رواية عنب اسود الفصل السابع بقلم جمانه السعيدي
هسه هذا غدا وهاي فواكه
عنب...لا حبيبتي اني طابخه غدا
ليان...ولله بابا مايقبل لازم تاخذين خلتهن بلكاع وراحت
دخلتهن جوا غدا من غداهم وعلاكة فواكه كلشي بيها
موز وعنب وتفاح وخوخ متروسه ترس
كلت بكلبي ولله انتم ناس تعرفون الاصول
احسن من اخوي الي ماذكرني بيوم من الايام بعلاكة فواكه
جمانه السعيدي
لليل اندكت الباب يالله باب بيتي كام يندك وتجيني ناس
فتحت الباب لكيت البنات اتلاثتهن
جايبات حب وشاميه وعصير وجايات حتى نكعد نسولف
دخلتهن جوا شكد فرحت بيهن عبالك اعرفهن من زمان
روان...اضيفينا لو لا بابا طلع وضجنا نبقى وحدنا
كلنا نجي يم خاله عنب نسولف شويه ونتونس
عنب...اذا ماتشليكم الكاع اتشليكم عيوني
افنان ...سلامت عيونج
بقينا كاعدبن للساعه ١١ نسولف ونضحك
احس نفسي نولدت من جديد شكد حلوه العائله اول مره من
٤٠ سنه اكو ناس تكعد تحجي وتسولف وياي ونضحك
هيج يارب لاتحرمني من هاي النعمه
ثاني يوم لفيت دولمه جدر طبخته ودزيته الهم
مايصير بس همه يدزولي
لليل اجن البنات
ليان...الله خاله عاشت ايدح شنو هاي الدولمه الطيبه
حتى بابا كال بعمري ماماكل هيج دوامه طيبه
هلمره جايبات وياهن كريم مرطب كعدن يخلن الوجهي واديه وجابلي شامبو يخبل ينعم الشعر هو والمكيف
ومعطر ريحته ثابته كلش طيب
بقينا على هذا الحال ٣ اشهر لو نتريك سوا
لو نتعلل بليل سوا
نزلت سافين طابوك من الحايط حتى اكدر احجي وياهن
بسهوله
كمت مااروح الام احمد الخياطه لان لكيت ونس
ذني البنات كلش محبوبات
عنب...بنات انطيجن فلوس جيبلي من هذا الكريم وجهي صار علي حلو وناعم
روان...عيب شنو انطيجن فلوس انتي غير خالتنه
اني اجيبلج
عنب...صاحبك حلو لا تأكله كله
روان...لا اكله كله لان انت تستاهل ياحلو
عنب...ولله اني حلوه بس بعيونج
ليان...وعيوني هم
افنان...وانا ايضا أراكي جميله خاله عنب وهاي بوسه
عنب...الله يجبر خاطرجن مثل ماجابرآت خاطري
انتن احلى نعمه من رب العالمين
راحن للزياره بومبن كالن تعاي روحي ويانه
عنب....ووين اروح وياكم ممنوع
مو يومين غابن عني عبالك سنه شكد ضجت عليهن
من رجعن جابلي وياهن ثوب يخبل صدك حلو بعمري مالابسه هيج ثوب وشحاطه وشأل وعطر
ياربي ووين جانن ذني البنات من زمان حياتي كله تغيرت بسببهن
