رواية قصة ذهب الفصل الثامن بقلم جمانه السعيدي
#البارت__8
#قصة_ذهب
#البارت الثامن
جمانه السعيدي
ذهب...بابا اتصل على فراس وعزمه على العشى هو ورند
حتى يطلب منه يسئل على هذا الولد المتقدملي
بليل اجو ثنيينهم هو ورند اني حضرت العشى
خلينا الاكل وكعدنا كلنا ناكل
بابا...اني اريد اكلفك بشغله اني اثق بيك انت صرت واحد من هذا البيت
فراس...تفضل عمي اامرني
بابا....اكو ولد مهندس متقدم الذهب اريد تسئل عنه
ذهب باوعت على فراس جانت بايده لفه يريد يعضها نزل ايده وكام يباوع عليه
بابا....اني انطيك اسمه الثلاثي وعنوان ببتهم
اريد اتاكد من اخلاقه قبل كلشي لان ذهب عزيزه عندي ومااكدر افرط بيها بسهوله
اذا طلع خوش ولد حتى نتوكل على الله
فراس....وليش ذهب مستعجله خليها تخلص كليه
ذهب....ولله اني ما مستعجله اكلهم نشرط علي الزواج بعد التخرج وهو بكيفه يريد يقبل يريد لا
امي....وين اكو هيج خطبه ٣ سنوات الولد خريج وموضف
وحالته الماديه زينه الف وحده تتمنى
فراس....وذهب مناقصه شي الف واحد يتمناها
ذهب...اي هذا اخوي الي أشد ضهري بي شفتو فراس شلون يعرف قيمتي
رند...اذا خوش فرصه لا اضيعينها من ايدج
لاحكه على الكليه ازوجي احسن
فراس....اسكتي انتي شنو الزواج طاير خلصت الزلم
تخلص كليه وتزوج
جمانه السعيدي
بابا....هسه اسئل عنه بعدين نشوف هو يقبل لو لا
فراس....فوكاها هو يقبل لو لا عمي ذهب ماتتقدر بثمن
امه داعيتله الي ياخذها
ذهب....بعد فراس ورا هذا الحديث مااكل بقه كاعد وصافن
ذهب...ليش ماتاكل ماعجبك الاكل
فراس...الحمد لله شبعت
ذهب...بس انت مااكلت هي هاي اللفه وبقت كدامك
فراس...شبعت
كام من الاكل وطلع يغسل برا
كملنا اكل وشلت المواعين خليت القوري على النار
وكعدت انضف المطبخ
جبتلهم الجاي ورجعت للمطبخ اكمل شغلي
رندا ولا تحركت من مكانها حتى ماطلعت غسلت كبل شربت الجاي
شويه وكال يله رند نرجع للبيت
رند...تونا اجينا هو البيت شبي
فراس...ابقي اني اروح من تكملين اتصلي عليه اجي اخذج
الساعه ١١ اجا ياخذ رند بس شكله كلش ضايج
ذهب...شبي رجلج منزل حواجبه الله يستر
رند...شمدريني يله خليلي كبه وبورك اكو فطائر هم خليلي
ذهب...ترست العلاكه اخذته وراحت هي ويااا
ثاني يوم اتصل عليه فراس
بس مبين كلش ضايج
ذهب...هلو فراس
فراس...هلو ذهب عندي موضوع مهم اريد احجي بي وياج
ذهب...الله يستر شكووو
فراس...ضروري اشوفج
ذهب....خوفتني شكووو
فراس....تعاي خل نروح اي مكان لان الموضوع مايتحمل تاجيل
ذهب...العصر تعال ونروح اني وياك اي مكان تريد
ذهب...بدلت العصر وتحضرت
ماما اني راح اروح الرند لان اني توقعت فعلا راح نروح الببتهم توقعت اكو خلاف بينه وبين رند ويريدني ادخل حتى احله مثل كل مره
شويه اجا وكف بلباب رن عليه
طلعت شفته ماارتاحيت الشكله عبالك ابو ميت
ذهب....هلووو شكلك مايبشر بلخير شصاير فهمني
بيك شي رند بيها شي
فراس...لا مابيها شي كالها بنتره وعصبيه
ذهب.. على كيفك ياستار
فراس...تعاي نصعد بلسياره واكفين بالشارع الرايح والجاي عينه علينا
جمانه السعيدي
صعدنا بلسياره
فراس...خل انروح مكان نحجي شويه
ذهب...يله مشت السياره
اخذني مطعم دخلنا كعدنا
فراس...شنو تاكلين
ذهب...مااريد اكل احجي قلقتني
فراس...ليش تردين تزوجين
ذهب...باوعت علي بستغراب شنو يعني
فراس....بعدج زغيره وما مكمله كليه ليش مستعجله على الزواج
ذهب...مو شغلة مستعجله بس امي تكول خوش فرصه
ليش اضيع من ايدج
فراس...شنو خوش فرصه الف واحد يتمناج
شنو خلصو شباب العراق ترا انتي ذهب الف واحد يتمناج
ذهب...بس مافهمت ليش انت ضايج
فراس.. اكيد اضوج انتي تردين اضيعين مستقبلج
شنو زواج شنو خرابيط
ذهب...انت تشوف هيج
فراس.. طبعا اشوف هيج
ذهب...زين اسئل عن الولد ايجوز يقبل ننخطب ومن اكمل كليه نزوج
فراس.. حجا بعصبيه .اي ولد هذا الي اسئل عنه
ذهب...اهدء هاي شبيك فراس
فراس.. شلون اهدء . هذا الموضوع كله غلط انتي عزيزه عليه
ومااريدج تغلطين هيج غلطه
ذهب. غلطه
فراس.. اي غلطه واكبر غلطه بعدين ما كلتي ووين شافج
ذهب...حسب حجي امه تكول شايفج بالمستوصف
مره اخذت امي ورحنا للمستوصف
وهو جان هناك شافني وجاي وراي بلسياره لمن
عارف عنوان بيتنا
سائل عنا بلمنطقه وبعدين دز امه
فراس.. انتي شايفته
ذهب.. لا ماشايفته
فراس...اني راح اسئل عنه شكد عمرا
ذهب... امه تكول ٣٠
فراس... هي هي ٣٠ سنه ومامزوج وموضف اذا ماعندا علاقات بكد شعر راسه اني ماافتهم
تعلميني بهاي النماذج اني اجيبلج اخباره وشوفي اذا مو كلامي طلع صحيح
جمانه السعيدي
ذهب.كان يحجي بعصبيه ونفعال اني توقعت فعلا ضايج على مستقبلي وحريص عليه لان اني مثل اخته
كملنا واخذني البيتهم بقيت ورا العشى يمهم
بعدين رجعني
بنفس اليوم اجانا بليل
دخل واني رحت حضرت الجاي واجيت
فراس.. اني سئلت على هذا الولد الكل تحجي علي سمعته مو زينه وعندا علاقات حتى يشرب استغفر الله
وأمه مسيطره على حياته
يعني بلمختصر المفيد مو خوش انسان مايفيد ذهب
بابا....انت متأكد من هذا الكلام لان اني هم سئلت عنه
الناس تحمد بااخلاقه
فراس...اني سئلت عنه ناس اقاربه وحجولي كلشي عنه
حتى خاطب من اقاربه وما قابلين ينطونه مره
بابا...خلاص مادام هيج طلع مستحيل انطي ذهب
ثاني يوم ام امجد العريس اتصلت علينا وامي اعتذرت منها
امي...اسفه ماكو قسمه
ام امجد....ليش عيوني اي طلبات عدكم ماعدنا مانع
امي...لا موشغلت طلبات بس البنيه تريد تكمل دراستها
.ام امجد......اي ماعندا مانع خل تكمل
امي...هي شايله فكرت الزواج من باله هاي الفتره
.ام امجد.....عادي ننتضرها بس نضبط كلام حتى بدون خطبه بس تعارف وبعدين نتفق
امي...اعذريني هاي الزواجه ماتصير فرصه سعيده تعرفنا
عليكم
الولد وأمه حيل متمسكين ببنا
بليل اتصل عليه فراس عبالك بزون ذيله محترك يريد بس يعرف شنو الاخبار
فراس...هلو ذهب
ذهب.. هلو فراس
فراس...هااا شصار
ذهب... شنو
فراس...الخطبه
ذهب...اي ام امجد اتصلت وامي اعتذرت منها
فراس.. اي ريحتي كلبي الله يريح كلبج
ذهب...شنو
فراس...قصدي همزين خلصتو من هذا لان موخوش انسان
ذهب.. كلشي قسمه
فراس...يمتى تجين رند تريدج
ذهب...اريد اروح اشتري كم شغله من السوك على باجر اجيكم
فراس...اجي اني اخذج للسوك
ذهب...لا مايحتاج لان اتأخر عندي كم شغله اربد اخلصهن
فراس...براحتج جمانه السعيدي
العصر طلعت للسوك بلصدفه امجد جاي علينا يريد يكعد وياا بابا حتى يعرف سبب الرفض شنو
لان مستغرب ليش رفضنا هو ما ناقصه اي شي
وكل الكلام الي وصلنا عنه عن طريق فراس كله جذب
يريد هاي الزواجه تخرب
كعد يشوه بسمعة الولد حتى ارفضه
مايريدني ازوج
جاي امشي وكفت سياره حديثه ونزل ولد شاب يخبل
لابس قاط رصاصي وقميص ابيض
شكله كلش مرتب وحلو
لابس محبس وساعه اخر موديل والعطر يمشي كدامه
امجد...من رخصتج
ذهب....اشرت اني
امجد...اي انتي انتي ذهب
ذهب...اي تفضل
امجد...اني امجد دزيت امي تطلب ايدج
ذهب.. اهلا وسهلا
امجد....ممكن نحجي شويه
ذهب...اسفه ماعندي وقت
.امجد.....مراح اخذ من وقتج هواي خمس دقايق
ذهب. .اذا بخصوص الخطبه امي نهت الموضوع اعتقد
امجد...بس من حقي اعرف السبب
ذهب...كلشي قسمه
امجد...اي اني وياج بس اني من حقي اعرف شنو اسباب الرفض
ذهب....ماعندي رد
امجد....لازم يكون عندج رد لان اني شاب الحمد لله ماناقصني شي من اجاني الرفض استغربت
انتي شككتني بنفسي
ذهب...اسفه مو قصدي بس اني اريد اكمل جامعه
امجد...ومنو كالج اني اريدج تعوفين دراستج بلعكس
اني اكثر واحد يشجع تعليم المرأه
ذهب...انت جاي تحرجني حاي نحجي بلشارع
امجد...وين تحبين اني وياج تردين بيتكم تردين بمكان عام
ذهب... اني مامستعده للزواج
امجد...اي لا ترفضين انطيني مجال نتعرف واذا ماعجبتج
تكدرين تنسحبين مراح اللومج
بس اريد فرصه بس احب اكلج شي
صدكي اني البنات جاي يتقدملي للزواج وابد ماابالغ
بهذا الكلام
بس اني بس شفتج ياسبحان الله كلبي تعلق بيج
اريد فرصه نتعرف على بعض
وبعدين اذا ما ارتاحيتلي كلشي ينتهي
اني انسان دبلوماسي ومثقف واحترم رائ الاخرين
للحكايه بقيه تفاعل حلو مثلكم
