رواية عنب اسود الفصل الثامن بقلم جمانه السعيدي
عنب اسود
البارت الثامن
جمانه السعيدي
عنب...رجعت للبيت وبقيت منتضره عمار
اريد انطي خبر
حاسه نفسي ذليله جاي ارخص نفسي الهم حتى اخذ حق من حقوقي
لاتكولون اشتكي عليهم وأخذي حقج
اني انسانه بسيطه ما مكمله تعليمي ولا طالعه وشايفه الدنيا خلصت عمري كله محبوسه بلبيت
لمن صار عمري ٤٠ سنه وماتت امي وابوي
واستقريت ببت وحدي
يله كمت اطلع واشوف ووين اطلع للخياطه لو بيت ابو روان
يعني مامفتهمه شي من هاي الدنيا
لو عايفيني اكمل دراستي جان شخصيتي صارت اقوى
جان فهمت الدنيا صح
بس اني طلعت للدنيا متأخره حيل
بعدين اني متربيه ابيت الرجال بي سيد الموقف حتلو يغلط
هو الصح
مستحيل بيوم اروح اشتكي على اخواني
لو كلشي يصير
صدكوني لو اخواني يعاملوني معامله حلوه ويسئلون عني
ويذكر ني اني بنفسي اروح اتنازل عن كلشي
لو عندي عائله زينه وتسئل عني شسوي بلفلوس
لو يذكروني حنينين عليه اني بنفسي اروح اتنازل
العائله ما تتبدل بكنوز الارض
جمانه السعيدي
المهم وصل عمار شافني واكفه بلباب انتضره
نزل من السياره وجه بي سبع لطامات
عمار...خير شكووو اليوم شني المصيبه الجديده
عنب...اني موافقه
عمار...على شنو
عنب...اتنازل عن كلشي اني تعبت من الوحده اريد اعيش وسط ناس تحبني وتخاف عليه
الفلوس عدكم صار سنيبن اني شمستفاده منهن
خليهن عدكم بس خلصوني العوض على رب العالمين
بس صدكوني مراح تتهون بيهن
اولا فلوس يتيمه وثانيا خذتوهن بلغصب
ميزان رب العالمين العداله
عمار...خلصتي بله ماتستحين بهذا العمر تردين تزوجين
ولج عيب كبرتي العرس للبنات الزغار
انتي الي بعمرج تنجب وتكعد وتسكت
فشلتينا الله يفشلج
عنب...لا مسويه شي غلط ولا شي حرام زواج على سنة الله ورسوله
ناس تحبني وتريد تعيش وياي
احسن من أخواني الي همهم نفسهم وبس اهم شي عايشين هما ونسوانهم مرتاحين
وعنب عنب شنو إلى جهنم
الفلوس خليها مااريدها خليه على كلبكم
راح تتحول نار وتحركم وشوفو
عمار...انجبي واسكتي لا اكسرج تكسير طلقه وحده وادفنج بلحديقه محد يشوفج ولا واحد يعرف مصيرج
اسكتي بلا شرف ادور عرس بهذا عمرها
شنو متوازيه احترمي شيباتج واكعدي
عنب...خلصني يمتى يجي الرجال حتى يتفق وياكم
عمار.. اخابر اخواني واجيب محامي توقعين على التنازل وروحي إلى جهنم عساج بلموت الي ياخذج
عنب...رجعت للبيت وبكلبي قهر وحسره
دعيت عليهم من كل كلبي واذا اليه حوبه تبين بيهم
دعاء فقيره مسكينه مضلومه
ابد ما ضايجه علمود الفلوس
ضايجه على كمية الخذلان الي خلصت عمري عايشته بسبب اهاي
ثاني يوم اجا عمار الضهر وويا محامي دك الباب
عنب.. منو
عمار...البسي عبايه جبت المحامي وياي
دخلت لبست العبايه وطلعت فتحت الباب
دخل بلطرمه عمار والمحامي
المحامي...شلونج خويه
عنب.. اهلا وسهلا
المحامي...وقعي هنا بعد هنا وبهاي الورقه
بعد ابصمي هنا هاي هي تمام
جمانه السعيدي
طلعو برا عمار ودع المحامي ورجع عليه
عمار...بليل خل يجي هذا المفغل خل يجي ياخذج ويخلصنا بلعافيه علي هذا المقلب
عود كليله قبل لا يجي انتي تنازلت عن كلشي
ايجوز يغير رائيه ويشرد
اريد اعرف شراح يستفاد من هاي الزواجه
يمكن ماخذج خريعة خضره لو يخرع بيج الجهال
اكيد محتاجين خدامه بلبيت لان انتي خوش خدامه
عنب....هذا عوض رب العالمين الي خلصني منكم
ورزقني عائله تحبني
عمار.. تحبج سلميلي ههه تحبها
عافني وراح العصر اجني البنات يطمنن عليه
روان... يمتى الخطبه
عنب...بليل ابوج يروح ببت عمار وخل يجيب وياا شيخ
حتى نخلص كلشي مره وحده
ليان...اي همزين لازعلين مني ذودله اخوانج مجرمين
عنب...هانت انشاء الله راح يخلص كلشي
بليل البنات اجن يمي جايبات كيكه وعصير ونفاخ علكنا
بلغرفه وجكليت جايبات ديجي
امبدلات ومتمكيجات
جابلي ثوب يخبل اوف وايت بي شغل فضي يخبل
سرحن شعري ومكيجني صبغن اضافري
طلعت غير وحده
جمانه السعيدي
ابوهن راح هو وياا كم واحد والشيخ علمود الخطبه اسمع اصوات اخواني كلهم مجمعين
اتفقو المهر خمسه بخمسه وبدون عرس
علي...اخذها سكته احنا نستحي اختنا بهذا العمر عروس
اجا عليه عمار وياا الشبخ عقدلي بعدين رجع الشيخ البيت عمار عقد الابو روان
ليان واكفه بلباب تراقب
ليان...طلعو الزلم صلوات خلصت الخطبه
بعدين جابت ابوها دخلته بيتي
البنات شغلن الديجي وكامن يركصن ويهلهلن
ابو روان....مبروك الف مبروك
عنب...قرب عليه باسني بخدي حسيت احساس حلو
حسيت نفسي انسانه
اول مره احس نفسي اني انسانه وحالي حال البشر
كل عمري احس نفسي اقل من كل الناس
وماا استحق اعيش عيشتهم
قطعنا الكيكه ووكلني كيك اني اخذت الماعون
خليت قطعه بحلكه ورجعت وكلت البنات وحده وحده
رغم صار يومبن ابجي ومقهوره
بس اني حاليا سعيده صارت عندي عائله جديده
البنات... بابا انت وعنب اركصو
ابو روان....عيب اني عمري هذا مو مال اركص
عنب...ابتسمت
كعد بصفي وخله ايد على كتفي وابدا الثانيه لازم ايدي
جمانه السعيدي
ابو روان...اتمنى اكدر اسعدج واعوضج عن الايام الي راحت
اخذ ايدي باسه
اول مره واحد يكرم هاي الايد ويبوسها
هاي الايد الي ياما رفعتها حتى ادافع عني نفسي
حتى احمي نفسي من الضرب
هاي الايد الي غسلت وكنست ومسحت وتعبت الناس ماتستاهل
اليوم جاي تنباس وتتقدر
يارب ديم عليه هاي السعاده ولا تحرمني من هاي العائله
خلصت الحفله البنات رتبن الغرفه
ابو روان...اني ماعندي شي هذا مهرج واذا مايكفي
انطيج اكثر ترا اخوانج حددو هذا المهرر
انتي تستاهلين اكثر
ويمتى ماتكملين تجهيز نزوج
بقت بس الغرفه اذا تردين اغيرها ماعندي مانع
بس الصراحه اني معتز بيها لان حلوه وموديله نادر
ومميز
عنب... لا عوفها اذا عاجبتك
من ثاني يوم بدينا اني البنات نجهز الاشياء الضروريه
دزيت كم ثوب ألام احمد تخيطهن
ام احمد...هااا وين هلغيبه صار شكد ماجايه
عنب...انخطبت وراح ازوج
ام احمد...هااا صدك بيها الخير هنياله سعيد الحظ
انتي كنز هنياله الي يخليج ببته
عنب...شكرا انتي اخت عزيزه مراح انسى مواقفج ابد
ووكفتج وياي
ام احمد... انتي الي على عينج الخير كله
كلما اساعدج الله يرزفني خير وبركه
عنب.. الله يسلمج
ام احمد...مو تكطعين بيه
عنب.. اجيب بناتي يخيطن عندج
ام احمد...عندج بنات
عنب...٣ وحده احلى من وحده
جمانه السعيدي
كلمت كلشي باسبوع البنات يلحن بسرعه بسرعه
ازوجي وبعدين كملي كلشي من ادخلين ببتنا
سرحت شعري تسريح دائمي طلع يخبل
وشتريت كريمات ليلي و نهاري صارت بشرتي حلوه وناعمه اني جسمي حلو مليان
لا سمينه ولا ضعيفه مناطق الانوثه بجسمي بارزه
بيوم العرس رحنا واني والبنات للصالون
ام الصالون سوت شعري تسريحه تخبل والمكياج
طلعت حلوه اباوع النفسي بلمرايه
واكول معقوله هاي اني ولله اللبس والترتيب يغير الشكل
١٨٠ درجه
خليت شال على راسي شال ابيض جبير
بقه مفتوح بس خليته لان راح اطلع بدون عبايه
ام الصالون ماقبلت اربطه خاف التسريحه تخرب
اجا ابو روان اخذنا بسيارته من الصالون
كلنا صعدنا بنفس السياره
اني وابو روان بلصدر البنات كعدن ورا يصفكن ويلهلهن
طبعا ابو روان طالع يخبل
لا بس قاط اسود وقميص ابيض حالق ومرتب وجها
طالع احلى شاب مايلحكه
وصلنا للبيت نزل ابو روان واجا نزلني واخذني من ايدي دخلني للبيت
اتفاجئت عائلتهم كلها جايه
بيبيت البنات مره جبيره كاعده على كرسي متحرك
وعم البنات هو وزوجته رجال جبير لابس عكال ودشداشه
وعبابه واخت ابو روان اكبر منه جبيره بس شكله حلو
مرتبه موضفه متقاعده
فرحت حيل بوجودهم خصوصا واني اشوف القبول
بعيونهم يعني عادي من شافوني
ما تفاجئو لو استغربو من شكلي
اني عندي عقده متوقعه نفسي مو حلوه كلش
هذا الاحساس زرعو اهلي بيه
ومجاي اكدر اتخلص منه
لكيتهم محضرين العشى يخبل من كل الأصناف والانواع
كعدنا كلنا نتعشى سوا
يسولفون وياي وكانما من زمان يعرفوني
الحقيقه اني مصدومه اكو هيج ناس راقيين
لطيفين محترمين
لعد اهلي شبيهم من اي طينه مصنوعين
خلو حسره بكلبي احلى يوم بحياتي وحدي
عائلتهم كلها مجتمعه وعائلتي ماكو ولا نفر وكانما ماصدكو يخلصون مني
ميخالف انشاء الله رب العالمين مراح ينساني ابد
