وبابا ورند
كبرنا اني ورند بعدني شايله مسوليتها
حتى وهي جبيره
اغسل ملابسها واحضرلها الاكل
وافهما اي شي ما تفتهمه بس ابد مااضوج منها
ولا من طلباتها
لان اني احبها هي اختي الحقيقيه
وماعندي اخت غيرها
اني علاقتي بجنان مو قويه من زغيره وكبرت واني مااشوفها غير خطاره
تجي يومين او اتلاثه تخلصهن يم الخياطه
لو تروح للسوك تشتري الاشياء الي محتاجته
لو تكعد تسولف على امي
ماعندي عاطفه اتجاها اعتبرها ضيفه مو اختي
وصلنا للاعداديه احنا ننجح كل سنه سويه
بس اني دائما درجاتي أعلى من درجاتها
ماتحب المدرسه شكد تغيب عن الدوام
تحب تطلع تروح للصالون تشتري ملابس مكياج
تنام شكد تحب النوم
بس ماتحب المدرسه
ماتريد اي التزام ولا تريد تقرا وتكتب
ذهب...راح يفصلوج هلكد ماتغبين
رند...ليش المدرسه من الصبح مااشبع نوم مايخلونها العصر لو بليل احسن
ذهب...علمود حضرتج يغيرون الدراسه نامي من وكت
شعندج سهرانه
رند...اوي شنو انام من وكت قابل دجاجه
ذهب...هسه اني دجاجه انام من وكت واكعد من وكت
رند..... بس تجيني قسمه ازوج شلي بدوخه الراس والدراسه
اول وتالي ازوج
بس اريد واحد شبعان يدللني يصرف عليه
اهم شي يجيبلي اكل جاهز
مااريد ادخل للمطبخ ولا اطبخ ولا تصير بيه ريحة طبخ
كون كليوم نسافر
نفر العالم كله ولا يبقى مكان ماياخذني اله
ذهب....الله يهديج بس
عاد انتبهي الدراستج بلكت تلكين واحد يقدرج
رند...اوي مااحب المدرسه هسه تشوفين شلون اخذ واحد شبعان
وخلي المدرسه تفيدج انتي
ذهب...اكيد المدرسه تفيدني اني مااربد ازوج قبل لا اتخرج واحصل وضيغه
وازوج واحد اني مقنعه بي
احبه مو احب فلوسه
الفلوس ماادوووم العشره الحلوه هي الي دوووم
