رواية قصة ذهب الفصل التاسع بقلم جمانه السعيدي
#قصة_ذهب
#البارت_التاسع
ذهب...من رخصتك الكلام مو لائق بلشارع وأعتقد ردنا على موضوع الزواج وصلك
امجد...اني احترم رائيج بس اريد سبب مقنع بس
واني ابتعد عنج
ذهب..بعده يحجي راسا طبكت سيارت فراس
نزل طبك باب السياره بعصبيه واجا عليه
فراس...منو هذا
ذهب...بعدني مارديت
امجد...منو حضرتك
فراس...حضرتي اني اعلمك منو حضرتي راسا لزمه من ياخة القميص يريد يضربه
ذهب...فراس لا لا هذا امجد لا اضربه
فراس...هاا العريس شعنده هنا
امجد...عوفني منو حضرتك حتى تدخل
فراس...اني من بعد ابوها ولي امرها
امجد...ليش هيج عصبي اهدء خل نتفاهم
نزل ادي فراس وتخصر بعصبيه
فراس...بشنو نتفاهم اعتقد الرد وصلك احنا مايشرفنا نسبك واذا شفتك مره ثانيه تعترض طريق ذهب
ما تلوم اله نفسك
امجد...انت ليش عصبي ترا عادي جاي اسئله عن سبب الرفض
فراس...وانت شنو تسئله مانريد اناسبك تفتهم لولا
امجد....ليش وانت شتكون منها انت اخوها
فراس...اي اخوها يله ذهب امشي
ذهب...سحبني من ايدي بعصبيه يمشي ويتهدد على امجد
فراس...اياني وإياك اشوف وجهك ثاني مره ماتلوم اله نفسك
ذهب...فتح باب السياره وصعدني ودار من الجهه الثانيه حتى يصعد
وامجد واكف بمكانه مستغرب من تصرف فراس
ذهب...شغل السياره ومشا
فراس.. .ليش واكفه ويااا يحجي بعصبيه وياشر بايده
ضرب على الستيرن بعصبيه
ذهب...انت ليش عصبي ترا الولد كلش محترم ومااجاوز ابد كان يسئلني عن سبب الرفض وبس
جمانه السعيدي
فراس....شنو حضرته يريد نقدمله تقرير مانريد اناسبه وخلاص
ذهب...بس انت ليش هيج عصبي
فراس...انتي ليش وكفه ويااا
ذهب...اباوع عصب ادي ناطه ووجها صار احمر من العصبيه
فراس...جاوبي لا تحركين دمي ليش واكفه ويااا
ذهب...مابيه شي الولد مودب وجاي البيتنا حتى يشوف ابوي
صادفني بلطريق واستأذن مني
فراس...شنو استئذان منج ممنوع توكفين ويااا
اصلا هذا سمعته مشبوها
شلون توكفين ويااا
ذهب....سكتت لان فراس كلش عصبي واني ما فهمت ليش هو هيج عصبي
سكت شويه بعدين
فراس...انتي ووين رايحه
ذهب...للسوك
فراس...اي اني اخذج وانتضرج وارجعج
ذهب...بس اني اتاخر
فراس...حتلو تتاخرين ماكو مشكله بعد ماامن اخليج اطلعين وحدج خاف هذا الحيوان يطلعلج من جديد
ذهب...كلش ضجت من موقفه ادري يخاف عليه بس موهيج فشلني جاي بدخل بحياتي بطريقه مبالغ بيها
نزلت هو نزل وياي من اشتري شي ياخذه ويشيله مني
اني امشي كدامه اشتري وهو وراي
منا لمن كملت
فراس.. تعاي نشرب شي
ذهب...شكرا رجعني للبيت
فراس...انتي زعلتي مني
ذهب...اريد ارجع للبيت
جمانه السعيدي
رجعنا للسياره صعدت غراضي وصعدت بعد ماحجينا اي شي بس حسيته يريد يعتذر او ندمان من الموقف الي صار
وصلت للببت نزلت وهو راح
دخلت للبيت خليت الغراض بغرفتي بدلت وطلعت حتى احضر العشى
امي.. اتاخرتي
ذهب...السوك ازدحام
امي...ليش ضايجه
ذهب.. ماكو شي
امي...احجي شكووو
ذهب...امجد هذا الولد الي تقدملي
امي...شبي
ذهب...شفته بلطريق جان جاي يحجي وياا بابا
وطلب يحاجيني بكول اريد اعرف الأسباب الي رفضتوني علمودها
امي...ليش يلح ماكو قسمه
ذهب...جاي يحجي وياي وطلع فراس كلب الدنيا علي
بقه يحجي ويغلط ويهدد بي
امي...اي عفيه فراس
ذهب..ماحبيت موقف فراس مو هيج اني اعرف اتصرف
امي..غير بخاف عليج
ذهب..كلش ضجت من موقفه
تعشينا ونضفت المطبخ ورحت الغرفتي حتى ارتب الشغلات الي جبته واقيس الملابس
جمانه السعيدي
اجتني رساله فتحته من فراس
فراس...اسف
...مارديت علي انتضر شويه
فراس...اسف بس ولله من حرصي عليج اتخبلت من شفته واكف يحجي وياج بلشارع
هذا الولد سمعته مو حلوه واذا وكفت وياا اكيد راح يأثر على سمعتج
ذهب.. مارديت لان ضايجه منه
فراس...قبلتي اعتذاري لو لا
...سكتت بين عنده اني جاي اقرا الرسايل وماارد علي
فراس...ردي اي شي كولي حتلو تغلطين عليه
اني قابل بس لا تسكتين هيج
...مارديت لان بعدني زعلانه عفت التليفون وبديت ارتب بلغراض
اسمع تجيني رسايل بس مافتحتهن
مزاجي متعكر بسبب تصرفات فراس
بعد ساعه اندكت الباب
امي فتحت الباب سمعت صوته
متعود اني الي افتح الباب سلم على امي بصوت عالي
حتى اعرف هو اجا
راسا تمددت وتغطيت سويت نفسي نايمه
لان اعرف راح يسئل عني وامي تجي تجبرني اروح اسلم علي
لان هو برائي امي
اليوم قدم موقف بطولي دافع عني وما قبل امجد
يحجي وياي بلشارع حتى يحافظ على سمعتي
مثل ماتوقعت امي اجت للغرفه
امي...ياا نمتي ليش نمتي من وكت هذا فراس يسئل عنج
ذهب...عبالك نايمه من العام
طلعت امي واسمعها تكول نايمه ذهب
كعد شويه فراس وطلع لان الوضع مايصرفله
ذهب ماطلعت حتى يشوفها
شويه ورجعت اجتني رساله بس مافتحت التليفون
بقيت مدده ومتغطيه
ثاني يوم جنت مواعده رند اروح البيتهم
مارحت
امي...اليوم ترحين الرند
ذهب...لا مااكدر تعبانه
امي.. ليش ماما اختج دخلت بشهرها وبطنها متر كدامه
اذا ما تساعديه هسه يمته تساعديه
جمانه السعيدي
ذهب...اني بتليت بيها خايري جنان تجي تخدمها مو عطله ماكو مدارس خل تجي تخدم بتها
اني تعبت كافي مشغلتني خدامه عد ست رند
امي...ياا غير اختج شنو نروح اناجر وحده تخدمها
ذهب..ليش لا زوجها حالته الماديه زينه
خل يجيبلها خدامه
امي...ياا تحجين صدك جنتي تخدمينها وهي بنيه
وبحيلها وهسه حامل تعوفينها
ذهب...هذا الي عندي كافي اشتغل خدامه عد ست رند
تردين انتي روحي اخدميها
انتي جاي تعلين شئنه وتقللين مني
ترا ثنينا بناتج ليش اني اخدمها ليش هاي قلة الاحترام
عودتيها على الاوامر والطلبات الي ماتخلص
اني اليوم اربد اخلي حنه الشعري وزيت راح يجي الدوام
واني كلشي ماحضرت ملتهيه بست رند
حضرت الغدا اتصلت رند
رند...وين ذهب شو مااجت
امي...تريد تخلي حنه الشعره
رند...هسه وكت شعرها اني اليوم عندي وجع
امي...اني اجيج العصر
رند...وهي ليش ماتجي حضرتها حتى فراس يسئل عنها
امي...اني راح اجي
ذهب.. عجنت الحنه وغطيته وحضرت الغدا غديتهم
نضفت المطبخ
جبت الحنه حتى امي تخليلي
خلت الشعري الحنه ولفيته
امي بس خلصت راحت الرند
وبابا طلع بقيت وحدي بلبيت
فتحت التليفون
شفت الرسايل الي دازهن فراس
فراس...ليش ماتردبن راح اجي الببتكم
بعدين من اجا بليل وماطلعت علي
فراس...ليش ما طلعتي مو كلت اسف
باعي حتلو تبقين زعلانه مال تزوجين امجد كطنه وشلعيه من اذانج فهمتي لولا
لو يبقى اخر واحد بلكون ماتزوجي
يمكن عجبج استاذ امجد اكيد عجبج
لو ما عاجبج ما ازعلين هيج عليه
جمانه السعيدي
ذهب..مارديت علي كاعد يخلبص بلحجي
على اساس مايعرف نفسه غلطان يريد يذب الصوج بيه
دخلت سبحت غسلت الحنه من شعري وضفرته كصيبه
جاي احضر بلعشى
رن التليفون باوعت امي
ذهب...هلو امي يمته تجين
امي.. اختج تطلك تعاي انتي وابوج للمستشفى راح ناخذه اني وفراس
ذهب...سديت التليفون ورحت على بابا كاعد يصلي
ذهب...بابا رند تطلك اخذوها للمستشفى ماما وفراس
راح ابدل بس تخلص صلا نروح وراها
رحت بدلت ملابسي لبست بنطرون واشيرت وحذاء رباضي اني توني ضفرت شعري
خليت عطر حتى ربحة الحنه اضيع
بابا خلص صلا بدل ملابسه وطلعنا اني وياا
أجرنا سياره ورحنا للمستشفى كبل
وصلنا لكيناها داخله صالة الولاده وامي وفراس واكفين بلباب ثنيينهم سلمنا عليهم
ذهب...هاا شنو الاخبار
امي.. اي عدها ولاده سوده عليه من الصبح كالت عندي وجع
ذهب.. خير انشاء الله
فراس واكف وقلق على رند وكل شويه تصير عينه عليه
ساعه كامله وبعدها ما جايبه لان بجر وتعيط خايفه كلش
ساعه ونص طلعت الممرضه مبروك جابت ولد
طبعا احنا نعرف هي حامل بولد لان بين بلسونار
امي...شلونها رند
الممرضه ...زينه هسه شويه ونطلعها
امي...خير انشاء الله
شويه رجعت طلعت الممرضه شايله الطفل بايدها
ووين ابو نريد منه حلاوه
طلع ٢٥ فراس انطاها واخذ ابنه بحضنه
امي دخلت جوا حتى تشوف رند وابوي كعد بلاستراحه
لان جان واكف وقلق على رند
فراس...جاب الولد واجاني
شوفي شلون حلو يشبه خالته
خلا بحضني
ذهب....صلاوت اللهم صلى على محمد وآل محمد
ماشاء الله
فراس.. انتي سمي
ذهب...رفعت عيني اجت بعينه جان حيل قريب عليه ارتبكت دنكت
ذهب...انت ابو انت سمي
فراس...لا انتي سمي
ذهب....أمير نسمي امير
فراس...هاي هي امير
ذهب...الله يحفضه
فراس...سامحتيني
ذهب...مو وكت هذا الحجي خل نطمن على رند بلاول
اجيت امش خله ايدا كدامي
فراس....لا كولي سامحتيني حتى ارتاح
ذهب...انت اخوي ومستحيل ازعل منك
فراس...اخوج اي اخوج
