رواية اليتيمه كامله جميع الفصول بقلم فاطمه الدليم
#اليتيمةة
قصه واقعيةة
الكاتبه فاطمه الدليمي
البارت الاول🦋🩵
ان فاطمه من اهالي بغداد حاليا عمري23سنه
توفه والدي واني بعمر سنتين وبعده كملت مسيرة
الحياة كبرت برجال امي ربتني وتعبت عليه
والصراحه مااشوف بعد مثله ام تجي بحنيته
من كلشي من حب وخوف وحرص وتهتم بيه
اكثر من اخوتي جانو يغارون مني ويضلون
يضربون بيه بحجة شقه بس همه مو شقه
كانو متقصدين هيج يسوون دخلت مدرسه
وجنت كلش شاطره ونظفيه وهادئه ست
هدى كلش جانت تحبني ودائما تشرحلنه
ع بر الوالدين وكيف بعد الكبر نجازي تعبهم
المهم اني وصلت للمتوسطه جنت كله اوائل
وشهادات تقديريه لحد مااجه يوم بشع وهوا
انو امي وكعت تمرضت فجأة وجانت اختي
توديهه للطبيب لحد مااجت وكالت امي
عابره جلطه وانتبهو عليه من موقف او شي ثاني
المهم صار العشه تعشينه كملنه نمت اني جان
عندي امتحانات الصف الثاني متوسط
وجان صادف يوم الاحد اول امتحان الي
وفجأة ساعه 5الفجر اسمع صوت عالي كلش
ركضت من فراشي رحت اشوف اخواتي وعمتي
واخواني يم مامه ودكتور جيرانه يمهه ضليت
مصدومه اول مره بحياتي اصادف هيج موقف
لحد ما الدكتور كال ودوهه المستشفى بأسرع وقت
ودهه المستشفى كالو عده جلطه هل مره الجلطه
اسم الله عليكم بالدماغ اني مااخذوني المستشفى
بس ضليت ابجي ويادوب اخوي توسل بيه.ورحت
للامتحان بس مااكدر اكتب اخاف اكتب وامسح
لحد ماكملت كتابه وطلعت اركض اجت المديره
تصير جيرانه كالت اني اوديج هسه ودتني للبيت
بدلت وطلعت جان اختي وزوجهه يريد يرحون
اخذوني وياهم وطبيت والكه الكل هناك بس
امي مخليه بالعنايه المركزه وهذا الي يبجي
وهذا الي يدعي انو امي تصير زينه واني
مجنت اعرف شنو الي راح يصير
وبعده حجه وياي اخوي روحي للبيت
حضري للامتحان وجاوبي ولتخافين
امي مابيه شي وصدك رجعت للبيت ساعه8
باليل وكعدت احضر للامتحان ورحت كملت
لحد اخر يوم امتحان عندي كملت وكبل رحت
المستشفى طبيت عليه للعناية اني وخالتي
وخالتي تحجي ويه امي تكلله هاي بنتج
حبيبتج واني واكفه لازمه ايده وابجي
واريده بس تحجي وياي لحد مااجت
الممرضه كالت طلعوو خلص وقت الزيارة
ورجعت للبيت متحطمه اريد امي بس مااعرف
المن اشكي وراه كامت تجيني افكار انو امي اذا
ماتت منو الي وراه اكول استغفر الله اكو وحده
هيج تفكر واخر ايام ابد عيوني ماتغفه افكر
لحد ماصارت ساعه ب10كله اجت للبيت تركض
وكالو امي ماتت. هناا فقدت كلشي اخذت حيلي
كله تعبت وصارت الفاتحه امي جابوهه للبيت
واني اكلله مو كلتي مااعوفج ليش عفتيني
انتي ماتحبيني ورحتي لان بوقته جان عمري 15سنه مااعرف شنو الموت وخلصت الفاتحه
وامي ماكو ضلت اختي داريني وتسوي الي
اريده بس اني ابد مااقتنع اريد امي وخلصت
السبعه وراه مشت الايام عادية هنا عرفت الميت
بعد مايرجع واجت الاربعين مال امي وهناا اني
صدك طلعت شكو بداخلي بجيت بحركه كومي
وياي تعبت اريدج وراه صوتي اختفه رجعت للبيت
مااكدر احجي و3ايام ورجع صوتي بس هنا اني
صرت جني عود شخاط من الضعف...
