رواية قصة ذهب الفصل الخامس بقلم جمانه السعيدي
#البارت__5
#قصة_ذهب
#البارت الخامس
جمانه السعيدي
ذهب...بعد زواج رند ب ٤٠ يوم بليل
خلصت شغلي وكاعده اكلب بلتليفون
الساعه ١٠..١٠ بلعشره وعشر دقايق
اجاني اتصال
الرقم ما مكتوب علي اسم اني اي رقم غريب مااررد
رجع رن مره ثانيه
طبعا امي وابوي ناييمين تعرفون ناس كبار بلعمر مو مال سهر
اجتني رساله
فراس....هلو ذهب اني فراس
ذهب...هلو فراس اسفه مارديت لان رقمك ماعندي
فراس...خوما جاي ازعجج
ذهب...لا بلعكس هاا رند بيها شي
فراس..اني الي بيه شي راح اتخبل منها ومااعرف المن احجي
ذهب...خير..شكووو
فراس... اذا اجي للبيت تكدرين تجين وياي اريدج تشوفين شي
ذهب...هسه
فراس...اي هسه ولله روحي طالعه يمكن اسوي مشكله
اريد واحد يفتهم احجي ويااا
مااريد الموضوع يكبر
ما تتاخرين شويه وارجعج
ذهب...بس اهلي نايمين
فراس...راح ارجعج للبيت قبل لا يكعدون يله شويه وجايج
جمانه السعيدي
ذهب...ترددت اكعد امي واحجيله خاف تنهبط وتتوقع
رند صار عليه شي
اروح وياا لو ارفض خاف ارفض اروح وياا وتكبر المشكله هو اختارني حتى المشكله ماتكبر
ايجوز اكدر احله
بعد وكت الوكت مو متاخر
نزلت من الجربايه نزعت دشداشتي مالت النوم ولبست بنطرون وبدي شعري ضفيره
لبست حذاء فلات
رن تليفوني
فراس...اني جوا
ذهب...اجيت طلعت امشي على كيف اخذت مفتاح البيت وطلعت
كاعد بلسياره وضايج
فتحت باب السياره
ذهب...هلو فراس
فراس....هلو ذهب اصعدي
ذهب...ووين
فراس...للبيت اريدج تشوفين بعينج راح اقبل بحكمج
تعاي وشوفي بعينج
صعدت بلسياره ومشا ماحجا اي كلمه
وصلنا وكف السياره بلباب ودخلنا
المطبخ هوسه تكرمون سلة الزباله مليانه وواكعه الزباله بلكاع واكو بقع جاي بلكاع
الطباخ وصخ المواعين مكومه
اكو بقايا اكل على الكاونتر
فراس...تفضلي شوفي بعينج وانتي احكمي عاجبك هذا المنضر ترا ايام العرس خلصت
والنضيفه ووين متخليه نضيفه
مايهمنا حتلو كانت مسافره مكانه نضيف
جمانه السعيدي
ذهب.. وهو جاي يحجي اجت رند
رند...ذهب اهيييي اهييي همزين اجيتي شوفي فراس بعدني عروسه ويريد يشغلني خدامه
اخذتني النومه شنو يعني قابل الشغل راح يطير
فراس....تعاي ذهب شوفي غرفة النوم
مشا فراس كدامي واني مشيت ورا ورند اتاشرلي احجي علي حتى دموعها جذب ولله حياله
فراس...تفضلي هذا الجرجف صار اسبوع على الجربايه حتى صايره بي ريحه مو طيبه
فتح الكنتور
فراس...تفضلي هذا كنتور عروس شني هاي حتى الباله احسن مرتبه اكثر من هذا الكنتور
فراس...تعاي للهول شوفي هذا خط نقط ماي رمان
صار ٣ ايام
اربد افتهم هذا بيت لو حضيره حيوانات
احجي وياها مايفيد الحجي
الاكل كله من برا لو امج ادز اكل لو امي
حتى بيضه ماتعرف اطك
اني سئلته قبل الزواج تعرفين اطبخين اني احب اكل البيت
ماأحب اكل المطاعم
كالت اي شلون ما اطبخ
بشرفج ترضين لا نضافه ولا طبخ
الي على السانه بس طلعني وونسني عوفني نايمه
جيب اكل وياك
زين إلى متى اريد افهم
اريد اعرف اني ليش ازوجت لو باقي بيت اهلي احسن
على الاقل امي جانت حيل تعبانه عليه
الاكل يخبل وكل يوم تسئلني قبل لا اطلع شنو تحب اطبخلك
ملابسي مغسولات ونضيفات
غرفتي مرتبه
تعاي وياي ذهب
مشا كدامي للحمام الداخلي
اني خنزرت على رند ولله شكد حسيت بلاحراج
استحي اكول هاي القذره اختي
دخل الحمام
فراس...ذني ملابسي صار يومين بلغساله شوفي
ما تغسلهن هي بس تفتح المي وتشغل الغساله
يعني مو تغسلهن بايدها
رند...نسيتهن شصار يعني
فراس...من ادخلين للحمام ماتشوفيهن
اني لهنا صبري خلص
كافي بعد هذا حدي حتى استحي اكول اكو مشاكل
صار ٤٠ من ازوجنا
الله عليج ذهب هذا بيت يكدر واحد يكعد بي
لا وياها عيال ولا احد يحكم عليها
بيتها وحدها ليش ما تنظف مااعرف
جمانه السعيدي
رند...اني من ازوجت مااعرف شصار بيا كل الوقت تعبانه
واريد انام وماليه خلك الاي شي
ذهب....حقك ولله حقك راسا كرصتني رند عود ليش تصيرين ويااا
ذهب....بس بعدها مامتعوده ترا رند دلوعة البيت ممكن هلمره تمسحها بوجهي
وهي منا وهيج راح تنتبه للبيت وتسوي اي شي انت تكول علي لا اضوج هلمره سماح الخاطري
وهسه ممكن تعوفنا اني وياها شويه اذا سمحت
دار وجه وطلع من البيت
ذهب...انتي شنو ما تفتهمين عقلج محجر بيتج هذا ببتج
اكو واحد يكعد على هاي الوصاخه
طبعا احجي عليه واشتغل بلبيت وهي كعدت على الكرسي بلمطبخ وتباوع عليه
رحت للحمام شغلت الغساله وخلبت منضف ملابس
رجعت بعدها كاعده واني عطت بيها كومي
راسا وكفت
ذهب...روحي طلعي الجرجف بغرفتج ورتبي الكنتور
حيوانه بس اكل ونوم
رجعت اني للمطبخ جمعت الزباله وطلعتها برا
جمعت ألمواعين غسلتهن مسحت الثلاجه والكاونتر
والطباخ
طلعت مواد كيكه بالبرتقال طركتها بسرعه وخليتها بلفرن
رجعت عليه مكومه الملابس وتسفط على كيف
طبعا هي ماتحب الشغل من شافتني اشتغل بسرعه
جاي اضيع وقت بلملابس حتى لا تشتغل
هاي اختي واعرفها حق المعرفه
ذهب... بسرعه شنو راح تبقين للصبح بلملابس
فشلتينا وياا الناس الغربه الله يفشلج
طلعت جرجف جديد وخليت على الجربايه لمعت الغرفه
خليت معطر
اشتغل بسرعه مااريد فراس يرجع يلكه البيت وصخ
ذهب...بسرعه خل نمسح الكاع شنو لكيتليج كعده
رحت وكفت بصفها وكمت اسفط بلملابس على السربع
ذهب... كومي روحي طلعي ملابس زوجج من الغساله
هي طلعت واني مسحت البيت مرتين مره بمي ومره بمعطر ارضيه
والمطبخ غسلته لان مومال مسح اكو بقع بلكاع
ريحة الكيكه ملت البيت طلعته برا حتى تبرد
كملنا كل شغل البيت
ذهب...باعي رند هذا بيتج لازم تحافظين علي
انتي الخسرانه الوحيده فهمتي لو لا
زوجج شاب وحلو وخريج وحالته الماديه ميسوره
حافظي علي
ترا عادي يطلكج ويزوج وحده ثانيه لان انتي لا تطاقين
انسانه ممله
نصيحه مني حافظي على بيتج
الشغل ما يموت احد هاي اني فريت البيت كله بنص ساعه
كلشي مانقص مني
جمانه السعيدي
يوميه رتبي بيتج اطبخي لا تكولين مااعرف النت كلشي بي هو يعلمج على كلشي
حتلو يخرب الاكل مره لازم ينجح ثاني مره
هو من يشوفج تحاولين تطبخين ووتعلمين هو راح يساعدج
لا اضيعبن فراس من ايدج فراس خوش ولد
شوفي لو واحد غيره جان كبل دزج الاهلج
على شنو متحمل وحده مثلج
لا شغل لا عمل ولا حتى تفتهمين ولا تعرفين تحافظين على بيتج
تروح مره تجي الف مره غيرها
من يجي زوجج صالحي واعتذري منه
حافظي على ببتج انتي مو اخر وحده على الكره الارضيه
رند...ولله اني مامرتاحه احس نفسي اريد انام وبس
ذهب... اي نامي ساعه ثنيبن اتلاثه
وكومي البيتج شلون متحمله تكعدين بيت هيج وصخ
عمي زين وصابر عليج اني منه اطلكج
ذهب...طلعت تليفوني رنيت على فراس
...هلو فراس تعال رجعني للبيت لان اهلي اذا كعدو ومالكوني ينجلطون
فراس...اي اجيت اتي بيت اهلي
ذهب...علما فراس يوصلني ويرجع روحي اسبحي وبدلي
ومن يجي صالحي وعدلي اسلولج ويااا
من جنتي بيتنا اني وامي جنا شايلينج ونسد النقص
هنا ماكو واحد تتكلين علي
انتبهي الزوجج واليتج احنا مافارغين كل بوم نجي
نطبخ وننضف
انفتح الباب دخل فراس
فراس....الله شنو هلعطر الطيب ريحة برتقال
كيكة برتقال شنو هاي النظافه عاشت ايدج ذهب
انتي متاكده انتن خوات
اي هسه البيت حلو واكدر اكعد بي
ذهب...لا أكثر الشغل رند اشتغلته ممكن عدها فقر دم
لان تحس نفسها تعبانه
عود اخذها تسوي تحليل
ممكن توصلني للبيت
فراس...اي صار
ذهب...طلعنا برا فتح السياره صعدت هوشغل السياره وطلع
فراس...شكرا لانج تفهمتي موقفي
ذهب...بلخدمه يمتى ماتحب
فراس....ياسبحان الله فرق السما عن الكاع انتي ورند
ذهب...رند مدلله بلبيت وماوتشتغل ابد
كلشي هنا جديد عليه وصعب
ممكن أطول بالك عليه شويه اصبر عليه راح تتعلم لا تخاف عليه
واني راح الوي اذانها
فراس.. مااعرف شلون اشكرج انتي فعلا ذهب
وصلت للبيت طلعت المفتاح فتحت الباب ودخلت يله هو شغل السياره وطلع
امي وابوي نايمين
بدلت ملابسي وسبحت ونمت
فراس...رجعت للبيت لكيت رند مبدله ومتمكيجه وتنتضرني
رند...اني اسفه
فراس...مو هاي اختج حلوه مرتبه محترمه شغلها يخبل
شوفي البيت شلون صار بس دخلت ذهب
ليش ماتصيرين مثلها
رند....اهووو رجعنا الهاي السالفه ذهب مطي مال شغل
تموت على الشغل
اني بنيه حلوه مال واحد يدللني مو يشغلني
فراس...شغل البيت موعيب بلعكس المره الناجحه بيتها
راح تكون ناحجه بكل مكان
والي فاشله ببتها ووين ماتخليها فاشله
رند...انت شنو ماخذني خدامه
فراس...المره الي تخدم بيتها و زوجها ما تعتبر خدامه
بلعكس هاي مره شاطره
بعدين ليش الرجال بطلع يشتغل ويتعب حتى يصرف عليها
هو شنو يشتغل عدها خدام عدها
هي الحياة هيج تعاون بين المره والرجال
ذهب.... الصبح من كعدت حجيت كلشي الامي
امي...عفيه بنيتي زين سويتي
ذهب...ولله فشل هاي البنيه بسببج خليتيها تصير عجوزيه وانتكاليه
والولد زين وصابر عليه
امي....بعدها عروس هسه تتعلم
