رواية عشقي الابدي الفصل الثاني عشر بقلم سلمي عبد الجليل
احمد: اقعد ي فهد
فهد: لا ي ابوحميد عشان الشر.. وقاطعه صوت رن فونه وكان اسد
اسد: السلام عليكم
فهد: وعليكم السللم ورحمه الله وبركاته فيه ايه ي ابني مش لسه سايبك
اسذ: م هو انا رنيت عليك عشان اقولك اننا مش هنرجع الشركه انهارده انتو هتيجيوا تقعدوا معانا هنا
فهد: مش كنا معاكوا ي ابني امبارح
اسد: دا طلب فاطمه عشان جابت امتياز ي سيدي
فهد: طب خلااص هقول لعمي استنى ووجه كلامه لاحمد وقال: ابوحميد اسد بيقول ان فاطمه عايزانا نروح هناك بما انها جابت امتياز هي كمان واهي تبقي خروجه بالنسبه لشهد هي كمان
احمد: ماشي ي ابني ايه رايك ي شوشو
شهد بفرحه: موافقه طبعااا
احمد: خلااص قول لاسد اننا هنروح ان شاءلله
فهد: ماشي ورجع كلم اسد وقال: موافقين
اسد: اشطاا يلا البسوا وتعالو
فهد: ماشي مع السلامه
اسد: شهد عامله ايه مكانتش كويسه امبارح
فهد: الحمدلله نتكلم لما اجي
اسد: ماشي ي حبيبي مع السلامه وقفل
فهد: يلا اجهزوا عشان هنروح دلوقتي
شهد: اشطاا سلام عما البس بقاا وطلعت تجري ع السلم وراحت اوضتها وسلوي راحت اوضتها هي كمان تلبس
احمد: خايف فرحتنا تتحول لحزن لما تعرف ي فهد
فهد: متقلقش ي عمي كل حاجه هتبقي تمام صدقني وزي م قولتلك اني هقولهاا ومتخافش
احمد: ربنا يقدم الي فيه الخير ي ابني يلا عشان تلحق تغير انت كمان
فهد: ماشي
وطلع هو كمان اوضته
ف اوضه شهد...
شهد: ي تري البس ايه البس الدريس الي انا وفاطمه جايبينه زي بعض اه اكلمهاا بقا اقولها هي كمان تلبسه ورنت ع فاطمه
فاطمه: السلام عليكم
شهد: وعليكم السلام ورحمة الله وبركاته بقولك البسي الدريس اشتريناه زي بعض
فاطمه: كنت لسه هكلمك واقولك تلبسيه
شهد: طب الحمدلله يلا بقا عشان الحق البس
فاطمه: ماشي ي حبيبتي مع السلامه
وقفلت معاها ولبست دريس كان لونه (مينت) ف اوف وايت ولبست عليه الخمار المينت بتاعه وكوتشي ابيض ونزلت
ف اوضه فهد.....
ابعتلها رساله ولا لاا بلااش احسن عشان متدايقش هتلبس ايه ي استاذ فهد انت كماان اااه اكيد هي هتلبس الدريس المينت الي اشترته هي و فاطمه لانها كانت بتقول هتلبسه يوم الشهاده بتاعتها اشطاا وطلع التيشرت كان لونه قريب جدا من لون الدريس بتاع شهد ولبس البنطلون و سرح شعره وحط برفانه الي بيخليه ليه سحر خاص بيه ونزل هو كمان
ف الاسفل...
احمد: ايه دا انتو متفقين ولا ايه ايه الماتشينج الحلو دا
شهد: دي صدفه اكيد لان انا متفقه انا وفاطمه اننا هنلبس الدريس دا يوم الشهاده بتاعنا انما هو جت صدفه وقالت ف سرها: واحلي صدفه
سلوي: ما شاءلله ي حبيبتي قمر عليكي
شهد: تسلميلي ي حبيبتي يلا بقا عشان منتاخرش
احمد: الي يشوفك كدا يقول مكنتوش مع بعض امبارح
شهد: مش صاحبتي بقا وبعدين انهارده يوم مش عادي انهارده يوم شهادتي وكمان جايبه امتياز
احمد: عقبال بقيت السنين ي حبيبتي ف تفوق
شهد: يارب ي حبيبي يلا بقا
احمد: يلا وخرجوا وركبوا عربيه احمد وفهد ساق واحمد قعد جنبه وسلوي وشهد ورا
شهد سرحت: يا تري هو كان عارف اني هلبس الدريس دا عشان كدا لبسه هو كمان لا ي شهد وهو هيعرف منين ي غبيه وبعدين هو لسه شاري التيشرت دا اكيد لبسه عشان هو جديد طب مش يمكن يكون قاصد قاصد ايه انتي كمان دا بيحب قمر وخلااص هيتجوزهاا وعلت صوتها وقالت: يوووه خلااص بقا
فهد وقف بالعربيه وكلهم بصولها باستغراب
احمد: هو ايه الي خلااص
شهد استوعبت الي حصل وقالت بكذب: هاا للا مفيش اصل الكوتش عشان جديد وجعلي رجلي مش اكتر ف زهقت
سلوي: طب م تقلعيه ي حبيبتي
شهد: لا م احنا خلااص قربناا
كل دا وفهد ساكت
احمد: يلا ي فهد البت شكلها اتهبلت ناقص تتشاكل مع الشراب الي تحت الكوتش كمان
فهد ضحك وساق ووصلوا لڤيلا حسن ونزلوا م العربيه
فهد راح جنب شهد شويه ووطي صوته وقال: بعد كدا لما تسرحي وتزهقي من سرحانك متتكلميش بصوت عالي وسابها ومشي
شهد ف سرها: الله يخربيتك هو عرف منين ولا انا كان شكلي مكشوف اوي وانا بكذب
فهد: لا انا فاهمك لكن كذبك هما صدقوه
شهد حطت ايديها ع فمها بصدمه ومشت وهي متنحه وهو كان بيضحك علي منظرها ايوه هو فاهمها فاهم كل حركاتها حتي بيبقي عارف بتفكر ازاي انه الحب ي ساده بيخليك تفهم كل حاجه عن حبيبك حتي لو كانت حاجه بسيطه جداا
ودخلوا وشهد سلمت عليهم كلهم وراحت عند فاطمه وحضنتها جامد وباركوا لبعض وقعدوا هي وفاطمه وليلي مع بعض
ليلي: شهد انتي فيكي حاجه مش عارفه ايه هي مصدومه او مخضوضه فيه ايه
فاطمه: ايوه انا حاسه بكده بردو
شهد لسه هتتكلم لقوا الباب بيخبط ودخلت علااا
شهد: لولي وجرت عليها حضنتها وعلا باركتلها
شهد: ايه دا بس فاطمه مقالتش
فاطمه: قولت نخليها مفاجأه بقاا يلا اقعدي كملي
علا: تكمل ايه
فاطمه: احنا قعدنا وبعدين حسينا ان هي فيها حاجه مخضوضه او سرحانه وكدا ف عايزين نعرف
علا: اشطاا يلا قولي يشهد
شهد: بصوا انا نزلت م الاوضه بتاعتي ب الدريس لقيت فهد لابس تيشرت لونه قريب منه قولت عادي ركبنا العربيه وحكتلهم الي حصل من اول م ركبت العربيه لحد م دخلوا الڤيلا
كلهم تنحوا وفضلوا ساكتين
شهد: هو انا بقولكوا عشان تتنحوا
فاطمه: اصل الي بتقوليه ميتصدقش ي بنتي
ليلي: اه والله طب هو ازاي عرف انك سرحتي
علا: وعرف ازاي انها اصلاا كانت بتفكر ان كذبتها اتقفشت
شهد: مش عارفه بس ممكن يكون صدفه بالنسبة للتيشرت ف لسه شاريه من يومين واكيد لبسه عشان كدا اما بالنسبه للي حصل بعد كدا ف دايما فهد بيبقي فاهمني بس عمرها م وصلت للدرجه دي بقولكوا ايه سيبكوا منه
فاطمه: اه نسيت اقولكوا عمرو جاي
علا: سيدي ي سيدي
فاطمه: دا انتي رخمه ع فكره انا قولت لاسد انه يعزمكوا ويعزم عمو احمد معرفش ايه الي خلاه يعزم عمرو
شهد: يمكن قرا افكارك انتي كمااان
ليلي: لا هو دلوقتي عمرو بقا يعتبر م العيله ويمكن بعد كدا يبقي فرد اساسي منها وغمزت لفاطمه
فاطمه: اتهدي ي ليلي احسنلك
ليلي: هو انا قولت حاجه
علا:بس خلااص. يلا نقعد ف الجنينه
كلهم: يلااا
ونزلوا تحت
عند اسد والشباب
اسد: يخربيتك دي زمانها اتهبلت
فهد: لا عادي اصل انا فاهمها اوي وبعدين انا كنت مراقبها من مرايه العربيه اما ف المره التانيه هي صوتها كان عالي شويه وسهل عليا ازي اسمعه وهي حالا هتلاقيها مفكره اني معايا عفاريت
عمرو: من حقها بردو دا انا لما سمعت الحوار اتصدمت مابالك هي واديك كمان فهمتنا الي حصل هي زمانها يعيني اتهبلت
يوسف: بقولكوا ايه قوموا نلعب اي حاجه بقولكوا ايه تعالو نلعب بوكس
اسد: اشطااا يلااا
عمرو: انا انسحب
فهد: خد ي جبان تعالي هنلعب يلا
اسد: يلا هنلعب حجره ورقه مقص وكل واحد يشوف هيبقا مع مين
ولعبوا وطلع فهد مع يوسف واسد مع عمرو
عمرو: كدا ظلم وبعدين اسد ايده تقيله
اسد بسخريه: هبقي اخففها ويلا بقا عشان نقولهم
يوسف: يلا
وراحوا ندهو عليهم وجم هما وحسن واحمد وسلوي وصفاء وفيروز
احمد: ملقتوش غير اللعبه دي
فهد: متقلقش ي ابوحميد احنا لابسين الخوذه اهو عشان وشنا ميتدمرش انما جسمنا بقاا ربناا معااه
حسن: وليه يعني
يوسف: عادي طقت ف دماغنا بقا يلا مين هيشجعني
علا وفيروز الكبيره والصغيره رفعوا ايديهم يوسف بعتلهم بوسه ف الهوا
واسد قال: مين هيشجعني
ليلي وصفاء وفاطمه رفعوا ايديهم
وفهد قال مين هيشجعني شهد وسلوي رفعوا ايديهم
وعمرو: اشجع نفسي بقااا
احمد: اومال انا روحنا فين انا وحسن هنشجعك
عمرو راح حضن احمد وقال جنب ودنه: يارب كان بابا يبقي زيك كدا ي ابوحميد
احند: هو اكيد بيحبك ي حبيبي بس انت عارف ظروف شغله ومش بيفضي ي حبيبي وبالنسبه لخطوبتك والمشكله الي حصلت ف دا نصيب واكيد ابوك بيحبك ي حبيبي
عمرو: يارب يكون كدا يلا اروح العب بقاا ادعيلي اصل اسد ايديه خفيفه اوي
حسن: لا متقلقش يدوبك كسر كام ضلع بس وضحك
عمرو: الله يبشرك بالخير وراح يلعب
وكانت المباراه جميله جدا وممتعه وخاليه جدا من الاصابات بضحك عليكوا طبعاا وها نحن نسمع صوت صريخ عمرو
عمرو: اه سيبني يلااا سيبني اه ي ضهري منك لله
اسد: معلش ي بيضه كدا انا بردو الي كسبت هارد لاك ي بيبي
عمرو: منك لله ي اخي هتعالج شهر بسببك
اسد: تعيش وتاخد غيرها يلا نقعد نتفرج ع چو وفهد عشان الي هيخلص هينافسني
عمرو: يارب م حد يكسب فيهم صدق الي سماك اسد
اسد: انت مفكرهم نايتي زيك
عمرو ف سره: بقا انا نايتي ان م وريتك ي اسد مبقاش عمرو
وقعد يتفرج ع فهد ويوسف ويوسف هو الي خسر وشهد طلعت لسانهاا ل علاا واسد قام عشان ينافس فهد وف اللحظه دي عمرو قال انه رايح يجيب كريم عشان ظهره وراح جاب حشرات وحطها ف علبه ورجع تاني قعد مكانه والعلبه ف ايديه وقالهم الي هيكسب هياخد الهديه دي وكله متشوق يشوف ايه الي ف العلبه ولانه عارف ان اسد الي هيكسب نفذ مخطته وراح قدم لاسد العلبه وساعه م شافها اتسرع ورماها ع الارض وطلع يجري ويهرش ف جسمه كله لانه عنده فوبيا م الحشرات وعمرو صوره وهو بيفتحهاا وقعد يضحك وافتخر انه مخطته نجح حسن نده ع الجنايني ينضف مكان الحشرات ويموتهم بالمبيد وينضف الدنياا وهما دخلوا جوه و هما ميتين ضحك
ف الڤيلاا......
فهد: ليلتك سوده انت عارف انه عنده فوبيا
عمرو: عشان يبقي يقل مني كويس وانا اصلا صورته ان عمل حاجه هنشر الفيديو ع جميع المواقع تحت عنوان"شاهد قبل الحذف رجل الاعمال المشهور اسد الدمرداش يخاف من الحشرات " ويشوف ايه الي هيحصله دا هتبقي فضيحته بجلاجل
يوسف: ربنا يستر لو مسكك دلوقتي وربنا م هيسيبك الا وانت ميت احمد ربنا انه طلع ياخد دش
عمرو: ولا هيقدر يعمل حااج.... ولسه هيكمل لقي اسد ماسكه من قفاه زي الحراميه
اسد: بقا انا يلااا يتعمل فياا كدا وربنا م هرحمك
عمرو: مش هتقدر الفيديو بتاعك وانت بتجري من الحشراات هتلاقيه مالي المواقع كلهاا
اسد: بتهددني ي زفت
عمرو: تقدر تقول كدا
اسد: وانا مبتهددش تعالالي ي عسلل ومسكه ضربه وبعدين سابه
عمرو: اه ي مفتري ضهري اه ياني ي امااا
اسد: عشان تتحداني كويس
عمرو: منك لله انت حاطت ف ايدك دي ظلط
كلهم ضحكوا وحسن قال: يلا ي ابني قوم ادخل الحماام هنا اهو وشاور عليه اغسل وشك عما اجيب الكريم وتدهن ضهرك
عمرو: ماشي ي عمي
وراح الحمام غسل واسد طلع جاب الكريم بتاع الكدمات ودهنله جسمه
عمرو: تقتل القتيل وتمشي ف جنازته
اسد: اوعي تكون زعلت انت عارف اننا كنا بنلعب
عمرو: انا ازعل من اي حد الا انتو دا انتو اهلي اساسا
اسد: حبيبي ي عموور يلا قوم بقا عشان الغدا جهز
عمرو: يلا
وطلعوا م الاوضه ونزلوا للي تحت
احمد بصوت واطي: هنحط الدوا ازاي ف العصير
فهد: متقلقش اسد عارف كل حاجه هخليه هو الي يحطه متقلقش
احمد: ماشي يحبيبي
اسد: بتقولوا اسرار ولا ايه
فهد: لاا طبعا بقولك عايزك وخدوا وراحوا ع جنب واداله البرشام الي بيحطوه ف العصير وانه يعمل كوبايه مختلفه لشهد عشان متتلخبطش معي الباقيين اسد خدها ودخل عند مامته
صفاء: ايه الي جابك هنا ي حبيبي
اسد: كنت هقولك تطلعي تجيبي سوسو وطنط فيروز وتقفوا مع بعض ف المطبخ بدل م هما لوحدهم
صفاء ماشي ي حبيبي يلا انا هاخد العصير واطلع اندهلهم اهو
اسد: لا سيبي العصير وانا هطلعه وانتي اطلعي وانا وراكي
صفاء: ماشي ي حبيبي وطلعت وهو حط العلاج ف الكوبايه بتاع العصير وشاله وطلع وراح ع شهد واداها الكوبايه الي حط فيها الحبايه وقدم للباقيين الكوبايات وقعدوا شويه والاكل جهز وحطوه ع السفره وقعدوا يتغدوا
بعد الغدا...
المغرب اذن والرجاله راحوا صلوا ف المسجد والبنات ف البيت والرجاله فضلوا بره لحد م العشا اذنت وصلوا وبعد كدا رجعوا معاهم تسالي لب وسوداني و شوكولاتات وفسدق وبندق وكاجو وچيلي وجهزوا القعده ف الجنينه والبنات خدوا الحلويات والتسالي الي هما جايبينها وحطوها ف الاطباق وطلعور لعبوا كوتشينه وبنك الحظ و صراحه وقضوا اليوم بهدوء وبعدين كل واحد رجع بيته
ــــــــــــــــــــــــــــــــــــــــــــــــــــــــــــــــــــــــــــــــــــــ
ف البيت عند شهد..
روحت خدت دش واتوضت وصلت القيام وقرات قران والفجر اذن صلت وقبل م تنام جالها رساله "هانت ي قلبي كلها ايام وتكون لياا ي قلبي"
ايه دا هو عبيط دا ولا ايه لا اكيد دا مش العاشق الولهان بتاع كل مره اكيد دا حد تاني وقرب يتجوز وانا مالي هو ولا مش هو اما اناام بقاا
عند فهدد..
قعد يفتكر كل التفاصيل الي حصلت انهارده ويفتكر ضحك شهد وهزارها وكلامها وبعدها قام صلي القيام وقرا قران وصلي الفجر وبعتلها رساله ونام
ــــــــــــــــــــــــــــــــــــــــــــــــــــــــــــــــــــــــــــــــــــــ
تاني يوم...
شهد صحت الساعه 11 لقت العصير جنبها وجنبه رساله مكتوبه ف ورقه محتوي الرساله"طبعا اانتي عارفه اني عندي شغل انهارده ف مش هعرف اديهالك بنفسي ف عشان كدا سيبتها جنبك ي حبيبتي اشربيها بالف هنا "
ي حبيبي ي بابا دايما واخد بالك مني حتي وانت مش موجود قامت غسلت وشها وصلت الضحي وشربت العصير ونزلت فطرت مع مامتها
سلوي: اول مره نفطر من غير فهد واحمد
شهد: ظروف شغلهم بقاا كدا ربنا معاهم
سلوي: يارب
وفضلوا قاعدين مع بعض لحد م الظهر اذن وصلوا وشهد كلمت علا وليلي وفاطمه فيديو كول جماعي لحد م العصر اذن وصلت ونزلت ساعدت مامتها شويه ف المطبخ لحد م المغرب اذن وصلوا وف الوقت دا كان فهد واحمد وصلوا البيت
فهد: سووووسوووو ي شهددددد
شهد: ايه ي ابني وداني اتخرمتت
فهد: الحق عليا كنت عايز افرحكوا واقولكوا اني جبت امتيااااااااز
سلوي: بجد ي حبيبي
فهد: بجد ي قلب حبيبك وحضنته وباركتله واحمد حضنه وباركله
شهد: الف مبرووك ي فهوود حققت حلمك وجبت امتياز وهتبقي معيد ان شاءلله
فهد: ايوه الحمدلله لسه حلمي التاني وهو اني اعترفلها بحبي وخلااص هانت
شهد بحزن: ربنا يحققلك الي ف بالك يلا عشان ناكل
احمد: يلا ودخل غير هدومه و فهد طلع غير هو كمان واحمد دخل جاب العصير لشهد وحط فيه العلاج وجابه
احمد: معرفتش ادهولك بنفسي الصبح
شهد: كفايه اهتمامك بيا ي حبيبي
احمد: وانا ههتم بمين غير بأميرتي
سلوي بغيره مصطنعه: تهتم بياا هو انت كل حاجه شهد شهد
فهد: ولو هو اهتم بيكي انا ههتم بمين ي حبيبتي
احمد: كل واحد له حب ف قلبي خااص بيه ولكل واحد شكل ف تعبيري عن حبي ليه
شهد: الله ي ابوحميد بقيت بتقول حكم والله وضحكوا وكملوا اكل والعشا اذنت واحمد وفهد راحوا صلوا ف المسجد وشهد وسلوي صلوا ف البيت احمد وفهد رجعوا وقعدوا ف الجنينه وشهد وسلوي طلعوا قعدوا معاهم وهما جايبين التسالي
سلوي: بتكتب ايه ي فهد
فهد: بكتب الكلام الي هقوله ف حفله التخرج
شهد: كتبت ايه بقاا
فهد: لا دي هتبقي مفاجاه بلاش احرقهاا
شهد: قولهالي وهعمل نفسي متفاجاه
احمد: ي حبيبتي مينفعش دا كلها اسبوعين وحفله التخرج تتعمل وهتعرفي المكتوب
شهد: ماشي يلا كلواا ولا انا جايبه التسالي دي ليا لوحدي
فهد: لا طبعاا وانا ابقي اكتب بعدين وقعدوا يلعبوا كوتشينه وياكلوا التسالي الي هما جايبينها والساعه بقت 12 ودا معاد علاج شهد
احمد: انت الي هتعمل العصير انهارده عشان انت نجحت
فهد فهم قصد عمه فقال: عنيا طبعاا وراح يعمل العصير وحط العلاج ف كوبايه شهد وراح قدملهم العصير
(فهد واحمد لما الدكتور اداهم العلاج قسموه بينهم عشان الي مش موجود التاني يسد مكانه ودايما العلاج معاهم ف اي مكان)
شربوا العصير وراح كل واحد ع اوضته وفهد صلي القيام وقرا قران و قعد يكتب الكلام الي هيقوله ف حفله التخرج لانه هو كالعاده الاول ع الدفعه بتاعته و بيبقي له كلمه بعد م يتكرم فضل يكتب لحد م الفجر اذن صلي ونام
بينما عند شهد صلت القيام وقرات قران وجابت الالبوم الي فهد جابهولها ف عيد ميلادها وقعدت تتفرج ع الصور الي موجوده فيه وتعيط كل لحظه ف طفولتها كانت معااه وف الاخر واحده تيجي تاخده يلا دا نصيب من عند ربنااا فضلت تتفرج ع الالبوم لحد م الفجر اذن صلت وقرات وردها ونامت
عدا الاسبوعين بسلااام ع جميع ابطالنا احمد بيحط العلاج دايما لشهد ف العصير وهي حالتها كويسه نوعا ما وعمرو جاب امتياز هو كمان وفهد واسد الي مهتمين بالشركه وبقيت الشركات بتاعهم وسلوي الي حاسه ان جوزها مخبي عنها حاجه بخصوص شهد ومش عارفه ايه هي وعدت الايام وانهارده يوم التخرج
