رواية قصة ذهب الفصل الثالث بقلم جمانه السعيدي
#البارت__3
#قصة_ذهب
#البارت الثالث
جمانه السعيدي
ذهب...اول راح احجيلكم الفرق بلشكل بيني وبين رند
اني وزني ٧٠ هي وزنها ٦٥
اني بيضه...هي حنطاويه
اني وجهي دائري وعندي خدود
هي وجها بيضوي عدها غمازات
هي شعرها دائما قصير وكل شهر لون
اني شعري طويل نازل على ضهري وما استخدم غير الحنه على طول ضفيره نازله على ضهري هاي تسريحتي المفضله
احس شعري يرتاح اذا ضفرته
اني طولي ١٦٦ هي طولها ١٦٤
هي مزاجيه بشكل مو معقول وتحب راحته على راحت الناس
اني لا أفكر الف مره قبل لا اتخذ اي قرار
وعندي حكمه بلمواقف
هي ماتحب تشتغل تحب تتكل على غيرها
اني احب اخلص شغلي بنفسي حتلو كنت تعبانه
طبعا اني موجاي اذمها لا سامح الله لان هي اختي
بس هاي صفاته وشكد حاولت اغيرها بس ماكدرت
بعدين عفته ايجوز هي صح اني غلط
جمانه السعيدي
ذهب....اني دخلت امتحان البكلوريا بس رند ما دخلت الامتحانات النهائيه
لان راسبه بست دروس
امي حيل ضاجت هي وابوي تعرفون كبار بلعمر ويتمنون يطمنون عليها
بس هي ابد ماكو احساس
اصلا ما مهتمه تعرف نفسها مراح تدخل بكلوريا وعادي الموضوع عدها
امي...ليش ماما بشنو قصرنا وياج ليش رسبتي
اي شي تطلبي موجود مو هاي اختج وياج
ليش هيج اني وابوج كبرنا ونريد نطمت عليج
رند...ماافتهم هي كوه ماافتهم والسادس صعب
امي...اي ليش ماحجيتي جان دخلتي دوره بلماده الي ما تفتهمينها
جان درسناج ليش هيج راح اضيع سنه من عمرج حرامات
رند...اني ماأحب المدرسه اريد اعوفها
مالي خلك للدراسه
امي...اي وشنو راح تكعدين بلبيت لا شاطره بشغل البيت ولا بلمدرسه ووين نوديج مثلا
رند...لا تخافين عليه اني تمام اعرف ادبر اموري
شكد حجت امي وياها بدون اي فائده عقلها محجر ما تفتهم بس القهر من وراها
جمانه السعيدي
ذهب...اني شديت حيلي اقرا ليل نهار اريد اطلع معدل
وهي مخلصه النهار نوم
لو تطلع لو على التليفون من تشوفني اقرا تتعمد اطلع
شغلات حتى تشغلني عن دراستي
ذهب...ممكن تسكتين اريد اقرا
رند...ماا سكت شنو اسكت
ذهب...اني اروح اقرا بغير مكان
رند...على شنو متعبه نفسج نمونه المدرسه
ذهب...عندج نمونه بس اني عندي مهمه
رند...انشاء الله ترسبين حتى اتشمت بيج اذا نجحتي امي تاكل راسي من وراج
ماترسبين حتى نعيد السنه اني وياج
ذهب...صدك تحجين اضيع سنه من عمري على مودج
رند...اي اطلعي على حقيقتج
ذهب...شنو حقيقتي اريد ادرس وانحج ليش ارسب علمودج خوب انتي انتبهي النفسج وانجحي علمودي
رند...اوي دوختيني اطلعي أقري بغير مكان انتي الكلام وياج مابي فايده
جمانه السعيدي
كنت اعوفلها الغرفه واروح اقرا بلسطح لو بغرفة امي لو بلاستقبال
كل ساعه ماخذه كتبي وكاعده بمكان
وهي ماتقبل تعوفلي الغرفه اقرا بيها
هي قصدها مااركز بلقرايه حتى ارسب ومااصير احسن منها رغم هي الي تريد ماتقرا
بس بلاخير رند كلبه طيب وماتشيل حقد
مجرد افكار مجنونه تطلع بعقلها مرات
بدت الامتحانات وكنت مركز حيل لازم انجح
اخير يوم بلامتحانات صعدت اقرا على السطح
بهذا اليوم طلعت رند هي وامي للسوك
اكو صايغ جبير بلعمر امي دائما تشتري منه ذهب
بهذا اليوم ابو فراس شاف رند وعجبته
قرر يخطبها الابنه
ولأن هو يعرف امي ويعرف عائلتنا من زمان
كانت رند الخيار المناسب الابنه
ابنه خريج السنه متخرج كلية اداب ويريد يزوجه
هو اكبر واحد بولده عندا غيره ولد ثنيين
فكر شلون ابنه يشوف رند قبل لا يحجي وياا امي بهذا الموضوع
ابو فراس.....ممكن ترجعين عليه باجر لان تجيني موديلات احلى
وجيبي وياج هاي البنيه الحلوه لان مبين عليه ذواقه
حيل
امي...مااكدر كل يوم اجي
ابو فراس...ما تتاخرين بسرعه
رند...اي نجي شعدنا قابل
ابو فراس.....باجر تحضرلكم كم موديل حتى تختارون براحتكم
رجعن للبيت امي ورند
ثاني يوم اني رحت للامتحان رجعت تعبانه نمت بدون غدا
كعدت العصر مالكيت امي ورند
جمانه السعيدي
حضرت العشى وسويت كيكه
للمغرب رجعن
رند دخلت من الباب تكمز فرحانه
رند ....ذهب الحكي اني انخطبت
ذهب...انخطبتي
رند...اي فراس ابو هذا الي نشتري منه ذهب
ولج حلو يخبل وبيتي وحدي وعندا سياره
شفتي مو كتلج اخذ واحد شبعان ويدللني
ذهب...اي بيها الخير
رند...خل احجيلج عمو البارحه كال تعالو باجر حتى تشوفون الذهب
اليوم من رحنا لكينا هو وابنه
بس دخلنا عرفنا على ابنه بعدين كال اني ادور عروسه
الفراس بيته جاهز
اني متقصد رجعتكم اليوم حتى فراس يشوف رند
رند....ولج فراس واكف وعينه عليه
ابو فراس كال هااا اقتنعت
فراس رد علي اي اقتنعت
باجر يجون يفاتحون بابا
ماتعرفين اني شكد فرحانه راح اطير من الفرح
ذهب....يالله الله يجعل ببها القبول انشاء الله
بليلته رند مانامت من الفرحه ما مصدكه نفسها
ثاني يوم اتصل ابو فراس على بابا واخذ موعد
بليل اجو جلسة تعارف
رند بدلت وتمكيجت وكعدت يمهم
المهم اكو قبول بين الطرفين
اتفقنا على كل التفاصيل وحددنا يوم المهر
قبل المهر بيوم اني طبعا كلشي عليه تنضيف وترتيب
وفراش ورند تفتر تختار فستان
حجزت صالون طلبت جلسة تصوير
بليل كعدنا اني وامي انسولف
ذهب....ماما مو ذهب طايره مو مال زواج
هاي شلون راح أدير بيت وحدها اذا هي كلاص مي مجيب النفسها
امي...هنا معتمدين علينا بس تصير بيت وحدها
كلشي راح يتغير
راح تحس بلمسوليه وتعتمد على نفسها
ذهب...ترا رند مافاهمه الزواج متوقعه الزواج
لبس ومكياج وسفرات
اخاف تفشلنا وياا الناس
امي....لا اكيد راح تتغير ناس غربه لازم تسمع كلامهم
وتهتم بيتها
ذهب...انتي السبب من هي زغيره علمتيها تعتمد على غيرها
لمن صارت انتكاليه وكلشي ما تسوي
امي....غير زغيرونه خطيه وامها عافته وازوجت
الله كريم هسه تشوفينه شلون تصير مرتبه وام بيت
