رواية قصة ذهب الفصل الرابع بقلم جمانه السعيدي
#البارت__4
#قصة_ذهب
#البارت الرابع
جمانه السعيدي
ذهب ...قبل المهر بيوم واحد واني جاي اشتغل وانزل وارتب بلبيت كرصني زنبور
دخل للبيت من الحديقه
كرصني جوا عيني
راسا وجهي ورم اخذني بابا للمستشفى أنطوني مضاد التهاب ومرهم
بس وجهي كله ورم وعيني شبه اختفت
لان الورم صعد عليه
ماحبيت اكعد واضل اشتكي رغم الالم ذبحني
بس قررت اكمل مااريد فرحت رند تروح منها
امي...هاا ماما حبيبتي يوجعج اخذج دكتور اختصاص
ذهب...لا ماكو داعي هسه يصير احسن
رند...هسه وكتج يعني لان محتاجتج
اكثر يوم محتاجتج بي
ذهب...اعوضج بلعرس
رند...باجر لا اطلعين هيج كدام العريس واهله
وتفشليني
ذهب...اكيد مااطلع باي وجهه اطلع
رند....اي عفيه لا اطلعين استحي اكول هاي اختي
ثاني يوم مارحت للصالون شلون اروح للصالون وجهي صفحه وصفحه
بقيت بلبيت ورند وجنان راحو للصالون
اني بقيت ارتب بلبيت
بدت الناس تنجمع امي تستقبل النسوان واني بلمطبخ ما طلعت ابد لبست فستان طويل بسيط وشعري ضفرته
وكعدت بلمطبخ
بنات خالتي وبنات عمتي ياخذن مني ويقدمن للناس
حتى العريس ماشفت شكله
اجت رند من الصالون طالعه تخبل عبالك لعابه
لابسه فستان كريمي ضيك وقصير
وشعرها يخبل المكياج لايك على وجها بشكل مو معقول
شكد هي حلوه
طالعه بعد احلى
بس شفتها كمت اهلهل من المطبخ شكد فرحانه علمودها
جمانه السعيدي
البنات كامن يركصن ويهلهلن
المشيه ماشاء الله الزلم سدة الشارع
عقدولها حبيبتي رند واخيرا فرحانه بشكل مو معقول
دخل العريس لبسها الذهب
طبعا جايبيلها طخم ذهب يخبل نازك بشكل
العريس لبسها الذهب
بعدين دخل ابو العريس باركلها وانطاها سوار ذهب هديه
كانت حفله حلوه
الكل مجتمع عليها اني الوحيده الي كنت اراقب من بعيد واني خاله شال على شعري وعلى وجهي لان استحي
المفروض اني اكون اقرب وحده الها بهذا اليوم
بس ماحبيت افشله خطيه خليها تفرح
من بعدها بدت اجهز العرسها مخبوصه وكل الوقت
تختار وترتب الاشياء الي تريدها
واني وياها باي شي تحتاجه
خطيبها كل ليله يجي يشوفها ويكعدون يحجون
هو وياها وحدهم
طبعا اني العصر احضر خدمه خمس نجوم
علمود جيت العريس بليل
كيك بسبوسه عصير طبيعي احتار شسوي
من يطلع العريس تجي رند تضحك
رند...تعجب بالحلويات والكيك سئلني منو اشتغلهن
كتله اني
تخبل يكول عفيه اني احب هيج شغلات
ذهب....لازم تتعلمين لان راح يكشفج بعد الزواج
رند...يمعوده هذا بطران تعاي اكعدي بلمطبخ ساعتين
اتلاثه والحر وريحة الطبخ
عليمن ادز واجيب كيك جاهز عليمن اتعب نفسي
ذهب...صح اكو جاهز بس المره من تشتغل بيتها
والاكل يطلع طيب شكد تفرح
رند...هاي انتي وامثالج تفرحين اني افرح من اطلع
من اسافر من اطلب اكل ويجيني جاهز مااتعب علي
ليش اصلا اتعب نفسي
ذهب...على الاقل لا اجذبين على الولد من البدايه
كولي مااعرف اطبخ
رند... خلي بواهسه خلي فرحان
جمانه السعيدي
فراس اكثر من مره اجا اخذها حتى يشترون شغلات البيتهم
ويكملون تجهز عرسهم
الحد ماوصلنا اليوم العرس
اني اشتريت فستان اسود مستور ردن ذيل السمجه من جوا وسويت شعري كبايه ليوره
ومكياج خفيف
اما رند طلعت عبالك لعابه تخبل
وزفتهم كلش حلوه
من وصلنا للفندق اني شايله جنطتها هاي اول مره
اشوف العريس وجه الوجه
رند...هاي اختي ذهب
فراس...ذهب...الله اسمها حلوه
رند...لان تشتغلون بلذهب عجبك الاسم
فراس....لا اسم مميز فرصه سعيده
ذهب....اكون اسعد وحده اذا انتبهت الاختي لان هي اعز ما املك
فراس...من هاي العين وهاي
ذهب...وصلناهم للفندق ورجعنا للبيت
من اللحظه الي صعدت بيها بلسياره واني ماكدرت اسيطر على دموعي
امي وجنان ساكتات واني مااكدر اسكت
من اني زغيره واحنا سوا كل يوم وكل لحظه احنا سوا
شلون راح اكدر ادخل بلغرفه وهي ماكو.
شلون راح يمشي يومي ورند ماكو
وصلنا للبيت امي وجنان يسكتن بيه
بس مجاي اكدر اسكت
احس نفسي فقدته صعب اتعود على الوضع الجديد
شلون راح اكدر بدونها
راح اشتاق حتى للعرك اشتاق الدلعها الطلباتها الي ماتخلص
بدلت وكعدت على جربايته حضنت المخده وكمت ابجي
حبيبتي اختي بعد مااكدر اشوفها براحتي
كوه نمت بيومها الصبح مااكدر ارفع راسي يوجعني
كل جسمي يوجعني
اريد اتصل اطمن عليه بس خاف بعدهم نايمين
جمانه السعيدي
للعصر يله اتصلت هي علينا
امي...ولج اليوم ذهب مريضه بسببج البارحه اليل كله تبجي واليوم تشكي من راسها
رند...ياحبيبتي وينها خل احجي وياها
ذهب... هلوو
رند....لا تبجين حبيبتي اني اخلي فراس يجيبني كل يوم اشوفج صدك تبجين علمودي
ذهب....الغرفه موحلوه بدونج اهييي اهيي
رند...لا تخليني هسه اجي لا تبجين
ذهب...مااكدر مااتخيل اكدر بدونج
رند...حبيبتي فدوه العينج انشاء الله ما نتفارك ابد
ذهب...الله يسعدج شكد وترجعون من الفندق
رند...مااعرف ايجوز بعد يومين او اكثر اذا رجعنا اتصل بيج
ذهب...طمنيني عليج
جمانه السعيدي
بقت رند وفراس ٣ ايام بلفندق ورجعو البيتهم
اني وامي وجنان رحنا نبارك الهم
لكينا عيالها كلهم يمهم
اني لا بسه بنطرون جينز وبدي ابيض وضافره شعري كصيبه خليت مكياج خفيف
بس وصلنا سلمنا عليهم
حضنتها وكمت اشم بيها عبالك صار سنه متفاركين
اجو أقارب فارس يباركون
امي...ذهب روحي جيبي عصير
ذهب...خليت جنطتي ورحت للمطبخ
اجا وراي فراس
فراس...هلو ذهب شلونج
ذهب.. الحمد لله الف مبروك
فراس ...الله يبارك بيج باعي هنا الجكليت والحلويات
فتح الخانه الفوك
هنا تلكين الصياني وهنا الكلاصات
العصير بلثلاجه
تكدرين تخدرين جاي ولو راح نتعبج
ذهب...لا كل تعب ماكوووو
بديت ارتب الصياني ويجي فراس ياخذهن
خدرت الجاي وأخذته بس شافني فراس اجا اخذ مني الصينيه
المهم اني بقبت بلمطبخ كل الي يجي اقدمله
لان فراس ماعنده خوات
ام العريس هاي الحلوه منيين
امي..هاي بنتي ذهب
ام فراس...ماشفتها عدكم
امي...اي جانت مريضه بلمهر ماطلعت
ام فراس.. نادره الله يسلمها
رجعنا للبيت
ثاني يوم اتصلت عليه رند
رند...ذهب تعاي ساعديني تجينا ناس وحدي مااكدر
ذهب.. خل اشوف امي تقبل
رند..اني اتصل عليه فدوه تعاي بسرعه
ذهب...بدلت واخذني بابا وصلني البيتها
جمانه السعيدي
بقيت عدهم من العصر للساعه ١١ بليل
اول ما وصلت نضفت البيت ورتبته واي واحد يجي
اقدمله عصير وحلو
وحضرتلهم كيك بلشكولا طلع يخبل
فراس. عاشت ايدج شنو هذا الكيك الطيب
بقيت الحد يوم السابع كل يوم اروح اخلص الشغل كله
واخدم الضيوف وبليل فراس يرجعني للبيت
عزمنا فراس واهله بيوم السابع وجنات وزوجها وجهاله
وعمار وزوجته وجهاله
البيت صار هوسه
صحيح اني حضرت للعزيمه قبل بوم
حتى لا نصير هوسه وجنان ساعدتني بلطبخ
بس هم انخبصنا خبص
من طلعت رند امي خلتلها اكل تاخذا وياها تدري بيها
مادبر شي
من بعدها طلعت النتيجه والحمد لله درجاتي زينه نجحت
وراح اقدم للكليه
اما رند بلبدايه كانت تدلع على فراس وبعدها عروس جديده
يجيب اكل جاهز
بعد شهر من زواجهم تعارك وياها
بدا يطالبها تطبخ لان لعبت نفسه من الاكل الحاهز
وهي ماتعرف وماتريد تتعلم ولا تريد تدخل المطبخ
كل يوم اطلع حجه
لو تتصل على امي امي تطبخ ودزالاكل بيد بابا
بس إلى متى راح يستمر هذا الحال
