رواية نغم سطوة العشق والانتقام الفصل السابع7 بقلم سعاد سلامه

على طاولة الفطور 

جلست أقبال تستشيط غضباً تحدث حكيم قائلة 

عمك شكله خرف

لكن حكيم لم ينتبه لما قالت فعقله يفكر فيما قالت تلك بالأمس ونعتها له بالقاتل دون وجه حق 

ليتذكر ذالك اليوم 

حين دخل الى سرايا عمه حافظ ذاهباً إليه ليعطى عمه بعض مستندات ملكية مزارع ماشيه جديده قام بشرائها 

ليسمع صوت عالى وأستغاثه من أحدى الغرف وهى المكتب ليجد زوجته غارقة بدمائها وملابسها  ممزقه وجوارها سلاحاً نارياً على الأرض ويرى ذالك المائل عليها ليقوم بمسك السلاح وضربه به دون تفكير ليرديه  أرضاً  قتيلا   

لما تقول هذه الفتاه أنه قتل والداها ليتذكر أن ملابس ذالك الرجل كانت مهندمه عليه ليدخل لعلقه أن حديثها قد يكون صحيحاً وأنه تسرع وتهور بقتله بدء ضميره يحلل الاحداث ربما كان متسرع ولكن من الذى تحدثت أنها رأته يخرج من المكتب 

عاد من تذكره على صوت أقبال العالى وهى تقول حكيم أنا بكلم نفسي 

ليرد حكيم لأ معاكى كنتى بتقولى أيه 

لتشعر أقبال أنه يفكر فيما قالته تلك الفتاه فهو منذ أن سمع لحديثها بالأمس وهو شارد 

لتقول أقبال أنت بتفكر فى كلام البت بتاع أمبارح أنك قتلت والداها دى أكيد كدابه ومتسلقه وشكلها واكله عقل عمك وعايزه تطلع منه بكام مليون ولو مصحصحتش ممكن تلهف ميراث عمك كله 

البت شكلها ضاحكه على عمك ومصدقها والأ ليه وبأى صفه قاعده عنده فى السرايا حكاية أنها صديقة لميس مش داخله عليا وكمان أنا مش موافقه على خطوبة عصام من لميس تربية المدارس الداخليه دى الله أعلم بها 

ليرد حكيم لميس عمرها ما قلت أدبها على حد عكس ليلى طول الوقت بتستحقر فى الناس وبتقلل منهم وكمان عصام حر هو الى هيتجوز فالقرار له وشكله موافق

ليسمعا صوت مرح من خلفهم يقول موافق جدا جداً كمان 

لتنظر أقبال له بحنق وتقول ما لازم توافق جدك ما هو بيقول عليه أستمرار أسم العيله وكمان عطاك أدارة الشركات يعنى دفعت تمن أنك تكون المدير بجوازك من لميس دى ساذجه وبحس أنها ضعيفة الشخصيه وكمان متنساش أنها عارجه وأنت رجل أعمال ومحتاج الى تكون جنبك واحده صاحبة شخصيه وكاريزما 

ليقول عصام أنا شايف كل المميزات الى أتمناها فى فتاة أحلامى فيها بالعكس وكمان لميس جميله جداً 

لتنظر أقبال إليه قائله أنت حر أنا مش موافقه عليها وبكره تعرف انى كان عندى حق دى صاحبتها بنت واحد قاتل وكان هيغتصب خالتها وهى تصاحبها أكيد  لازم تكون غبيه وتصدق كدبها ويمكن هى الى خلت جدك حافظ يصدق كدبها ويمسكها الدعايه وكمان أدارة أكبر مزارع المواشى ومش بعيد يكون بينها وبين حافظ حاجه وبتستغله لصالحها 

ليرد حكيم بتعصب عمى مش غبى علشان يمشي وراء أكاذيب وأوحتى دنى وبيمشي وراء رغباته 

لتنظر أقبال بتفاجؤ وتقول بتبرير أنا مش قصدى حاجه وحشه بس هو كبر وأكيد بيفكر بقلبه ومنحى عقله ومصدق كذبها 

ليرد عصام منهياً الجدال  جدى حافظ عنده فراسه ويعرف الصادق من الكداب وممكن يكون كلام نغم صدق وبابا أتسرع فى قتل والداها وكمان ممكن هى الى تكون كذابه بس لو صحيح جدى يعرف يتعامل معاها بطريقتها 

لتنظر أقبال وتهمس فى صمت والله البنت دى شكلها هى الى هتلاعب الكل على صوابعها وكمان بأبنها الى يا خوفى يكون وريث حافظ غُمرى 

🌿🌿🌿🌿🌿🌿

كانت ليلى تجلس بالفراش تسحب غطائه عليها وبيدها أحدى السجائر تقوم بتدخينها ليميل عليها شاهر الذى يلف خصره بمنشفه ويأخذ السيجاره من بين أصابعها ويقوم بأطفائهابطفائه السجائر الكريستاليه و يتحدث بحده قائلاً أنتى رجعتى للتدخين تانى مش كنتى بطلتى 

لتقوم بفتح علبة السجائر وأخذ اخرى وأشعالها وهى تقول متعملش نفسك خايف عليا قوى أنا عارفه أنك صابر على عدم خلفى مش حب فيا بس خايف على السلطه الى بين أيديك وأنت نسيب عيلة غُمرى 

ليرد شاهر قائلاً أنت فعلاً محتاجه علاج نفسي زى ما جدو حافظ بيقول 

لتضحك عالياً بسخريه جدو حافظ هو الى عايز علاج نفسى وهو بيوزع أختصاصات العيله بس لصراحه هو أفتكرنى وحطنى مساعدة لعصام فى الاداره كتر خيره منصب شرفى 

ليقول شاهر بتسرعك وحديثك الغبى هضيعى كل الى حواليكى وبالشكل ده فى النهايه هتفضلى لوحدك 

لتلم غطاء السرير حولها وتنزل من الفراش وتقول بتهكم لوحدى مش جديده أنا طول عمرى لوحدى 

من لما بابا ساب ماما وأتجوز عليها خلاتك واحده وراء التانيه حتى ماما لما أتقتلت حب يعمل فيها شهم وخدنى معاه لأقبال هانم خالتك وبس لصراحه كانت معاملتها راقيه زى أتنين ساكنين بيت واحد مفيش أكتر من السلام بينا وطبعاً بابا مشغول معها وهى مركزه مع الوريث عصام باشا 

وأنا صفر على الشمال وجوده من عدمه مش مهم بس بيجمل الصوره 

وحتى أنت أنا الى حبيتك وقربت منك وأنت كنت بتحلم تنول بنت غُمرى طبعاً علشان الوجاهه الاجتماعيه لعيلة منسى أما تبقى مناسبه عيلة غُمرى

نظر شاهر إليها بصمت لدقيقه ليقول بعدها أنا مش عارف ليه دائماً عايزه تحسسني أنك أتجوزتنى كرامه منك  وفى أيدكى لو عايزه نطلق زى قبل كده أنتى الى طلبتى أننا نرجع وقتها وقولتى هتكملى العلاج 

لترد ليلى علشان يئست من كل حاجه كل حاجه كدب 

الحب كدب الابوه كدب الأخوه كدب  أنى أخلف وأكون أم كدب أنا وأنت كل الى بينا كدب أحنا مفيش شىء بيجمعنا غير السرير والمنظر العام أننا سعداء قدام الناس

نظر إليها شاهر متعجباً يقول أنتى لازم تعرضى نفسك على طبيب نفسى أنتى حالتك بتسوء كل مادى 

ليتجه الى غرفة الملابس المرفقه بالغرفه ويغيب قليلا ويخرج وهو يرتدى ملابس خروج ويتركها 

تنظر الى خروجه بتحسر.

🌿🌿🌿🌿🌿🌿

جلست فجر الفهدى مع والداها منصور الفهدى على طاولة الفطور تضحك وتقول كريم أتصل عليا وبيقول أنه عايز يردنى 

ليبتسم منصور ويقول وأنتى عايزه ترجعيله 

لترد فجر طبعاً لأ أنا مصدقت أتطلقت منه بعد خمس سنين جواز أنا كنت مستحملاه بالعافيه بسبب عمه الى كان بيساندك أيام ماكان وزير إنما دلوقتى هو خارج الوزاره وأنا فى دماغى حد تاني 

ليبتسم منصور ومين الي عليه العين 

لترد فجر ببسمه  متمنيه  فيصل  العفيفى  

ليرد  والداها  بذهول  بس  دا بيقولوا  متجوز  رغم  ان  مراته  عمر  ما حد شافها  أو عرفها  

لتقول  فجر  أنا  عارفه  هو قال  أنها  بنت  مرات  أبوه  وسافرت  فرنسا  من مده  وطالما  عايشه  هناك  المده  دى كلها  ومرجعتش  يبقى  أكيد  هينفصل  عنها  

ليرد  منصور  مش  يمكن  هو بيروح  لها  فرنسا  

لترد  فجر  حتى لو كان  بيروح  لها  أنا  كفيله  أنى أنسيه  لها  

بصراحه  أنا  اتعاملت  مع رجاله  كتير  أشكال  وألوان  ملقيتش  زى  رجولته  ولا شخصيته  الطاغيه  

ليبتسم  منصور  قائلاً  ربنا  يقدم  الى فيه  الخير  لو جوازك  منه  تم  يبقى  ضمنا  العضويه  الى هتسهل  لنا  أشغالنا  وتبعد عين  الحكومه  عننا  

لتبتسم  فجر  أطمن  أنا  مش  صعب  عليا  أقرب  من فيصل  أنا  بفكر  أعزمه  على العشا  فى يوم  بحجة  أنك  عايز  تتعرف  عليه  وناويه  أحاصره  فى كل  مكان  أقدر  أشوفه  فيه  وخلاص  هبدأ  من النهارده  هو كل  يوم  بيقى  فى المزرعه  الى جنب  مزرعة  جده  حافظ غُمرى  العصر  بيركب خيل المزرعه دى جنبها حتة أرض زى  مضمار خيل وأنا هروح هناك بالحصان  وهقابله  

ليقول  منصور  بضحك  واضح  أنك  عندك معلومات كامله عنه عموماً ربنا يوفقك.

🌿🌿🌿🌿🌿🌿

دخلت تحمل طبق به عدة أنواع من الفاكهه تقول أنا قولت نانى مش بتحب الشوكليت جبت طبق فاكهه من المطبخ وقولت أطب عليكى أنا مشفتيكش من أمبارح بالليل وكمان قاعده فى الاوضه من الصبح مخرجتيش منها وأبنك أنا الى فطرته مع جوانا قولى لى مالك أيه الى مخليكى حابسة نفسك فى الاوضه 

لتبتسم نغم وتقول ولا حاجه أنا براجع الحملات الاعلانيه لشركات غُمرى وكمان بشوف مركزها فى السوق المالى وبفكر فى كذا فكره أعلانيه جديده نبدأ بيها الحمله الجديده 

لتقول لميس يعنى بس كده مش بتفكرى فى فيصل الى كان بايت هنا فى الاوضه أمبارح 

لتنظر إليها نغم وتقول وايه عرفك الفتان ميجو 

لتضحك لميس لأ مش هو أنا شوفت فيصل وهو داخل الاوضه أمبارح بالليل وتوقعت خناقه بس مالقيتش صوت قولت الشوق غلبك بس فكرت فى ميجو هيشوف باباه ومامته فى موقف مُخل بالأداب 

لتنظر نغم إليها بشرر وتقول واضح أنى أنا هقوم أجيبلك خلل فى مخك أنا ما شوفتوش الا الصبح وبعدها بعت ميجو عندك علشان ميشوفناش وأحنا بنتخانق 

لتنظر لميس بمكر وتقول يعنى عايزه تفهمينى أن فيصل متحرش بيكى وإنتى دوبتى فيه 

لتقول نغم دا كان زمان دلوقتي فيصل بالنسبه ليا زى أى راجل 

لتقول لميس بمكر زى اى راجل بقى صدره العريض ولا عضلات جسمه المتناسقه ولا وسامته دى زى اى راجل 

لتنظر نغم وتقول بغضب عجباكى قوى أوصافه أهو عندك خديه أهو ابن خالتك وأنتى أولى بيه على الاقل هو الى هيقدر على أبو بنتك كلمه منه هيخليه يعترف أن أتجوزك 

لترد بحزن قائله أنا أتصلت عليه ورد عليا وطلبت منه أننا نتقابل ووافق وهروح أقابله الساعه أربعه العصر يعنى بعد ثلات ساعات وبعتلى المكان على الفون 

لتقول نغم ووافق بالسهوله دى غريبه أنا قولت هيراوغ 

لتقول لميس النوعيه الى ذى دى الى شاطره فيه الخداع أنما فى المراوغه فاشله 

لتقول نغم وهتروحى لوحدك 

لترد لميس امال هاخد بنتى معايا هو مش هيقدر يأذينى 

لتقول نغم أنا لو مش مرتبطه مبيعاد مع وجدى الزهيرى علشان أفرجه على المزرعه الى جدى حطها تحت أدارتى علشان نشوف هنستفاد منها فى الدعايه أزاى  كنت جيت معاكى أنتى طيبه وساذجه وممكن يضحك عليكى تانى 

لتضحك لميس وتقول دا كان زمان أنا أتغيرت أمبارح عصام لما قعدت معاه قالى أنه كان معجب بيا من زمان نفس اللعبه بس أنا جاريته فيها وعملت أنى بلعت الطُعم 

لتقول نغم مش يمكن يكون صادق مش زى التانى

لترد لميس زى أنتى ما فقدتى ثقتك فى فيصل أنا فقدت ثقتى فى الكل 

لترد نغم بس عصام مش زى فيصل ولا الغبى التانى 

عصام أنتى عارفاه من زمان وكان دايماً قريب منك أنتى الى قولتى لى كده أكتر من مره 

لتتنهد لميس بقوه وتقول والله أنا من كتر ما شوفت الغدر حوالينا معدش عندى ثقه فى حد 

أحنا الاتنين حبينا الى أذونا 

يعنى أنتى مش قادره تسامحى فيصل وتنسى وتبدئى معاه من جديد 

ولا أنا مصدقه عصام ومكدبه مشاعره 

لتقول نغم والله عندك حق بس مهما كان عصام مش مخادع زى أبو بنتك 

ولا زى فيصل الى واخدنى لعبته وهمنا أنو طلقني وردنى وأنا لسه فى العده

أنا روحت أنا وماما لشيخ وسألناه وقالى هو دخل بيكى قولت له أه 

قالى يبقى يحق له ردك لعصمته فى فترة عدتك أنما لو مدخلش بيكى يبقى كان لازم يعقد قرانك من جديد 

وبعدين سيبك من سيرة الرجاله العيال فين 

لترد لميس العيال مع عمو طاهر وجدو بيلعبوا معاهم وعمو طاهر فرحان قوى بميجو وكان بيلعب معاه كوره هو جوانا الي محسسانى أنها ولد مش بنت بتحب لعب الصبيان 

لتضحك نغم وتقول زى مامتها فاكره لما كان معايا عروسه وأحنا فى المدرسه واخذتيها وكسرتيها وبعدها أتصاحبنا وقولت لى أنا بحب ألعب بالكمبيوتر ألعاب بلاى ستيشن حلوه وجبتى لعبة كورة قدم 

لتضحك لميس وتقول أنا ناسيه الايام السوده دى ليه بتفكرينى تعالى بقى أما أضربك أنتى فكرتينى بالكمبيوتر الى المشرفه صادرته بسببك 

ليضحكا معاً وتدخل عليهم تهانى التى تعمل داده بمنزل حافظ غُمرى وتجدهم منكوشى الشعر لتستغرب من شكلهن 

وهن يضحكن على تعجبها من منظرهن 

🌿🌿🌿🌿🌿🌿🌿🌿

بداخل أحد البنسويونات الصغيره بالاسماعليه 

كانت لميس تجلس تنتظر 

ليدق الباب 

لتقوم بفتحه 

لتجد من يبتسم ويقول وحشتينى كتير يا عصفورتي 

لترد بضيق عصفورتك كبرت وبقت صقر وعرفت الفرق بين السمك والتعابين

ليضحك قائلاً واضح وكمان زادت جمال على جمالها 

لترد بغضب أنا مش جايه النهارده علشان تتغزل فيا أنا واقعه فى مشكله وأنت الوحيد الى تعرف تحلها 

ليرد بتهكم أيه المشكله خايفه العريس يكتشف أنك مش بنت بنوت أظن دى سهل حلها 

لتنظر اليه بكُره وتقول أنا نفسي اعرف أزاى وقعت فى فخك قبل كده أنا فعلاً غبيه أنى صدقتك 

بس دا مش مهم عندى دلوقتي 

فى الاهم 

ليرد وهو ينظر إليها بأشتهاء ويقترب منها ويقول أيه هو الأهم دا يا عصفورتى مفتقده ليا ولحنانى 

لتنظر إليه بأشمئزاز وتقول المهم هو بنتك 

لينظر اليها مصدوم ويقول بذهول أنتى قولتى أيه 

لترد قائله بنتك الى كانت نتيجة كذبة جوازنا الى أنا صدقتها ودلوقتى لازم تعترف بها وكمان تتسجل هنا على أسمك أنا مش محتاجه منك غير أسم وبس غير كده أنا مش عايزه منك حاجه 

ليقف مندهش قليلا ويقول بعدها وأنا أيه ضمنى أنها بنتى 

لترد لميس كنت متوقعه منك كده 

وعلشان كده دى شعره من جوانا تقدر تحللها وتطابقها معاك 

ودا تحليل أنا عملته فى فرنسا بفرشة أسنانك ويثبت أن جوانا بنتك 

أنا بتمنى أنك توفر على نفسك وعليا الفضايح ونلم الموضوع بينا أحسن ما مراتك تعرف أنك لما طلقتها قبل كده مكنتش هى السبب 

والسبب كان دناوتك وجريك وراء بنت خالتها فى فرنسا 

ليرد قائلاً قصدك أيه 

لترد لميس قصدى لو جدى حافظ عرف أن بنت حفيدته تبقى بنت جوز حفيدته التانيه وقتها معرفش رد فعل ليلى هيبقى أيه يمكن المره دى تخلعك لما تعرف أنك مخلف من وراها وهى حلمها تكون أم لولاد شاهر المنسى.

الفصل الثامن من هنا